ߖߋ߬ߟߌ߬ߓߊ߬ߘߎ߯ ߘߐ߬ߕߊߡߌ߲ ߞߊ߲ߕߌ߮ ߡߌ߬ߙߌ߲߬ߘߌ߬ߘߋ߲ ߠߎ߬ ߘߏ߲߬ ߘߊ߫ ߟߋ߬ ߝߊ߬ߛߏ߬ߜߙߊ ߟߊ߫ ߓߌ߬߸ ߡߍ߲ ߠߊ߫ ߘߛߏߣߍ߲ ߦߋ߫ (ߛߋ-ߛߋ߫-ߍߙ) ߘߌ߫߸ ߏ߬ ߞߍ߫ ߘߊ߫ ߖߊ߲߬ߖߏ߲ ߘߏ߫ ߟߋ߬ ߛߋ߲߭ߝߍ߬߸ ߡߍ߲ ߠߊߖߍ߲ߛߍ߲߫ ߘߊ߫ ߖߋ߬ߟߌ߬ߓߊ߬ߘߎ߯ ߖߌ߬ߦߊ߬ߞߊ߲߬ߛߏ߬ߓߊ ߟߊ߫߸ ߣߴߏ߬ ߦߋ߫ ߏߙ-ߕߋ߫-ߍߣ، ߘߌ߫؛ (ߛߋ-ߛߋ߫-ߍߙ) ߣߌ߲߬ ߓߌ߬ߟߊ߬ ߘߊ߫ ߝߊ߬ߛߏ߬ߜߙߊ߬ ߞߘߐ ߟߋ߬ ߣߐ߭ ߘߐ߫߸ ߏ߬ ߡߍ߲ ߕߋ߬ ߘߊ߫ ߂߀߂߄ ߞߊ߬ߙߌߝߐ ߟߊ߫߸ ߞߊ߬ߝߏ߬ߖߊߛߏ߲ ߞߐ ߘߐ߫، (ߛߋ-ߛߋ߫-ߍߙ) ߛߌ߰ߟߌ ߕߊ߬ߣߍ߲߫ ߕߘߍ߬ ߦߋ߫ ߘߐ߬ߕߊߡߌ߲ ߞߎ߲߬ߠߊ߬ߛߌ߰ߟߊ ߞߊ߲ߕߌ߮ ߜߘߋߕߌ߯ ߊߓߘߎߟߑߘߙߊߡߊߣ ߗߊߣߌ߲߫ ߓߟߏ߫ ߞߏ߲ߞߏߘߓߌ߫ ߕߊ߬ߡߌ߲߬ߣߍ߲ ߠߋ߬ ߟߊ߫.
ߞߊ߬ߦߌ߯ ߞߊ߬ߝߏ߬ߖߊߛߏ߲ ߞߍ߫ ߘߊ߫߸ ߊ߬ ߛߊ߲߬ ߝߌ߬ߟߊ߫ ߟߋ߬ ߕߋ߲߬ ߖߋ߬ߟߌ߬ߓߊ߬ߘߎ߯ ߘߐ߬ߕߊ߬ߡߌ߲ ߞߊ߲ߕߌ߮ ߛߋ߫ ߘߴߊ߬ ߟߊ߫ ߝߊ߬ߛߏ߬ߜߙߊ ߛߌ߰ ߟߊ߫ ߓߌ߬߸ ߥߛߊ߬ߘߋ߲ ߡߐ߰ ߁߉߄ ߠߋ߬ ߦߴߊ߬ ߓߟߏ߫، ߕߐ߯ ߟߊߛߎߘߎ߲ߧߊ߫ ߓߟߏߡߊ߬ (ߛߋ-ߛߋ߫-ߍߙ)، ߥߛߊ߬ߘߋ߲ ߏ߬ ߟߎ߫ ߦߋ߫ ߖߋ߬ߟߌ߬ߓߊ߬ߘߎ߯ ߡߙߊ߬ ߛߋߦߌ߲߫ ߠߋ߬ ߞߣߐ߫، ߊ߬ߟߎ߫ ߘߏ߲߬ ߦߋ߫ ߣߊ߲߬ߕߌ߮ ߟߎ߬ ߣߌ߫ ߡߌ߬ߙߌ߲߬ߘߌ߬ ߘߋ߲ ߠߎ߬ ߟߋ߬ ߘߌ߫߸ ߊ߬ ߘߏ߲߬ (ߛߋ-ߛߋ߫-ߍߙ) ߡߐ߱ ߡߍ߲߬ ߠߎ߬ ߦߋ߫ ߥߛߊ߬ߘߋ߲߬ߦߊ ߟߐ߬ߦߙߐ ߟߋ߬ ߟߊ߫߸ ߞߊ߬ ߝߙߊ߬ ߞߊ߲ߕߌ߮ ߟߊ߫ ߛߙߍߞߍߦߊ ߞߊ߲߬، ߥߛߊ߬ߘߋ߲߫ ߡߍ߲߬ ߠߎ߫ ߞߏ߬ߣߌ߲ ߟߊ߫ ߓߊ߯ߙߊ߫ ߢߍߛߌ߲ߕߐ߫ ߡߍ߲ ߡߊ߬ ߏ߬ ߟߋ߬ ߦߴߊ߬ߟߎ߬ ߡߙߌߦߊ ߘߌ߫ ߘߌ߫ ߖߡߊ߬ߣߊ ߟߐ߬ߟߌ߬ߞߏ ߞߊ߲߬.
ߊ߬ߟߎ߬ ߘߌ߫ ߛߋ߫ ߝߣߊ߫ ߞߊ߬ ߖߊ߬ߕߋ߬ߡߌߣߊ ߞߍ߫ ߘߐ߬ߕߊߡߌ߲ ߢߍߡߐ߮ ߢߍߡߌߘߊ߫ ߊߓߘߎߟߑߘߙߊߡߊߣ ߗߊߣߌ߲߫ ߖߍ߬ߘߍ ߝߍ߬، ߓߙߎߞߌߣߊ߫߸ ߡߊ߬ߟߌ߸ ߜ߭ߊߣߊ߬߸ ߊ߬ ߣߌ߫ ߗߊߘߌ߬ ߝߊ߬ߛߏ߬ߜߙߊ ߢߍߡߐ߮ ߟߎ߬ ߝߣߊ߫ ߞߊ߬ ߕߊ߬ߟߌ ߞߍ߫ ߟߋ߬ (ߛߋ-ߛߋ߫-ߍߙ) ߟߊ߫ ߝߊ߬ߛߏ߬ߜߙߊ߬ ߟߊߛߌ߮ ߘߐ߫، ߢߊߡߍ߫ ߖߋ߬ߟߌ߬ߓߊ߬ߘߎ߯ ߞߎߓߋ ߟߊ߫ ߞߊ߬ߣߌ߲߬߸ ߞߣߍ߫ ߣߌ߲߬ ߞߊ߲߬ ߦߊ߲߬߸ ߖߋ߬ߟߌ߬ߓߊ߬ߘߎ߯ ߞߐߞߊ߲ߞߏ ߞߏߕߌ߮ ߢߍߡߌߘߊ߫ ߡߊ߯ߡߊ߫ ߕߎ߲ߓߊ߫ ߞߎߡߊ߫ ߘߊ߫ ߖߋ߬ߟߌ߬ߓߊ߬ߘߎ߯ ߣߌ߫ ߊߋߛߌ߬ ߣߌ߫ ߖߡߊ߬ߣߊ߬ ߜߘߍ߫ ߟߎ߫ ߟߊ߬ߞߊ߲߬ߘߊ߬ߟߌ߬ߞߏ ߞߊ߲߬߸ ߊ߬ ߞߵߊ߬ ߟߊߢߌߣߌ߲߫ ߥߛߊ߬ߘߋ߲߬ ߞߎߘߊ ߢߌ߲߬ ߠߎ߫ ߝߍ߬߸ ߞߏ߫ ߊ߬ߟߎ߬ ߦߋ߫ ߓߊ߯ߙߊ߫ ߞߍ߫߸ ߡߍ߲ ߣߊ߬ߝߊ ߘߌ߫ ߛߋ߫ ߖߡߊ߬ߣߊ ߡߊ߬.
