ߡߎ߬ߙߊ߲ ߡߍ߲߬ ߠߎ߬ ߡߊ߫ ߛߋ߫ ߡߊ߬ߟߌ ߡߊ߫ ߛߐ߬ߘߐ߲߬ ߠߊ߫ ߝߟߐ߫߸ ߞߵߊ߬ ߛߊߓߎ ߞߍ߫ ߛߌߟߊ ߕߊ߯ߡߊ ߖߐ߬ߘߐ ߟߋ߬ ߘߌ߫߸ ߛߌߟߊ ߕߌߢߍ ߣߌ߫ ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߢߍߛߌߟߊ߲ߢߍ ߞߏ߬ߣߌ߲߬، ߓߊ߬ߙߌ߫߸ ߞߎߣߎ߲߬ ߛߌ߬ߣߌ߲߬ߟߏ߲ ߡߊ߬.
ߡߊ߬ߟߌ ߕߊ߯ߡߊ߫ ߞߏ ߞߏߕߌ߯ ߡߛߏ ߘߋߡߑߓߟߋ߫ ߡߊߘߌߣߊ߬ ߛߌ߬ߛߞߏ߫ ߣߌ߫ ߘߊߞߊ߯ߙ ߔߐߙߑߕ ߢߍߡߐ߮ ߞߊ߬ ߞߟߊ߬ߣߐ߬ߦߊ߬ߟߌ ߞߍ߫ ߓߍ߲߬ߞߊ߲߬ ߛߓߍ ߘߏ߫ ߞߣߐ߫߸ ߝߋ߲ ߡߍ߲ ߠߎ߬ ߕߘߍ߬ ߞߊ߫ ߞߊ߲߫ ߞߊ߬ ߛߙߊ߬ ߡߎ߬ߙߊ߲ ߠߎ߬ ߟߊ߫ ߓߊߟߊ߲ ߛߊߓߎ߫ ߟߊ߫ ߘߊߞߊ߯ߙ ߔߐߙߑߕ ߟߊ߫߸ ߏ߬ ߟߎ߫ ߛߙߊ߬ߟߌ ߓߐ߫ ߘߊ߫ ߟߋ߬ ߊ߬ ߡߊ߬ ߡߊ߬ߟߌ ߕߐ߯ ߟߊ߫.
ߞߎ߲߬ߠߊ߬ߝߎߟߋ߲ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߊ߬ ߘߌ߫ ߞߐ߲ߕߌߣߍ߯ߙ ߂ ߀߀߀ ߢߐ߲߰ ߓߐ߫߸ ߡߍ߲ ߠߎ߬ ߡߊ߫ ߛߋ߫ ߘߏ߲߬ ߠߊ߫ ߓߡߊ߬ߞߐ߬ ߞߣߐ߫߸ ߓߊߟߏ ߟߎ߬ ߣߌ߫ ߓߊߛߌ ߟߎ߬ ߣߴߊ߬ ߢߐ߲߰ߘߐ ߟߎ߬ ߦߋ߫ ߏ߬ ߟߎ߬ ߓߍ߯ ߟߋ߬ ߘߐ߫߸ ߓߍ߲߬ߞߊ߲ ߣߌ߲߬ ߦߴߊ߬ ߟߊߢߌߣߌ߲߫ ߠߊ߫ ߞߊ߬ ߛߓߍ߫ ߞߏ ߘߏ߫ ߟߎ߫ ߛߌ߰ ߛߋ߲߬ߠߊ߫߸ ߖߐ߲߰ߛߊ߫ ߡߎ߬ߙߊ߲ ߠߎ߬ ߟߊ߫ ߘߏ߲߬ߣߌ߲ ߘߌ߫ ߣߐ߰ߦߊ߫ ߡߊ߬ߟߌ ߞߣߐ߫.
ߦߏ߫ ߕߐ߲߫ ߓߟߏߡߊ ߟߎ߬ ߟߊ߫ ߓߌ߬ߟߊ߬ߛߌ߬ߟߊ߬ߟߌ، ߓߍ߲߬ߞߊ߲ ߣߌ߲߬ ߛߐ߬ߘߐ߲߬ ߘߊ߫ ߡߊ߬ߟߌ ߞߋߘߋ߲ ߞߙߎ ߟߎ߬ ߟߊ߫ ߕߊ߯ߡߊ ߘߏ߫ ߟߋ߬ ߛߋ߲߭ߝߍ߬ ߘߊߞߊ߯ߙ ߞߊ߬ߦߌ߯ ߞߐ߬ߟߏ߲ ߕߊ߬ߡߌ߲߬ߣߍ߲ ߡߊ߬߸ ߛߣߍ߬ߜ߭ߊߟߌ߫ ߔߐߙߑߕ ߞߏ ߢߍߡߐ߮ ߟߊ߫ ߝߐߟߌ߫ ߘߐ߫߸ ߓߍ߲߬ߞߊ߲ ߣߌ߲߬ ߦߋ߫ ߓߟߏߘߏ߲ߢߐ߲߯ߓߟߏ ߞߊߡߊ߲ ߠߋ߬ ߞߣߐ߫ ߖߡߊ߬ߣߊ ߝߌ߬ߟߊ ߣߌ߲߬ ߣߌ߫ ߢߐ߲߯ ߕߍ߫.
ߊ߬ ߘߏ߲߬ ߟߐ߬ߦߙߐ߬ߓߊ ߟߋ߬ ߦߋ߫ ߊ߬ߟߎ߬ ߟߊ߫ ߓߊ߯ߙߊߢߐ߲߯ߦߊ ߟߊ߫ ߝߣߊ߫߸ ߊ߬ ߞߊߙߏ߫ ߘߊ߲ߘߐ߫ ߟߋ߬ ߦߋ߫ ߕߋ߲߬ ߡߊ߬ߟߌ ߡߎ߬ߙߊ߲߬ ߛߌߦߊߡߊ߲߫ ߠߋ߬ ߦߋ߫ ߘߊߞߊ߯ߙ ߔߐߙߑߕ ߟߊ߫ ߡߍ߲ ߠߎ߬ ߞߢߊ߬ߣߍ߲߫ ߘߏ߲߬ ߠߊ߫ ߓߡߊ߬ߞߐ߫߸ ߞߵߊ߬ ߛߊߓߎ ߞߍ߫ ߛߌߟߊ ߟߊ߫ ߕߌߢߍ ߣߌ߫ ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߟߊ߫ ߓߋ߬ߒ߬ߞߊ߲߬ߠߌ߲ ߛߌߦߊߦߊ ߘߌ߫.
ߊ߬ ߣߌ߫ ߖߋ߬ߣߌ߲߬ߕߊ߬ ߞߏ ߜߟߍ߬ߦߊ߸ ߏ߬ ߡߍ߲ ߣߊ߬ ߘߊ߫ ߝߙߵߊ߬ ߞߊ߲߬ ߥߊ߯ߕߌ߫ ߟߊߓߊ߲ ߡߍ߲߬ ߠߎ߬ ߟߊ߫ ߞߊ߬ߣߌ߲߬߸ ߏ߬ ߘߏ߲߬ ߛߊߓߎ ߞߍߣߍ߲߫ ߛߛߞ ߓߏߟߏ߲ߝߘߊ ߟߊ߫ ߜߛߐ߫ ߟߊߛߌ߮ ߟߋ߬ ߘߌ߫߸ ߡߍ߲ ߟߐ߬ ߘߊ߫ ߝߊ߯ߞߊ߲ߓߋ߲ ߠߎ߫ ߡߊ߬.
