ߛߣߍ߬ߜ߭ߊ߬ߟߌ߫ ߞߣߐ߫߸ ߞߎߣߎ߲߬ ߞߍ߲ߘߍߟߏ߲ ߂߀߂߆ ߣߍߣߍߓߊ ߕߋ߬ߟߋ߫ ߂߁߸ ߘߍ߬ߡߍ߲߬ߠߌ߲߬ ߞߙߎ ߞߊ߬ ߝߙߊ߬ߒ߬ߞߊ߲߬ ߕߐ߲ ߘߏ߫ ߛߌ߰ ߛߋ߲߬ߠߊ߫߸ ߞߎ߲߬ߝߍ߬ߕߊ߰ߟߊ ߞߟߍ߬ ߞߏ ߞߊ߲߬ ߖߡߊ߬ߣߊ ߢߌ߲߬ ߞߣߐ߫߸ ߝߐ߰ߓߍ߬ߦߊ߬ߟߊ ߟߎ߬ ߢߍߡߊ߬ ߘߊߞߊ߯ߙߎ߫߸ ߏ߬ ߕߐ߲ ߠߎ߬ ߞߵߊ߬ ߟߊߡߌߣߌ߲߫ ߠߋ߬߸ ߞߎ߲߬ߠߊ߬ߛߌ߮ ߦߋ߫ ߜߍߦߊ ߝߊ߲ߞߊ߲߫ ߊ߬ߟߎ߬ ߟߊ߫ ߞߎ߲߬ߝߍ߬ߕߊ߰ߟߊ ߞߍ߬ߟߍ ߘߐ߫ ߓߘߍ߬ߓߘߍ߬ߟߌ߬ ߝߙߍ ߟߎ߬ ߟߊ߫. 
ߟߐ߲ߔߎߟ ߞߎߟߎ߲߫ ߞߊߛߙߊ ߞߐߝߍ߬߸ ߡߐ߰ ߄߀ ߣߌ߫ ߝߊ߰ ߘߊ߫߸ ߞߊ߬ ߝߙߊ߬ ߦߍ߲ߣ ߕߊ ߝߣߊ߫ ߞߊ߲߬ ߞߎߣߎ߲ߟߏ߲ ߕߊ߬ߡߌ߲߬ߣߍ߲ ߡߊ߬߸ ߘߍ߬ߡߍ߲߬ߠߌ߲߬ ߞߙߎ ߣߌ߲߬ ߦߴߊ߬ ߢߌߣߌ߲߫ ߠߊ߫ ߞߎ߲߬ߠߊ߬ߛߌ߮ ߟߎ߬ ߝߍ߬߸ ߞߏ߫ ߞߊ߬ ߢߊߝߐߟߌ߫ ߖߐ߲ߖߐ߲߫ ߞߍ߫ ߊ߬ߟߎ߬ ߦߋ߫ ߛߊ߲߬ ߂߀ ߟߊߓߊ߲ ߕߊ߬ߡߌ߲߬ߣߍ߲ ߣߌ߲߬ ߥߊߘߌ߫ ߘߌߣߍ߲ ߠߎ߬ ߘߏ߲߬ ߦߙߐ ߟߎ߬ ߟߊ߫߸ ߊ߬ ߕߌ߯ߕߌ߯ ߛߣߍ߬ߜ߭ߊ߬ߟߌ߫ ߣߌ߫ ߍߛߑߔߊߢߌ߲߬ ߟߊ߫ ߓߊ߯ߙߊߢߐ߲߯ߦߊ ߖߐ߰ߣߍ ߟߎ߬ ߟߊ߫߸ ߞߵߊ߬ ߞߎ߲߭ ߞߍ߫ ߘߏ߫ ߝߊ߬ߙߊ߫ ߘߌ߫ ߞߎ߲߬ߝߍ߬ߕߊ߰ߟߊ ߟߎ߬ ߟߊ߫ ߗߡߍ߬ߘߐ߬ߦߊ ߞߊ߲߬ ߍߛߑߔߊߢߌ߲߬߸ ߊߘߤߊ ߘߍ߬ߡߍ߲߬ߠߌ߲߬ ߞߙߎ ߡߍ߲ ߦߋ߫ ߝߙߊ߬ߒ߬ߞߊ߲߬ ߕߐ߲ ߣߌ߲߬ ߕߍߡߊ߬߸ ߏ߬ ߣߐ߬ ߛߓߍ ߘߏ߫ ߟߋ߬ ߟߊߘߏ߲߬ ߠߊ߫ ߝߊ߬ߛߏ߬ߜߙߊ ߟߊ߫߸ ߞߏ߫ ߞߊ߬ ߛߍ߯ߛߍ߯ߟߌ ߟߎ߬ ߞߍ߫ ߞߏ ߟߎ߬ ߞߊ߲߬߸ ߞߊ߬ ߥߴߊ߬ ߛߌ߰ ߤߊ߲߯ ߂߀߀߆ ߕߎ߬ߡߊ ߟߊ߫، ߊ߬ߟߎ߬ ߟߊ߫ ߢߍߡߐ߮ ߘߏ߫ ߟߊ߫ ߝߐߟߌ߫ ߘߐ߫߸ ߣߴߊ߬ ߦߋ߫ ߊߘߡߊ߫ ߒߓߍ߲ߜ߭ߎ߳ ߘߌ߫. 
ߊ߬ ߞߊ߲߫ ߞߏ߫ <<ߕߎ߬ߢߊ ߖߍ߬ߘߍߖߍ߬ߘߍ ߡߍ߲ ߦߋ߫ ߘߌ߫߸ ߞߎ߲߬ߝߍ߬ߕߊ߰ߟߊ߫ ߟߎ߬ ߞߟߍ߬ߟߌ ߓߘߍ߬ߓߘߍ߬ߟߌ߬ ߝߙߍ߫ ߕߍ߫ ߛߣߍ߬ߜ߭ߊ߬ߟߌ߫߸ ߟߊ߬ߞߊ߲߬ߘߊ߬ߟߌ߬ ߞߏ߫ ߞߎߡߊ ߜߊ߲߬ߛߊ߲ ߘߐߙߐ߲߫ ߕߍ߫߸ ߣߌ߲߬ ߞߏ ߦߋ߫ ߛߋ߲߬ߠߊ߫ ߞߊ߬ߦߌ߯ ߂߀߀߆߸ ߓߌ߬ ߞߏ߫ ߕߍ߫ ߘߋ߬߸ ߊ߬ߟߎ߫ ߕߎ߲߬ ߞߵߊ߬ ߟߊߢߌߣߌ߲߫߸ ߞߏ߫ ߞߊ߬ ߦߙߐ ߟߎ߬ ߘߊߕߎ߲߯߸ ߞߊ߬ ߞߐ߰ߖߌ ߟߎ߬ ߞߙߐ߬ߛߌ߫߸ ߒ߬ߓߊ߬߸ ߏ߬ ߣߴߊ߬ ߕߊ߫߸ ߣߊ߲߬ߒߕߊ߲ ߠߎ߬ ߦߴߊ߬ ߞߊ߲߬ ߞߊ߬ ߞߐ߰ߖߌ ߛߌߟߊ ߕߊ߬߸ ߊߟߎ߫ ߕߴߛߋ߫ ߞߊ߬ ߝߍ߬ߙߍ߫ ߕߊ߬߸ ߡߍ߲ ߠߎ߬ ߦߋ߫ ߦߋ߲߬ ߘߐ߫ ߞߊ߬ߦߌ߯ ߂߀߀߆ ߟߊ߫߸ ߞߏ߫ ߞߵߏ߬ ߞߍ߫ ߞߊ߬ ߜߟߍ߬ߦߊ ߟߎ߬ ߞߎ߲߭ߓߍ߲߬߸ ߤߊߟߌ߬ ߣߴߊ߬ ߦߴߊ߬ ߛߐ߬ߘߐ߲߬ ߞߏ߫ ߌ ߦߋ߫ ߞߎߓߋߘߊ߫ ߞߎߘߊ߫ ߢߍߡߐ߮ ߟߋ߬ ߘߌ߫߸ ߣߴߌ ߣߊ߬ ߘߊ߫ ߞߎߓߋߘߊ ߞߎ߲߬ߠߊ߫߸ ߌ ߞߊ߫ ߞߊ߲߫ ߞߊ߬ ߖߊ߬ߕߋ߬ߓߐ ߟߎ߬ ߟߋ߬ ߞߍ߫߸ [...] ߝߏ߫ ߞߵߊ߬ ߞߏ ߢߊߢߌߣߌ߲߫ ߖߌ߫ ߢߡߊߟߐ߬ߣߍ߲ ߠߋ߬ ߞߘߐ߫߸ ߞߊ߬ߕߎ߲߯߸ ߊ߲ ߠߊ߫ ߖߡߊ߬ߣߊ߬ߘߋ߲ ߝߊ߲߬ߓߊ ߦߋ߫ ߣߊ߲߬ߒߕߊ߲ ߠߎ߬ ߟߋ߬ ߘߌ߫߸ ߡߍ߲ ߠߎ߬ ߖߍ߬ߘߍ ߛߌ߬ߞߛߊ߬ߓߌ ߦߋ߫ ߕߍ߫ ߕߊ߬ߡߌ߲߬ ߛߊ߲߬ ߃߅ ߞߊ߲߬ %߁߀߀ ߘߐ߫، ߏ߬ ߣߊ߲߬ߒߕߊ߲ ߡߍ߲ ߠߎ߬ ߞߊ߫ ߞߊ߲߫ ߞߊ߬ ߞߍ߫ ߊ߲ ߛߋ߲߭ ߠߴߊ߲ ߓߟߏ ߘߌ߫߸ ߞߊ߬ ߝߊ߬ߛߏ ߟߐ߬ ߞߵߊ߬ߟߎ߬ ߕߏ߫ ߊ߬ ߞߣߐ߫ ߦߊ߲߬߸ ߏ߬ ߣߊ߲߬ߒߕߊ߲ ߠߎ߬ ߟߋ߬ ߕߏߣߍ߲߫ ߞߋ߬ߟߋ߲߬ߠߊ߬ߓߌߟߊ ߞߣߐ߫ ߣߌ߲߬>> ߣߌ߲߬ ߧߋ߫ ߝߙߊ߬ߒ߬ߞߊ߲߬ ߕߐ߲ ߢߍߡߐ߮ ߘߏ߫ ߟߋ߬ ߞߎߡߊ߫ ߞߊ߲ ߘߌ߫.