ߝߘߊ߬ߝߌ߲߬ߘߋ߲߫ ߡߐ߰ ߂߅߀߸ ߏ߬ ߟߎ߫ ߟߋ߬ ߕߊ߯ߣߍ߲߫ ߦߙߐ߫ ߘߝߐ߬ߡߊ ߟߎ߬ ߣߌ߫ ߘߌ߯ߣߊ ߦߙߐ߫ ߞߟߏߡߊ ߟߎ߬ ߞߎ߲ߝߊ߲ߓߐ߫ ߞߊ߲ߡߊ߬، ߡߐ߰ ߦߙߌߞߊ ߡߍ߲ ߠߎ߬ ߞߏߝߐ߫ ߞߊ߲߫ ߏ߬ ߘߌ߫߸ ߊ߬ߟߎ߬ ߟߊ߫ ߞߎ߲ߝߊ߲ߓߐߟߌ ߖߐ߰ߣߍ ߛߙߊ߬ߣߍ߲߫ ߡߊ߲߬ߛߊ߬ߗߍ ߖߍ߬ߘߍ ߟߋ߬ ߓߟߏ߫، ߏ߬ ߦߋ߫ ߢߍߥߟߊ߫ ߟߋ߬ ߘߌ߫ ߡߞߊ߫ ߓߟߏ߫߸ ߊ߰ ߝߐ߫ ߟߊ߫ ߡߍ߲ ߢߍߥߟߊ ߡߊ߬ ߞߏ߫ ߡߌ߬ߛߙߌ߬ ߟߊߕߏߣߍ߲߫ ߝߌ߬ߟߊ ߞߣߐ߬ߜߍ߲߬ߓߊ߮ ߟߎ߬ ߟߊ߫ ߡߐ߰ ߡߊߞߟߌߣߍ߲ ߠߎ߬.
ߒ߬ߓߊ߬߸ ߞߊ߲ߠߊߘߌ߫ ߞߍߣߍ߲߫ ߡߐ߰ ߂߅߀ ߟߋ߬ ߡߊ߬߸ ߞߊ߬ ߝߘߊ߫ ߝߘߊ߬ߝߌ߲߬ ߖߡߊߣߊ߫ ߂߃ ߟߊ߫߸ ߊ߬ߟߎ߬ ߦߋ߫ ߕߊ߯ ߎ߯ߘߎ߫ ߛߋ߰ߘߎ߬ ߝߎߙߋ ߟߎ߬ ߟߊ߫ ߛߊ߬ߙߌ߬ߟߏ ߞߎ߲ߝߊ߲ߓߐ߫߸ ߊ߬ ߣߌ߫ ߤߎ߯ߘߎ߫ ߞߎ߬ߙߎ ߖߍ߬ߘߍ߸ ߞߵߏ߬ ߟߊ߫ ߞߎߓߊ߫ ߡߌ߬ߛߙߌ ߞߊ߲߬، ߊ߬ߟߎ߬ ߛߋ߫ ߘߊ߫ ߟߋ߬ ߞߋߟߊ ߟߊ߫ ߡߌ߬ߛߙߌ ߟߊ߫߸ ߊ߬ߟ ߙߊߥߑߘߊߟ ߛ߭ߊ߬ߙߌߝߊ߬߸ ߊ߬ ߣߌ߫ ߡߊ߲߬ߛߊ߬ ߝߤߊߘ ߟߊ߫ ߞߎ߬ߙߣߊ߬ ߜߌ߬ߙߌ߲߬ߘߌ߬ ߦߙߐ ߘߐ߫.
ߊ߬ߟߋ ߞߙߎ ߢߌ߲߬ ߠߎ߫ ߘߏ߲߬ ߘߊ߫ ߡߊ߬ߘߌ߬ߣߊ߫ ߕߎߟߊߝߌ߲ ߕߟߋ߬ ߁߭ ߟߋ߬ ߡߊ߬، ߡߊ߲߬ߛߊ߫ ߛߊ߬ߟߑߡߊ߯ߣ ߣߐ߬ ߡߍ߲ ߠߎ߬ ߡߊߞߟߌ߫ ߟߊ߫ ߣߌ߲߬߸ ߞߵߊ߬ ߟߐ߬ ߊ߬ߟߎ߬ ߟߊ߫ ߎߡߎߙߊ ߖߐ߰ߣߍ ߟߊ߫߸ ߊ߬ߟߎ߬ ߦߙߌߞߊ ߦߋ߫ ߡߐ߰ ߁߀߀߀ ߠߋ߬ ߘߌ߫߸ ߡߍ߲ ߠߎ߬ ߘߐߕߟߊߣߍ߲߫ ߞߵߊ߬ߟߎ߬ ߞߍ߫ ߞߙߎ߫ ߣߊ߯ߣߌ߲߫ ߖߊ߬ߕߋ߬ ߘߌ߫.
ߎߡߎߙߊ ߓߊ߲ ߞߐ ߘߐ߫߸ ߝߘߊ߬ߝߌ߲ ߢߌ߲߬ ߠߎ߫ ߞߵߊ߬ߟߎ߬ ߟߊ߫ ߛߍߥߊ ߦߌ߬ߘߊ߬߸ ߞߊ߬ ߕߊ߲߬ߘߏ߬ߟߌ ߟߊߛߋ߫ ߡߞߊ߫ ߡߊ߬߸ ߟߊ߬ߖߌ߰ߦߊ߬ߟߌ߬ ߞߏ߬ߢߌߡߊ ߟߊ߫.
ߊ߬ߟߎ߬ ߓߐߣߍ߲ ߞߐ ߡߍ߲ ߦߋ߫ ߡߊ߬ߘߌ߬ߣߊ߫ ߣߌ߲߬߸ ߊ߬ߟߎ߬ ߞߊ߫ ߞߊ߲߫ ߞߊ߬ ߥߊ߫ ߡߞߊ߫ ߟߋ߬ ߛߍߣߍ߲߬߸ ߞߊ߬ ߥߊ߫ ߎߡߎߙߊ ߕߐ߭ ߞߎ߲߭ߝߊ߰ ߦߋ߲߬߸ ߞߵߏ߬ ߞߍ߫ ߊ߬ ߞߏ ߓߊ߲ߣߍ߲ ߘߌ߫.
