ߛߌ߬ߣߌ߲߬ߟߏ߲ ߠߋ߬ ߡߊ߬߸ ߊ߬ ߝߊ߬ߛߏ ߟߊ߫ ߓߜ߭ߊ߬ߝߍ߬ߦߊ߫ ߘߎ߱ ߞߣߐ߫، ߓߟߏߘߐߓߍ߲ ߠߎ߬ ߦߴߌߘߐ߫ ߛߏ ߞߣߐ߫ ߕߋ߲߬߸ ߞߊ߬ ߓߍ߲߬ ߖߊ߬ߡߊ ߟߊߛߣߍ߫ ߢߊ ߡߊ߬߸ ߟߊ߬ߖߌ߰ߦߊ߬ߟߌ ߟߎ߫ ߡߊ߬.

ߛߏ ߣߌ߲߬ ߦߋ߫ ߢߊ߲߬ߕߊ߬ߣߌ߲߬ߠߊ߫ ߡߙߊ߬ߘߊ߬ߙߋ߲ ߠߋ߬ ߘߐ߫߸ ߡߊ߲߬ߖߊ߲߬ߠߊ߫ ߡߙߊ߬ߓߊ߰ߘߊ ߘߐ߫ ߞߎߘߍ߫ ߇߅ ߢߐ߲߰ ߠߊ߫، ߛߏ ߣߌ߲߬ ߛߌ߰ߓߊ߮ ߦߋ߫ ߡߐ߱ ߥߊ߯ ߞߋߟߋ߲߫ ߣߌ߫ ߞߐ߫ ߟߋ߬ ߘߌ߫߸ ߊ߬ߟߎ߬ ߟߊ߫ ߓߊ߯ߙߊ ߞߐߞߟߏ ߦߋ߫ ߛߍ߬ߣߍ ߟߋ߬ ߘߌ߫.

ߡߊ߬ߡߙߊ߬ߟߌ ߣߐ߬ ߕߐ߮ ߡߍ߲ ߡߊߟߐ߲߫ ߠߊ߫߸ ߏ߬ ߟߋ ߓߜ߭ߊ߬ߝߍ߬ߦߊ߫ ߘߌ߫، ߓߊ߬ߙߌ߬߸ ߘߐ߬ߝߐ ߟߊ߫ ߦߌ߬ߘߊ߬ߟߌ߬ ߘߐ߫߸ ߊ߬ ߕߐ߮ ߓߊߛߎ߲ ߠߋ߬ ߞߐ߬ߟߐ߲߬ߡߟߋ߬ߦߌ߬ߟߊ߬ ߘߌ߫߸ ߏ߬ ߟߋ ߣߊ߬ߣߍ߲߬ ߞߍ߫ ߟߊ߫ ߘߊߟߞߊߟߌߦߊ ߓߟߏ߫ ߞߟߐ߬ߡߊ߬ߟߌ߬ߟߊ߬ ߘߌ߫.

ߏ߬ ߦߋ߫ ߘߝߐ߬ ߘߌ߫߸ ߡߐ߰ߓߊ ߟߎ߫ ߞߊ߬ ߡߍ߲ ߢߊߝߐ߫߸ ߣߴߊ߬ ߖߌ߬ߦߊ߬ߖߟߎ ߦߋ߫ ߛߌߟߊ߫ ߟߊ߫.

ߕߎ߲ߓߊ߬ ߓߋ߲ߓߊ ߟߎ߬ ߛߌ߰ߣߍ߲߫ ߕߘߍ߬ ߛߏ ߢߌ߲߬ ߠߋ߬ ߟߊ߫߸ ߕߐ߰ߡߊ߬ߛߙߋ ߟߎ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߡߍ߲ ߠߎ߬ ߓߍ߯ ߣߎ߲߬ ߦߋ߫ ߗߍ߬ߝߊߘߌ߲߫ ߘߌ߫.

ߌ ߓߊ߯ ߘߏ߲߬ ߛߏ ߞߣߐ߫ ߕߋ߲߬߸ ߛߎ߬ߣߎ߲ ߦߋ߫ ߘߎ߰ ߡߐ߮ ߟߎ߬ ߢߊߘߎ߮ ߘߐ߫߸ ߓߍ߯ ߦߋ߫ ߓߊߘߍ ߖߌ߲߬ߖߊ߲߬ߖߙߌ ߘߐ߫، ߔߏߔߏ߫ ߟߐ߫ ߦߌߟߊ ߟߎ߬ ߓߘߊ߫ ߘߐߓߍ߲߬߸ ߞߊߓߙߎ ߓߘߊ߫ ߛߋ߲߬ ߞߵߏ߬ ߞߍ߫ ߞߙߎ߬ߟߍ߲ߓߍ߲ ߘߌ߫߸ ߡߍ߲ ߛߊ߲߬ߞߊ߬ߛߊ߲ߞߊ ߦߋ߫ ߛߌ߰ ߥߐߙߐ߲ߝߌ߬ߟߊ߬ ߘߌ߫߸ ߊ߬ ߟߐ߭ ߦߋ߫ ߗߍ߬ߟߐ߬ ߞߋߟߋ߲߫ ߣߌ߫ ߕߟߊ߫ ߟߋ߬ ߘߌ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߣߌ߫ ߛߌߕߊ߲߬ ߞߊ߬ߓߊ ߓߟߏ߫.