ߞߌ߲ߘߌߦߊ߫ ߛߏ߫ ߞߣߐߟߊ ߞߊ߬ߙߊ߲߬ߕߊ߬ ߛߘߍߡߊ߲߫ ߠߋ߬ ߘߊ ߕߎ߲ߣߍ߲߫ ߕߍ߬ߘߍ߫ ߓߌ߬ ߞߏߟߌߞߏߟߌ ߕߟߋ߬ ߝߟߐ߫ ߣߌ߲߬ ߡߊ߬ ߂߀߂߅.

ߞߊ߬ߙߊ߲߬ߘߋ߲߬ ߠߎ߬ ߛߘߍߡߊ߲߫ ߠߋ߬ ߞߵߊ߬ߟߎ߫ ߞߎ߲߬ ߟߴߊ߬ߟߎ߬ ߟߊ߫ ߞߊ߬ߙߊ߲߬ߛߏ ߞߊ߲߬ ߞߌ߲ߘߌߦߊ߫ ߸ߓߊ߬ߙߌ߬ ߥߊߦߌߞߊ߫ ߸ ߟߊ߬ߞߊ߬ߙߊ߲߬ߠߌ߲߬ߠߊ߬ ߛߌ߫ ߕߎ߲߬ ߕߍ߫ ߞߊ߬ߙߊ߲߬ߕߊ ߘߏ߫ ߟߎ߫ ߟߊ߫.

ߞߊ߬ߙߊ߲߬ߕߊ߫ ߕߊ߬ߝߏߙߌ߬ ߦߴߏ߬ ߘߏ߫ ߟߋ߬ ߘߌ߫ ߞߌ߲ߘߌߦߊ߫ ߛߏ߫ ߞߣߐ߫.

ߏ߬ ߓߟߏߡߊ߬ ߸ ߏ߬ ߓߘߊ߫ ߞߍ߫ ߕߙߎ߬ ߘߌ߫  ߞߊ߬ߙߊ߲߬ߘߋ߲߬ ߛߘߍߡߊ߲߫ ߦߋ߫ ߟߊߞߙߐ߬ߛߌ߬ ߟߊ߫ ߝߏ߲߬ߘߏ߲߬ ߞߊ߲߬ ߠߊ߫ ߟߎ߬ ߣߌ߫ ߞߊ߬ߙߊ߲߬ߕߊ ߟߎ߬ ߘߊ߫ ߟߊ߫.

ߓߐߛߎ߲ ߘߏ߫ ߟߎ߫ ߞߐ߬ߣߌ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ : ߊߓߎߓߞߊߙ ߛߎߡߊ߬ ߡߍ߲ ߦߋ߫ ߟߊ߬ߞߊ߬ߙߊ߲߬ߠߌ߲߬ߠߊ ߟߎ߬ ߟߊ߫ ߕߐ߰ߕߐ߰ߟߌ߬ߟߊ ߘߏ߫ ߘߌ߫  ߞߏ߫߸ߝߙߋߞߋ ߛߌ߫ ߕߴߊ߬ߟߎ߫ ߝߍ߬ ߡߎߣߎ߲߬.

<<  ߒ ߧߋ߫ ߟߊ߬ߞߊ߬ߙߊ߲߬ߠߌ߲߬ߠߊ ߟߎ߬ ߥߟߋ߫ ߟߊ߫ ߸ߓߍ߯ ߦߴߊ߬ ߟߊ߫ ߞߍߕߊ ߟߎ߬ ߞߍ߫ ߞߊ߬ ߟߊ߬ߞߊ߬ߙߊ߲߬ߠߌ߲ ߞߍ߫ ߦߏ߫ ߊ߬ ߞߊ߫ ߞߊ߲߫ ߞߊ߬ ߞߍ߫ ߢߊ߫ ߡߍ߲ ߡߊ߬ ߸ ߓߊߏ߬ ߞߎ߲߬ߠߊ߬ߛߌ߮ ߞߊ߲߫ ߠߋ߬ ߞߏ߫ ߊ߬ߟߎ߬ ߘߴߊ߬ߟߎ߬ ߢߊ߫ ߡߊߖߌ߰ ߒ߬ ߠߊ߫ ߞߏ ߟߎ߬ ߞߘߐ߫  ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬ ߸ ߊ߬ ߣߌ߫ ߝߣߊ߫ ، ߊ߲ߠߎ߬ ߡߊ߫ ߝߎ߬ߙߎ߲߬ߞߎ߬ߟߌ߬ ߛߌ߫ ߞߟߊ߬ߣߐ߬ߦߊ߫ ߡߎߣߎ߲߬ >>

ߊ߬ ߞߵߊ߬ ߦߌ߬ߘߊ߬ ߌߞߐ߫ ߞߏ߫ << ߣߌ߫ ߞߎ߲߬ߠߊ߬ߛߌ߮ ߞߐ߬ߣߌ߲߬ ߡߊ߫ ߛߋ߫ ߞߵߊ߲ ߡߙߌߦߊ ߟߎ߬ ߓߐ߫ ߊ߬ ߛߌߟߊ ߝߍ߬ ߛߊ߫ ߸ߋߜߋ߫ ߸ ߒ ߝߣߊ߫ ߘߌ߫ ߝߎ߬ߙߎ߲߬ߞߎ߬ߟߌ ߛߌ߰ ߛߋ߲߬ߠߊ߫ >>

ߊߓߎߓߞߊߙ ߛߎߡߊ߬ ߟߋ߬ ߞߊ߲߫ ߕߋ߲߬.

ߞߊ߬ߘߌ߬ߦߊߕߎ߬ ߓߊ߸ ߏ߬ ߡߍ߲ ߝߣߊ߫ (FSPE-SNE) ߡߊ߬ߞߐ ߘߏ߫ ߘߌ߫ ߸ ߏ߬ ߟߎ߫ ߟߋ߬ ߣߐ߬ ߝߎ߬ߙߎ߲߬ߞߎ߬ߟߌ ߛߌ߰ ߟߊ߫ ߛߋ߲߬ߞߊ߲߫ ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬ ߸ߤߊߟߌ߬ ߣߴߊ߬ ߞߵߊ߬ ߕߘߍ߬ ߞߊ߬ߣߌ߲߬ ߞߏ߫ ߏ߬ ߣߌ߫ ߊߓߎߓߞߊߙ ߛߎߡߊ߬ ߟߎ߬ ߡߙߌߦߊ߫ ߟߎ߬ ߓߘߊ߫ ߝߏ߫ ߢߐ߲߮ ߞߐ߫ ߞߊ߬ߣߌ߲߬.

ߒ߬ߓߊ߬ ߸ ߤߊ߲߯ ߕߋ߲߬ ߝߟߐ߫ ߸ ߊ߲ߠߎ߬ ߡߴߊ߬ ߟߐ߲߫ ߟߊ߬ߞߊ߬ߙߊ߲߬ߠߌ߲߬ߠߊ ߟߎ߬ ߦߋ߫ ߞߙߎ߫ ߝߌ߬ߟߊ߫ ߏ߬ ߡߍ߲ ߞߐ߫߸ ߊߓߎߓߞߊߙ ߛߎߡߊ߬ ߣߌ߫ ߞߊ߬ߘߌ߬ߦߊߕߎ߬ ߓߊ ߞߊ߬ߣߌ߲߬.

 ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎߓߊ߫ ߓߟߏ߫ ߞߌ߲ߘߌߦߊ߫