ߓߌ߬ ߞߎߣߎ߲ߟߏ߲ ߣߌ߲߬ ߡߊ߬߸ ߂߀߂߅ ߞߏߟߌ߲ߞߏߟߌ߲߫ ߕߟߋ߬ ߁߇ ߡߊ߬߸ ߕߊ ߟߋ߬ ߥߟߌ߬ ߘߊ߫ ߣߊ߲ߕߍߣߍ߲߫ ߡߊߡߊߘߌ߫ ߛߌ߬ߟߊ߬ ߟߊ߫ ߓߏ߲ ߠߊ߫߸ ߡߍ߲ ߞߍ ߘߊ߫ ߕߎ߬ߙߎ߫ ߘߌ߫߸ ߞߊ߬ ߕߌߢߍߟߌ ߟߊߛߋ߫ ߓߟߏߝߋ߲߫ ߛߌߦߊߡߊ߲߫ ߡߊ߬߸ ߡߐ߰ ߞߏ߬ߣߌ߲߬ ߣߌ߫ ߡߊ߫ ߕߏ߫ ߕߊ ߓߐ߫ ߣߌ߲߬ ߘߐ߫߸ ߓߊ߬ߙߌ߫߸ ߓߏ߲߫ ߞߣߐ߫ ߝߋ߲ ߡߎ߰ߡߍ ߟߋ߬ ߞߍ߫ ߘߊ߫ ߞߎߙߍ߫߸ ߊ߬ ߣߌ߫ ߞߊ߬ ߘߋ߲ߡߌߛߍ߲ ߠߎ߬ ߟߊ߫ ߓߟߏߟߊߘߍ߫ ߥߊߘߌ ߘߏ߫ ߞߎ߲߭ ߕߏ߫ ߊ߬ ߘߐ߫.
ߥߊߘߌ߫ ߏ߬ ߡߍ߲ ߓߙߍ߬ߦߊ ߥߊߣߍ߲߫ ߊ߬ ߟߐ߬ ߟߊ߫ ߖߕ ߇߀߀ ߀߀߀ ߢߐ߲߰ ߘߐ߫߸ ߕߊ ߣߌ߲߬ ߓߐ߫ ߞߎ߲߫ ߖߐ߲ߖߐ߲߫ ߛߌ߫ ߞߏ߬ߣߌ߲߬ ߟߐ߲ߣߍ߲߫ ߕߴߊ߲ ߓߟߏ߫߸ ߞߊ߬ߕߎ߲߯߸ ߝߋ߲ ߘߏ߫ ߟߋ߬ ߞߟߎߞߊ߲ ߓߐ߫ ߘߊ߫ ߓߏ߲ ߠߊ߫ ߛߋ߲߬ߧߊ߫ ߝߌ߬ߟߊ߫ ߖߊ߬ߕߋ߬ ߟߊ߫߸ ߏ߬ ߟߋ߬ ߞߐ ߞߍ߫ ߘߊ߫ ߕߊ ߦߋ߫ ߢߊ ߘߌ߫ ߓߏ߲ ߛߊ߲ߝߍ߬ ߡߐ߱ ߟߎ߬ ߓߟߏ߫ ߡߎ߬ߕߎ߲߫ ߛߊ߫، ߞߏߕߐ ߖߍ߬ߘߍ ߛߋ߫ ߘߊ߫ ߞߎߡߊ߫ ߟߴߊ߲ ߧߋ߫ ߊ߬ ߞߏ ߕߊ߬ߡߌ߲߬ ߢߊ ߞߊ߲߬.
<<ߊ߲ ߕߏ߫ ߘߊ߫ ߓߐ߫ ߟߋ߬ ߟߊ߫ ߥߊ߭ ߘߐ߫߸ ߊ߲ ߞߊ߬ ߕߊ߫ ߛߌߛߌ ߦߋ߫ ߓߏ߲ ߞߎ߲߬ߕߍߡߊ߬߸ ߕߊ ߣߌ߲߬ ߞߏ߬ߣߌ߲ ߓߐߣߍ߲߫ ߊ߬ ߖߍ߬ߘߍߡߊ߬ ߟߋ߬߸ ߓߊߏ߬߸ ߛߌ߰ߢߐ߲߮ ߠߎ߬ ߟߊ߫ ߝߐߟߌ߫ ߘߐ߫߸ ߝߋ߲߫ ߘߏ߫ ߟߋ߬ ߝߏߘߏ߲߫ ߡߊ߲ߞߊ߲ ߓߐ߫ ߘߊ߫ ߓߏ߲ ߠߊ߫ ߛߋ߲߬ߧߊ߫ ߝߌ߬ߟߊ߫߸ ߞߊ߬ ߕߴߏ߬ ߘߐ߫߸ ߞߊ߬ ߕߊ ߥߟߌ߬ ߓߏ߲ ߠߊ߫ ߡߎ߬ߕߎ߲߬.
ߓߏ߲ ߞߣߐ߫ ߝߋ߲ ߓߍ߯ ߟߋ߬ ߖߋ߬ߣߌ߲߬ ߘߊ߫߸ ߞߴߏ߬ ߟߊ߫ ߘߋ߲ߡߌߛߍ߲ ߠߎ߬ ߟߊ߫ ߓߟߏߟߊߘߍ߫ ߣߊ߲ߝߟߏ ߞߊ߲߬߸ ߊ߲ ߛߋ߫ ߘߊ߫ ߡߍ߲ ߓߙߍ߬ߦߊ ߟߐ߲߫ ߠߊ߫ ߏ߬ ߘߐ߫߸ ߏ߬ ߞߍ߫ ߘߊ߫ ߖߕ ߇߀߀ ߀߀߀ ߟߋ߬ ߘߌ߫>>. ߏ߬ ߟߋ߬ ߞߍ߫ ߘߊ߫ ߞߏߕߐ ߣߊ߲ߕߍߣߍ߲߫ ߡߊߡߊߘߌ߫ ߛߌ߬ߟߊ ߘߊߘߐ߫ ߞߊ߲ ߘߌ߫.
