ߛߣߍ߬ߜ߭ߊ߬ߟߌ߫ ߖߡߊ߬ߣߊ ߞߊ߲߬߸ ߖߋ߬ߟߌ߬ߓߊ߬ߘߎ߯ ߞߊ߲ߕߌ߯ ߞߘߐ ߡߏ߬ߤߊ߬ߡߍ߬ߘ ߓߊ߬ߖ߭ߎߡ ߞߐߡߊߓߌ߲ߓߌ߲ߓߊ߮ ߟߎ߬ ߓߘߊ߫ ߡߊ߬ߞߟߌ߬ߞߊ߲߬ߠߊ߫ ߞߎߘߊ߫ ߞߍ߫ ߞߏ߫ ߞߊ߬ ߡߏ߬ߤߊ߬ߡߍ߬ߘ ߓߊ߬ߖ߭ߎߡ ߟߊߓߌ߬ߟߊ߫߸ ߞߊ߬ߦߌ߯ ߂߀߂߃ ߞߊ߬ߙߌ߬ߝߐ ߟߋ߬ ߟߊ߫߸ ߞߊ߲ߕߌ߯ ߞߘߐ ߡߏ߬ߤߊ߬ߡߍ߬ߘ ߓߊ߬ߖ߭ߎߡ ߡߌ߬ߣߊ߬ ߘߊ߫ ߘߐ߬ߕߊߡߌ߲ ߞߊ߲ߕߌ߮ ߟߎ߬ ߓߟߏ߫.
ߞߊ߲ߕߌ߯ ߞߘߐ ߞߐߡߊߓߌ߲ߓߌ߲ߓߊ߮ ߟߎ߬ ߟߊ߫ ߛߓߍ ߣߌ߲߬ ߞߣߐ߫߸ ߊ߬ߟߎ߫ ߞߵߊ߬ ߟߊߢߌߣߌ߲߫ ߠߋ߬ ߞߏ߫ ߞߊ߬ ߝߍ߬ߙߍ ߛߎ߮ ߓߍ߯ ߘߐ߫ ߞߍ߫ ߡߏ߬ߤߊ߬ߡߍ߬ߘ ߓߊ߬ߖ߭ߎߡ ߦߋ߫ ߛߋ߫ ߟߊߓߌ߬ߟߊ߬ ߟߊ߫، ߏ߬ ߡߍ߲ ߓߐ߫ ߘߴߊ߬ ߟߊ߫ ߟߊ߬ߡߍ߬ߙߍ߲߬ߠߌ߲߬ߠߊ ߟߎ߬ ߞߙߊ߫ ߘߐ߫ ߛߊ߲߬ ߝߌ߬ߟߊ߫ ߞߎ߲߬ߕߊ߯ ߞߘߐ߫.
ߡߐ߰ߦߊ ߡߞߊߘߊ߲ߠߊ ߊߟߌߥߎߣ ߕߌߣ ߞߵߊ߬ ߟߊߢߌߣߌ߲߫ ߘߎߢߊ߫ ߛߌ߲߬ߝߏ߲߬ߘߊ ߟߎ߬ ߝߍ߬߸ ߞߏ߫ ߊ߬ߟߎ߬ ߦߴߊ߬ߟߎ߫ ߛߋ߲߭ߘߏ߲߬ ߞߏ ߣߌ߲߬ ߘߐ߫߸ ߏ߬ ߞߎ߲߭ ߦߋ߫ ߟߋ߬߸ ߖߐ߲߰ߛߊ߫ ߡߏ߬ߤߊ߬ߤߍ߬ߘ ߓߊ߬ߖ߭ߎߡ ߘߌ߫ ߟߊߓߌ߬ߟߊ߬߸ ߞߏ߫ ߊ߬ ߟߊ߫ ߟߊ߬ߓߌ߬ߟߊ߬ߟߌ ߘߌ߫ ߞߍ߫ ߕߙߎ߬ ߘߌ߫߸ ߞߊ߬ ߛߌ߰ߞߊ߬ߝߐ ߟߊߛߓߊ߬ߕߌ߫ ߓߘߍ߬ߓߘߍ߬ߟߌ ߞߊ߲߬.
ߘߎߢߊ߫ ߛߌ߲߬ߝߏ߲߬ߘߊ ߟߎ߬ ߡߊ߫ ߞߏ߫ ߞߍ߫ ߞߏ ߣߌ߲߬ ߘߐ߫߸ ߣߴߏ߬ ߕߍ߫߸ ߣߴߊ߬ߟߎ߫ ߕߍ߬ߘߍ߫ ߞߵߊ߬ߟߎ߫ ߟߐ߬ ߊ߬ߟߎ߫ ߟߐ߬ ߦߌߟߊ߸ ߛߊ߫ ߓߌ߬ߡߊ߫ ߡߏ߬ߤߊ߬ߤߍ߬ߘ ߓߊ߬ߖ߭ߎߡ ߟߊߓߌ߬ߟߊ߫، ߊ߲ ߧߋ߫ ߞߟߌߟߌߞߊ߲ߠߊ ߟߊߛߋ߫ ߟߊ߫ ߙߎ߳ߛߌ߬ ߞߊ߲ߕߌ߮ ߣߌ߫ ߛߌ߯ߣߌ߲߬ ߕߊ ߣߌ߫ ߊߡߙߌߞߌ߬ ߕߊ ߡߊ߬߸ ߞߊ߬ߕߎ߲߯߸ ߣߌ߲߬ ߦߋ߫ ߞߏ ߟߊߕߐ߲߫ ߕߊ ߟߋ߬ ߘߌ߫ ߞߊ߲ߕߌ߯ߦߊ ߡߊ߬ߘߎ߮ ߘߐ߫.
ߓߍ߯ ߟߋ߬ ߞߊ߫ ߞߊ߲߫ ߞߊ߬ ߞߏߢߊ ߣߌ߲߬ ߞߐ߲߫߸ ߊ߲ߠߎ߬ ߞߏ߬ߣߌ߲ ߦߋ߫ ߓߊ߯ߙߊ ߟߎ߬ ߞߊ߲߬߸ ߖߐ߲߰ߛߊ߫ ߞߊ߬ ߊ߬ߟߋ߬ ߞߏߢߊ ߛߓߍ߬ߞߘߐ߬ ߞߐ߲߫ ߞߏߛߓߍ߫߸ ߊ߬ ߣߌ߫ ߞߵߊ߬ ߦߌ߬ߘߊ߬ ߖߋ߬ߟߌ߬ߓߊ߬ߘߎ߯ ߣߊ߲߬ߕߌ߮ ߟߎ߬ ߟߊ߫߸ ߞߏ߫ ߊ߲ ߣߐ߬ ߓߊ߯ߙߊ ߡߍ߲ ߘߊߡߌ߬ߣߊ߬ ߟߊ߫ ߕߋ߲߬߸ ߊ߬ ߞߎ߲߭ߘߏ߲߬ ߕߐ߫ ߟߋ߬ ߊ߲ ߓߟߏ߫߸ ߊߟߌߥߎߣ ߕߌߣ ߟߋ߬ ߞߊ߲߫ ߕߋ߲߬.
