ߘߍ߬ߡߍ߲߬ߠߌ߲߬ ߞߙߎ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬߸ ߌߙߊ߲߫ ߞߎ߲߬ߠߊ߬ߛߌ߮ ߟߎ߬ ߖߍ߬ߘߍ ߞߵߊ߬ ߟߊߢߌߣߌ߲߫ ߘߎ߰ߘߋ߲ ߠߎ߬ ߝߍ߬߸ ߊ߬ߟߎ߬ ߦߋ߫ ߓߐ߫ ߞߵߊ߬ߟߎ߬ ߟߊ߫ ߘߍ߬ߡߍ߲ ߦߌ߬ߘߊߞߊ߬߸ ߊ߬ ߣߌ߫ ߞߊ߬ ߕߊ߰ߛߌ߬ߓߌ߬ߟߊ߬ ߞߍ߫ ߛߦߊ߬ߓߊ߰ߕߐ ߟߎ߬ ߦߋ߫߸ ߞߐߞߊ߲߫ ߖߡߊ߬ߣߊ ߞߊ߲ߕߌ߯ ߛߌߦߊߡߊ߲߫ ߓߐ߫ ߘߊ߫ ߟߋ߬ ߞߊ߬ ߔߊߞߌߛߦߊ ߣߌ߲߬ ߞߐ߲߫߸ ߡߍ߲ ߦߋ߫ ߢߍߛߌ߲߫ ߠߊ߫ ߘߎ߰ߘߋ߲ ߠߎ߬ ߡߊ߬ ߞߊ߬ߣߌ߲߬، ߝߊ߬ߙߊ߲߬ߛߌ߫ ߖߍ߬ߘߍ ߟߊ߫ ߞߐߞߊ߲߫ ߓߊ߯ߙߟߊ ߛߌߦߊߡߊ߲߫ ߓߐ߫ ߘߊ߫ ߟߋ߬ ߌߙߊ߲߫.

ߔߊߞߌߛߦߊ ߣߌ߲߬ ߕߎ߬ߡߊ ߟߊ߫߸ ߌߙߊ߲߫ ߞߊ߲ߕߌ߮ ߞߵߊ߬ ߦߌ߬ߘߊ߬ ߞߏ߫ ߣߌ߲߬ ߦߋ߫ ߟߊ߬ߟߌ߬ߟߌ ߟߋ߬ ߘߌ߫ ߞߵߊ߬ ߟߐ߬ ߊߡߙߌߞߌ߬ ߡߊ߬߸ ߊ߬ ߓߊ߲߫ ߘߊ߫ ߝߣߊ߫߸ ߞߏ߫ ߟߊ߬ߢߌߣߌ߲ ߦߋ߫ ߞߐߞߊ߲߫ ߓߍ߲ߓߍ߲ߓߍ߲ ߠߎ߬ ߟߋ߬ ߟߊߛߊ߭ ߘߌ߫߸ ߊ߬ ߟߊ߫ ߝߐߟߌ߫ ߘߐ߫߸ ߞߐߞߊ߲߫ ߖߡߊߣߊ ߏ߬ ߟߎ߫ ߟߋ߬ ߞߊ߬ ߟߐ߯ߞߎ߲߫ ߝߌ߬ߟߊ߫ ߣߌ߲߬ ߔߊߞߌߛߦߊ ߞߍ߫߸ ߏ߬ ߡߍ߲ ߦߋ߫ ߛߋ߲߬ ߠߊ߫ ߞߊ߬ߦߌ߯ ߞߏߟߌ߲ߞߏߟߌ߲߫ ߂߈ ߠߊ߫ ߌߙߊ߲߫ ߝߊ߲߬ ߛߌߦߊߡߊ߲߫ ߞߣߐ߫߸ ߏ߬ ߥߊ߯ߕߌ ߟߊ߫ ߡߐ߱ ߟߎ߬ ߞߵߊ߬ߟߎ߬ ߟߊߘߍ߬ ߟߋ߬ ߓߐߟߐ߲ ߠߎ߬ ߞߣߐ߫߸ ߖߐ߲߰ߛߊ߫ ߞߊ߬ ߦߟߍ߬ߡߊ߲ ߠߊߘߏ߲߬ ߝߊ߲߬ߞߊ ߕߊ߯ߓߟߏ ߟߊ߫߸ ߡߐ߰ ߛߌߦߊߡߊ߲߫ ߓߐ߬ߣߐ߫ ߘߴߊ߬ ߣߌ ߘߐ߫ ߏ߬ ߡߍ߲ ߛߋ߲߭ߝߍ߬߸ ߞߊ߬ߕߎ߲߯߸ ߘߍ߬ߡߍ߲߬ߠߌ߲߬ ߞߙߎ ߟߊ߫ ߝߐߟߌ߫ ߘߐ߫߸ ߡߐ߰ ߆߀߀ ߣߌ߫ ߝߊ߲ߘߊ߫ ߟߋ߬ ߝߊ߰ ߘߊ߫ ߏ߬ ߞߏߢߊ ߟߎ߬ ߘߐ߫.

ߝߊ߬ߙߊ߲߬ߛߌ߫ ߞߊ߲ߕߌ߮ ߋߡߊߣߎ߳ߦߍߟ ߡߊߞߑߙߐ߲ ߦߋ߫ ߞߏߢߊ ߣߌ߲߬ ߞߐ߲߫ ߠߊ߫ ߟߋ߬߸ ߊ߬ ߘߏ߲߬߸ ߊߘߊߡߦߊ ߤߊߞߍ ߡߞߊߘߊ߲ ߦߋ߫ ߓߍ߯ ߡߊ߬ ߛߋ߲ߛߋߘߋ߲ ߠߋ߬ ߘߌ߫߸ ߊߡߙߌߞߌ߬ ߞߎ߲߬ߠߊ߬ߛߌ߮ ߟߎ߬ ߞߏ߬ߣߌ߲ ߓߘߴߊ߬ ߦߌ߬ߘߊ߬߸ ߞߏ߫ ߊ߬ ߘߌ߫ ߛߋ߫ ߞߍ߫߸ ߊ߬ߟߎ߬ ߦߋ߫ ߡߎ߯ ߕߋ ߟߎ߬ ߞߍ߫߸ ߞߊ߬ ߖߡߊ߬ߣߊ߬ߘߋ߲߬ ߜߊ߲ߛߊ߲ ߠߎ߬ ߟߊߞߊ߲ߘߊ߫߸ ߟߐ߲ߘߎ߬ߙ ߣߌ߫ ߓߟߋߖ߭ߑߞ ߞߊ߬ ߞߏߢߊ ߣߌ߲߬ ߠߊߜߎ߲߬ߝߎ߲߫ ߠߋ߬߸ ߡߍ߲ ߠߎ߬ ߦߋ߫ ߢߍߛߌ߲߫ ߠߊ߫ ߖߡߊ߬ߣߊ߬ߘߋ߲߬ ߜߊ߲ߛߊ߲ ߠߎ߬ ߡߊ߬ ߞߊ߬ߣߌ߲߬߸ ߙߎ߳ߛߌ߫ ߞߊ߬ ߡߍ߲ ߝߐ߫߸ ߞߏ߫ ߞߐߞߊ߲߫ ߖߡߊߣߊ ߟߎ߬ ߞߊ߫ ߞߊ߲߫ ߠߋ߬ ߞߵߊ߬ߟߎ߬ ߘߊ ߓߐ߫ ߖߡߊ߬ߣߊ ߟߎ߬ ߟߊ߫ ߞߏ ߟߎ߬ ߘߐ߫.
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.