ߞߎߟߎ߲ ߣߌ߲߬ ߖߛߐߣߍ߲߫ ߕߍ߬ߘߍ߫ ߡߐ߰ ߟߎ߬ ߟߋ߬ ߟߊ߫߸ ߡߍ߲ ߞߎ߲߬ ߟߊߣߍ߲߫ ߕߘߍ߬ ߦߋ߫ ߍߛߑߔߊߢߌ߲߬ ߞߊ߲߬߸ ߞߎߟߎ߲߫ ߝߘߌߣߍ߲߫ ߣߌ߲߬ ߦߋ߫ ߘߊ߫ ߦߍ߲ߣ ߕߐ߯ߘ ߟߋ߬، ߦߍ߲ߣ ߘߎ߱ ߟߊ߫ ߘߊ߬ߞߊ߯ߙߎ߫ ߞߍ߬ߙߍߝߍ߬، ߡߐ߰ ߞߋߟߋ߲߫ ߠߋ߬ ߣߌ ߕߏ߫ ߘߴߊ߬ ߘߐ߫߸ ߣߊ߯ߣߌ߲߫ ߠߋ߬ ߛߋ߫ ߘߊ߫ ߟߊߞߛߌ߫ ߟߊ߫߸ ߡߐ߰ ߛߌߦߊߡߊ߲߫ ߠߋ߬ ߝߣߊ߫ ߦߋ߫ ߕߎߣߎ߲ ߘߊߞߘߐ߫ ߝߟߐ߫߸ ߢߌߣߌ߲ߠߌ߲ ߞߏ߬ߣߌ߲ ߦߋ߫ ߛߋ߲߬ ߠߊ߫ ߤߊߟߌ߬ ߛߊ߫، ߡߐ߰ ߟߎ߬ ߞߏ߬ߣߌ߲ ߦߋ߫ ߖߐ߬ߘߐ ߘߐ߫ ߝߟߐ߫߸ ߞߏ ߞߍ߫ ߦߙߐ ߘߐ߫. 
ߞߎߣߎ߲ߟߏ߲ ߕߎ߲߬ ߦߋ߫ ߟߏ߲ ߠߋ߬ ߘߌ߫ ߦߍ߲ߣ ߕߐ߯ߘ߸ ߡߍ߲ ߕߘߍ߬ ߦߋ߫ ߛߎ߬ߣߎ߲ ߟߏ߲ ߘߌ߫߸ ߘߎ߰ߘߋ߲ ߠߎ߬ ߛߏ߬ߙߌ߬ ߘߊ߫ ߟߋ߬ ߥߟߌ߫ ߟߊ߫ ߞߎߟߎ߲߫ ߝߘߌ ߣߌ߲߬ ߟߌ߬ߤߟߊ ߡߊ߬߸ ߊ߬ߟߎ߬ ߟߊ߫ ߞߐ߰ߖߌ ߞߊ߲߬، ߊ߬ ߞߏ ߞߍ߫ ߘߊ߫ ߟߊ߬ߡߊ߰ߞߏ ߟߋ߬ ߘߌ߫ ߘߎ߰ߘߋ߲ ߠߎ߬ ߣߌ߫ ߢߍߡߐ߮ ߟߎ߬ ߓߟߏ߫߸ ߎߛߑߡߊ߯ߣ ߛߍ߲ߣ ߦߋ߫ ߞߊ߬ߝߏ߬ߙߋ߲ ߛߌ߲߬ߝߏ߲ ߘߏ߫ ߟߋ߬ ߘߌ߫߸ ߊ߬ߟߋ ߞߊ߲߫ ߞߏ߫ ߊ߬ߟߎ߫ ߕߘߍ߬ ߦߋ߫ ߞߎߟߎ߲߫ ߝߘߌ ߡߊ߬ߛߎߓߊ ߟߋ߬ ߡߍ߲ ߠߊ߫߸ ߓߊ߬ߙߌ߫߸ ߊ߬ ߕߎ߲߬ ߡߊ߫ ߘߋ߬ߙߌ߫ ߞߊ߬ ߞߍ߫ ߊ߬ߟߎ߫ ߝߍ߬ ߦߋ߲߬ ߝߟߐ߫߸ <<ߊ߲ ߥߋ߯ߟߋ߫ ߘߊ߫ ߟߋ߬ ߛߐ߰ߡߊ߬ߘߊ ߇ ߕߎߡߊ߸ ߕߎ߬ߡߊ߬ ߞߋߟߋ߲߫ ߏ߬ ߟߋ߬ ߟߊ߫߸ ߊ߲ ߛߋ߫ ߘߊ߫ ߞߣߍ ߞߊ߲߬߸ ߊ߲ ߥߊ߫ ߘߴߊ߬ ߛߐ߬ߘߐ߲߬߸ ߞߟߍ߬ߡߐ߮ ߟߎ߬ ߣߌ߫ ߕߊߟߛߊ߫ ߟߊ ߟߎ߬ ߣߌ߫ ߣߊ߲߬ߕߌ߮ ߟߎ߬ ߛߌߦߊߡߊ߲߫ ߓߘߊ߫ ߛߋ߫ ߦߋ߲߬߸ ߊ߲ ߞߊ߬ ߟߌ߬ߤߟߊ ߛߐ߬ߘߐ߲߬ ߦߋ߲߬ ߠߋ߬ ߞߏ߫ ߡߐ߰ ߞߋߟߋ߲߫ ߠߋ߬ ߕߏ߫ ߘߴߊ߬ ߘߐ߫، ߏ߬ ߞߐ߫߸ ߞߏ߫ ߛߎ߭ ߝߌ߬ߟߊ߫ ߟߋ߬ ߦߋ߫ ߘߊ߫ ߛߍ߲ߘߎ߫߸ ߦߍ߲ߣ ߞߙߍ߬ߝߍ߬ ߘߎ߮ ߘߏ߫ ߟߊ߫߸ ߊ߲ ߞߏ߬ߣߌ߲ ߡߴߊ߬ ߟߐ߲߫ ߝߟߐ߫ ߣߌ߫ ߏ߬ ߟߎ߫ ߕߘߍ߬ ߦߋ߫ ߞߎߟߎ߲߫ ߢߌ߲߬ ߠߋ߬ ߞߣߐ߫߸ ߊ߲ ߕߘߍ߬ ߦߋ߫ ߞߎߟߎ߲߫ ߞߊߛߙߊ ߟߋ߬ ߡߍ߲߫ ߠߊ߫߸ ߓߊ߬ߙߌ߫߸ ߊ߬ ߛߋ߲߬ߧߊ߬ ߝߟߐ߫ ߟߋ߬ ߣߌ߲߬ ߘߌ߫߸ ߊ߲ ߧߋ߫ ߣߌ߲߬ ߞߊ߬ߛߙߊ߬ ߛߎ߮ ߡߊߛߐ߬ߘߐ߲߬>> 
ߎߛߑߡߊ߯ߣ ߛߍ߲ߣ ߞߵߏ߬ ߦߌߘߊߞߊ߬߸ ߢߍߡߐ߮ ߟߎ߬ ߘߐߙߐ߲߫ ߕߍ߫ ߣߌ߲߬ ߛߎ߬ߣߎ߲ ߘߐ߫ ߘߋ߬߸ ߘߎ߰ߘߋ߲ ߠߎ߬ ߝߣߊ߫ ߣߌ߫ ߢߊߖߌ ߟߋ߬ ߣߌ߲߬ ߞߏ ߘߊ ߘߐ߫߸ ߖߋ߬ߓߌ߬ߦߊ߬ߟߊ ߘߏ߫ ߦߋ߫ ߞߣߍ ߞߊ߲߬߸ ߊ߬ߟߋ ߣߴߊ߬ ߘߍ߬ߢߐ߲߮ ߠߎ߬ ߟߋ߬ ߦߴߊ߬ ߞߊ߲߬߸ ߞߵߊ߬ ߓߊߘߋ߲ߡߊ ߢߌߣߌ߲߫߸ ߊ߬ ߞߊ߲߫ ߞߏ߫ <<ߒߠߋ ߣߌ߫ ߛߌߟߊ߲߫ ߠߋ߬ ߕߋ߲߬߸ ߣߴߊ߬ ߦߴߊ߬ ߛߐ߬ߘߐ߲߬ ߒ ߘߐ߰ߞߍ߫ ߕߍ߫ ߡߐ߰ ߡߍ߲߬ ߠߎ߬ ߕߍߡߊ߬߸ ߞߊ߬ߦߌ߯ ߞߐ߬ߟߏ߲߸ ߊ߲ ߧߴߊ߬ ߞߊ߲߬ ߞߵߊ߬ ߞߟߌ߫߸ ߊ߲ ߕߍ߫ ߟߌ߬ߤߟߊ߬ ߛߌ߫ ߛߐ߬ߘߐ߲߬ ߠߴߊ߬ ߟߊ߫ ߞߏ ߞߊ߲߬߸ ߏ߬ ߞߏߛߐ߲߬߸ ߒ ߣߐ߭ ߞߊ߬ߛߙߊ ߢߌ߲߬ ߟߌ߬ߤߟߊ ߡߍ߲ ߠߊ߫߸ ߒ ߞߊߟߌߦߊߡߍߣߍ߲ߕߐ ߛߋ߫ ߘߊ߫ ߦߊ߲߬߸ ߞߣߵߊ߬ ߡߊߝߟߍ߫߸ ߣߴߊ߬ ߛߐ߬ߘߐ߲߬ ߘߴߊ߬ ߕߍ߫ ߡߐ߰ ߡߍ߲߬ ߠߎ߬ ߕߍߡߊ߬، ߊ߲ ߛߋ ߦߊ߲߬߸ ߊ߲ ߥߊ߫ ߘߊ߫ ߛߎ߭ ߟߎ߬ ߡߊߝߟߍ߫ ߘߊ߲ߘߊߛߏ ߟߊ߫߸ ߊ߲ ߞߵߊ߬ ߦߋ߫ ߞߏ߫ ߊ߬ ߕߍ߫ ߏ߬ ߟߎ߬ ߕߍߡߊ߬߸ ߊ߲ ߞߏ߬ߣߌ߲ ߦߋ߫ ߦߙߐ ߡߍ߲ ߘߐ߫ ߣߌ߲߬߸ ߊ߬ ߟߌ߬ߤߟߊ߬ ߛߌ߫ ߟߐ߲ߣߍ߲߫ ߕߴߊ߲ ߓߟߏ߫߸ ߓߊ߬ߙߌ߫߸ ߊ߲ ߦߋ߫ ߊߟߊ߫ ߘߋߟߌ߫ ߟߊ߫ ߟߋ߬߸ ߊ߬ ߞߊߣߊ߬ ߞߍ߫ ߞߊ߬ߛߙߊ߬ߓߊ߰ߕߐ ߟߎ߬ ߕߍߡߊ߬߸ ߓߊߏ߬߸ ߣߴߏ߬ ߞߍ߫ ߘߊ߫߸ ߏ߬ ߕߍ߫ ߤߙߍ߫ ߘߴߊ߲ ߞߊ߲߬>> ߣߌ߲߬ ߦߋ߫ ߖߋ߬ߓߌ߬ߦߊ߬ߟߊ ߘߏ߫ ߟߋ߬ ߞߎߡߊ߫ ߞߊ߲ ߘߌ߫، ߦߍ߲ߣ ߣߊ߲߬ߒߕߊ߲߫ ߞߙߎ ߢߍߡߐ߮߸ ߦߎ߯ߛߎߝ ߜ߭ߋߦߌ߬ ߟߊ߫ ߞߎߡߊ߫ ߘߐ߫߸ ߖߌ߰ߕߍ߮ ߟߋ߬ ߦߴߊ߬ ߞߊ߲߬ ߞߊ߬ ߣߊ߲߬ߒߕߊ߲ ߠߎ߬ ߓߌ߬ߟߊ߬ ߞߎ߲߬ߝߍ߬ߕߊ߰ߟߌ ߘߐ߫߸ ߣߍߣߍߓߊ ߘߊߡߌߣߊ ߢߌ߲߬ ߠߊ߫߸ ߞߎߟߎ߲߫ ߜߘߍ߫ ߟߋ߬ ߝߘߌ߫ ߘߊ߫ ߟߐ߲ߔߎߟ߸ ߏ߬ ߡߍ߲ ߛߋ߲߭ߝߍ߬߸ ߡߐ߰ ߄߃ ߓߐ߬ߣߐ߫ ߘߴߊ߬ ߣߌ ߘߐ߫߸ ߏ߬ ߟߎ߫ ߘߏ߲߬ ߝߣߊ߫ ߞߎ߲߭ ߟߐ߬ߣߍ߲߫ ߕߘߍ߬ ߦߋ߫ ߍߛߑߔߊߢߌ߲߬ ߟߋ߬ ߟߊ߫.