ߡߊ߬ߟߌ: ߟߊ߬ߓߏ߬ߙߌ߬ߟߊ߬ ߁߅ ߢߐ߲߰ ߓߘߊ߫ ߓߐ߬ߣߐ߫ ߊ߬ ߣߌ ߘߐ߫ ߓߋ߬ߒ߬ߞߊ߲߬ߠߌ߲ ߘߏ߫ ߛߊߓߎ߫ ߟߊ߫ ߘߌߓߏߟߌ߫ ߣߌ߫ ߞߊ߬ߦߋ߫ ߕߍߟߊ ߘߐ߫

ߓߌߟߏ߲ ߕߊ߬ߡߌ߲߬ߣߍ߲ ߓߋ߬ߒ߬ߞߊ߲߬ߠߌ߲ ߛߋ߲߭ߝߍ߬ ߡߍ߲ ߟߐ߬ߣߍ߲߫ ߕߘߍ߬ ߦߋ߫ ߝߊ߯ߞߊ߲ߓߋ߲ ߠߎ߫ ߡߊ߬߸ ߞߵߊ߬ ߓߍ߲߬ ߞߌ߬ߓߊ߬ߙߏ߬ߘߊ ߘߏ߫ ߟߊ߫ ߞߎߡߊ ߡߊ߬߸ ߟߊ߬ߓߏ߬ߙߌ߬ߟߊ ߁߅ ߢߐ߲߰ ߠߋ߬ ߝߊ߰ ߘߊ߫߸ ߣߊ߲߬ߕߌ߰ ߁߉ ߟߋ߬ ߝߣߊ߫ ߓߣߐ߬ ߘߴߊ߬ ߣߌ ߘߐ߫߸ ߓߋ߬ߒ߬ߞߊ߲߬ߠߌ߲ ߣߌ߲߬ ߞߍ߫ ߘߊ߫ ߘߌߓߏߟߌ߫ ߣߌ߫ ߞߊ߬ߦߋ߫ ߕߍߟߊ ߟߋ߬ ߘߐ߫߸ ߝߊ߯ߞߊ߲ߓߋ߲߫ ߄߀ ߢߐ߲߰ ߠߋ߬ ߝߣߊ߫ ߖߋ߬ߣߌ߲߬ ߘߊ߫߸ ߟߊ߬ߓߏ߬ߙߌ߬ߟߊ ߟߎ߬ ߛߎ߭ ߕߊ߯ ߘߊ߫ ߦߋ߫ ߞߣߍ ߘߏ߫ ߟߋ߬ ߞߊ߲߬߸ ߊ߬ߟߎ߬ ߢߊߘߊ ߡߊߕߎ߲߯ߣߍ߲ ߦߋ߫߸ ߜߎ߬ߕߙߎ߬ ߘߐ߬ ߛߙߋ ߘߏ߫ ߟߊ߫ ߞߎߡߊ߫ ߘߐ߫ ߞߊ߬ߣߌ߲߫߸ ߊ߬ ߣߌ߫ ߝߣߊ߫ ߊ߬ߟߋ ߞߊ߬ ߞߊ߬ߛߙߊ߬ߕߐ߬ ߁߈ ߠߋ߬ ߞߙߐ߬ߛߌ߫߸ ߏ߬ ߘߐ߫߸ ߏ߬ ߘߴߊ߬ ߦߌ߬ߘߊߞߊ߬ ߞߏ߫ ߓߋ߬ߒ߬ߞߊ߲߬ߠߌ߲߬ߠߊ ߞߍߣߍ߲ ߞߐ ߞߵߊ߬ߟߎ߬ ߕߍ߯ ߞߍ߫ ߟߊ߬ߓߏ߬ߙߌ߬ߟߊ ߟߎ߬ ߘߐ߫߸ ߊ߬ߟߎ߫ ߞߵߊ߬ߟߎ߬ ߢߊ ߟߎ߬ ߛߌ߬ߘߌ߫ ߟߋ߬߸ ߏ߬ ߞߐ߫ ߞߊ߬ ߞߏߖߎ߮ ߞߍ߫ ߊ߬ߟߎ߬ ߟߊ߫߸ ߛߙߋ߫ ߜߘߍ߫ ߟߊ߫ ߝߐߟߌ߫ ߘߐ߫߸ ߊ߬ߟߋ ߞߊ߬ ߛߎ߬ ߁߅ ߟߋ߬ ߞߙߐ߬ߛߌ߫߸ ߊ߬ ߘߏ߲߬ ߞߊ߬ ߛߎ߭ ߟߎ߬ ߟߊߣߍ߲߫ ߠߋ߬ ߦߋ߫ ߝߊ߯ߞߊ߲ߓߋ߲ ߠߎ߫ ߕߐ߬ߙߐߝߍ߬߸ ߛߎ߭ ߟߎ߬ ߞߊߛߊ ߓߐߣߍ߲߫ ߞߐ.

ߏ߬ ߟߋ߬ ߞߊ߬ ߘߎ߰ߘߋ߲ ߠߎ߬ ߓߐ߫ ߞߊ߬ ߕߊ߯ ߊ߬ߟߎ߬ ߢߊ ߟߴߊ߬ ߞߏ ߞߊ߲߬߸ ߊ߬ ߞߏ߬ߣߌ߲ ߊ߬ ߛߋ߲߬ߧߊ߬ ߝߟߐ ߟߋ߬ ߕߋ߲߬߸ ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߦߋ߫ ߟߊ߬ߓߏ߬ߙߌ߬ߟߊ ߟߎ߬ ߝߊ߰ ߕߍ ߣߌ߲߬ ߓߋ߬ߒ߬ߞߊ߲߬ߠߌ߲ ߘߐ߫߸ ߞߵߊ߬ ߓߍ߲߬ ߊ߲ ߠߊ߫ ߞߎ߲߬ߠߊ߬ߝߏߣߌ߲ ߛߐ߬ߘߐ߲߬ߣߍ߲ ߠߎ߬ ߡߊ߬߸ ߣߊ߲߬ߕߌ߰ ߁߀ ߝߊ߰ ߘߊ߫ ߓߌߟߏ߲ ߓߋ߬ߒ߬ߞߊ߲߬ߠߌ߲ ߣߌ߲߬ ߛߋ߲߭ߝߍ߬߸ ߞߊ߬ ߘߏ߫ ߟߎ߫ ߕߎߣߎ߲߫߸ ߊ߬ ߣߌ߫ ߞߊ߬ ߣߊ߲߬ߕߌ߮ ߟߎ߬ ߟߊ߫ ߞߐ߲߬ߛߏ߬ ߣߊ߯ߣߌ߲߫ ߖߋ߬ߣߌ߲߫߸ ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߕߊ߯ ߘߊ߫ ߣߊ߲߬ߕߌ߮ ߟߎ߬ ߟߊ߫ ߞߐ߲߬ߛߏ ߘߏ߫ ߟߎ߫ ߘߌ߫ ߝߣߊ߫.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.