ߓߌ߬ ߞߊ߯ߙߌ ߛߐ߱ ߣߌ߲߬ ߂߀߂߅ ߣߍߣߍߓߊ ߕߟߋ߬ ߃߀ ߡߊ߬߸ ߘߋ߲ߡߌߛߍ߲ ߠߎ߬ ߕߘߍ߬ ߦߋ߫ ߥߢߊߞߌߦߊ߫ ߜߘߍ߫ ߟߋ߬ ߟߊ߫ ߛߌߟߓߊ ߞߊ߲߬ ߞߊ߲߫ ߛߊ߬ߓߊ߫ ߘߌ߫߸ ߘߎߙߊߡߘߎ߫ ߦߋ߫ ߓߋ߬߸ ߔߏߞߑߟߍ߲߫ ߦߋ߫ ߓߋ߬߸ ߡߙߊ߬ߓߊ߮ ߦߋ߫ ߓߋ߬، ߤߊߟߌ߬ ߛߣߌߥߊ ߟߎ߫ ߖߍ߬ߘߍ ߝߣߊ߫߸ ߘߋ߲ߡߌߛߍ߲߫  ߝߌ߬ߙߌ߲ߞߐ߲߬ߞߐ߲ ߠߋ߬ ߕߘߍ߬ ߦߋ߫ ߞߓߊ߫ ߟߊߝߟߌ ߟߊ߫.

ߞߊ߬ ߕߴߏ߬ ߘߐ߫ ߞߣߵߊ߬ ߟߊߓߊ߲߫ ߞߐ߲߬ߡߘߊ߬ ߖߋߣߌ߲ ߡߊ߬ ߓߍ߲߬ߕߍ ߟߎ߬ ߣߌ߫ ߛߌߟߊ߫ ߡߌߛߍ߲ ߠߎ߬ ߟߊ߫߸ ߘߋ߲ߡߌߛߍ߲ ߡߍ߲ ߠߎ߬ ߕߘߍ߬ ߦߋ߫ ߛߏߞߎߘߊ߫ ߞߌ߲߬ߘߊ ߟߊ߫߸ ߊ߬ ߕߌ߯ߕߌ߯ ߣߍߟߑߛߐ߲ ߡߊ߲ߘߋߟߊ߫ ߘߊ ߞߘߐ߫߸ ߏ߬ ߟߎ߬ ߢߍߡߌ߬ߘߊ߬ߣߍ߲߫ ߕߘߍ߬ ߞߊ߲ߡߋߙߋ߲ ߡߍ߲ ߓߟߏ߫ ߣߴߊ߬ ߕߐ߯ ߞߏ߫ (ߍ߲ߞߏߣߎ߳ ߌߣߏߛߊ߲) ߏ߬ ߛߋ߫ ߘߊ߫ ߘߏ߫ ߝߐ߫ ߟߴߊ߲ ߧߋ߫ ߊ߬ߟߎ߬ ߟߊ߫ ߓߐߟߌ ߣߌ߲߬ ߞߊ߲߬.

<<ߊ߲ ߓߐ߫ ߞߎ߲ ߕߍ߫ ߘߏ߫ ߜߘߍ߫ ߘߌ߫ ߓߌ߬ ߛߣߌߥߊ ߟߎ߬ ߣߴߊ߬ߟߎ߬ ߟߊ߫ ߘߎ߰ߘߐ߬ߕߌ߲߬ߓߊ߲߬ ߕߙߏߞߏ ߟߎ߬ ߞߍ߬ߟߍ ߞߐ߫߸ ߣߴߊ߬ ߕߐ߯ ߦߋ߫ ߞߏ߫(ߔߏߞߑߟߍ߲߫) ߊ߬ ߣߌ߫ ߞߊ߬ ߡߙߊ߬ߓߊ߮ ߝߣߊ߫ ߟߊ߫ ߜߏߦߊߒߢߍ ߦߌ߬ߘߊ߬ ߏ߬ ߛߋ߲߭ߝߍ߬>> ߘߋ߲ߡߌߛߍ߲ ߠߎ߬ ߟߊ߫ ߔߊߞߌߛߦߊ ߣߌ߲߬ ߕߍ߫ ߔߏߞߑߟߍ߲߫ ߞߏ ߞߍ߬ߟߍ ߘߐߙߐ߲߫ ߘߌ߫ ߘߋ߬.

ߓߊߏ߬߸ ߡߙߊ߬ߓߊ߮ ߘߎߙߊߡߘߎ߫ ߝߣߊ߫ ߟߊ߫ ߟߊ߬ߜߏ߬ߦߊ߬ߒߢߍ ߕߊߓߊ߫ ߦߴߊ߬ ߞߏ ߘߐ߫߸ ߞߎߡߊߕߍ߫ ߛߣߌߥߊ ߟߎ߬ ߝߣߊ߫ ߡߊ߬߸ ߊ߬ߟߎ߫ ߞߴߊ߬ ߦߌ߬ߘߊ߫ ߟߋ߬ ߊ߬ߟߎ߬ ߟߊ߫ ߓߌ߬ ߓߐߟߌ ߣߌ߲߬ ߘߐ߫ ߘߎߙߊߡߘߎ߫ ߟߊ߫ ߜߏߦߊߒߢߍ ߦߌ߬ߘߊ ߞߐ ߘߐ߫߸ ߞߏ߫: ߊ߬ߟߎ߫ ߓߌ߬ ߕߍ߫ ߛߣߌߥߊ ߕߊ ߘߐ߫ ߞߎߡߊߕߍ߫ ߊ߬ ߛߌߣߌ߲߫ ߕߊ ߡߊ߬.

ߊ߬ߟߎ߫ ߘߏ߲߬ ߡߊ߫ ߘߊ߲߬ ߏ߬ ߘߐߙߐ߲߫ ߝߐ ߡߊ߫ ߘߋ߬߸ ߊ߬ߟߎ߬ ߞߙߊ ߛߋ߫ ߘߊ߫ ߟߋ߬ ߞߍ߲ߘߍߟߏ߲ ߛߎ ߕߊ߬ߡߌ߲߬ߣߍ߲ ߔߊߞߌߛߦߊ ߡߊ߲߬ߕߙߐ ߡߊ߬߸ ߡߐ߰ ߞߋߟߋ߲߫ ߣߌ ߕߏ߫ ߘߴߊ߬ ߘߐ߫ ߔߊߞߌߛߦߊ ߏ߬ ߡߍ߲ ߛߋ߲߭ߝߍ߬ ߞߊ߬ߣߌ߲߫<<ߞߎߣߎ߲߬ ߡߐ߰ ߞߋߟߋ߲߫ ߠߋ߬ ߓߐ߬ߣߐ߫ ߘߴߊ߬ ߣߌ ߘߐ߫ ߊ߬ ߣߌ߫ ߞߊ߬ ߞߋߟߋ߲߫ ߜߘߍ߫ ߖߐߞߌ߫.

ߏ߬ ߘߏ߲߬ ߡߊ߫ ߓߐ߫ ߢߍߡߐ߮ ߟߎ߬ ߢߣߊ߫ ߞߏ߫ ߟߊ߫߸ ߊ߲ ߝߣߊ߫ ߦߋ߫ ߣߌ߲߬ ߞߍ߬ߟߍ ߞߍ߫ ߟߊ߫ ߟߋ߬߸ ߊ߲ ߕߍ߫ ߣߊ߬ ߛߐ߲߬ ߠߊ߫ ߢߊ߫ ߛߌ߫ ߟߋ߬ ߡߊ߬ ߞߴߊ߲ ߠߊ߫ ߓߐ߰ߝߍ ߟߎ߬ ߕߌߢߍ߫ ߊ߲ ߢߣߊ߫߸ ߓߊߝߌ߲ߘߊ ߟߋ߬ ߓߘߊ߫ ߘߐߣߐ߯ ߏ߬ߘߌ߫߸ ߏ߬ ߓߟߏߡߊ߬߸ ߝߏ߫ ߛߌ߯ߙߌ߲ߞߊ ߦߴߊ߬ ߟߐ߬ ߊ߬ ߟߐ߬ߛߋ߲ ߠߋ߬ ߞߊ߲߬߸ ߣߴߏ߬ ߕߍ߫߸ ߓߐߛߐ߲߫ ߣߊ߬ߕߐ ߟߎ߬ ߘߌ߫ ߓߐ߫ ߘߐ߬ߞߏߟߏ߲ ߠߊ߫>>

ߊ߲ ߛߋ߫ ߘߊ߫ ߖߋ߬ߓߌ߬ߦߊ߬ߟߊ ߛߋߞߎ߬ ߓߙߋߕߋ߫ ߘߟߊߛߎ߲ߓߎ߫ ߟߊ߫߸ ߊ߬ߟߋ ߡߍ߲ ߦߋ߫ ߕߙߏ߬ߞߏ߬ߦߟߊ߬ ߘߌ߫ ߛߏߞߎߘߊ ߞߌ߲߬ߘߊ ߟߊ߫<<ߊ߲ ߛߌ߰ߣߍ߲ ߠߋ߬ ߕߏ߫ ߘߊ߫ ߛߐ߱ ߢߌ߲߬ ߡߊ߬߸ ߕߐ߲ߓߟߏߡߊ ߟߎ߬ ߣߴߊ߬ߟߎ߬ ߟߊ߫ ߜߋ߬ߕߋߜߋ߭ ߦߋ߫ ߘߋ߲ߡߌߛߍ߲ ߠߎ߬ ߡߊߜߍ߲߫ ߞߊ߲߬ ߓߏ߬ߙߌ ߘߌ߫߸ ߡߍ߲ ߠߎ߬ ߘߊߘߐߞߊ߲ ߦߴߊ߬ ߝߐ ߘߌ߫ ߞߊ߬ߣߌ߲߬ ߞߏ߫:

ߊ߲ ߕߍ߫ ߔߏߞߑߟߍ߲߫ ߞߏ ߘߐ߫߸ ߊ߬ߟߎ߫ ߞߊ߬ ߢߊߖߌߓߐ߫ ߥߊߦߌ߲ ߠߊߝߟߌ߬ ߏ߬ ߟߎ߬ ߡߊ߬>> ߒ߬ߓߊ߬߸ ߢߊߖߌߓߐ߫ ߥߊߦߌ߲ ߡߊ߲߬ߕߙߐ ߡߊ߫ ߘߊ߲߬ ߥߢߊߞߌߦߟߊ߫ ߟߎ߬ ߘߐߙߐ߲߫ ߡߊ߬ ߘߋ߬߸ ߡߊ߲߬ߕߙߐ ߛߋ߫ ߘߊ߫ ߟߋ߬ ߤߊߟߌ߬ ߛߐ߲߬ߒߕߊ߲ ߠߎ߬ ߝߣߊ߫ ߡߊ߬߸ ߡߐ߱ ߡߍ߲߬ ߠߎ߬ ߟߊ߫ ߞߎߡߊ߫ ߘߐ߫߸ ߞߏ߫ ߊ߬ߟߎ߬ ߕߍ߫ ߣߴߊ߬ߟߎ߬ ߢߊ ߓߍ߲߬ ߠߊ߫ ߛߣߌߥߊ ߟߎ߬ ߡߊ߬ ߊ߬ߟߎ߬ ߦߋ߫ ߖߡߊ߬ߣߊ ߘߐߖߊ߯ߛߌ߫ ߞߴߏ߬ ߣߊ߲߬ߝߟߏ߬ ߡߎ߮ ߓߌ߬ߟߴߊ߬ߟߎ߫ ߞߎ߲߬ ߞߊ߬ ߛ߭ߌߣ ߡߊߜߍ߲߫.

ߒ߬ߓߊ߬߸ ߞߏ ߡߍ߲ ߓߊ߬ߟߌ߬ ߦߴߊ߬ߟߎ߬ ߟߊ߫ ߏ߬ ߓߍ߯ ߘߌ߫߸ ߖߡߊ߬ߣߊ߬ߘߋ߲ ߠߎ߬ ߞߊ߲߫ ߠߋ߬ ߞߏ(ߒ ߝߊ߬ߓߘߊ ߕߍ߫ ߘߐߕߌߢߍ߫ ߟߊ߫) ߊ߬ߟߎ ߟߊ߫ ߖߊ߬ߕߋ߬ ߘߐ߫߸ ߞߎ߲߬ߠߊ߬ߛߌ߮ ߦߋ߫ ߏ߬ ߛߌ߬ߣߊ ߟߋ߬ ߘߌ߫ ߊ߬ ߞߏߢߊ ߘߐ߫ ߛߣߌߥߊ ߟߎ߬ ߞߐߡߊߓߌ߲ߓߌ߲߫ ߘߐ߫߸ ߊ߬ߟߎ߬ ߦߋ߫ ߡߍ߲ ߝߐ߫ ߟߊ߫ ߞߎ߲߬ߠߊ߬ߛߌ߮ ߟߎ߬ ߦߋ߫߸ ߏ߬ ߟߋ߬ ߦߋ߫ ߢߊ ߡߊߖߌ߱ ߘߌ߫ ߣߌ߲߬ ߝߍ߬.

ߓߊߏ߬߸ ߣߴߌ ߞߵߊ߬ ߡߍ߲߫ ߞߏ߫ ߖߡߊ߬ߣߊ߸ ߊ߬ ߞߣߐ߫ ߘߋ߲ ߠߎ߬ ߟߋ߬ ߞߏ߫ ߦߋ߫߸ ߣߌ߲߬ ߞߏ ߞߏ߬ߣߌ߲ ߜߊ߬ ߘߊ߫ ߟߋ߬ ߓߌ߬ ߞߏߛߓߍ߫߸ ߓߊߏ߬߸ ߞߵߊ߬ ߘߊߡߌ߬ߣߊ߬ ߉ߙߋ߲ ߡߊ߬ ߤߊ߲߯ ߁߅ ߙߋ߲ ߝߊ߲߬ߝߍ߬ߟߊ߸ ߣߊ߲߬ߕߌ߮ ߟߎ߬ ߣߌ߫ ߕߐ߲ߓߟߏߡߊ ߟߎ߬ ߣߌ߫ ߞߟߍ߬ߡߐ߮ ߟߎ߬ ߓߍ߯ ߖߌ߰ ߘߊ߫ ߟߋ߬ ߞߣߍ ߞߊ߲߬ ߢߊߖߌߓߐ߫ ߥߊߦߌ߲ ߟߊߝߟߌ ߣߌ߫ ߡߏ߬ߙߌ߬ߝߊ߬ ߕߋ ߘߌ߫.

ߖߐ߲߬ߡߊ߬ߛߌߣߌ߲ߟߐ߲߫ ߞߊ߬ߟߐ ߓߟߏ߫
ߛߌߟߊߓߐߛߐ߯ߣߊ߫ ߞߐߦߌߘߊߓߊ߮ ߛߌ߯ߙߌ߲߫.