ߖߋ߬ߟߌ߬ߓߊ߬ߟߊ߫ ߖߡߊ߬ߣߊ ߞߣߐ߫߸ ߡߐ߰ ߂߀ ߢߐ߲߰ ߠߋ߬ ߓߐ߬ߣߐ߫ ߊ߬ ߣߌ ߘߐ߫ ߓߊ߰ߓߊ߰ߟߌ ߘߏ߫ ߘߐ߫ ߞߎߣߎ߲ߟߏ߲ ߣߌ߫ ߓߌߟߏ߲ ߕߍߟߊ ߘߐ߫߸ ߡߐ߰ ߝߊ߰ߣߍ߲ ߠߎ߬ ߘߐ߫߸ ߣߊ߲߬ߕߌ߰ ߟߋ߬ ߦߴߊ߬ ߘߐ߫߸ ߛߙߋ ߟߎ߬ ߟߊ߫ ߝߐߟߌ߫ ߘߐ߫، ߛߌߞߊ߫ ߞߍߣߍ߲߫ ߍߛߑߥߍߔ ߡߐ߱ ߟߎ߬ ߟߋ߬ ߡߊ߬ ߓߊ߰ߓߊ߰ߟߌ߬ ߞߏ ߣߌ߲߬ ߘߐ߫߸ ߖߋ߬ߟߌ߬ߓߊ߬ߟߊ߫ ߖߍ߬ߘߍ ߟߊ߬ߞߊ߲߬ߘߊ߬ߟߌ߬ ߞߙߎ ߘߏ߫߸ ߡߍ߲ ߠߎ߬ ߟߊ߫ ߓߊ߯ߙߊ ߦߋ߫ ߓߊ߰ߓߊ߰ߟߌ߬ߟߊ ߟߎ߬ ߞߍ߬ߟߍ ߘߌ߫߸ߞߙߎߞߊ߫ ߣߌ߲߬ ߛߌ߲߬ߝߏ߲ ߘߏ߫ ߟߋ߬ ߞߊ߬ ߏ߬ ߟߊߕߍ߰߸ ߊ߬ ߟߊ߫ ߝߐߟߌ߫ ߘߐ߫߸ ߡߐ߰ ߂߀ ߠߋ߬ ߝߊ߰ ߘߊ߫߸ ߣߊ߲߬ߕߌ߰ ߟߏ߯ߟߎ߫ ߦߴߊ߬ ߘߐ߫߸ ߊ߬ ߣߌ߫ ߓߟߏߟߊߓߊ߯ߙߟߊ ߘߏ߫ ߟߎ߫ ߣߌ߫ ߘߏ߲߬ߛߏ ߘߏ߫ ߟߎ߫ ߝߣߊ߫߸ ߞߏߢߊ ߣߌ߲߬ ߞߍ߫ ߘߊ߫ ߛߊߓߐ߲߫ ߜ߭ߊߙߌ߫ ߘߎ߱ ߟߋ߬ ߞߣߐ߫߸ ߓߐߙߑߣߏ߫ ߕߌ߲߬ߞߎߘߎ߲ ߘߐ߫߸ ߓߊ߰ߓߊ߬ߟߌ ߡߍ߲߬ ߞߍ߫ ߘߊ߫ ߕߋ߬ߟߋ߫ ߝߌ߬ߟߊ߫ ߓߊ߰ߓߊ߬ߟߌ ߘߏ߫ ߞߐ ߘߐ߫߸ ߏ߬ ߘߏ߲߬ ߝߣߊ߫ ߞߍ߫ ߘߊ߫ ߓߐߙߑߣߏ߫ ߡߙߊ߬ ߞߋߟߋ߲ ߣߌ߲߬ ߠߋ߬ ߞߣߐ߫߸ ߘߡߊߛߊߞ ߘߎ߱ ߞߣߐ߫߸ ߣߊ߲߬ߕߌ߰ ߞߐ߬ߣߐ߲߬ߘߐ߫ ߟߋ߬ ߝߊ߰ ߘߊ߫ ߏ߬ ߛߋ߲߭ߝߍ߬߸ ߓߊ߰ߓߊ߬ߟߌ ߡߍ߲߬ ߠߎ߬ ߦߴߊ߬ ߞߊ߲߬ ߞߊ߬ ߞߍ߫ ߕߎ߬ߡߊ ߟߋ߬ ߟߊ߫߸ ߊߡߙߌߞߌ߬ ߝߣߊ߫ ߦߴߊ߬ ߞߊ߲߬ ߞߊ߬ ߜߛߏ ߛߌ߰ ߖߋ߬ߟߌ߬ߓߊ߬ߟߊ߫ ߞߎ߲߬ߠߊ߬ߛߌ߮ ߟߎ߬ ߞߊ߲߬ ߕߎ߬ߡߊ ߡߍ߲.

ߘߏߣߊߟ ߕߑߙߐ߲ߔߎ߬ ߟߊ߫ ߡߊ߬ߝߌ߲߬ߞߊ߲߬ߠߊ ߟߎ߫߸ ߞߏ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߓߊ߰ߓߊ߰ߟߌ ߦߴߊ߬ ߞߊ߲߬ ߞߊ߬  ߛߌߦߊߦߊ߫ ߖߋ߬ߟߌ߬ߓߊ߬ߟߊ߫߸ ߊ߬ ߘߏ߲߬ ߞߏ߫ ߖߋ߬ߟߌ߬ߓߊ߬ߟߊ߫ ߞߎ߲߬ߠߊ߬ߛߌ߮ ߟߎ߬ ߕߍ߫ ߝߏߛߌ߬ ߟߋ߬ ߞߍ߫ ߟߊ߫ ߞߊ߬ ߓߊ߰ߓߊ߰ߟߌ ߢߌ߲߬ ߠߎ߬ ߟߊߘߊ߲߬߸ ߏ߬ ߟߋ߬ ߞߏߛߐ߲߬߸ ߊߡߙߌߞߌ߬ ߞߊ߬ ߥߊ߬ߟߏ߲߬ߠߌ߲ ߘߏ߫ ߟߎ߫ ߞߍ߫ ߛߏߞߕߏ߫ ߡߊ߬ߙߊ ߞߣߐ߫߸ ߡߍ߲ ߟߐ߬ߣߍ߲߫ ߕߘߍ߬ ߦߋ߫ ߓߊ߰ߓߊ߰ߟߌ߬ߟߊ ߟߎ߫ ߞߍ߬ߟߍ ߡߊ߬.

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.