ߓߍ߯ ߛߌ߰ߣߍ߲߫ ߕߍ߬ߘߍ߫ ߞߊ߬ ߛߌ߬ߘߌߞߌ߬ ߖߓߊ߬ߕߍ߬ ߟߊ߫ ߕߏߟߏ߲߫ ߓߟߋߓߟߋ ߡߍ߲ ߡߊߞߐ߬ߣߐ߲߬߸ ߞߵߊ߬ ߞߊ߫ ߞߊ߲߫ ߕߍ߬ߘߍ߫ ߞߊ߬ ߞߍ߫ ߞߎߣߎ߲߬ ߛߌ߬ߣߌ߲߬ߟߏ߲ ߂߀߂߆ ߕߎߟߊߝߌ߲ ߕߟߋ߬ ߁߈ ߡߊ߬߸ ߊߞߐߙ ߊߙߋߣߊ ߟߊ߫ ߔߊ߬ߙߌ߬߸ ߏ߬ ߓߘߊ߫ ߞߕߐߙߐ߲ߘߓߐ߫ ߞߵߏ߬ ߞߎ߲߭ ߞߍ߫ ߛߌ߬ߘߌߞߌ߬ ߟߊ߫ ߓߙߊ߬ߒ߬ߘߐ߬ ߖߊ߲ߞߊߙߏ ߘߌ߫.

ߟߊ߬ߛߋ߬ߟߌ߫ ߟߋ߬ ߞߍ߫ ߘߊ߫ ߘߋ.ߍߡ.ߛߋ ߙߋߞߐߙ ߓߟߏ߫߸ ߞߵߊ߬ ߦߌ߬ߘߊ߬ ߞߏ߫ ߞߏߙߊߝߐߟߊ ߟߎ߬ ߘߐ߫ ߓߟߋ߬ߓߟߋ߸ ߛߌ߬ߘߌߞߌ߬ ߖߓߊ߬ߕߍ߫ ߝߊ߬ߘߌ ߓߍ߲߬ߣߍ߲߬ ߕߴߊ߬ ߞߊ߲߬߸ ߞߵߊ߬ ߛߐ߬ߘߐ߲߬ ߊ߬ߟߎ߬ ߦߋ߫ ߣߐ߬ߞߘߐ߬ߡߛߊ߬ߦߌ߬ ߟߊ߬ߓߊ߲ ߠߎ߫ ߞߊ߲߬߸ ߞߏ߫ ߊ߬ ߖߊ߲߬ߞߊ߬ߙߏ߬ ߘߊ߫، ߏ߬ ߟߋ ߞߏߛߐ߲߬߸ ߊ߬ߟߎ߫ ߞߵߊ߬ ߓߌ߬ߟߊ߬ ߘߊ߲ߘߊߟߌ ߘߊߞߘߐ߫߸ ߏ߬ ߡߍ߲ ߣߐ߬ ߊ߬ ߞߍ߫ ߟߊ߫߸ ߊ߬ ߕߴߛߋ߫ ߕߏߟߏ߲߫ ߠߊ߫ ߕߋ߲߬ ߦߏ߫ ߡߐ߱ ߟߎ߬ ߦߴߊ߬ ߝߍ߬ ߢߊ ߡߍ߲، ߏ߬ ߟߋ ߘߐ߫߸ ߊ߬ߟߎ߫ ߞߊ߬ ߕߏߟߏ߲߫ ߞߏ ߘߐߛߊ߬ ߝߟߐ߫.

ߞߊ߬ߕߎ߲߯߸ ߞߍ߲ߘߍߦߊ ߟߋ߬ ߞߏ ߓߍ߯ ߢߍߝߍ߬، ߏ߬ ߟߋ ߘߐ߫߸ ߊ߬ߟߎ߬ ߡߊ߫ ߕߏߟߏ߲ ߞߍ߫ ߥߊ߯ߕߌ߫ ߜߘߍ߫ ߝߐ߫ ߡߎߣߎ߲߬߸ ߞߏ߫ ߊ߬ߟߎ߬ ߘߌߣߵߏ߬ ߝߣߊ߫ ߟߊ߬ߛߋ߬ߟߌ ߞߍ߫ ߥߊ߯ߕߌ߫ ߣߊ߬ߕߐ ߟߎ߬ ߘߐ߫، ߊ߬ߟߎ߫ ߞߵߊ߬ ߝߐ߫ ߞߵߊ߬ ߟߴߊ߬ ߞߊ߲߬߸ ߞߏ߫ ߡߍ߲ ߠߎ߬ ߕߎ߲߬ ߣߐ߬ ߘߏ߲߬ߛߓߍ ߛߊ߲߬ ߠߊ߫ ߞߎߣߎ߲߬ ߕߎߟߊߝߌ߲ ߕߟߋ߬ ߁߈ ߕߏߟߏ߲ ߞߊ߲ߡߊ߬߸ ߏ߬ ߟߎ߬ ߟߊ߫ ߘߏ߲߬ߛߓߍ ߦߴߊ߬ ߢߊ ߡߊ߬ ߤߊ߲߯ ߕߏߟߏ߲ ߕߎ߬ߡߊ߫ ߣߊ߬ߕߐ ߟߊ߫، ߞߏ߫ ߊ߬ߟߎ߬ ߓߍߣߵߊ߬ ߛߙߊߕߌ ߟߎ߬ ߢߊߝߐ߫ ߊ߬ ߕߍ߫ ߡߍ߲߫.

ߖߋ߬ߟߌߞߊ߬ ߖߓߊ߬ߕߍ߬ ߡߍ߲ ߦߋ߫ ߘߋ.ߍߡ.ߛߋ ߙߋߞߐߙ ߗߋߕߌ߮ ߘߌ߫߸ ߏ߬ ߞߵߊ߬ ߟߊ߫ ߦߝߊ߬ ߕߙߊ ߟߊߛߋ߫ ߊ߬ߟߎ߬ ߘߐߜߍߓߊ߮ ߟߎ߫ ߡߊ߬ ߝߘߊ߬ߝߌ߲߬ߠߊ߬ ߞߣߐ߫߸ ߡߍ߲ ߠߎ߬ ߕߎ߲߬ ߓߘߊ߫ ߟߋ߫ ߝߊ߬ߙߊ߲߬ߛߌ߬߸ ߊ߬ ߣߌ߫ ߡߍ߲ ߠߎ߬ ߓߐߣߍ߲߫ ߘߎߢߊ߫ ߦߙߐ ߕߐ߭ ߟߎ߬ ߘߐ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߴߊ߬ ߢߊߦߋ߫߸ ߞߵߊ߬ ߟߐ߲߫ ߞߏ߫ ߊ߬ߟߎ߬ ߛߋߞߏ߫ ߡߊ߫ ߞߍ߫، ߞߏ߫ ߟߏ߲ ߓߘߊ߫ ߞߕߐߙߐ߲ߘߓߐ߫߸ ߓߊ߬ߙߵߊ߬ߟߎ߬ ߦߋ߫߫ ߢߐ߲߯ ߓߟߏ߫ ߟߋ߬ ߞߘߊߎ߫، ߊ߬ ߞߵߊ߬ ߟߊ߫ ߞߎߡߊ ߟߊߓߊ߲߫ ߘߎ߬ߥߊ߬ߥߎ ߟߋ߬ ߡߊ߬ ߛߌ߬ߘߌߞߌ߬ ߖߓߊ߬ߕߍ߬ ߦߋ߫ ߞߍ߲ߘߍߦߊ ߟߊ߫.