ߊߟߎ߫ ߓߍ߯ ߟߊߘߍ߬ߣߍ߲ ߦߴߊ߬ ߞߊ߬ߟߊߡߊ߬߸ ߞߏ߫ ߞߊ߲ߓߍ߲ ߞߊ߲ߕߌ߮߸ ߡߊ߬ߓߏ߲߬ߧߊ߬ߕߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߝߏ߲߬ߖߏ߲ ߝߍ߬ ߜ߭ߙߍߛ߸ ߊ߬ ߞߊ߬ ߖߌ߬ߦߊ߬ߓߍ ߡߍ߲ ߠߊߖߍ߲ߛߍ߲߫߸ ߊ߬ ߟߊ߫ ߓߐ߬ߟߐ߲߬ߞߊ ߓߊ߲߬ߘߊ߬ߣߍ߲߫ ߠߋ߬ ߕߍ߬ߘߍ߫ ߦߋ߲߬ ߝߊߦߌߘߊ߫، ߒ߬ߓߊ߬߸ ߞߊ߲ߕߌ߮ ߣߐ߬ ߟߊ߬ߛߋ߬ߟߌ߫ ߟߋ߬ ߞߍ߫ ߟߊ߫ ߂߀߂߆ ߕߎߟߊߝߌ߲ ߕߋ߬ߟߋ߫ ߂ ߣߌ߲߬ ߡߊ߬߸ ߞߏ߫ ߊ߬ ߟߊ߫ ߓߐ߬ߟߐ߲߬ߞߊ߫ ߟߏߙߌߦߊߣ ߘߎ߲߬ߓߎ߬ߦߊ߬ ߓߘߴߊ߬ ߖߘߍ߬ߡߊߛߐ߬ߘߐ߲߬ ߘߋ߲ߡߛߏߣߍ߲߫ ߗߋ߲߰ߓߊ߫ ߟߊ߫.

ߊ߬ ߟߊ߫ ߟߊ߬ߛߋ߬ߟߌ ߣߌ߲߬ ߞߍ߫ ߘߴߊ߬ ߟߊ߫ ߝߍߛߑߓߎߞ ߖߊ߬ߕߋ߬ߘߊ ߟߊ߫߸ ߖߌ߬ߣߍ߫ ߞߊ߬ߝߏ߬ ߞߎ߲ߕߌ߮ ߞߵߊ߬ ߝߐ߫ ߞߏ߫ ߘߋ߲ ߛߐ߬ߘߐ߲߬ ߘߊ߫ ߛߎ ߟߋ߬ ߘߐ߫߸ ߛߐ߰ߡߊ߬ߘߊ ߂ߕߎߡߊ ߟߊ߫.

ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߵߊ߬ ߛߓߍ߫ ߏ߬ ߟߋ ߘߐ߫ ߞߏ߫: 

<<ߞߎߣߎ߲ߟߏ߲ ߣߌ߲߬ ߡߊ߬߸ ߂߀߂߆ ߕߎߟߊߝߌ߲ ߕߋ߬ߟߋ߫ ߂߸ߛߐ߰ߡߊ߬ߟߊ ߂ߕߎߡߊ ߟߊ߫߸ ߊ߲ ߠߊ߫ ߞߐߙߍ ߞߊ߬ ߤߙߍߓߊ߫ ߟߋ߬ ߛߐ߬ߘߐ߲߬߸ ߘߊ ߕߴߛߋ߫ ߡߍ߲ ߝߐ߫ ߟߊ߫߸ ߤߊߞߍߕߏ߫ ߊ߬ ߛߍߥߊ ߥߙߊ߬ߣߍ߲߬.>>

ߞߊ߲ߕߌ߮ ߓߊ߲߫ ߘߊ߫ ߞߵߊ߬ ߝߐ߫ ߏ߬ ߟߋ ߞߐ ߘߐ߫ ߥߛߊߞߙߊ߫߸ ߞߏ߫ ߘߋ߲߫ ߠߋ߬ ߛߐ߬ߘߐ߲߬ߣߍ߲߫߸ ߊ߬ ߦߋ߫ ߊߟߓߊ߫ ߞߘߐߕߊ߬ߣߍ߲ ߕߊ߲߬ߘߏ߬ ߟߴߏ߬ ߟߊ߫ ߞߏߛߓߍ߫.

ߊ߬ ߞߵߊ߬ ߝߐ߫ ߦߋ߲߬ ߠߋ߬ ߞߏ߫: <<ߊߟߊ߫ ߕߊ߲ߘߏ߫߸ ߒ ߠߊ߫ ߓߐ߬ߟߐ߲߬ߞߊ ߣߌ߫ ߒߠߋ ߓߍ߯ ߢߊ߯ߟߋ߲ߣߍ߲ ߠߋ߬ ߓߌ߬߸ ߞߏ߬ ߞߎ߲߭ ߞߍ߫ ߘߋ߲ߡߛߏ߫ ߦߙߐߕߐߕߐ ߘߏ߫ ߟߊߛߣߍߡߊ ߘߴߊ߲ ߓߟߏ߫.>>

ߞߊ߬ߝߏ߬ ߞߎ߲ߕߌ߮ ߟߊ߫ ߝߐߟߌ߫ ߘߐ߫߸ ߖߡߊ߬ߣߊ ߜߊ߬ߕߌ߰ ߝߟߐ ߓߊ߬߸ ߘߋ߲߫ ߞߎߘߊ ߓߊ߬߸ ߊ߬ߟߎ߬ ߓߍ߯ ߞߊ߫ ߞߍ߲ߘߍ߫ ߜߋߙߋ߲ߜߋߙߋ߲߫. ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߵߊ߬ ߟߊ߫ ߞߎߟߎ߲ߖߋߟߌ ߝߏ߬ߟߌ߬ ߓߟߏߕߍ߰ߓߊߟߌ ߟߊߛߋ߫ ߡߐ߰ ߟߎ߫ ߡߊ߬߸ ߡߍ߲ ߠߎ߬ ߞߵߊ߬ ߡߏ߬ߛߏ ߣߴߊ߬ ߘߋ߲ ߓߍ߯ ߘߍ߬ߡߍ߲߬.

ߊ߬ ߞߵߊ߬ ߝߙߊ߬ ߞߎߡߊ ߞߊ߲߬ ߏ߬ ߟߋ ߘߐ߫ߟ ߞߏ߫: <<ߊߟߊ߫ ߡߍ߲ ߦߋ߫ ߤߌߣߟߊ߫ ߓߟߋ߬ߓߟߋ ߘߌ߫߸ ߒ ߧߴߊ߬ ߕߊ߲߬ߘߏ߬ ߟߊ߫ ߤߙߍߓߊ ߢߌ߲߬ ߠߊ߫߸ ߒ ߧߋ߫ ߡߐ߰ ߟߎ߬ ߝߣߊ߫ ߞߎߟߎ߲ߖߋ߫ ߟߊ߫߸ ߗߍ߬ ߘߐ߫ ߡߛߏ߬ ߘߐ߫߸ ߡߍ߲ ߠߎ߬ ߞߵߊ߬ߟߎ߫ ߖߊ߲߬ߕߏ߫ ߊ߬ߟߎ߬ ߘߐ߫.>>

ߊ߬ߟߋ߬ ߟߊ߬ߛߋ߬ߟߌ߬ ߞߋߟߋ߲ ߘߐ߫߸ ߞߊ߲ߓߍ߲ ߞߊ߲ߕߌ߮ ߞߊ߬ ߖߌ߬ߣߍ߬ߞߊ ߟߎ߫ ߝߏ߬ ߊ߬ߟߎ߬ ߟߊ߫ ߘߎ߬ߥߊ߬ߥߎ߬ ߛߊߣߌ߲ ߠߎ߬ ߟߊ߫߸ ߊ߬ ߣߴߊ߬ߟߎ߬ ߡߙߌߦߊ ߟߊߕߊ߮ ߘߐ߫ ߊ߬ ߟߊ߫ ߘߋ߲ߓߦߊ ߡߊ߬ ߕߎ߬ߡߊ߬ ߓߍ߯.

ߒ߬ߓߊ߬߸ ߡߊ߬ߡߊ߬ߘߌ߬ ߘߎ߲ߓߎߦߊ߫ ߘߋ߲ ߠߎ߬ ߓߘߊ߫ ߡߊߞߊ߬ߝߏ߫ ߓߌ߬߸ ߞߵߊ߬ ߟߊ߫ ߘߋ߲ߓߦߊ ߘߐߦߙߌߥߊ߫ ߗߍ߭ ߟߎ߬ ߣߌ߫ ߡߏ߬ߛߏ ߟߎ߬ ߟߊ߫، ߊ߬ ߟߊ߫ ߞߎߡߊ ߟߊߓߊ߲ ߞߍ߫ ߘߊ߫ ߖߌ߬ߣߍ߬ߞߊ ߟߎ߫ ߟߋ߬ ߝߏ߭ ߘߌ߫߸ ߏ߬ ߟߎ߬ ߡߍ߲ ߠߎ߬ ߕߍ߫ ߢߌ߬ߣߊ߬ ߟߴߊ߬ ߞߐ߫ ߢߊ ߺ ߊ ߺ ߢߊ߫ ߡߊ߬.