ߞߊ߬ߦߌ߯ ߘߓߊ߬ߓߌߟߊ ߕߋ߬ߟߋ߫ ߂߀ ߠߋ߬ ߡߊ߬߸ ߂߀߂߆ ߟߊ߫߸ ߖߌ߬ߣߍ߫ ߕߌ߲߬ߞߎߘߎ߲ ߠߎ߬ ߡߊߞߊ߬ߝߏ߬ ߘߊ߫߸ ߞߊ߬ ߦߟߍ߬ߡߊ߲ ߘߏ߲߬ ߡߊ߬ߡߙߊ߬ߟߌ߬ ߘߌ߲ߞߌߙߊ ߟߎ߬ ߘߐ߫߸ ߞߊ߬ ߡߙߊ߬ߘߓߊ߬ ߞߎߘߊ߫ ߟߎ߫ ߛߌ߰߸ ߝߏ߫ ߞߊ߬ ߡߙߊ߬ߘߊ߬ߓߊ ߓߐ߫ ߃߃ ߘߐ߫ ߞߵߊ߬ ߞߍ߫ ߄߄ ߘߌ߫، ߛߌ߯ߙߌ߲߫ ߣߌ߫ ߓߋ߯ߟߊ߫ ߞߍ߫ ߘߊ߫ ߕߌ߲߬ߞߎߘߎ߲ ߘߌ߫߸ ߞߊ߬ ߡߙߊ߬ߘߊ߬ߙߋ߲߬ ߁߁ ߢߌ߲߬ ߠߎ߬ ߞߍ߫ ߡߙߊ߬ߘߊ߬ߓߊ ߘߌ߫: ߞߊߡߑߛߊ߯ߙ߸ ߕߌ߲߬ߓߏ߲߬߸ ߕߏ߭ߞߎ߬ߣߎ߲߬߸ ߖߟߊߞߘߐ߫߸ ߛߓߊ߬ߘߎ߰ ߓߙߊߣߡߊ߬߸ ߘߞߏ߫߸ ߛߌ߯ߙߌߣߌ߲߫߸ ߞߌ߲߬ߕߌ߬ߢߊ߲߫߸ ߛߍ߲߬ߞߐ߫߸ ߞߎ߬ߥߊ߲ߞߊ߲߬߸ ߞߙߊ߬ߟߊ߫.
ߒ߬ߓߊ߬߸ ߊ߲ ߣߐ߬ ߔߊ߬ߔߘߊ ߏ߬ ߟߋ ߘߟߊߡߌ߬ߣߊ߬ ߟߴߊߟߎ߫ ߦߋ߫ ߣߌ߲߬߸ ߡߍ߲ ߠߊߖߍ߲ߛߍ߲߫ ߘߊ߫ ߘߎ߰ߞߣߍ ߡߊ߬ߡߙߊ߬ߟߌ ߣߌ߫ ߕߊ߲ߓߊ߲ߓߐߟߌ ߞߏߕߌ߯ߘߊ ߓߟߏ߫ ߞߊ߬ߦߌ߯ ߕߎ߬ߡߊ߬ ߖߏߣߊ ߟߊ߫، ߒ߬ߓߊ߬߸ ߊ߬ ߝߟߍ߫ ߣߌ߲߬ ߥߍ߫߸ ߛߴߊߟߎ߫ ߝߣߊ߫ ߘߴߊߟߎߎ߫ ߞߎ߬ߘߋ߲ߜߊ߬ߛߌ߫ ߊ߬ ߘߐ߫ ߦߏ߫ ߕߐ߭ ߟߎ߬.
ߖߌ߬ߣߍ߫ ߕߌ߲߬ߞߎߘߎ߲߫ ߉ ߝߟߍ߫ ߣߌ߲߬߸ ߊ߬ ߓߍ߯ ߣߴߊ߬ ߕߊ߫ ߔߊ߬ߔߘߊ߬ ߓߟߏߡߊߞߊ߬ߣߍ߲߲߬
ߊ߲ ߓߊ߲ ߞߐ ߔߊ߬ߔߘߊ ߘߝߊߣߍ߲ ߞߍ߫ ߟߊ߫߸ ߊ߲ ߓߘߊ߫ ߕߌ߲߬ߞߎߘߎ߲ ߞߋ߬ߟߋ߲߬ߞߋ߬ߟߋ߲߬ߠߊ ߝߣߊ߫ ߕߊ ߞߍ߫ ߊ߬ ߞߏߟߊ߫߸ ߦߏ߫ ߊ߬ ߟߊߖߍ߲ߛߍ߲߫ ߘߊ߫ ߞߏߕߌ߯ߘߊ ߓߟߏ߫ ߢߊ ߡߍ߲ ߡߊ߬، ߏ߬ ߟߋ ߘߐ߫߸ ߕߌ߲߬ߞߎߘߎ߲ ߡߍ߲ ߠߎ߬ ߦߋ߫ ߕߋ߲߬: ߓߏ߬ߞߋ߫߸ ߞߌ߲ߘߌߦߊ߫߸ ߡߊ߯ߡߎ߲߫߸ ߟߊߓߋ߬߸ ߝߙߊߣߊ߫߸ ߞߊ߲ߞߊ߲߫߸ ߛߌ߯ߙߌ߲߫߸ ߓߋ߯ߟߊ߫߸ ߊ߬ ߣߌ߫ ߒߛߙߍߜߘߍ߬߸ ߏ߬ ߓߍ߯ ߣߴߊ߬ ߕߊ߫ ߔߊ߬ߔߘߊ߫ ߟߋ߬، ߔߊ߬ߔߘߊ ߣߌ߲߬ ߞߊ߲߬߸ ߊ߲ ߘߌ߫ ߕߌ߲߬ߞߎߘߎ߲ ߞߎߓߋߛߏ ߦߋ߫߸ ߣߊߟߌ߬ߡߎ߲߬ ߞߐߓߌߘߊ ߘߌ߫߸ ߊ߬ ߣߴߊ߬ ߡߙߊ߬ߘߊ߬ߓߊ ߟߎ߬߸ ߞߵߏ߬ ߟߊ߫ ߂߀߂߆ ߘߓߊ߬ߕߊ ߂߂ ߟߊ߫ ߕߌ߲߬ߞߎ߬ߘߎ߲߬ ߞߎߘߊ߫ ߟߊߘߊ߲ߣߍ߲ ߠߎ߬ ߞߊ߲߬.
ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߣߐ߬ ߊ߬ߟߎ߬ ߘߟߊߡߌ߬ߣߊ߬ ߟߊ߫ ߟߋ߬߸ ߡߍ߲ ߖߌ߬ߦߊ߬ߓߍ ߟߎ߬ ߓߊ ߕߊ߬ߣߍ߲߫ ߘߎ߰ߞߣߍ ߡߊ߬ߡߙߊ߬ߟߌ ߣߌ߫ ߕߊ߲ߓߊ߲ߓߐߟߌ ߞߏߕߌ߯ߘߊ ߡߊ߬، ߣߴߌ ߞߵߊ߬ ߦߋ߫ ߥߊ߯ߕߌ ߢߌ߲߬ ߓߍ߯ ߞߍߣߍ߲߫ ߊ߬ ߡߊ߫ ߘߟߊߡߌ߬ߣߊ߫ ߒ߬ ߓߟߏ߫߸ ߏ߬ ߕߊ߬ߣߍ߲߬ ߛߌߞߊ ߟߋ߬ ߡߊ߬، ߓߊߏ߬߸ ߡߙߊ߬ߘߊ߬ߓߊ ߟߎ߬ ߡߊ߫ ߘߐߕߟߊ߫ ߞߎ߲߬ߠߊ߬ߛߌ߮ ߓߟߏ߫ ߛߓߍ߫ ߛߌ߫ ߞߣߐ߫ ߡߎߣߎ߲߬߸ ߏ߬ ߟߋ ߕߎ߲߬ߞߎߙߎ߲ ߦߴߊ߲ ߘߐ߫ ߤߊߟߌ߬ߛߊ߫.
ߊ߲ ߞߏ߬ߣߌ߲ ߓߘߊ߫ ߣߌ߲߬ ߞߍ߫ ߝߟߐ߫߸ ߣߌ߫ ߦߟߍ߬ߡߊ߲ ߘߏ߲߬ ߘߴߊ߬ ߘߐ߫ ߞߐߟߊ߫߸ ߏ߬ ߝߣߊ߫ ߘߌ߫ ߓߌ߬ߟߴߊߟߎ߫ ߛߊ߬ߥߏ߬ ߘߐ߫.
