ߛߣߍ߬ߜ߭ߊ߬ߟߌ߫ ߟߊ߬ߓߏ߬ߙߌ߬ߟߊ ߟߎ߬ ߟߊ߫ ߞߙߎߝߊ ߓߘߴߊ߬ ߟߊ߫ ߖߛߎ߬ߞߊߛߌ ߦߌ߬ߘߊ߬ ߞߵߊ߬ ߓߍ߲߬ ߝߊ߯ߞߊ߲ߓߋ߲߫ ߓߏߙߌߟߊ ߁߅ ߟߊ߫ ߝߊ߰ߟߌ ߡߊ߬

ߓߋ߬ߒ߬ߞߊ߲߬ߠߌ߲ ߡߍ߲ ߞߍ߫ ߘߊ߫ ߝߊ߯ߞߊ߲ߓߋ߲ ߠߎ߫ ߡߊ߬ ߘߌߓߏߟߌ߫ ߣߌ߫ ߞߊ߬ߦߋ߫ ߕߍߟߊ ߘߐ߫ ߓߊ߰ߓߊ߰ߟߌ߬ߟߊ ߟߎ߬ ߓߟߏ߫ ߓߌߟߏ߲ ߕߊ߬ߡߌ߲߬ߣߍ߲ ߡߊ߬߸ ߝߊ߯ߞߊ߲ߓߋ߲߫ ߄߀ ߢߐ߲߰ ߖߋ߬ߣߌ߲߬ ߘߊ߫ ߏ߬ ߡߍ߲ ߛߋ߲߭ߝߍ߬߸ ߊ߬ ߣߌ߫ ߞߊ߬ ߣߊ߲߬ߕߌ߰ ߁߀ ߢߐ߲߰ ߓߐ߬ߣߐ߫ ߊ߬ ߣߌ ߘߐ߫߸ ߒ߬ߓߊ߬߸ ߛߣߍ߬ߜ߭ߊ߬ߟߌ߫ ߟߊ߬ߓߏ߬ߙߌ߬ߟߊ ߟߎ߬ ߟߊ߫ ߞߙߎߝߊ ߞߏߢߣߊߓߐߟߊ ߜ߭ߏߙߊ߫ ߞߤߎߡߊ߫ ߞߊ߲߫ ߞߏ߫ ߊ߬ߟߋ ߡߊ߫ ߝߙߍ߬ ߛߌ߫ ߦߋ߫ ߞߏߢߊ ߣߌ߲߬ ߠߊ߫߸ ߒߠߋ ߞߏ߬ߣߌ߲ ߦߋ߫ ߒ ߠߊ߫ ߛߎ߬ߣߎ߲ ߠߋ߬ ߦߌ߬ߘߊ߬ ߟߊ߫߸ ߞߊ߬ߕߎ߲߯߸ ߊ߲ ߓߊ߯ߙߊߢߐ߲߮ ߠߋ߬ ߦߴߊ߬ߟߎ߬ ߘߌ߫߸ ߊ߬ ߞߍ߫ ߘߊ߫ ߛߣߍ߬ߜ߭ߊ߬߫ߟߌ߫ ߟߊ߬ߓߏ߬ߙߌ߬ߟߊ߫ ߘߌ߫ ߥߟߊ߫ ߡߊ߬ߟߌ ߤߊߡߊ߲ߕߍ߫ ߓߙߎߞߌߣߊ߫߸ ߞߏ߫ ߓߊ߯ ߟߊ߬ߓߏ߬ߙߌ߬ߟߊ ߡߍ߲ ߛߐ߬ߘߐ߲߫ ߏ߬ ߟߎ߫ ߘߐ߫߸ ߏ߬ ߦߋ߫ ߊ߲ߠߎ߬ ߕߙߐ߫ ߞߏ ߟߋ߬ ߘߌ߫߸ ߓߊ߯ߙߊ߫ ߜߘߍ߫ ߘߏ߲߬ ߕߍ߫ ߊ߲ ߠߊ߫ ߣߌ߫ ߣߌ߲߬ ߕߍ߫߸ ߊ߲ ߧߋ߫ ߓߊ߯ߙߊ߫ ߟߊ߫ ߞߊ߬ ߘߋ߲ߓߦߊ ߓߊߟߏ ߟߋ߬ ߢߌߣߌ߲߫߸ ߊ߲ ߕߍ߫ ߓߘߍ߬ߓߘߍ߬ߟߌ߬ ߡߐ߯ ߘߌ߫߸ ߡߎ߲߬ ߠߊ߫ ߏ߬ ߘߐ߫ ߕߙߐߦߊ ߦߋ߫ ߓߋ߬ ߟߴߊ߲ ߞߊ߲߬߸ ߊ߲ ߘߏ߲߬ ߕߍߣߊ߬ ߓߍ߲߬ ߠߊ߫ ߏ߬ ߡߊ߬߸ ߕߎ߬ߢߊ ߟߊ߫߸ ߊ߬ ߦߋ߫ ߊ߲ ߕߙߐ߫ ߟߊ߫ ߟߋ߬ ߞߏߛߓߍ߫.

ߡߍ߲ ߘߏ߲߬ ߞߍ߫ ߘߊ߫ ߘߌߓߏߟߌ߫ ߣߌ߫ ߞߊ߬ߦߋ߫ ߕߍ ߘߐ߫ ߕߋ߲߬߸ ߣߌ߲߬ ߢߐ߲߰ߠߊ ߘߌ߫ ߛߋ߫ ߞߍ߫ ߟߊ߫ ߝߊ߲߬ ߜߘߍ߫ ߝߣߊ߫ ߝߍ߬߸ ߕߎ߬ߡߊ ߘߏ߫ ߟߎ߫ ߦߋ߫ ߞߍ߫ ߟߴߊ߬ ߘߐ߫߸ ߓߊ߰ߓߊ߰ߟߌ߬ߟߊ ߟߎ߬ ߦߋ߫ ߓߋ߬ߒ߬ߞߊ߲߬ߠߌ߲ ߞߍ߫ ߟߊ߫ ߟߋ߬ ߛߌߟߊ ߣߌ߲߬ ߞߊ߲߬߸ ߊ߬ߟߎ߬ ߘߌ߫ ߓߐ߫ ߦߊ߲߬ ߞߊ߬ ߕߴߊ߬ ߞߍ߫ ߝߊ߲߬ ߜߘߍ߫ ߟߎ߫ ߝߣߊ߫ ߘߐ߫߸ ߣߴߏ߬ ߦߋ߫ ߛߌߞߊߛߏ߬ ߛߌߟߊ ߘߌ߫߸ ߟߊ߬ߞߊ߲߬ߘߊ߬ߟߌ ߘߏ߲߬ ߕߍ߫ ߛߌߟߊ߫ ߏ߬ ߞߊ߲߬߸ ߊ߲ ߘߏ߲߬ ߕߘߍ߬ ߓߘߊ߫ ߞߎߡߊ߫ ߡߊ߬ߟߌ ߞߎ߲߬ߠߊ߬ߛߌ߮ ߟߎ߬ ߣߌ߫ ߛߣߍ߬ߜ߭ߊ߬ߟߌ߫ ߞߎ߲߬ߠߊ߬ߛߌ߮ ߟߎ߬ ߦߋ߫߸ ߊ߬ߟߎ߬ ߦߋ߫ ߝߙߍ߬ߞߍ߫ ߞߊ߬ ߝߊ߯ߞߊ߲ߓߋ߲ ߠߎ߬ ߞߣߐ߬ߜߍ߲߫߸ ߞߊ߬ ߣߊ߲߬ߕߌ߮ ߟߎ߫ ߓߌ߬ߟߊ߬ ߊ߬ߟߎ߬ ߞߐ ߣߴߊ߬ ߢߍ߫߸ ߣߴߊ߬ ߘߏ߲߬ ߦߴߊ߬ ߛߐ߬ߘߐ߲߬ ߞߏ߫ ߡߊ߬ߟߌ߫ ߣߊ߲߬ߕߌ߮ ߟߎ߬ ߖߍ߬ߘߍ ߝߣߊ߫ ߦߋ߫ ߝߊ߰ ߟߊ߫ ߟߋ߬ ߊ߬ ߞߏ ߟߎ߬ ߛߋ߲߭ߝߍ߬߸ ߒߠߋ ߞߏ߬ߣߌ߲ ߡߴߊ߬ ߟߐ߲߫ ߓߎ߬ߕߎ߲߫ ߡߍ߲ ߞߊ߫ ߞߊ߲߫ ߞߊ߬ ߞߍ߫߸ ߣߌ߲߬ ߠߋ߬ ߞߍ߫ ߘߊ߫ ߟߊ߬ߓߏ߬ߙߌ߬ߟߊ ߟߎ߬ ߟߊ߫ ߞߙߎߝߊ ߞߏߢߣߊߓߐߟߊ ߜ߭ߏߙߊ߫ ߞߤߎߡߊ߫ ߟߊ߫ ߞߎߡߊ ߘߌ߫.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.