ߕߋ߬ߟߋߝߌ߬ߟߊ߫ ߣߌ߲߬ ߞߊ߬ߝߏ߬ ߖߊߛߏ߲ ߞߐ ߘߐ߫ ߓߋ߬ߣߍ߲߫ ߞߣߐ߫߸ ߞߊ߲ߕߌ߯ ߔߊ߬ߘߙߌߛ ߕߊߟߐ߲߫ ߓߘߊ߫ ߞߎߡߊ ߕߊ߬ ߞߏ߫ ߞߎߘߊ߫ ߞߵߊ߬ ߢߍߛߌ߲߫ ߞߊ߬ߝߏ߬ ߖߊ߬ߛߏ߲߬ߠߊ ߡߍ߲߬ ߠߎ߫ ߡߊ߬߸ ߝߏ߫ ߞߣߵߊ߬ ߛߌ߰ ߖߋ߬ߟߌ߬ߓߊ߬ߟߊ߫ ߟߊ߫ ߡߎ߮ ߟߊߥߟߌ ߡߊ߬، ߓߋߣߍ߲߫ ߞߊ߲ߕߌ߮ ߔߊ߬ߕߙߌߛ ߕߊߟߐ߲߫ ߞߎߡߊ߫ ߘߊ߫ ߟߋ߬ ߏ߬ ߓߍ߯ ߞߊ߲߬.
ߊ߬ ߟߊ߫ ߝߐߟߌ߫ ߘߐ߫ ߝߣߊ߫߸ ߞߏ߫ ߓߋߣߍ߲߫ ߣߊ߲߬ߕߌ߮ ߟߎ߬ ߕߘߍ߬ ߡߊ߲߫ ߛߌߦߊ߫ ߞߏߢߊ ߣߌ߲߬ ߞߍߓߊ߮ ߟߎ߬ ߘߐ߫، ߞߏ߫ ߖߡߊ߬ߣߊ ߟߊ߬ߞߊ߲߬ߘߊ߬ߟߌ ߣߊ߲߬ߕߌ߮ ߟߎ߬ ߕߘߍ߬ ߡߊ߲߫ ߛߌߦߊ߫ ߞߊ߬ߝߏ߬ ߖߊ߬ߛߏ߲߬ߠߊ ߡߍ߲߬ ߠߎ߬ ߘߐ߫߸ ߊ߬ ߣߊ߲߬ߕߌ߰ ߝߊ߲ߞߊ ߣߴߊ߬ ߛߙߍߞߍ߫ ߝߏߛߌ߬ ߟߋ߬ ߕߘߍ߬ ߕߍ߫ ߞߏߢߊ ߣߌ߲߬ ߘߐ߫߸ ߊ߬ ߞߏ ߞߍߓߊ߮ ߟߎ߬ ߞߊ߬ ߣߊ߲߬ߕߌ߰ ߜߍߛߍ߲ߞߍߙߍ߲ߣߍ߲ ߘߏ߫ ߟߎ߬ ߟߋ߬ ߕߊ߬.
ߞߵߊ߬ ߟߊ߫ ߊ߬ߟߎ߫ ߞߊ߲߬߸ ߏ߬ ߟߎ߬ ߡߍ߲ ߠߎ߬ ߕߘߍ߬ ߦߋ߫ ߣߊ߲߬ߕߌ߰ߦߊ ߞߊ߬ߙߊ߲ ߠߊ߫ ߕߐ߲ߡߍߕ ߣߊ߲߬ߕߌ߰ ߘߊ߮ ߘߐ߫، ߔߊ߬ߕߙߌߛ ߕߊߟߐ߲߫ ߠߊ߫ ߞߎߡߊ߫ ߘߐ߫߸ ߞߏ߫ ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߟߋ߬ ߣߐ߬ ߦߋ߫ ߞߊ߬ߝߏ߬ ߖߊߛߏ߲ ߣߌ߲߬ ߞߍ߫ ߟߊ߫ ߓߘߍ߬ߓߘߍ߬ߟߌ߬ ߞߙߎ ߘߏ߫ ߟߎ߫ ߣߌ߫ ߞߐߞߊ߲߫ ߖߡߊߣߊ ߘߏ߫ ߟ߫ߎ ߟߊ߫ ߘߍ߬ߡߍ߲ ߘߌ߫، ߊ߬ ߞߊ߬ ߢߊߝߐߟߌ߫ ߞߍ߫ ߖߋ߬ߟߌ߬ߓߊ߬ߟߊ߫ ߝߣߊ߫ ߟߊ߫ ߘߍ߬ߡߍ߲ ߞߊ߲߬߸ ߞߏ߫ ߖߋ߬ߟߌ߬ߓߊ߬ߟߊ߫ ߟ߫ߊ ߡߎ߮ ߕߋ ߟߎ߬ ߞߍ߫ ߘߊ߫ ߛߘߋߦߊߥߏ ߟߊ߫ ߘߌ߬ߢߍ ߟߋ߬ ߞߣߐߡߊ߬.
ߛߘߋߦߊߥߏ ߟߋ߬ ߞߊ߬ ߏ߬ ߘߌ߬ߢߍ ߟߊߢߌߣߌ߲߫߸ ߖߐ߲߰ߛߊ߫ ߞߊ߬ ߘߎ߰ߞߎ߬ߟߎ߲߬ ߥߊߜߏߡߊ߲ ߓߏ߬ߛߌ߫ ߞߊ߬ߝߏ߬ ߖߊ߬ߛߏ߲߬ߠߊ ߟߎ߬ ߟߊ߫߸ ߓߊߏ߬߸ ߞߏ߫ ߣߌ߫ ߓߋߣߍ߲߫ ߣߊ߲߬ߕߌ߮ ߟߎ߬ ߕߘߍ߬ ߞߵߊ߬ߟߎ߫ ߟߊ߫ ߞߟߍ߬ ߡߎߙߊ߲ ߠߎ߬ ߕߊ߬߸ ߊ߬ ߞߊ߬ߛߙߊ ߝߊ߲߬ߞߊ ߕߘߍ߬ ߘߌߣߊ߬ ߓߏ߲߬ߧߊ߫، ߞߊ߬ߝߏ߬ ߖߊ߬ߛߏ߲߬ߠߊ ߡߍ߲߬ ߠߎ߬ ߘߏ߫ ߟߎ߫ ߛߋ߫ ߘߊ߫ ߞߵߊ߬ߟߎ߫ ߓߏ߬ߙߌ߫.
ߞߊ߬ ߕߊ߯ ߖߡߊ߬ߣߊ߬ ߜߘߍ߫ ߟߎ߫ ߞߣߐ߫߸ ߊ߬ ߟ߫ߊ ߞߎߡߊ߫ ߘߐ߫߸ ߊ߬ ߓߘߴߊ߬ ߟߊߢߌߣߌ߲߫ ߖߡߊ߬ߣߊ߫ ߏ߬ ߝߍ߬߸ ߞߊ߬ ߡߐ߰ ߓߏ߬ߙߌ߬ߣߍ߲ ߡߍ߲߬ ߠߎ߬ ߟߊߛߋ߬ߦߌ߲߬ ߓߋߣߍ߲߫ ߞߣߐ߫߸ ߏ߬ ߖߡߊ߬ߣߊ ߡߍ߲ ߡߊ߫ ߞߏߝߐ߫ ߊ߬ ߓߟߏ߫.
