ߛߊ߲߬ ߞߋߟߋ߲߫ ߥߛߎ ߞߐߝߍ߬߸ ߖߋ߬ߣߌ߲߬ߕߊ ߞߏߕߌ߮ ߞߘߐ ߡߤߊߡߊ߲߫ ߡߎߛߑߕߊߝߊ߬ ߓߊߙߑߞߋ߫ ߓߘߊ߫ ߟߊߓߌ߬ߟߊ߬ ߞߊ߬ ߓߐ߫ ߥߛߎ ߟߊ߫ ߞߐ߬ߟߏ߲ ߕߊ߬ߡߌ߲߬ߣߍ߲ ߡߊ߬، ߊ߬ ߞߏ߬ߣߌ߲ ߤߊߟߌ߬ ߓߌ߬߸ ߖߋ߬ߟߌ߬ߓߊ߬ߘߎ߯ ߞߎ߲߬ߠߊ߬ߛߌ߮ ߟߎ߬ ߡߊ߫ ߜߟߋ߬ߞߋ ߓߌ߬ߟߊ߬ ߊ߬ߟߎ߬ ߢߌ߲ ߝߍ߬ ߗߍ߭ ߣߌ߲߬ ߠߊ߫ ߡߌ߬ߣߊ߬ߟߌ ߞߊ߲߬.

ߟߊ߬ߛߋ߬ߟߌ ߣߌ߲߬ ߝߘߊߣߍ߲߫ ߗߍ߭ ߖߍ߬ߘߍ ߟߊ߫ ߡߐ߱ ߟߎ߬ ߟߋ߬ ߟߊ߫߸ ߊ߬ ߓߊ߯ߙߊߢߐ߲߯ ߜߘߍ߫ ߝߣߊ߫ ߞߊ߬ ߟߊ߬ߓߌ߬ߟߊ߬ߟߌ߬ߞߏ ߣߌ߲߬ ߠߊߛߙߋߦߊ߫، ߊ߬ ߛߊ߲߬ ߞߋߟߋ߲߫ ߠߋ߬ ߕߍ߬ߘߍ߫ ߕߋ߲߬߸ ߡߤߊߡߊ߲߫ ߡߎߛߑߕߊߝߊ߬ ߓߊߙߑߞߋ߫ ߦߋ߫ ߥߛߎ ߟߊ߫߸ ߓߊ߬ߙߌ߫߸ ߛߊ߲߬ ߞߋߟߋ߲߫ ߞߎ߲߬ߕߊ߮ ߞߣߐ߫߸ ߞߎ߲߬ߠߊ߬ߛߌ߮ ߟߎ߬ ߡߊ߫ ߝߏߛߌ߬ ߟߋ߬ ߝߐ߫ ߊ߬ ߟߊ߫ ߡߌ߬ߣߊ߬ߟߌ ߣߌ߲߬ ߞߎ߲߭ ߞߊ߲߬.

ߛߊ߲߬ ߕߊ߬ߡߌ߲߬ߣߍ߲ ߓߌ߲ߠߊߥߎߟߋ߲ ߠߋ߬ ߟߊ߫߸ ߡߤߊߡߊ߲߫ ߡߎߛߑߕߊߝߊ߬ ߓߊߙߑߞߋ߫ ߡߌ߬ߣߊ߬ ߘߴߊ߬ ߟߊ߫ ߟߎ ߟߋ߬ ߞߣߐ߫߸ ߖߋ߬ߟߌ߬ߓߊ߬ߘߎ߯ ߞߎߓߋ ߟߊ߫߸ ߢߊߡߍ߫، ߂߀߂߄ ߘߓߊ߬ߓߌߟߊ ߟߊ߫߸ ߖߋ߬ߟߌ߬ߓߊ߬ߘߎ߯ ߞߎ߲߬ߠߊ߬ߛߌ߮ ߟߎ߬ ߞߵߊ߬ ߓߐ߫ ߖߋ߬ߣߌ߲߬ߕߊ ߞߏߕߌ߯ߦߊ ߟߊ߫.

ߊ߬ ߛߎߥߊ߲ߘߌߣߍ߲ ߕߘߍ߬ ߦߋ߫ ߞߊ߬ ߞߍ߫ ߏ߬ ߘߌ߫ ߂߀߂߃ ߟߋ߬ ߟߊ߫߸ ߏ߬ ߞߍ߫ ߘߊ߫ ߡߏ߬ߤߊ߬ߡߍ߬ߘ ߓߊ߬ߖ߭ߎߡ ߟߊߥߟߏ ߞߐ ߟߋ߬ ߘߐ߫ ߣߊ߲߬ߕߌ߮ ߟߎ߬ ߓߟߏ߫߸ ߡߤߊߡߊ߲߫ ߡߎߛߑߕߊߝߊ߬ ߓߊߙߑߞߋ߫ ߟߊ߫ ߛߊ߲߬ ߞߋߟߋ߲ ߞߏߕߌ߯ߦߊ ߟߊ߫ ߖߋ߬ߣߌ߲߬ߕߊ߬ߞߏ ߞߎ߲߬ߠߊ߫߸ ߊ߬ ߞߊ߬ ߛߍ߬ߘߏ߲ ߞߍ߫ ߖߋ߬ߟߌ߬ߓߊ߬ߘߎ߯ ߣߌ߫ ߓߋߣߍ߲߫ ߠߊ߫ ߝߎ߬ߙߎ߲߬ߞߎ߬ߟߌ ߟߎ߬ ߘߊ߲ߘߊ߫ ߞߊ߲ߡߊ߬ ߞߏߛߓߍ߫.

ߝߎ߬ߙߎ߲߬ߞߎ߬ߟߌ ߏ߬ ߡߍ߲ ߠߎ߬ ߡߊ߲߬ߕߙߐ ߟߎ߬ ߛߋ߫ ߘߊ߫ ߖߋ߬ߟߌ߬ߓߊ߬ߘߎ߯ ߟߊ߫ ߖߋ߬ߣߌ߲߬ߕߊ߬ߞߏ ߟߎ߬ ߟߊߘߏ߲߬ߠߌ߲ ߡߊ߬߸ ߖߋ߬ߣߌ߲߬ߕߊ ߏ߬ ߟߎ߫ ߘߏ߲߬ ߕߘߍ߬ ߦߋ߫ ߕߊ߬ߡߌ߲߬ ߠߊ߫ ߓߋߣߍ߲߫ ߠߋ߬ ߝߍ߬߸ ߞߊ߬ ߕߊ߯ ߔߐߙߕ ߝߍ߬.