ߞߏ߲߬ߓߏ߫ ߡߏ߬ߤߊ߬ߡߍߘ ߖߊ߰ߣߍ ߟߊ߫ ߞߕߌ߫ ߝߟߐ ߡߊߛߐ߬ߛߐ ߞߐߝߍ߬ ߊ߬ ߓߟߏ߫߸ ߊ߬ ߓߘߴߊ߬ ߞߎ߲߬ߘߏ߬ߣߌ߲߬ ߞߎߘߊ ߟߐ߲߫ ߡߎ߬ߕߎ߲߬، ߓߊߏ߬߸ ߓߌߟߏ߲ ߢߌ߲߬ ߡߊ߬߸ ߂߀߂߆ ߞߏ߲ߓߌߕߌ߮ ߕߟߋ߬ ߁߅߸ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߌ߫ ߣߊ߲߬ߝߟߏ߬ߦߊ߬ߟߌ ߞߎ߬ߕߊ߬ߞߏ ߟߎ߬ ߟߊߕߐ߲ ߞߕߌߖߌ߲ (ߞߙߌߦߍߝ) ߞߊ߬ ߊߟߌߝߊ߫ ߕߟߋ ߡߊ߬ߞߊ߲߬ߞߊ߲߬ߠߌ߲ ߞߏߕߌ߯ ߞߘߐ ߖߊ߲߬ߞߌ߲߫ ߞߵߊ߬ ߘߏ߲߬ ߛߊ߲߬ ߄ ߣߌ߫ ߞߊߙߏ߫ ߈ ߥߛߎ ߟߊ߫߸ ߖߌ߬ߣߋߡߊߕߍ߲ ߟߞߊ߬ߟߌ߬ߕߊ߬ ߢߌ߬ߣߌ߲߬ߠߊ ߟߎ߬ ߟߊ߫ ߝߐߟߌ߫ ߘߐ߫߸ ߏ߬ ߟߎ߬ ߡߍ߲ ߠߎ߬ ߦߋ߫ ߞߕߌ߫ ߘߊߞߎ߲ ߘߐ߫ ߦߋ߲߬ ߕߋ߲߬.

ߥߛߎ ߏ߬ ߟߊߣߍ߲߫ ߓߌ߲߬ߓߊ߬ߥߏ߬ߟߌ ߟߋ߬ ߞߊ߲߬߸ ߣߴߏ߬ ߦߋ߫ ߖߌ߬ߣߍ߬ ߕߊߡߊ߲ ߥߟߎ߬ߡߊ߫ ߛߊ߬ߓߊ߫ ߛߊ߬ߙߊ ߘߌ߫ ߢߍ߬ߢߌ߲߬ߘߐ߬ߓߍ߲ ߘߌ߫߸ ߊ߬ ߣߌ߫ ߞߏ߫ ߊ߬ ߦߋ߫ ߖߌ߬ߣߍ߬ ߕߊ߲ߡߊ߲ ߥߟߎ߬ߡߊ߫ ߃߀߀ ߛߙߊ߬ ߓߟߏߢߐ߯ߟߛߊߦߌ ߘߌ߫ ߖߌ߬ߣߍ߫ ߞߎ߲߬ߠߊ߬ߛߌ߮ ߦߋ߫، ߞߕߌ߫ ߝߟߐ ߘߐ߫߸ ߊ߬ ߕߎ߲߬ ߝߐ߫ ߘߊ߫ ߟߋ߬ ߞߏ߫ ߊ߬ ߦߋ߫ ߓߟߏߢߐ߲߯ߠߛߊߦߌ ߥߟߎ߬ߡߊ߫ ߅߀߀ ߟߋ߬ ߛߙߊ߬.

ߓߌ߬ߟߊ߬ ߞߍߣߴߊ߬ ߞߐ߫ ߝߘߏ߬ߓߊ߬ ߣߊ߲ߝߟߏ ߞߎ߲߬ߡߙߎ ߟߋ߬ ߘߐ߫߸ ߊ߬ ߣߌ߫ ߜߍߟߊߜߍ ߣߌ߫ ߖߘߍ߬ߟߊ߬ߓߣߊߦߊ߫ ߞߟߊ߬ߒ߬ߕߊ߲، ߊ߬ ߞߵߊ߬ ߡߊߞߊ߬ߛߌ߫ ߟߋ߬ ߞߏ߫ ߊ߬ ߡߊ߫ ߓߍ߲߬ ߞߕߌ߫ ߝߟߐ ߡߊ߬߸ ߝߌߟߊߣߊ߲ ߏ߬ ߟߋ ߟߊߣߍ߲߫ ߣߌ߲߬ ߛߊ߫.

ߊߟߎ߫ ߦߴߊ߬ ߟߐ߲߫߸ ߖߊ߰ߣߍ ߟߊߘߏ߲߬ ߘߊ߫ ߞߕߌ߫ ߡߊߞߐߣߐ߲߫ ߥߛߎ ߟߊ߫ ߞߊ߬ߦߌ߯ ߂߀߂߂ ߞߏ߲ߞߏߘߓߌ ߕߟߋ߬ ߆ ߟߋ߬ ߡߊ߬، ߊߟߌߝߊ߫ ߕߟߋ ߘߐ߫߸ ߊ߬ ߞߍ߫ ߘߊ߫ ߟߋ߬ ߞߏߕߌ߯ ߘߌ߫߸ ߡߍ߲ ߘߐ߱ߘߏ߲߬ߣߍ߲߫ ߞߊ߲ߕߌ߮ ߟߊ߫ ߞߏߢߊ ߟߎ߬ ߟߊ߫.