ߞߊ߲ߕߌ߯ ߔߊ߬ߕߙߌߛ ߕߊߟߐ߲߫ ߓߘߴߊ߬ ߞߊ߲ߠߊߓߐ߫ ߖߡߊ߬ߣߊ߬ߘߋ߲ ߠߎ߬ ߡߊ߬߸ ߘߊ߲߬ߕߍ߰ߟߌ߬ ߞߙߍߞߙߍߣߍ߲߫ ߘߏ߫ ߞߣߐߡߊ߬، ߖߡߊ߬ߣߊ ߟߌ߬ߤߟߊ߬ߦߊ ߟߎ߫ ߞߊ߲߬، ߔߊ߬ߕߙߌߛ ߕߊߟߐ߲߫ ߦߴߊ߬ ߟߊ߫ ߟߐ߬ߒ߬ߞߋ߬ߟߊ߬ ߝߌߟߊߣߊ߲ ߠߋ߬ ߟߊߢߌߣߌ߲߫ ߠߊ߫ ߞߏ߲ߞߏߘߌ߬ߓߌ ߣߊ߬ߕߐ ߞߊ߲ߕߌ߯ߦߊ߫ ߢߌߣߌ߲߫ ߠߋ߬ ߝߍ߬، ߊ߬ߟߋ ߡߍ߲ ߠߊ߫ ߞߊ߲ߕߌ߯ߦߊ ߕߘߍ߬ ߞߊ߫ ߞߊ߲߫ ߞߊ߬ ߓߐ߫ ߊ߬ ߓߟߏ߫ ߣߊ߲߬ߕߌ߰ ߞߙߎ ߘߏ߫ ߟߎ߫ ߟߊ߫ ߞߊ߬ߝߏ߬ ߖߊߛߏ߲ ߛߋ߲߭ߝߍ߬ ߞߏߟߌ߲ߞߏߟߌ߲߫ ߕߟߋ߬ ߇ ߡߊ߬.

ߔߊ߬ߕߙߌߛ ߕߊߟߐ߲߫ ߠߊ߫ ߞߎߡߊ߫ ߘߐ߫ ߖߡߊ߬ߣߊ߬ߘߋ߲ ߠߎ߬ ߦߋ߫߸ ߞߏ߫ ߊ߬ߟߋ ߞߍߕߐ߫ ߞߊ߲ߕߌ߯ߦߊ ߓߌ߬ߟߊ߬ ߟ߫ߊ ߟߋ߬ ߞߊ߬ ߖߡߊ߬ߣߊ ߕߏ߫ ߛߌ߰ߝߊ߬ߘߌ߬ ߢߌ߬ߡߊ߬ ߘߐ߫<<ߛߊ߲߬ ߆߅ ߞߍ߫ ߞߐ ߖߘߍ߬ߕߌ߰ߦߊ ߘߐ߫߸ ߖߡߊ߬ߣߊ߬ߘߋ߲ ߠߎ߬ ߦߋ߫ ߛߌ߰ߝߊ߬ߘߌ߬ ߢߌߡߊ߫ ߘߐ߫߸ ߘߌ߯ߣߊߞߏ ߞߟߍ߬ ߕߴߦߋ߲߬߸ ߛߌ߯ߦߊߞߏ ߞߟߍ߬ ߕߴߦߋ߲߬߸ ߏ߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߲ ߠߊ߫ ߖߡߊ߬ߣߊ ߦߋ߫ ߓߍ߲߭ ߞߣߐ߫>>

ߒ߬ߓߊ߬߸ ߞߵߊ߬ ߟߊ߫ ߏ߬ ߓߍ߯ ߞߊ߲߬߸ ߊ߬ ߓߊ߲߫ ߘߊ߫ ߝߣߊ߫ ߞߵߊ߬ ߟߴߊ߬ ߞߊ߲߬߸ ߞߏ߫ ߥߙߎߞߌ ߞߏ߬ߣߌ߲ ߘߏ߲߬ ߘߊ߫ ߟߋ߬ ߖߡߊ߬ߣߊ ߞߣߐ߫ ߛߊ߲߬ ߁߀ ߣߌ߲߬ ߞߣߐߟߊ ߘߐ߫߸ ߓߊߏ߬<<ߓߊߟߏߞߏ ߝߣߊ߫ ߣߐ߰ߦߊ߫ ߘߊ߫ ߟߋ߬ ߖߡߊ߬ߣߊ߬ߘߋ߲ ߠߎ߬ ߦߋ߫، ߓߍ߯ ߦߴߊ߬ ߞߊ߲߬ ߞߊ߬ ߛߋߞߏ ߞߍ߫ ߖߡߊ߬ߣߊ ߟߊ߫ ߢߝߍߕߊ߮ ߘߐ߫߸ ߒ ߧߋ߫ ߝߏ߬ߟߌ ߟߊߛߋ߫ ߟߴߊ߲ ߠߊ߫ ߕߐ߲߫ ߓߟߏߡߊ ߟߎ߫ ߡߊ߬߸ ߊ߬ߟߎ߬ ߞߍ ߘߐ߫ ߞߵߊ߬ߟߎ߫ ߕߍߛߌ߬ߘߌ߫ ߊ߲ ߠߊ߫ ߖߡߊ߬ߣߊ ߟߊ߫ ߞߎ߲߬ߞߘߐ߬ߕߊ߬ߟߌ ߘߐ߫ ߞߊ߬ߝߏ߬ ߖߊߛߏ߲ ߛߋ߲߭ߝߍ߬߸ ߏ߬ ߡߍ߲ ߞߍ߫ ߘߊ߫ ߂߀߂߅ ߞߏߟߌ߲ߞߏߟߌ߲߫ ߕߟߋ߬ ߇ ߡߊ߬>>

ߓߋߣߍ߲߫ ߞߊ߲ߕߌ߮ ߔߊ߬ߕߙߌߛ ߕߊߟߐ߲߫ ߞߵߊ߬ ߟߊ߫ ߞߎߡߊ ߞߎ߲߭ߘߏ߲߬ ߖߡߊ߬ߣߊ߬ߘߋ߲ ߠߎ߫ ߝߏ߬ ߟߋ߬ ߘߌ߫߸ ߊ߬ߟߎ߬ ߞߍ ߘߐ߫ ߞߵߊ߬ߟߎ߬ ߟߊ߫ ߟߊ߲ߘߦߊ ߟߴߊ߬ߟߋ ߘߐ߫ ߛߊ߲߬ ߁߀ ߞߊ߲ߕߌ߯ߦߊ ߟߊ߫߸ ߊ߬ ߟߊ߫ ߟߊ߬ߢߌߣߌ߲ ߘߏ߫ ߦߋ߫ ߡߍ߲ ߘߌ߫߸ ߞߏ ߞߊ߲ߕߌ߯ ߜߘߍ߫ ߡߍ߲ ߣߊ߬ߕߐ߫ ߊ߬ߟߋ ߣߐ߭ ߘߐ߫߸ ߏ߬ ߦߋ߫ ߞߍ߫ ߖߡߊ߬ߣߊ߬ߘߋ߲ ߠߎ߬ ߛߊ߬ߥߏ ߘߌ߫߸ ߖߐ߲߰ߛߊ߫ ߓߋߣߍ߲߫ ߟߊ߫ ߥߙߎߞߌ ߘߌ߫ ߕߊ߬ߡߌ߲߬ ߕߊ߯ ߟߊ߫ ߢߍ߫.