ߡߊ߬ߛߎߓߊ ߟߋ߬ ߕߍ߰ߣߍ߲߫ ߞߡߋߙߎߣ ߖߡߊ߬ߣߊ ߞߊ߲߬߸ ߘߎߥߟߊ߫ ߄߲ ߡߊ߬ߙߊ ߛߏ ߡߍ߲ ߕߐ߯ ߞߏ߫ ߓߏߣߊߓߋߙߌ߫߸ ߊ߬ ߞߍ߫ ߘߊ߫ ߏ߬ ߞߌ߲߬ߘߊ ߒߞߑߥߟߋ߫ ߟߋ߬ ߟߊ߫، ߘߋ߲ߣߍ߲߫ ߝߌ߬ߟߊ߫ ߟߋ߬ ߥߟߌ߬ߣߍ߲߫ ߞߊ߬ ߥߊ߫ ߞߊ߬ߙߊ߲߬ߕߊ ߟߊ߫߸ ߗߍ߬ߡߊ߲߬ߣߍ߲߫ ߝߌ߬ߟߊ߬߸ ߝߟߐߡߊ ߦߋ߫ ߛߊ߲߬ ߁߀ ߖߊ߬ߕߋ߬߸ ߝߌߟߊߣߊ߲ ߦߋ߫ ߛߊ߲߬ ߥߐ߯ߙߐ߫، ߒ߬ߓߊ߬߸ ߏ߬ ߟߎ߫ ߝߌ߬ߟߊ ߟߋ߬ ߣߐ߬ ߛߊ߬ߦߊ ߡߊߛߐ߬ߘߐ߲߬ ߠߊ߫ ߞߎߣߎ߲߬ ߞߎߣߎ߲ߟߏ߲ ߡߊ߬߸ ߂߀߂߆ ߕߎߟߊߝߌ߲ ߕߟߋ߬ ߁߆ ߡߊ߬߸  ߛߊ߬ߦߊ ߞߍߢߊ ߟߎ߬ ߓߍ߯ ߞߋߟߋ߲߫߸ ߡߌ߬ߛߍ߲߬ ߘߊ߲ߘߐ߫ ߟߋ߬ ߘߏ߲߬ ߝߣߊ߫ ߘߏ߲߬ ߠߴߊ߬ߟߎ߬ ߕߍ߫.

ߊ߲ ߞߊ߬ ߟߌ߬ߤߟߊ ߡߍ߲ ߛߐ߬ߘߐ߲߫ ߞߊ߬ ߝߘߊ߫ ߋߞߌߣߐߞߛ ߕߝ߭ߌ ߟߊ߫߸ ߞߏ߫ ߘߋ߲ߣߍ߲߫ ߝߌ߬ߟߊ ߢߌ߲߬ ߠߎ߬ ߓߐ߫ ߘߊ߫ ߟߎ ߡߊ߬ ߟߋ߬ ߛߐ߱ߡߊ߬߬ ߞߋߟߋ߲ߘߌ߫߸ ߞߊ߬ ߥߊ߫ ߞߊ߬ߙߊ߲߬ߕߊ ߟߊ߫ ߢߐ߲߯ ߝߍ߬.

ߕߋ߬ߟߋ ߞߘߐߕߊ߬ ߕߎߡߊ ߟߋ߬ ߟߊ߫ ߛߊ߫߸ ߞߘߐ߬ߡߊ߬ߡߐ߮ ߡߍ߲ ߛߌ߬ߞߛߊߓߌ ߦߋ߫ ߛߊ߲߬ ߁߀ ߘߌ߫ ߏ߬ ߘߌ߫߸ ߏ߬ ߓߋ߬ ߘߊ߫، ߌߞߘߐ߫߸ ߊ߬ߟߎ߫ ߞߵߏ߬ ߕߊ߬ ߞߊߟߌߦߊ߫ ߓߟߏ ߡߊ߬ ߞߊ߬ ߥߴߊ߬ ߘߌ߫ ߓߏߣߊߛߡߊ߫ ߘߊ߲ߘߊߛߏ ߟߊ߫߸ ߊ߬ߟߋ ߡߊ߫ ߛߋ߫ ߓߐ߫ ߟߴߊ߬ ߘߐ߫߸ ߘߊ߲ߘߊߟߌߟߊ ߟߎ߬ ߟߊ߫ ߘߐ߬ߖߊ ߓߍ߯ ߞߐߝߍ߬.

ߏ߬ ߛߊ߲߬ߞߊ ߦߋ߫ ߟߊߕߋ߬ ߟߴߊ߬ ߟߊ߫ ߡߐ߱ ߟߎ߬ ߟߊ߫߸ ߊ߬ ߝߐ߫ ߘߊ߫ ߞߏ߫ ߊ߬ ߘߐ߯ߣߍ߲߫ ߛߊ߲߬ ߆ ߏ߬ ߝߣߊ߫ ߓߘߊ߫ ߞߙߌ߬ߞߙߊ߫ ߞߊ߬ߙߊ߲߬ߕߊ ߟߊ߫ ߦߋ߲߬، ߏ߬ ߝߣߊ߫ ߛߐ߰ ߘߊ߫ ߓߊ߯ߖߌ ߟߋ߬ ߡߊ߬ ߡߎߣߎ߲߬ ߞߊ߬ ߓߋ߬߸ ߊ߬ ߕߊ߬ ߘߊ߫ ߞߊ߬ ߥߴߊ߬ ߘߌ߫ ߘߊ߲ߘߊߛߏ ߟߊ߫߸ ߞߵߏ߬ ߞߍ߫ ߏ߬ ߝߣߊ߫ ߛߊ߬ߣߍ߲ ߘߌ߫.

ߛߊ߬ߦߊ߫ ߝߌ߬ߟߊ߬ߣߍ߲ ߏ߬ ߞߍ߫ ߘߊ߫ ߕߎ߬ߡߊ߬ߣߍ߲߫ ߠߋ߬ ߞߘߐ߫ ߕߋ߲߬߸ ߡߌ߬ߛߍ߲߬ ߘߊ߲ߘߐ߫ ߘߐߙߐ߲߫ ߠߋ߬ ߘߏ߲߬ߣߴߊ߬ߟߎ߬ ߕߍ߫߸ ߏ߬ ߞߊ߬ ߡߐ߱ ߟߎ߫ ߛߎߎ߬ߣߎ߲߬ ߞߏߛߓߍ߫.

ߒ߬ߓߊ߬߸  ߝߊ߰ߡߊ ߟߎ߬ ߕߊ߬ߣߍ߲ ߞߵߊ߬ ߟߊ߫ ߕߐ߲߫ ߓߟߏߡߊ ߟߎ߫ ߞߊ߲߬߸ ߏ߬ ߟߎ߬ ߛߋ߫ ߘߊ߫ ߦߙߐ ߘߐ߫ ߦߋ߲߬، ߊ߬ߟߎ߬ ߓߊ߲߫ ߘߊ߫ ߞߊ߬ ߢߊߢߌߣߌ߲ߠߌ߲߫ ߛߌ߰ ߛߋ߲߬ߠߊ߫߸ ߖߐ߲߰ߛߊ߫ ߘߋ߲ߣߍ߲߫ ߝߌ߬ߟߊ ߢߌ߲߬ ߠߎ߬ ߟߊ߫ ߛߊ߬ߦߊ ߞߍߢߊ ߘߌ߫ ߟߐ߲߫߸ ߞߵߊ߬ ߟߐ߲߫ ߊ߬ ߞߏ ߕߊ߬ߡߌ߲߬ ߘߊ߫ ߘߌ߬.