ߝߊ߬ߙߊ߲߬ߛߌ߬ ߖߡߊߣߊ ߞߊ߲߬߸ ߛߊ߲ߡߊߞߎߟߎ߲߫ ߦߙߌߞߊ ߟߋ߬ ߞߢߊ߬ ߘߊ߫ ߖߊ߲ߠߌ߲߫ ߡߊ߬ ߕߊߙߑߞߊ߬ߖߌ߰ ߝߊ߬ߙߊ߲߬ߛߌ߬ ߛߊ߲ߡߊߘߊ߲ ߘߏ߫ ߟߊ߫؛ ߞߎߣߎ߲߬ ߛߊ߲ߡߊߞߎߟߎ߲߫ ߉߃߃ ߟߋ߬ ߞߊ߬ ߏ߬ ߜߟߍ߬ߦߊ߬ ߞߋߟߋ߲ ߡߊߛߐ߬ߘߐ߲߬، ߊ߬ ߘߏ߲߬ ߣߌ߲߬ ߞߟߐ߬ߟߐ ߞߊ߬ ߡߐ߰ ߥߊ߫ ߦߙߌߞߊ ߟߋ߬ ߓߌ߬ߟߊ߬ ߛߎ߬ߣߎ߲ ߘߐ߫ ߊ߬ߟߎ߬ ߡߊߞߍ߫ ߦߌߟߊ ߟߎ߬ ߘߐ߫؛ ߣߌ߲߬ ߛߊߓߎ ߞߍ߫ ߘߊ߫ ߛߊ߲ߡߊߞߎߟߎ߲߫ ߞߙߐ߬ߛߌ߬ߓߊ߮ ߟߎ߬ ߟߊ߫ ߝߎ߬ߙߎ߲߬ߞߎ߬ߟߌ ߟߋ߬ ߘߌ߫߸ ߊ߬ߟߎ ߡߍ߲ ߠߎ߬ ߘߐ߭ߘߏ߲߬ߣߍ߲߫ ߛߊ߲ߡߊߘߊ߲ ߞߏ ߟߎ߬ ߟߊ߫ ߞߊ߬ߣߌ߲߬، ߞߐ߲ߕߙߏߟߍߙ-ߊߟߋߦߍߙ ߟߊ߬ߝߛߊ߬ ߞߙߎ ߝߌߟߊߣߊ߲ ߣߌ߫ ߛߓߊߣߊ߲ ߠߋ߬ ߞߊ߬ ߞߏߢߊ ߣߌ߲߬ ߞߍ߫.
ߓߊߏ߬߸ ߟߊ߬ߞߊ߲߬ߘߊ߬ߟߌ ߝߊ߲߬ߝߘߊ ߘߏ߫ ߟߎ߫ ߟߋ߬ ߞߊ߫ ߞߊ߲߫ ߞߊ߬ ߓߌ߬ߟߊ߬ ߛߋ߲߬ߠߊ߫߸ ߊ߬ ߘߏ߲߬ ߊ߬ߟߎ ߓߍ߬ߣߍ߲߬ ߕߍ߫ ߏ߬ ߟߋ߬ ߡߊ߬߸ ߝߣߊ߫ ߊ߬ߟߎ߬ ߦߴߊ߬ ߝߍ߬ ߟߋ߬ ߞߊ߬ ߘߏ߫ ߝߙߵߊ߬ߟߎ߫ ߛߊ߬ߙߊ ߞߊ߲߬، ߏ߬ ߝߊ߲߬ߝߘߊ ߞߊ߫ ߞߊ߲߫ ߞߊ߬ ߞߍ߫ ߛߌߦߊߜߏߦߊ ߟߋ߬ ߘߌ߫߸ ߛߊ߲ߡߊߞߎߟߎ߲ ߞߙߐ߬ߛߟߌ߬ߓߊ߮ ߟߎ߬ ߟߊ߫ ߓߊ߯ߙߊ ߘߊߡߌߣߊ ߟߎ߬ ߟߋ߫ ߞߊ߲߬، ߊ߬ߟߎ߬ ߦߴߊ߬ ߦߌ߬ߘߊߞߊ߬ ߕߙߏ߬ߞߏ ߟߊ߫ ߞߵߊ߬ ߝߐ߫ ߞߏ߫ ߊ߬ߟߎ߬ ߓߘߊ߫ ߓߊ߯ߙߊ ߘߊߡߌ߬ߣߊ߬؛ ߝߣߊ߫ ߞߊ߬ ߕߙߏ߬ߞߏ߬ ߞߋߟߋ߲߫ ߓߌ߬ߟߴߊ߬ߟߎ߫ ߞߎ߲߬ ߠߊ߫ ߜߋ߬ߟߎ߲߬ߠߌ߲ ߓߟߏ߫ ߡߊ߬߸ ߏ߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߣߴߊ߬ߟߎ߬ ߦߴߊ߬ߟߎ߬ ߟߊ߫ ߓߊ߯ߙߊ ߞߊ߲߬ ߥߟߴߊ߬ߟߎ߬ ߕߴߊ߬ ߞߊ߲߬.
ߓߊߏ߬߸ ߂߀߂߂ ߞߏߟߌ߲ߞߏߟߌ߲߫ ߞߊߙߏ ߕߟߋ߬ ߃߁ߠߋ߬ ߟߊ߫߸ ߛߊ߲ߡߊߞߎߟߎ߲߫ ߞߊߛߙߊ ߘߏ߫ ߟߋ߬ ߞߍߕߐ߫ ߕߘߍ߬ ߦߋ߫ ߓߐ߬ߙߑߘߏ߫ ߛߊ߲ߡߊߘߊ߲ ߠߊ߫، ߞߵߊ߬ ߛߊߓߎ ߞߍ߫ ߛߊ߲ߡߊߞߎߟߎ߲ ߞߙߐ߬ߛߌ߬ߓߊ߮ ߟߎ߬ ߖߊ߬ߡߊ ߘߐ߯ߦߊ ߘߌ߫؛ ߛߍ߯ߛߍ߯ߟߌ ߟߎ߬ ߞߵߊ߬ ߦߌ߬ߘߊ߫ ߟߋ߬ ߏ߬ ߘߐ߫߸ ߕߎ߬ߡߊ ߏ߬ ߟߊ߫߸ ߣߌ߫ ߡߐ߰ ߁߀߀% ߟߋ߬ ߞߊ߫ ߞߊ߲߫ ߞߊ߬ ߞߙߐ߬ߛߟߌ߬ ߞߍ߫ ߛߊ߲ߡߊߞߎߟߎ߲ ߠߎ߬ ߘߐ߫߸ ߌ ߘߴߊ߬ ߦߋ߫ ߅߀% ߟߋ߬ ߦߋ߫ ߦߋ߲߬؛ ߊ߬ ߘߏ߲߬߸ ߕߎ߬ߡߊ ߘߏ߫ ߟߎ߫ ߟߊ߫߸ ߓߊ߯ߙߊ ߦߋ߫ ߛߌߦߊߦߊ߫ ߟߊ߫ ߟߋ߬ ߖߊ߬ߡߊ ߡߊ߬؛ ߝߴߏ߬ ߘߌ߫ ߞߍ߫ ߛߊߓߎ߫ ߘߌ߫߸ ߞߵߊ߬ߟߎ߬ ߟߊߢߌ߬ߣߊ߬ ߘߏ߫ ߟߎ߫ ߞߐ߫؛ ߏ߬ ߟߋ߬ ߓߘߊ߫ ߞߍ߫ ߕߙߎ߬ ߘߌ߫߸ ߞߊ߬ ߝߊ߲߬ߝߘߊ߬ ߞߎߘߊ߫ ߟߎ߫ ߟߋ߬ ߕߊ߬߸ ߊ߬ ߣߌ߫ ߞߊ߬ ߡߞߊ߬ߝߏ߬ߟߌ ߞߍ߫.
