ߊ߬ ߛߊ߲߭ ߝߌ߬ߟߊ ߟߋ߬ ߕߋ߲߬߸ ߞߕߌ ߘߏ߫ ߦߋ߫ ߛߋ߲߬ߠߊ߫ ߞߋߣߌߦߊ߫ ߖߡߊ߬ߣߊ ߞߊ߲߬، ߒ߬ߓߊ߬ ߛߋ߲߬ߕߊ߬ߓߊ߫ ߓߘߊ߫ ߞߍ߫ ߛ߭ߞߊߥߏߟߊ߫ ߝߊ߰ߟߌ߬ߓߊ ߞߕߌ ߘߐ߫ ߡߎ߬ߕߎ߲߬، ߞߊ߬ߕߎ߲߯߸ ߞߐ߬ߓߊ߬ߟߏ߲ ߂߀߂߆ ߞߏ߲ߓߌߕߌ߮ ߕߟߋ߬ ߁߉߸ ߡߐ߲ߓߛߊ߫ ߞߕߌߖߌ߲߫ ߛߊ߲ߝߍߕߊ ߞߊ߬ ߘߊ߯ߥߊߞߍߟߊ߫ ߔߏߟ ߡߊߞߋ߲ߖ߭ߌ߫ ߣߴߊ߬ ߣߐ߬ߝߍ߬ ߡߐ߯ ߂߈ ߠߊ߫ ߞߕߌ ߞߎ߲߬ߝߊ߰ ߡߊ߬ߜߍ߲߬ ߞߊ߲ ߝߐ߫߸ ߞߏ߫ ߊ߬ߟߎ߬ ߓߍ߯ ߦߋ߫ ߛߐ߲߬ߡߊ ߟߋ߬ ߘߌ߫ ߡߐ߰ ߁߉߁ ߝߊ߰ ߞߏ ߘߐ߫߸ ߣߴߊ߬ ߡߐ߯ ߁߉߀ ߓߍ߯ ߦߋ߫ ߘߋ߲ߣߍ߲߫ ߝߏ߫ ߡߐ߰ ߞߋߟߋ߲߫ ߘߐߙߐ߲߫.
ߣߌ߲߬ ߞߏ ߕߊ߬ߡߌ߲߬ ߘߊ߫ ߘߌ߬؟ ߂߀߂߁ ߣߌ߫ ߂߀߂߃ ߕߍߟߊ ߟߋ߬ ߘߐ߫߸ ߖߊ߲߬ߖߏ߲ ߣߌ߲߬ ߞߍ߫ ߘߊ߫، ߜߍ߲߬ߜߍ߲߬ߡߏߙߌ ߢߌ߲߬ ߡߊߞߍߣߍ߲߫ ߕߘߍ߬ ߛ߭ߞߊߥߏߟߊ߫ ߕߎ ߟߋ߬ ߘߐ߫߸ ߞߟߌ߬ߝߌ߫ ߡߊ߬ߙߊ ߘߐ߫، ߒ߬ߓߊ߬߸ ߊ߬ ߦߋ߫ ߡߐ߱ ߡߍ߲ ߠߎ߬ ߘߊ߯ߥߊ߫ ߟߊ߫߸ ߊ߬ ߟߊߓߊ߬ߕߏ߬ߓߊ߮ ߟߎ߬ ߟߊߘߍ߬ߣߍ߲߫ ߕߘߍ߬ ߕߎ ߘߐ߫ ߦߋ߲߬ ߠߋ߬߸ ߞߏ߫ ߊ߬ߟߎ߬ ߦߋ߫ ߛߎ߲ ߘߏ߲߬، ߛߎ߲ ߡߍ߲ ߦߋ߫߸ ߌ ߦߋ߫ ߛߎ߲ ߘߏ߲߬ ߠߊ߫ ߟߋ߬ ߝߎߚߎ߫߸ ߤߊ߲߯ ߌ ߦߋ߫ ߝߊ߰ ߕߎ߬ߡߊ ߡߍ߲ ߠߊ߫، ߏ߬ ߓߊ߯ ߞߍ߫߸ ߌ ߘߌ߫ ߥߊ߫ ߌߛߊ߫ ߦߋ߫߸ ߞߊ߬ ߥߊ߫ ߛߐ߬ߘߐ߲߫ ߊ߬ ߟߊ߫ ߖߡߊ߬ ߞߙߎ ߘߐ߫߸ ߦߊ߬ߣߌ߫ ߘߎߢߊ߫ ߟߊߓߊ߲ ߦߋ߫ ߛߋ߫.
߂߀߂߃ ߞߏ߲ߞߏߘߌ߬ߓߌ ߟߋ߬ ߟߊ߫߸ ߝߏߟߏ߲߫ ߞߎߘߎ߲ ߘߏ߫ ߥߊ߫ ߘߊ߫ ߦߋ߫ ߕߎ ߘߐ߫ ߦߋ߲߬߸ ߏ߬ ߟߋ ߞߊ߬ ߢߊߢߌߣߌ߲ߠߌ߲ ߛߌ߰ ߛߋ߲߬ߠߊ߫ ߌߞߘߐ߫، ߓߊߏ߬߸ ߝߏߟߏ߲ ߡߍ߲ ߠߎ߬ ߦߋ߫ ߘߊ߫ ߏ߬ ߘߌ߫߸ ߡߐ߰ ߄߀߀ ߜߘߍ߫ ߝߣߊ߫ ߛߎ߭ ߟߋ߬ ߥߊ߫ ߘߊ߫ ߦߋ߫ ߏ߬ ߟߎ߬ ߞߣߐ߫، ߏ߬ ߘߏ߲߬ ߣߌ߫ ߛߎ߲ߘߏ߲ߠߊ ߢߌ߲߬ ߠߎ߬ ߝߣߊ߫ ߕߍ߫ ߞߋߟߋ߲߫ ߘߌ߫ ߘߋ߬߸ ߏ߬ ߡߍ߲ ߞߕߌ ߦߴߌߘߐ߫ ߣߌ߲߬ ߞߊ߬ߣߌ߲߬.
ߞߕߌߘߊ ߟߊ߫ ߝߐߟߌ߫ ߘߐ߫߸ ߛߎ߲߫ ߘߏ߲߫ ߞߏ ߢߌ߲߬ ߘߐ߫߸ ߘߋ߲ߣߍ߲ ߠߎ߫ ߟߋ߬ ߝߟߐ߫ ߟߐ߬ ߘߴߊ߬ ߟߊ߫، ߊ߬ߟߎ߫ ߞߊ߬ ߡߐ߰ ߟߎ߬ ߢߌߣߌ߲߫߸ ߡߍ߲ ߠߎ߬ ߕߘߍ߬ ߦߙߐ ߞߣߐ߬ߜߍ߲߬ ߠߊ߫߸ ߛߊ߫ ߡߐ߰ ߞߊߣߊ߬ ߕߟߊ߫ ߢߊ ߡߍ߲ ߡߊ߬.
ߟߊ߬ߝߛߊ߬ߟߌ߬ߟߊ ߟߎ߫ ߞߊ߬ ߞߊ߲ ߡߍ߲ ߠߎ߬ ߝߐ߫ ߡߞߊ߬ߘߊ߲߬ߠߌ߲߬ ߞߊ߲߫ ߘߐ߫߸ ߞߕߌߕߍ߯ߟߊ߫ ߖߊ߬ߣߊ ߞߊߝ߭ߋߘߑߖ߭ߊ߫ ߡߊ߫ ߛߐ߲߬ ߘߊ߬ߟߎ ߏ߬ ߟߎ߫ ߡߊ߬، ߓߊߏ߬߸ ߟߊ߬ߝߛߊ߬ߟߌ߬ߟߊ ߟߊ߫ ߝߐߟߌ߫ ߘߐ߫߸ ߞߏ߫ ߡߐ߱ ߏ߬ ߟߎ߫ ߖߍ߬ߘߍ ߟߋ߬ ߞߵߊ߬ߟߎ߫ ߖߍ߬ߘߍ߫ ߖߊ߲߬ ߛߎ߬ߡߊ߲ ߘߐ߫.
ߞߕߌߕߍ߯ߟߊ ߞߊ߲߫ ߞߏ߫ ߊ߬ߟߋ ߞߊ߬ ߡߍ߲ ߟߐ߲߫߸ <<ߡߐ߰ ߂߉ ߢߌ߲߬ ߠߎ߬ ߡߊߝߌ߲߬ߣߍ߲߫ ߞߏ ߡߍ߲ ߘߐ߫߸ ߏ߬ ߟߎ߬ ߓߘߊ߫ ߦߋ߫ ߕߎ߬ߢߊ߬ ߘߌ߫ ߝߛߊߦߌ߫.>> ߞߕߌߕߍ߯ߟߊ ߞߵߏ߬ ߝߐ߫.
ߊߟߎ߫ ߦߴߊ߬ ߟߐ߲߫߸ ߞߕߌ ߣߌ߲߬ ߘߊߡߌ߬ߣߊ ߣߌ߫ ߛߌߛߍ߲߬ ߕߍ ߘߐ߫߸ ߛߙߋߦߊ߫ ߡߐ߰ ߂߀߀ ߟߋ߬ ߓߘߊ߫ ߕߊ߬ߡߌ߲߬.
ߡߐ߰ ߂߉ ߢߌ߲߬ ߠߎ߫ ߛߐ߲߭ ߓߘߊ߫ ߦߋ߫ ߞߏߢߊ ߣߌ߲߬ ߘߐ߫߸ ߞߏ߬ߣߌ߲߬߸ ߓߌ߲߬ߓߊߥߏ ߡߍ߲ ߟߊߕߐ߫ ߊ߬ߟߎ߫ ߞߊ߲߬߸ ߏ߬ ߟߋ ߡߊ߫ ߟߐ߲߫ ߡߎߣߎ߲߬.
ߊ߬ ߞߏ߬ߣߌ߲ ߓߘߊ߫ ߝߐ߫ ߞߏ߫ ߞߕߌ߫ ߜߘߍ߫ ߓߍߣߊ߬ ߞߍ߫ ߞߏ߲ߓߏߕߌ߮ ߣߌ߲߬ ߕߟߋ߬ ߃߀߸ ߞߊ߬ ߓߌ߲߬ߓߊߥߏ ߟߎ߬ ߢߊߝߐ߫ ߏ߬ ߟߏ߲، ߏ߬ ߞߐߝߍ߬߸ ߂߀߂߆ ߣߍߣߍߓߊ ߕߟߋ߬ ߆߸ ߊ߬ߟߎ߬ ߣߌ߫ ߖߊ߲߬ߞߌ߬ߟߌ ߡߍ߲ ߦߊ߫ ߞߊ߲߫߸ ߏ߬ ߘߌ߫ ߝߐ߫ ߞߵߊ߬ ߟߊߕߍ߰.
