ߞߊߕߏߟߌߞߌ߬ ߞߊ߬ߙߊ߲߬ߘߋ߲߬ ߛߌߦߊߡߊ߲߫ ߠߋ߬ ߣߌ߲߬ ߘߐ߫߸ ߞߍߢߊ߫ ߛߎ߮ ߣߌ߲߬ ߞߍ߫ ߞߏ߫ ߝߌߟߊߣߊ߲ ߠߋ߬ ߕߋ߲߬ ߟߐ߯ߞߎ߲߫ ߣߌ߲߬ ߞߣߐ߫߸ ߡߍ߲ ߦߋ߫ ߢߍߛߌ߲߫ ߠߊ߫ ߞߊ߬ߙߊ߲߬ߘߋ߲ ߠߎ߫ ߡߊ߬߸ ߞߍߢߊ߫ ߖߎ߮ ߞߍߟߊ ߟߎ߬ ߟߊ߫ ߞߙߎ ߘߏ߫ ߟߋ߬ ߦߋ߫ ߣߌ߲߬ ߞߏ ߞߊ߲߬.
ߡߍ߲ ߠߎ߬ ߟߊߞߏߟߐ߲ߣߍ߲߫ ߕߍ߫ ߝߟߐ߫، ߣߌ߲߬ ߘߏ߲߬ ߦߋ߫ ߢߌ߬ߣߌ߲߬ߞߊ߬ߟߌ ߟߋ߬ ߘߌ߫߸ ߤߊ߲߯ ߊ߲ ߧߋ߫ ߦߙߐ ߡߍ߲ ߣߌ߲߬ ߕߋ߲߬ ߖߋ߬ߟߌ߬ߓߊ߬ߟߊ߫ ߞߎ߲߬ߠߊ߬ߛߌ߮ ߟߎ߬ ߛߋߣߍ߲߫ ߕߍ߫ ߞߊ߬ ߡߍ߲ ߖߋ߬ߓߌ߫߸ ߊ߬ ߞߍ߫ ߘߊ߫ ߖߋ߬ߟߌ߬ߓߊ߬ߘߎ߯ ߕߌ߲߬ߞߎߘߎ߲ ߡߍ߲ ߞߣߐ߫.
ߦߋ߲߬ ߕߐ߲߫ ߓߟߏߡߊ ߟߎ߬ ߟߊ߫ ߝߐߟߌ߫ ߘߐ߫߸ ߡߌ߬ߣߊ߬ߟߌ ߞߍ߫ ߘߊ߫ ߛߎ ߂ ߕߎ߬ߡߊ ߥߊ߯ߕߌ ߟߋ߬ ߟߊ߫߸ ߛߍ߲ߕߋ-ߡߊߙߌ߬ ߞߊ߬ߙߊ߲߬ߕߊ ߟߊ߫߸ ߊߜ߭ߊߥߙߊ߫ ߘߎ߱ ߞߣߐ߫، ߞߊ߬ߙߊ߲߬ߘߋ߲߫ ߡߌ߬ߣߊ߬ߓߊ߰ߕߐ ߟߎ߬ ߞߏ߬ߣߌ߲ ߓߙߍ߬ߦߊ߬ ߟߐ߲ߣߍ߲߫ ߕߍ߫ ߝߟߐ߫.
ߡߍ߲ ߠߎ߬ ߝߣߊ߫ ߞߊ߬ ߞߍߢߊ߫ ߣߌ߲߬ ߞߍ߫߸ ߦߊ߯ߟߊ߫ ߓߊ߰ߓߊ߰ߟߌ߬ߟߊ ߟߎ߬ ߟߋ߬ ߣߐ߬ ߦߋ߫ ߓߊ߬ ߥߟߊ߫ ߕߋ߰ߙߋ ߟߎ߬߸ ߢߊ߫ ߖߐ߲ߖߐ߲߫ ߛߐ߬ߘߐ߲߬ߣߍ߲߫ ߕߍ߫ ߏ߬ ߝߣߊ߫ ߡߊ߬ ߡߎߣߎ߲߬ ߤߊ߲߫، ߖߋ߬ߟߌ߬ߓߊ߬ߘߎ߯ ߡߙߊ߬ߓߟߏ߬ ߢߍߡߐ߮ ߊߓߎߓߊߞߊ߯ߙ ߎߛߑߡߊ߯ߣ ߝߣߊ߫ ߞߊ߬ ߞߎߡߊ߫ ߞߋߟߋ߲߫ ߏ߬ ߟߋ߬ ߝߐ߫ ߊ߬ ߟߊ߫ ߘߊ߲߬ߕߍ߰ߟߌ߬ ߛߓߍ ߞߣߐ߫.
ߞߵߊ߬ ߢߍߛߌ߲߫ ߞߊ߬ߙߊ߲߬ߘߋ߲ ߠߎ߬ ߟߊ߫ ߡߌ߬ߣߊ߬ߟߌ ߣߌ߲߬ ߡߊ߬߸ ߊ߬ ߞߵߊ߬ ߝߙߵߊ߬ ߟߊ߫ ߞߎߡߊ ߞߊ߲߬ ߝߣߊ߫߸ ߞߏ߫ ߕߐ߲߫ ߓߟߏߡߊ ߟߎ߬ ߟߊ߫ ߞߙߎ߫ ߞߙߍߞߙߍߣߍ߲ ߠߎ߬ ߦߋ߫ ߝߙߊ߬ ߣߊ߲߬ߕߌ߮ ߟߎ߬ ߟߊ߫ ߟߊ߬ߞߊ߲߬ߘߊ߬ߟߌ ߞߎߓߋ ߞߊ߲߬߸ ߞߊ߬ ߢߊߢߌߣߌ߲ߠߌ߲ ߠߎ߬ ߛߌ߰ ߛߋ߲߬ߠߊ߫.
ߖߐ߲߰ߛߊ߫ ߞߊ߬ ߡߐ߰ ߡߌ߬ߣߊ߬ߣߍ߲ ߠߎ߬ ߟߊ߫ ߞߏ ߢߊߢߌߣߌ߲߫ ߞߵߊ߬ߟߎ߬ ߟߊߓߐ߫، ߞߊ߬ߙߊ߲߬ߘߋ߲߫ ߡߐ߰ ߂߅ ߡߌ߬ߣߊ ߞߐߝߍ߬ ߕߟߋ߬ ߘߊ߲ߘߐ߫ ߘߐߙߐ߲߫ ߞߘߐ߫߸ ߏ߬ ߟߋ߬ ߞߐ ߞߍ߫ ߘߊ߫ ߕߎ߰ߡߏ߬ߙߌ߬ ߞߊߙߊ߲ߘߋ߲߫ ߡߍ߲߬ ߠߎ߫ ߡߌ߬ߣߊ ߘߌ߫߸ ߞߎ߲߬ߠߊ߬ߛߌ߮ ߟߎ߬ ߟߊ߫ ߝߐߟߌ߫ ߘߐ߫.
ߡߐ߰ ߞߋߟߋ߲߫ ߛߋ߫ ߘߴߊ߬ ߓߏ߬ߛߌ߫ ߟߴߊ߬ߟߎ߫ ߡߌ߬ߘߊ߬ߓߊ߮ ߟߎ߫ ߓߟߏ߫߸ ߖߋ߬ߟߌ߬ߓߊ߬ߟߊ߫ ߞߊ߲ߕߌ߮ ߖߍ߬ߘߍ ߓߏߟߊ߫ ߕߌߣߓߎ߫ ߞߵߊ߬ ߟߊ߫ ߕߊ߯ߡߊ ߘߏ߫ ߟߎ߫ ߓߐ߫ ߟߋ߬ ߊ߬ ߡߊ߬߸ ߞߊ߬ ߟߐ߬ߛߋ߲ ߘߌ߫ ߊ߬ ߟߊ߫ ߖߡߊ߬ߣߊ ߡߊ߬.
