ߡߐ߰ ߃߉ ߟߋ߬ ߓߐ߬ߣߐ߫ ߘߴߊ߬ ߣߌ ߘߐ߫ ߞߐ ߢߌ߲߬ ߠߊ߫߸ ߕߊ߯ߡߊߘߋ߲ ߠߎ߬ ߟߊ߫ ߕߊߞߎߟߎ߲ ߘߏ߫ ߝߘߌ ߛߋ߲߭ߝߍ߬ ߖ߭ߌߣߊߞ ߡߊ߬ߙߊ ߞߣߐ߫߸ ߣߌ߲߬ ߞߍ߫ ߘߊ߫ ߣߏߙߑߕߤ ߓߊ߲ߞ ߕߌ߲߬ߞߎߘߎ߲ ߠߋ߬ ߘߐ߫، ߣߌ߲߬ ߦߋ߫ ߟߌ߬ߤߟߊ߫ ߞߎ߲߬ߝߟߐ ߟߎ߬ ߟߋ߬ ߘߌ߫߸ ߡߍ߲ ߠߎ߬ ߓߐ߫ ߘߊ߫ ߞߊ߯ߙߌ ߕߊ߬ߡߌ߲߬ߣߍ߲ ߡߊ߬߸ ߞߊ߬ ߝߘߊ߫ ߜ߭ߊ߲ߓߌ߫ ߞߎ߲߬ߠߊ߬ߛߌ߮ ߟߎ߬ ߟߊ߫.

ߜ߭ߊ߲ߓߌ߫ ߞߎ߲߬ߠߊ߬ߛߌ߮ ߟߎ߬ ߞߊ߬ ߟߊ߬ߥߊ߲߬ߞߊ߲߬ߠߌ߲ ߘߏ߫ ߟߋ߬ ߞߍ߫ ߞߊ߯ߙߌ ߕߊ߬ߡߌ߲߬ߣߍ߲ ߡߊ߬߸ ߕߊߞߎߟߎ߲ ߝߘߌ ߞߐߝߍ߬߸ ߡߞߊ߬ߘߊ߲߬ߠߌ߲߬߬ߠߊ ߟߎ߬ ߟߊ߫ ߡߞߊ߬ߘߊ߲߬ߠߌ߲ ߠߎ߬ ߞߐ ߘߐ߫߸ ߊ߬ ߦߋ߫ ߘߊ߫ ߞߏ߫ ߡߐ߰ ߃߉ ߟߋ߬ ߣߌ ߕߏ߫ ߘߴߊ߬ ߘߐ߫߸ ߣߌ߲߬ ߞߍ߫ ߘߊ߫ ߖ߭ߌߣߊߞ ߡߊ߬ߙߊ ߟߋ߬ ߞߣߐ߫߸ ߓߊ߲ߞ ߥߙߏ߬ߘߎ߮ ߘߐ߫.

ߞߎ߲߬ߠߊ߬ߛߌ߮ ߟߎ߬ ߟߊ߫ ߝߐߟߌ߫ ߘߐ߫߸ ߡߞߊ߬ߘߊ߲߬ߠߌ߲߬ߠߊ ߟߎ߬ ߛߋ߫ ߘߊ߫ ߡߐ߰ ߁߁߂ ߟߋ߬ ߟߊߞߛߌ߫ ߟߊ߫߸ ߜ߭ߊ߲ߓߌߞߊ߫ ߡߐ߰ ߅߄߸ ߛߣߍ߬ߜ߭ߊ߬ߟߌ߬ߞߊ߫ ߡߐ߰ ߄߂߸ ߊ߬ ߣߌ߫ ߖߌ߬ߣߍ߬ߞߊ߫ ߡߐ߰ ߉ ߡߍ߲ ߠߎ߬ ߓߐ߫ ߘߊ߫ ߞߐߣߊߞߙߌ߫ ߞߊ߬ߣߌ߲߬߸ ߡߊ߬ߟߌ߬ߞߊ߫ ߃ ߝߣߊ߫ ߦߴߊ߬ ߘߐ߫߸ ߊ߬ ߣߌ߫ ߜߋ߲ߞߐ߯ߖߌߘߞߊ߫ ߂߸ ߓߙߎߞߌߣߊߓߋߞߊ ߡߐ߰ ߁߸ ߊ߬ ߣߌ߫ ߖߘߊ߬ߞߙߎ߬ߞߊ߫ ߡߐ߰ ߁ ߝߣߊ߫.

ߏ߬ ߓߍ߯ ߟߊߕߊ߬ߡߌ߲߬ߣߍ߲ ߞߐ ߘߐ߫ ߛߊ߫߸ ߝߊ߰ߓߊ߰ߕߐ ߃߉ ߏ߬ ߟߎ߫ ߛߎ߭ ߟߎ߬ ߟߊߛߐ߬ߘߐ߲߬ߣߍ߲ ߞߐ ߘߐ߫߸ ߏ߬ ߟߎ߬ ߝߣߊ߫ ߕߍ߫ ߖߡߊ߬ߣߊ߬ ߞߋߟߋ߲߫ ߛߎ߬ ߘߌ߫ ߓߏ߲߬߸ ߏ߬ ߟߎ߬ ߦߋ߫ ߖߡߊ߬ߣߊ ߝߌ߬ߟߊ ߛߎ߭ ߟߎ߬ ߟߋ߬ ߘߌ߫߸ ߣߴߏ߬ ߦߋ߫ ߜ߭ߊ߲ߓߌ߫ ߣߌ߫ ߛߣߍ߬ߜ߭ߊ߬ߟߌ߫ ߘߌ߫߸ ߛߎ߭ ߂߄ ߦߋ߫ ߜ߭ߊ߲ߓߌߞߊ ߟߎ߬ ߘߌ߫߸ ߁߅ ߦߋ߫ ߛߣߍ߬ߜ߭ߊ߬ߟߌߞߊ ߘߌ߫߸ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߦߴߊ߬ ߦߌ߬ߘߊ߬ ߟߊ߫.

ߞߏ߫ ߡߐ߰ ߟߊߞߛߌߣߍ߲ ߠߎ߬ ߓߘߊ߫ ߟߊߕߊ߯ ߘߊ߲ߘߊߛߏ ߟߊ߫߸ ߘߊ߲ߘߊߟߌ ߟߎ߬ ߘߊߞߘߐ߫߸ ߞߏߕߌ߮ ߞߵߊ߬ ߟߊ߫ ߥߊߟߢߌߡߊߟߐ߲ ߠߊߛߋ߫ ߡߐ߰ ߟߎ߫ ߡߊ߬߸ ߡߍ߲ ߠߎ߬ ߞߵߊ߬ߟߎ߬ ߛߋߞߏߦߊ ߞߍ߫ ߞߏߢߊ ߣߌ߲߬ ߘߐ߫߸ ߊ߬ ߜߋ߲ߜߋ߲ ߘߐ߫߸ ߊ߬ ߞߊ߬ ߍߛߑߔߊߢߌ߲߬ߞߊ ߟߎ߬ ߟߊ߫ ߘߍ߬ߡߍ߲ ߕߊ߲߬ߘߏ߫.