ߊߟߌߖ߭ߋߙߌ߫ ߞߎ߲߬ߠߊ߬ߛߌ߮ ߟߎ߬ ߞߊ߲߫ ߞߏ߫ ߊ߬ߟߎ߫ ߞߊ߬ ߞߎ߲߬ߝߍ߬ߕߊ߰ߟߊ߫ ߂߄߀߀߀ ߠߋ߬ ߜߍ߲߫ ߞߊ߬ ߓߐ߫ ߊ߬ߟߎ߬ ߟߊ߫ ߖߡߊ߬ߣߊ ߞߊ߲߬ ߂߀߂߅ ߟߊ߫߸ ߊߟߌߖ߭ߋߙߌ߫ ߣߊ߲߬ߕߌ߮ ߟߎ߬ ߞߊ߬ ߛߓߍ ߘߏ߫ ߟߋ߬ ߟߊߓߐ߫߸ ߏ߬ ߡߍ߲ ߦߴߊ߬ ߦߌ߬ߘߊߞߊ߬ ߟߊ߫ ߞߏ߫ ߞߎ߲߬ߝߍ߬ߕߊ߰ߟߊ߫ ߘߏ߫ ߟߎ߫ ߜߍ߲߫ ߘߊ߫ ߟߋ߬ ߖߡߊ߬ߣߊ ߣߌ߲߬ ߓߟߏ߫߸ ߊ߬ ߘߏ߲߬ ߞߎ߲߬ߝߍ߬ߕߊ߰ߟߊ߫ ߡߍ߲߬ ߠߎ߫ ߝߊ߲߬ߓߊ ߦߋ߫ ߓߐ߫ ߟߊ߫ ߛߊߤߍߟ ߣߌ߫ ߛߊߤߙߊ߫ ߞߐ߬ߘߎ߮ ߟߋ߬ ߘߐ߫.

ߣߊ߲߬ߕߌ߮ ߟߎ߬ ߟߊ߫ ߟߊ߬ߛߋ߬ߟߌ߬ ߛߓߍ߬ ߞߋߟߋ߲ ߣߌ߲߬ ߦߴߊ߬ ߦߌ߬ߘߊ߬ ߟߊ߫ ߝߣߊ߫߸ ߞߏ߫ ߊ߬ߟߎ߫ ߞߊ߬ ߞߎ߲߬ߝߍ߬ߕߊ߰ߟߊ߫ ߅߀߀ ߟߋ߬ ߡߌ߬ߣߊ߬ ߂߀߂߅ ߟߊߓߊ߲ ߠߊ߫߸ ߓߊ߬ߙߌ߫߸ ߣߊߘߖ߭ߋ ߟߊߤߑߡߊߙ߸ ߊ߬ߟߋ ߡߍ߲ ߦߋ߫ ߊߡߑߣߋߛߑߕߌ߫ ߡߊ߲߬ߕߏ߲߬ߕߍ߬ߦߊ ߕߌߙߌ߲ߠߌ߲ߠߊ ߘߌ߫߸ ߏ߬ ߞߊ߬ ߊߟߌߖ߭ߋߙߌ߫ ߟߊ߫ ߞߏߢߊ ߣߌ߲߬ ߞߐ߲߫ ߠߋ߬ ߞߏߛߓߍ߫.

ߊ߬ ߟߊ߫ ߝߐߟߌ߫ ߘߐ߫߸ ߣߌ߲߬ ߦߋ߫ ߓߘߍ߬ߓߘߍ߬ߟߌ ߟߋ߬ ߘߌ߫ ߞߊ߬ ߡߐ߱ ߟߎ߬ ߡߌ߬ߣߊ߬ ߢߐ߲߯ߝߍ߬߸ ߊ߬ ߣߌ߫ ߞߵߊ߬ߟߎ߬ ߜߍ߲߫ ߞߵߊ߬ߟߎ߬ ߟߊߓߐ߫ ߖߡߊ߬ߣߊ ߞߣߐ߫߸ ߊ߲ ߠߊ߫ ߖߊ߬ߕߋ߬ ߡߌ߬ߣߊ߬ ߓߟߏߡߊ߬߸ ߛߊ߲߬ ߘߊ߲ߘߐ߫ ߞߣߐ߫߸ ߏ߬ ߞߵߊ߬ ߦߌ߬ߘߊ߫ ߊ߲ ߠߊ߫ ߟߋ߬߸ ߞߏ߫ ߝߏߛߌ߬ ߟߋ߬ ߡߊ߫ ߓߐ߫ ߞߏߢߊ߫ ߡߍ߲߬ ߠߎ߬ ߟߊ߫߸ ߡߐ߱ ߟߎ߬ ߡߌ߬ߣߊ߬ߟߌ ߝߊ߲߬ߞߊ ߟߊ߫ ߞߊ߬ߣߌ߲߬ ߞߵߊ߬ߟߎ߬ ߟߊߓߐ߫ ߖߡߊ߬ߣߊ ߞߣߐ߫.

ߏ߬ ߘߏ߲߬ ߦߋ߫ ߞߍ߫ ߟߊ߫ ߛߊ߬ߙߌ߬ߦߊ߬ ߛߐߛߐ ߟߋ߬ ߞߊ߲߬߸ ߊߟߌߖ߭ߋߙߌ߫ ߓߘߴߊ߬ ߓߟߏߣߐ ߓߌ߬ߟߊ߬ ߓߍ߲߬ߡߊ߬ߞߊ߲߬ ߛߓߍ ߛߌߦߊߡߊ߲߫ ߠߋ߬ ߞߣߐ߫߸ ߞߵߊ߬ ߓߍ߲߬ ߞߎ߲߬ߝߍ߬ߕߊ߰ߟߊ ߟߎ߬ ߟߊߞߊ߲ߘߊ߫ ߞߏ ߡߊ߬߸ ߛߊ߬ߙߌ߬ߦߊ ߏ߬ ߟߋ߬ ߞߊ߫ ߞߊ߲߫ ߞߊ߬ ߊߟߌߖ߭ߋߙߌ߫ ߟߊߕߋߟߋ߲߫ ߊ߬ ߟߊ߫ ߞߍߕߊ ߟߎ߬ ߟߊ߫߸ ߓߊ߬ߙߌ߫߸ ߊߟߌߖ߭ߋߙߌ߫ ߞߎ߲߬ߠߊ߬ߛߌ߮ ߟߎ߬ ߦߴߊ߬ ߞߊ߲߬ ߞߊ߬ ߓߊ߯ߙߊ߫ ߢߊ߫ ߡߍ߲ ߡߊ߬ ߕߋ߲߬߸ ߏ߬ ߞߎߡߊ ߞߊ߫ ߛߌߦߊ߫ ߘߋ߬.