ߛߣߍ߬ߜ߭ߊ߬ߟߌ߫ ߖߡߊ߬ߣߊ ߞߊ߲߬߸ ߛߌߟߊ߫ ߞߊ߲߫ ߓߌߟߊߒߘߐߖߎ߮ ߘߏ߫ ߓߘߊ߫ ߞߍ߫ ߕߎ߬ߙߎ߫ ߘߌ߫ ߞߊ߬ ߡߐ߰ ߥߐߙߐ߲ߝߌ߬ߟߊ߫ ߢߐ߲߰ ߓߐ߬ߣߐ߫ ߊ߬ ߣߌ ߘߐ߫߸ ߊ߬ ߣߌ߫ ߞߊ߬ ߡߐ߰ ߥߐ߬ߙߐ߲߬ߝߌ߬ߟߊ߬ ߜߘߍ߫ ߡߊߘߌߡߌ߲߫߸ ߡߊ߬ߘߌ߬ߡߌ߲߬ߓߊ߰ߕߐ ߟߎ߬ ߟߊ߫ ߖߐߞߟߌߘߊ ߖߎ߯ߦߊ߫ ߘߊ߫ ߟߋ߬ ߞߏߛߓߍ߫߸ ߣߌ߲߬ ߞߍ߫ ߘߊ߫ ߝߙߊߝߋ߲ߣߌ߫ ߘߎ߱ ߟߋ߬ ߞߣߐ߫ ߜ߭ߊ߲ߓߌ߫ ߘߊߝߍ߬.

ߣߌ߲߬ ߦߋ߫ ߟߌ߬ߤߟߊ߫ ߞߎ߲߬ߝߟߐ ߟߎ߬ ߟߋ߬ ߘߌ߫߸ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߞߍ߫ ߘߊ߫ ߝߙߊߝߋ߲ߣߌ߫ ߘߎ߱ ߟߋ߬ ߟߊ߫߸ ߊ߬ ߜߋ߲ߜߋ߲ ߘߐ߫ ߞߋߦߍߙ ߊ߬ߦߌߓߊ߬߸ ߦߋ߲߬ ߦߋ߫ ߜ߭ߊ߲ߓߌ߫ ߣߌ߫ ߛߣߍ߬ߜ߭ߊ߬ߟߌ߫ ߓߐߕߏ߲ ߠߋ߬ ߞߍ߬ߙߍߝߍ߬߸ ߟߌ߬ߤߟߊ߫ ߞߎ߲߬ߝߟߐ ߟߎ߬ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߖߌ߬ߖߊ ߘߏ߫ ߟߋ߬ ߣߐ߬ ߛߌߟߊ ߓߌ߬ߟߊ߬ ߟߊ߫߸ ߞߊ߬ ߕߊ߯ ߊ߬ ߛߌ߰ ߖߌ߬ߖߊ߬ߟߋ߲ ߘߏ߫ ߞߎ߲߬.

ߞߊ߬ ߏ߬ ߥߊߕߐߟߊ ߕߏ߫ ߘߊ߬ߞߊ߯ߙ߸ ߣߌ߲߬ ߞߍ߫ ߘߊ߫ ߞߐ߬ߟߏ߲ ߛߐ߰ߡߊ߬ߘߊ ߉ ߕߎߡߊ ߟߋ߬ ߟߊ߫߸ ߛߙߋ ߘߏ߫ ߟߊ߫ ߝߐߟߌ߫ ߘߐ߫߸ ߞߏ߫ ߖߌ߬ߖߊ ߣߌ߲߬ ߓߕߐ߫ ߕߘߍ߬ ߦߋ߫ ߘߊ߬ߞߊ߯ߙ ߟߋ߬߸ ߞߵߊ߬ ߞߎ߲߬ߛߌ߲߫ ߖ߭ߋߞߍ߲ߖ߭ߐߙ ߟߊ߫߸ ߡߐ߰ ߂߀ ߠߋ߬ ߕߘߍ߬ ߦߴߊ߬ߟߋ ߞߣߐ߫߸ ߖߌ߬ߖߊ߬ߟߋ߲ ߏ߬ ߓߕߐ߫ ߕߘߍ߬ ߦߋ߫ ߖ߭ߋߞߍ߲ߖ߭ߐߙ ߟߋ߬߸ ߡߐ߰ ߁߄ ߠߋ߬ ߕߘߍ߬ ߦߋ߫ ߏ߬ ߞߣߐ߫، ߒ߬ߓߊ߬߸ ߡߐ߰ ߥߐߙߐ߲ߝߌ߬ߟߊ ߟߋ߬ ߓߐ߬ߣߐ߫ ߘߴߊ߬ ߣߌ ߘߐ߫ ߦߋ߲߬ ߌߞߘߐ߫.

ߗߍ߭ ߥߐ߯ߙߐ߫ ߊ߬ ߣߌ߫ ߡߛߏ߬ ߞߋߟߋ߲߫߸ ߡߍ߲ ߕߏߣߍ߲߫ ߊ߬ ߘߐ߫߸ ߝߊ߰ߓߊ߰ߕߐ ߏ߬ ߟߎ߬ ߓߍ߯ ߕߘߍ߬ ߦߋ߫ ߖߌ߬ߖߊ߬ߟߋ߲ ߏ߬ ߟߋ߬ ߞߣߐ߫߸ ߊ߬ ߕߐ߭ ߡߐ߰ ߥߐ߬ߙߐ߲߬ߝߌ߬ߟߊ߬ ߜߘߍ߸ ߏ߬ ߟߎ߬ ߡߊߘߌߡߌ߲߫ ߘߊ߫ ߟߋ߬ ߞߏߛߓߍ߫߸ ߡߐ߰ ߣߊ߯ߣߌ߲߫ ߕߊ߬ ߘߊ߫ ߏ߬ ߟߎ߬ ߘߐ߫ ߞߊ߬ ߕߊ߯ ߊ߬ߟߎ߬ ߘߌ߫ ߓߊ߲߬ߖߎߟ ߘߊ߲ߘߊߛߏ ߟߊ߫߸ ߜ߭ߊ߲ߓߌ߫ ߞߎߓߋߘߊ ߟߊ߫.

ߊ߬ ߕߐ߬ ߛߓߊ ߕߊ߬ ߘߊ߫ ߞߊ߬ ߕߊ߯ ߊ߬ߟߎ߬ ߘߌ߫ ߞߋߦߍߙ ߊ߬ߦߌߓߊ߬ ߘߊ߲ߘߊߛߏ ߟߊ߫߸ ߡߐ߰ ߘߴߊ߬ ߝߐ߫ ߞߏ߫߸ ߞߏ߫ ߡߊ߫ ߖߌ߬ߖߊ ߞߣߐ߫ ߡߐ߮ ߟߎ߬ ߟߊ߫߸ ߝߏߛߌ߬ ߟߋ߬ ߡߊ߫ ߏ߬ ߞߣߐ߫ ߡߐ߮ ߟߎ߬ ߛߐ߬ߘߐ߲߬، ߓߌ߬ߟߊ߬ߒ߬ߘߐ߬ߖߎ߮ ߖߍ߬ߘߍ ߞߍߢߊ߫ ߖߐ߲ߖߐ߲߫ ߟߐ߲ߣߍ߲߫ ߕߴߊ߲ ߓߟߏ߫߸ ߓߊ߬ߙߌ߫߸ ߛߙߋ ߟߎ߬ ߦߴߊ߬ ߦߌ߬ߘߊߞߊ߬ ߟߊ߫߸ ߞߏ߫ ߢߊߢߌߣߌ߲ߠߌ߲ ߠߎ߬ ߓߘߊ߫ ߛߌ߰ ߛߋ߲߬ߠߊ߫߸ ߞߊ߬ ߓߌ߬ߟߊ߬ߒ߬ߘߐ߬ߖߎ߮ ߢߌ߲߬ ߞߍߢߊ߫ ߖߐ߲ߖߐ߲ ߟߐ߲߫.