ߞߎ߲߬ߝߍ߬ߕߊ߰ߟߊ ߘߏ߫ ߟߎ߫ ߟߊ߫ ߞߎߟߎ߲ ߠߋ߬ ߝߘߌ߫ ߘߊ߫ ߦߍ߲ߣ ߡߊ߬ߙߊ ߘߐ߫߸ ߘߊ߬ߞߊ߯ߙߎ߫ ߘߊߝߍ߬߸ ߞߊ߬ ߓߍ߲߬ ߟߌ߬ߤߟߊ߬ ߟߊߓߊ߲ ߠߎ߬ ߛߐ߬ߘߐ߲߫ ߡߊ߬߸ ߞߊ߬ߛߙߊ ߢߌ߲߬ ߞߐߝߍ߬߸ ߡߐ߰ ߣߊ߯ߣߌ߲߫ ߠߋ߬ ߛߎ߭ ߓߘߊ߫ ߦߋ߫ ߝߟߐ߫߸ ߡߐ߰ ߞߋߟߋ߲߫ ߣߌ ߛߋ߫ ߘߊ߫ ߟߊߞߛߌ߫ ߟߊ߫، ߡߐ߰ ߓߙߍ߬ߦߊ ߡߍ߲ ߕߘߍ߬ ߦߋ߫ ߞߎߟߎ߲ ߢߌ߲߬ ߞߣߐ߫߸ ߏ߬ ߖߊ߬ߕߋ߬ ߖߐ߲ߖߐ߲߫ ߟߐߣߍ߲߫ ߕߍ߫ ߝߟߐ߫. 
ߓߊ߬ߙߌ߫߸ ߞߊ߬ߛߙߊ ߣߌ߲߬ ߦߋ߫ ߞߍ߫ ߟߊ߫ ߕߎ߬ߡߊ ߡߍ߲߸ ߞߏ߫ ߊ߬ߟߎ߫ ߕߘߍ߬ ߦߋ߫ ߍߛߑߔߊߢߌ߲߬ ߟߋ߬ ߡߊߜߍ߲߫ ߞߊ߲߬߸ ߢߊߢߌߣߌ߲ߠߌ߲ ߞߏ߬ߣߌ߲ ߦߋ߫ ߛߋ߲߬ߠߊ߫߸ ߞߊ߬ ߡߐ߰ ߕߎߣߎ߲ߣߍ߲߫ ߠߎ߬ ߢߌߣߌ߲߫߸ ߛߎ߬ ߝߟߐ ߦߋ߫ ߘߊ߫ ߦߍ߲ߣ ߘߎ߱ ߟߋ߬ ߞߣߐ߫߸ ߞߎߟߎ߲ ߝߘߌ߫ ߘߊ߫ ߦߙߐ ߡߍ߲ ߘߐ߫ ߞߊ߬ߣߌ߲߬߸ ߞߊ߬ ߛߎ߭ ߕߐ߭ ߟߎ߬ ߦߋ߫ ߘߊ߫ ߞߙߍ߬ߝߍ߬ ߘߎ߮ ߘߏ߫ ߟߊ߫߸ ߣߴߏ߬ ߦߋ߫ ߛߍ߲ߘߎ߫ ߘߌ߫߸ ߘߍ߬ߡߍ߲߬ߠߌ߲߬ ߠߊ ߟߎ߬ ߛߋ߫ ߡߐ߰ ߞߋߟߋ߲߫ ߠߋ߬ ߟߊߞߛߌ߫ ߟߊ߫، ߛߙߋ ߟߎ߬ ߟߊ߫ ߝߐߟߌ߫ ߘߐ߫߸ ߡߐ߰ ߡߍ߲ ߕߘߍ߬ ߦߋ߫ ߞߎߟߎ߲ ߞߣߐ߫߸ ߞߵߊ߬ ߘߊߡߌ߬ߣߊ߫ ߡߐ߰ ߅߀ ߡߊ߬ ߞߵߊ߬ ߛߌ߰ ߡߐ߰ ߁߀߀ ߟߊ߫߸ ߊ߬ ߘߴߏ߬ ߓߐ߫. 
ߊ߲ ߠߊ߫ ߟߌ߬ߤߟߊ ߛߐ߬ߘߐ߲߬ߣߍ߲߫ ߠߎ߬ ߘߐ߫߸ ߞߎߟߎ߲ ߣߌ߲߬ ߜߊ߬ߛߌ߫ ߘߊ߫ ߞߓߊ ߟߋ߬ ߟߊ߫ ߖߌ ߞߘߐ߫߸ ߞߵߏ߬ ߞߐߝߟߌ ߞߍ߫ ߊ߬ ߝߘߌ ߘߌ߫߸ ߞߎߟߎ߲߫ ߣߌ߲߬ ߓߐ߫ ߘߊ߫ ߛߍ߲ߘߎ߫ ߘߎ߱ ߟߋ߬ ߞߣߐ߫߸ ߞߊ߬ ߞߐ߲߰ ߢߌ߲߬ ߢߍ߫߸ ߣߍߣߍߓߊ ߕߋ߬ߟߋ߫ ߆ ߟߋ߬ ߡߊ߬߸ ߞߎ߲߬ߝߍ߬ߕߊ߰ߟߊ߫ ߄߃ ߟߋ߬ ߓߐ߬ߣߐ߫ ߘߴߊ߬ ߣߌ ߘߐ߫ ߖߌ ߞߊ߲߬߸ ߏ߬ ߞߍ߫ ߘߊ߫ ߗߍߔ ߡߊ߬ߙߊ ߟߋ߬ ߘߐ߫߸ ߛߣߍ߬ߜ߭ߊ߬ߟߌ߫ ߞߐ߬ߘߎ߮ ߣߴߊ߬ ߕߟߋ߬ߓߋ ߘߐ߫߸ ߞߵߊ߬ ߘߊߡߌ߬ߣߊ߫ ߢߌ߬ߣߊ߲߫ ߛߊ߲߭ ߘߊߡߌߣߊ ߣߌ߫ ߛߌߛߍ߲߬ ߕߍ ߘߐ߫߸ ߘߍ߬ߡߍ߲߬ߠߌ߲߬ ߞߙߎ ߟߊ߫ ߖߊ߬ߕߋ߫ ߡߌ߬ߣߊ߬ߣߍ߲ ߠߎ߬ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߡߐ߰ ߡߍ߲ ߓߘߊ߫ ߓߐ߬ߣߐ߫ ߊ߬ ߣߌ ߘߐ߫ ߥߟߊ߫ ߞߊ߬ ߕߎߣߎ߲߫ ߞߎ߲߬ߝߍ߬ߕߊ߰ߟߊ ߟߎ߬ ߘߐ߫߸ ߏ߬ ߘߌ߫ ߡߐ߰ ߂߅߀߀ ߓߐ߫، ߞߵߊ߬ߟߎ߫ ߞߎ߲߬ ߟߊߣߍ߲ ߕߏ߫ ߋߙߐߔߎ߫ ߖߡߊߣߊ ߞߊ߲߬.