ߋߝ߭ߍߙߑߕߐߣ ߡߊ߬ߞߊ߲߬ߞߊ߲߬ߠߌ߲߬ߠߊ ߓߘߊ߫ ߟߊߘߎ߲߫ ߥߊ߯ߕߌ߫ ߜߍߟߍ߲ ߠߊ߫، ߞߊ߬ߕߎ߲߯߸ ߌߘߙߌߛߊ߬ ߜ߭ߊߣߊ߬ ߖߋߦߌ߬ ߓߘߊ߫ ߣߍ߰ߓߐ߫ ߊ߬ߟߎ߬ ߣߌ߫ ߡߊ߲ߗߋߛߑߕߍߙ ߦߎߣߊߦߑߕߌߘ ߟߊ߫ ߢߐ߲߯ߓߍ߲ ߝߍ߬߸ ߊ߬ ߕߍߣߊ߬ ߕߏߟߏ߲߫ ߠߊ߫ ߝߏ߯ ߞߏߟߌ߲ߞߏߟߌ߲ ߕߟߋ߬ ߁߃߸ ߏ߬ ߡߍ߲ ߓߍ߲߬ߕߐ߫ ߛߣߍ߬ߜ߭ߊߟߌ߫ ߝߊ߬ߛߏ ߛߘߍߞߎߘߎ߲ ߠߊ߫ ߢߐ߲߯ ߠߊߘߍ ߘߎ߰ߛߊ߬ߝߌ߲ ߡߊ߬ ߞߵߊ߬ ߓߍ߲߬ ߝߘߊ߬ߝߌ߲߬ߠߊ߫ ߂߀߂߅ ߖߌߟߊߝߍ߫ ߕߊ߲ߠߌ߲ ߡߊ߬.
ߋߝ߭ߍߙߑߕߐߣ ߠߊ߫ ߡߞߊ߬ߛߌ߬ߟߌ ߣߴߊ߬ ߕߊ߫߸ ߞߏ߫ ߊ߬ߟߎ߬ ߡߊ߫ ߓߍ߲߬ ߌߘߙߌߛߊ߬ ߜ߭ߊߣߊ߬ ߖߋߦߌ߬ ߟߊ߫ ߝߍ߯ߝߍ߯ ߥߎߟߋ߲ ߡߊ߬߸ ߓߊ߬ߙߵߊ߬ߟߎ߫ ߛߋߋ߲߭ ߡߊ߫ ߘߎ߰ ߛߐ߬ߘߐ߲߬، ߞߊ߬ߕߎ߲߯߸ ߟߞߊ߬ߙߊ߲߬ߧߊ߬ߟߌ߬ߟߊ߫ ߘߊ߬ߝ߭ߌߘ ߡߏߦߍߛ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߡߞߊ߬ߛߌ߬ߟߌ ߡߊ߫ ߡߌ߬ߣߊ߬߸ ߞߏ߫ ߛߣߍ߬ߜ߭ߊߟߌ߫ ߡߊ߲߬ߕߏ߲߬ߕߍ߬ ߕߍߡߊߟߐ ߓߘߊ߫ ߟߊߘߎ߲߫ ߓߌ߬ߟߊ߬ߢߐ߲߰ߠߊ߫ ߛߓߊ߬ ߘߐ߫.
ߕߏ߬ߟߊ߲߬ߕߊ߲߬ߠߊ ߟߊߓߐ߫ ߘߊ߫ ߓߌ߬ߟߊ߬ߢߐ߲߰ߠߊ ߡߌ߬ߛߍ߲߬ ߁߃ ߟߋ߬ ߡߊ߬߸ ߊ߬ߟߎ߬ ߣߌ߫ ߡߊ߲ߗߋߛߑߕߍߙ ߦߎߣߊߦߑߕߌߘ ߕߍ߫، ߓߊߏ߬߸ ߊ߬ ߞߵߊ߬ ߕߏߟߏ߲ߢߐ߲߯ ߞߙߎ߫ ߞߋߟߋ߲ߢߐ߲߮ ߡߊߦߌߞߍߟ ߞߋߦߣ ߠߋ߬ ߥߊ߬ߟߏ߲߬ ߝߐߢߐ߲߯ߞߐߣߍ߲ ߘߏ߫ ߘߐ߫، ߕߍߟߐ ߝߣߊ߫ ߡߊ߫ ߕߡߊ߬ߖߌ߬߸ ߏ߬ ߞߊ߬ ߝߍ߯ߝߍ߯ ߥߎߟߋ߲ ߠߊߓߐ߫ ߌߞߘߐ߫߸ ߞߵߊ߬ ߓߍ߲߬ ߔߙߋߡߋ߫ ߟߌߜ߭ ߖߏ߯ߘߏ߲ ߛߊ߬ߙߌ߬ߦߊ ߟߎ߫ ߡߊ߬.
ߟߊ߬ߘߎ߲߬ߠߌ߲ ߣߌ߲߬ ߞߍߣߍ߲߫ ߠߋ߬߸ ߞߵߊ߬ ߛߐ߬ߘߐ߲߬ ߋߝ߭ߍߙߑߕߐߣ ߦߋ߫ ߜߟߍ߬ߦߊ߬ߓߊ߫ ߟߋ߬ ߘߐ߫ ߞߟߏߞߕߏߦߊ ߣߌ߲߬ ߘߐ߫ ߕߋ߲߬، ߣߴߏ߬ ߟߊ߫ ߡߐ߰ ߞߋߟߋ߲߫ ߓߐ߫ ߘߴߊ߬ ߓߟߏ߫ ߏ߬ ߘߐ߫߸ ߞߵߊ߬ ߝߐ߫ ߞߏ߫ ߕߏߟߏ߲߫ ߞߏ߫ ߛߓߊ߬ ߘߌ߫ ߞߍ߫߸ ߜ߭ߊߣߊ߬ ߖߋߦߌ߬ ߡߊ߫ ߕߏߟߏ߲߫߸ ߏ߬ ߦߴߊ߬ ߡߊ߬ ߝߙߋߞߋ ߟߋ߬ ߘߌ߫، ߊ߬ ߦߋ߫ ߥߊ߯ߕߌ߫ ߜߍߟߍ߲߫ ߠߋ߬ ߝߣߊ߫ ߘߌ߫ ߜ߭ߊߣߊ߬ ߖߋߦߌ߬ ߖߍ߬ߘߍ ߡߊ߬߸ ߓߊߏ߬ ߊ߬ ߕߍߣߊ߬ ߕߏߟߏ߲߫ ߠߊ߫ ߝߏ߫ ߞߏߟߌ߲ߞߏߟߌ߲ ߕߟߋ߬ ߁߃߸ ߏ߬ ߡߍ߲ ߓߍ߲߬ߕߐ߫ ߛߣߍ߬ߜ߭ߊߟߌ߫ ߖߊ߬ߘߊ ߟߎ߬ ߟߊ߫ ߘߏߝߊ߮ ߘߊߡߌߣߊ ߡߊ߬ ߞߵߊ߬ ߓߍ߲߬ ߝߘߊ߬ߝߌ߲߬ߠߊ߬ ߖߌߟߊߝߍ߫ ߣߊ߬ߕߐ ߡߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
