ߗߊߘߌ߬ ߖߡߊ߬ߣߊ ߞߊ߲߬ ߡߐ߰ ߄߀ ߢߐ߲߬ ߠߋ߬ ߝߊ߰ ߘߊ߫ ߡߊ߲ߘߞߊߥߏ߫ ߞߊߘߌߢߐ߲߰ߘߐ ߘߏ߫ ߛߋ߲߭ߝߍ߬، ߕߍ߯ ߞߍ߫ ߘߊ߫ ߡߍ߲ ߠߎ߬ ߘߐ߫ ߏ߬ ߛߋ߲߭ߝߍ߬߸ ߏ߬ ߟߎ߬ ߓߘߊ߫ ߖߙߊ߬ߞߌ ߝߊ߰ߟߌ ߣߌ߫ ߜߊ߬ߛߌ߬ߟߌ ߟߎ߬ ߣߌ߫ ߖߋ߬ߣߌ߲߬ߠߌ߲ ߟߎ߬ ߣߌ߫…ߞߎߣߎ߲߬ ߞߎ߲߬ߠߊ߬ߝߎߟߋ߲ ߘߏ߫ ߟߋ߬ ߘߐ߫߸ ߡߊ߬ߝߌ߲߬ߓߊ߰ߕߐ ߟߎ߬ ߟߊ߫ ߟߊ߬ߝߛߊ߬ߟߌ߬ߟߊ ߟߎ߬ ߞߊ߬ ߞߎ߲߬ߠߊ߬ߛߌ߮ ߟߎ߬ ߡߊߝߌ߲߬ ߠߋ߬ ߞߏ߫ ߊ߬ߟߎ߬ ߓߘߊ߫ ߖߡߊ߬ߣߊ ߞߕߌߘߊ ߟߊߓߊ߯ߙߴߊ߬ߟߎ߫ ߖߍ߬ߘߍ ߟߊ߫ ߡߊ߬ߞߏ߬ߢߊ߬ ߞߊ߲ߡߊ߬، ߊ߬ߟߎ߫ ߞߵߊ߬ ߦߌ߬ߘߊ߬ ߟߋ߬ ߖߍ߬ߘߍ ߞߏ߫ ߞߎ߲߬ߠߊ߬ߛߌ߮ ߣߐ߬ ߦߋ߫ ߓߌߦߊ߲߫ ߡߙߊߟߊ ߟߎ߬ ߣߌ߫ ߛߣߍ߬ ߞߍ߬ߟߊ ߟߎ߬ ߟߊ߫ ߞߊߘߌߢߐ߲߯ߘߐ ߣߌ߲߬ ߘߐ߫.
ߏ߬ ߓߟߏߡߵߊ߬ߟߎ߬ ߓߘߴߊ߬ ߦߌ߬ߘߊ߬ ߞߏ߫ ߓߍ߯ ߦߴߊ߬ ߟߐ߬ ߊ߬ ߟߐ߬ ߦߌߟߊ ߖߐ߲߰ߛߊ߫ ߓߍ߲߭ ߣߌ߫ ߛߓߊ߬ߕߌ ߘߌ߫ ߘߏ߲߬ ߖߡߊ߬ߣߊ ߞߣߐ߫، ߡߊ߬ߝߌ߲߬ߓߊ߰ߕߐ ߟߎ߬ ߟߊߡߍ߬ߙߍ߲߬ ߞߙߎ ߢߍߡߐ߮ ߛߟߊߕߌ߯ ߜ߭ߊߣߏߖߌ߫ ߔߙߏߛߔߍߙߌ߬ ߟߊ߫ ߢߊߝߐߟߌ߫ ߘߐ߫ ߊ߬ ߞߏ ߞߊ߲߬߸ ߥߟߏߡߊߟߌ߫ ߛߌ߫ ߕߍ߫ ߣߌ߲߬ ߘߐ߫، ߡߌ߬ߣߊ߬ߟߌ߬ߓߊ߰ߕߐ ߟߎ߬ ߓߍ߯ ߓߘߊ߫ ߘߏ߲߬ ߥߛߎ ߟߊ߫߸ ߤߊߟߌ߬ ߡߍ߲ ߠߎ߬ ߡߌ߬ߣߊ߬ ߘߊ߫ ߣߌ߫ ߞߎߘߍ߫ ߁߅ ߢߐ߲߰ ߦߋ߫ ߏ߬ ߟߎ߫ ߡߌ߬ߣߊ߬ ߦߙߐ ߣߌ߫ ߞߊߘߌߢߐ߲߯ߘߐ ߞߍ߫ ߘߌߦߊ ߕߍ߫߸ ߊ߬ ߣߌ߫ ߘߋ߲ߡߌߛߍ߲ ߠߎ߬߸ ߏ߬ ߟߎ߬ ߡߍ߲ ߠߎ߬ ߟߊ߫ ߞߕߌ ߞߊ߫ ߞߊ߲߫ ߞߊ߬ ߞߍ߫ ߕߋߟߋ߲ߓߊ߯ߦߊ ߛߌߟߊ ߝߍ߬، ߦߏ߫ ߛߊ߬ߙߌ߬ߦߊ ߦߴߊ߬ ߟߊߢߌߣߌ߲߫ ߠߊ߫ ߢߊ߫ ߡߍ߲߸ ߊ߬ߟߎ߬ ߟߊ߫ ߤߊߞߍ ߡߍ߲ ߦߋ߫ ߕߊ߬ߟߌ ߞߍ߫ ߟߊ߫ ߛߌߞߊ߫ ߞߏ ߟߎ߬ ߟߊ߫، ߣߴߏ߬ ߦߋ߫ ߓߙߋߛ߳ߐ߲ߡߑߖ߭ ߘߋߛߊ߲ߖ߭
ߘߌ߫߸ ߏ߬ ߡߊ߫ ߟߊߓߊ߬ߕߏ߫.
ߡߐ߱ ߡߍ߲ ߠߎ߬ ߡߌ߬ߣߊ߬ ߘߊ߫ ߡߊ߲ߘߞߊߥߏ߫ ߣߴߊ߬ ߞߙߍ߬ߝߍ߬ ߘߎ߯ ߟߎ߬ ߟߊ߫߸ ߕߟߋ߬ ߛߋߦߌ߲߫ ߠߋ߬ ߞߍ߫ ߘߊ߫ ߏ߬ ߟߎ߬ ߟߊ߫ ߞߏ ߟߌ߬ߤߟߊ߬ߦߊ߬ ߟߐ߲ߣߍ߲߫ ߕߍ߫ ߡߐ߰ ߛߌ߫ ߓߟߏ߫، ߏ߬ ߟߎ߬ ߟߊߓߊ߲ ߞߍ߫ ߘߊ߫ ߟߋ߬ ߊ߬ߟߎ߬ ߓߟߏ߫ ߞߊ߬ ߏ߬ ߟߎ߬ ߟߊߕߊ߯ ߒߖߊߡߋ߫ ߟߊ߫ ߞߊ߬ ߕߴߊ߬ߟߎ߬ ߓߍ߯ ߞߍ߫ ߢߐ߲߯ ߞߊ߲߬ ߓߏ߲ ߘߏ߫ ߞߣߐ߫ ߦߋ߲߬߸ ߡߐ߰ ߛߊ߬ߓߊ߫ ߟߋ߬ ߛߊ߬ ߘߊ߫ ߦߋ߲߬، ߊ߬ߟߎ߬ ߓߐ ߦߋ߲߬ ߞߊ߬ ߕߊ߯ ߥߛߎ ߟߊ߫ ߝߣߊ߫ ߞߊ߬ ߡߐ߰ ߝߌߟߊ߫ ߟߋ߬ ߝߊ߰ ߘߊ߫ ߦߋ߲߬ ߝߣߊ߫ ߘߐ߫߸ ߊ߲ ߠߊ߫ ߞߎ߲߬ߠߊ߬ߝߎߟߋ߲߫ ߛߐ߬ߘߐ߲߬ߣߍ߲ ߠߎ߬ ߞߵߊ߬ ߦߌ߬ߘߊߞߊ߬ ߞߏ߫ ߓߍ߲߬ߞߊ߲߫ ߓߘߊ߫ ߛߐ߬ߘߐ߲߫ ߝߊ߲߭ ߝߌ߬ߟߊ߫ ߞߟߍ߬ߢߐ߲߯ߦߊ ߟߎ߬ ߞߐ ߘߐ߫، ߊ߲ ߘߌ߫ ߊߟߊ߫ ߕߊ߲߬ߘߏ߫ ߓߍ߲߬ߞߊ߲߫ ߏ߬ ߟߎ߫ ߛߐ߬ߘߐ߲ ߘߐ߫߸ ߓߊ߬ߙߌ߬߸ ߊ߲ߠߎ߬ ߦߴߊ߲߬ ߖߍ߬ߘߍ߫ ߢߌ߬ߣߌ߲߬ߞߊ߬ ߟߊ߫߸ ߊ߲ ߧߴߊ߲ ߞߊ߲߬ ߞߊ߬ ߡߐ߱ ߡߍ߲ ߠߎ߬ ߟߊߡߍ߬ߙߍ߲߬ ߣߴߊ߬ߟߎ߬ ߦߋ߫ ߥߛߎ ߟߊ߫ ߥߊ߯ߕߌ߫ ߣߌ߲߬ ߠߊ߫߸ ߏ߬ ߟߎ߬ ߟߊ߫ ߞߏ ߓߍߣߊ߬ ߞߍ߫ ߢߊ߫ ߢߌ߬ߡߊ߲߫ ߡߊ߬؟
ߊ߲ ߞߊ߫ ߢߌ߬ߣߊ߬ ߝߣߊ߫ ߘߋ߬ ߞߏ߫ ߡߐ߰ ߟߏ߯ߟߎ߫ ߡߍ߲ ߠߎ߬ ߛߊ߬ ߘߊ߫ ߞߏ ߣߌ߲߬ ߛߋ߲߭ߝߍ߬߸ ߏ߬ ߟߎ߬ ߟߊ߫ ߟߊ߬ߡߍ߬ߙߍ߲߬ߠߌ߲ߠߊ ߟߎ߬ ߟߊ߫ ߞߙߎ ߦߴߊ߬ ߟߊߢߌߣߌ߲߫ ߠߊ߫ ߟߋ߬ ߓߍ߯ ߦߴߊ߬ ߟߐ߬ ߊ߬ ߟߐ߬ ߦߙߐ ߟߊ߫ ߖߐ߲߰ߛߊ߫ ߓߍ߲߭ ߣߌ߫ ߛߓߊ߬ߕߌ ߘߌ߫ ߘߏ߲߬، ߏ߬ ߡߍ߲ ߣߊ߬ߝߊ ߞߊ߫ ߓߏ߲߬ ߗߊߘߌ߬ ߡߊ߬ ߕߋ߲߬ ߞߊ߬ ߕߊ߬ߡߌ߲߬ ߞߏ ߕߐ߭ ߓߍ߯ ߞߊ߲߬.
