ߓߌ߬ ߞߏ߲ߞߏߜߍ ߕߋ߬ߟߋ߫ ߂߇ ߣߌ߲߬ ߡߊ߬߸ ߖߌ߬ߣߍ߫ ߘߐ߬ߕߊߡߌ߲ ߞߊ߲ߕߌ߮߸ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߊ߬ ߛߟߊߕߌ߯ ߓߊ ߎߙߌ߬ ߞߙߍߞߙߍ߫ ߖߌ߬ߣߍ߬ ߞߏߕߌ߯ ߝߟߐߦߊ ߟߊ߫، ߐ߲߬ߤߐ߲߫߸ ߖߐ߲߫ ߦߋ߫ ߓߊ ߎߙߌ߬ ߣߌ߲߬ ߘߌ߫ ߓߏ߲߰؟
ߓߊ ߎߙߌ߬ ߘߍ߬ ߛߎ߬ߛߎ߬ ߕߐ߮ ߟߋ߬ ߞߏ߫ ߊߡߊߘߎ߫ ߎ߯ߙߌ߬ ߓߊ߸ ߡߍ߲ ߡߏߦߌ߫ ߘߊ߫ ߁߉߅߈ ߠߊ߫ ߔߌߕߊ߬߸ ߖߌ߬ߣߍ߫ ߓߘߍ߬ߓߘߍ߬ߟߌ߬ߟߊ ߟߋ߬.
ߊ߬ ߞߍ߫ ߘߊ߫ ߝߊ߲߬ߞߊߛߌ߬ߣߊ ߘߌ߫ ߞߊ߬ߦߌ߯ ߁߉߉߀ ߘߊߡߌߣߊ߫ ߝߊ߲ ߠߋ߬ ߟߊ߫߸ ߊ߬ ߦߋ߫ ߖߌ߬ߣߍ߬ ߓߍ߯ߦߊ ߝߊ߲߬ߞߊ ߘߍ߭ (ߖ.ߓ.ߝ.ߘ = ߎ߳.ߍߝ.ߘߋ.ߖ߭ߋ) ߛߌ߲ߘߌߓߊ߮ ߟߋ߬ ߦߴߊ߬ ߘߌ߫، ߓߊ߬ߙߌ߬ ߕߋ߲߭ߕߋ߲߭ ߣߌ߲߬ ߘߐ߫߸ ߊ߬ ߦߋ߫ ߞߙߎߞߊ߫ ߜߘߍ߫ ߟߋ߬ ߞߊ߲ߕߌ߯ߦߊ ߟߊ߫߸ ߣߊߟߌ߬ߡߎ߲߫ ߓߍ߯ߦߊߟߞߊ ߟߎ߬ ߟߊ߫ ߘߍ߭ ߖߌ߬ߣߍ߬ ߡߏߦߌߞߎߘߊߘߌ ߞߊ߲ߡߊ߬ (UDRG)، ߞߐ߲ߕߍ߫ ߕߟߋ ߘߐ߫߸ ߊ߬ ߞߊ߬ ߝߊ߬ߛߏ ߞߍߞߋߟߋ߲߲ߘߌ ߞߏߕߌ߯ߦߊ ߞߍ߫ ߟߋ߬.
ߊ߬ ߛߐ߬ߘߐ߲߬ ߘߊ߫ ߟߋ߬ ߂߀߀߉ ߝߎ߬ߙߎ߲߬ߞߎ߬ߟߌ߬ߓߊ ߘߐ߫ ߘߊ߬ߘߌߛ ߟߊ߫ ߡߙߊ߬ߞߊ߲ ߕߎ߬ߡߊ.
ߊ߬ ߥߊ߫ ߘߊ߫ ߢߊߣߌ߲ߡߊߓߏߙߌ ߟߊ߫ ߝߊ߬ߙߊ߲߬ߛߌ߫ ߂߀߁߁ ߠߊ߫߸ ߞߵߏ߬ ߞߎ߲߭ ߞߍ߫ ߊ߬ ߖߊ߲ߞߌ߲ ߘߌ߫ ߛߌ߭ ߡߎ߰ߡߍ ߟߊ߬ߥߛߎ߬ߟߌ ߟߊ߫߸ ߞߏ߫ ߊ߬ ߓߘߊ߫ ߘߏ߲߬ ߖߡߊ߬ߣߊ ߞߊ߬ߛߌ ߘߐ߫، ߓߊߏ߬߸ ߞߏ߫ ߊ߬ ߕߍ߬ߘߍ߫ ߊ߬ ߝߍ߬ ߞߊ߬ ߞߊ߬ߝߏ߬ ߖߊߛߏ߲ ߞߍ߫ ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߟߊ߫، ߊ߬ ߞߐߡߊߞߕߌ߫ ߘߊ߫ ߏ߬ ߟߋ ߘߐ߫߸ ߞߵߊ߬ ߓߌ߬ߟߴߊ߬ ߛߌ߭ ߡߎ߰ߡߍ ߥߛߎ ߟߊ߫.
ߓߊ߬ߙߌ߬ ߂߀߁߅ ߟߊ߫߸ ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߘߌ߬ߢߍ߬ ߘߴߊ߬ ߡߊ߬߸ ߞߵߊ߬ ߡߊߞߕߏ߫، ߏ߬ ߟߋ ߞߍ߫ ߘߴߊ߬ ߟߊ߫ ߢߊߣߌ߲ߡߊߓߏߙߌ ߓߊ߲ߣߍ߲ ߘߌ߫ ߛߊ߫.
ߊ߬ ߓߐ߫ ߘߊ߫ ߎ߳.ߍߝ.ߘߋ.ߖ߭ߋ ߘߐ߫ ߂߀߁߆ ߞߏ߲ߞߏߜߍ ߕߟߋ߬ ߀߅ ߟߋ߬ ߟߊ߫߸ ߞߵߏ߬ ߞߎ߲߭ ߞߍ߫ ߞߊ߬ߙߊ߲߬ߝߊ ߊߟߌߝߊ߫ ߞߐ߲ߘߍ߫ ߞߐߡߊߓߌ߲ߓߌ߲ ߘߴߊ߬ ߓߟߏ߫ ߢߣߊߕߊߟߌ ߘߐ߫߸ ߏ߬ ߞߵߊ߬ ߣߴߊ߬ ߟߊ߫ ߞߙߎߞߊ ߛߌ߲߬ߝߏ߲ ߠߎ߬ ߝߘߊ߫.
ߒ߬ߓߊ߬߸ ߗߍ߭ ߢߌ߲߬ ߠߋ߬ ߓߘߊ߫ ߣߊ߬ ߞߍ߫ ߞߏߕߌ߯ ߝߟߐ ߘߌ߫ ߓߌ߬ ߞߏ߲ߞߏߜߍ ߕߋ߬ߟߋ߫ ߂߇ ߡߊ߬ ߣߌ߲߬߸ ߊ߬ ߓߌ߬ߟߊ߬ ߘߊ߫ ߓߍߙߑߣߊ߯ߙ ߜ߭ߡߎ߫ ߟߋ߬ ߣߐ߭ ߘߐ߫.
ߟߏ߲ߞߊߛߌߦߊ߫ ߞߊ߬ߡߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
