ߞߵߊ߬ ߓߍ߲߬ ߟߐ߲ߞߏߕߌ߯ ߛߟߏ߬ߡߣߊ߬ ߞߊ߲ߕߍ߫ ߟߊ߫ ߛߊ߬ߦߊ ߛߊ߲߬ߞߎ߲߬ߢߐ߲߮ ߡߊ߬߸ ߒߞߏ ߛߓߍߛߎ߲߫ ߞߊ߲ߡߊߛߙߋߡߊ ߛߌ߲ߘߌߓߊ߮߸ ߛߌ߯ߙߌ߲߫ ߟߞߝ ߘߍ߬ߞߙߎ ߦߴߊ߬ ߝߍ߬ ߞߊ߬ ߛߌ߲߬ߓߏ߲߬ߛߌ߬ߓߊ߫ ߞߍ߫ ߣߍߣߍߓߊ ߕߋ߬ߟߋ߫ ߂߃ ߡߊ߬.
ߟߐ߲ߞߏߕߌ߯ ߛߟߏ߬ߡߣߊ߬ ߞߊ߲ߕߍ߫ ߡߍ߲ ߦߋ߫ ߡߊ߲߬ߘߋ߲߬ ߞߊ߲ ߠߊߞߎߣߎ߲ߓߊ߮ ߘߌ߫߸ ߊ߬ ߣߌ߫ ߝߘߊ߬ߝߌ߲ ߠߎ߬ ߞߎ߲߬ߠߊ߬ߦߋ߬ߙߋ߲߬ߓߊ߮ ߘߏ߫ ߘߌ߫߸ ߏ߬ ߟߊ߫ ߛߌ߲߬ߓߏ߲߬ߛߌ ߞߊ߫ ߞߊ߲߫ ߞߊ߬ ߞߍ߫ ߛߌ߯ߙߌ߲߫ ߞߣߐ߫، ߟߞߝ ߘߍ߬ߞߙߎ ߡߍ߲ ߛߌ߲ߘߌ߫ ߞߎ߲ ߦߋ߫ ߒߞߏ ߞߊߙߊ߲ߓߊߟߌ߫ ߞߏ ߞߍ ߘߌ߫ ߛߊ߲߬ߘߊ ߘߌ߫߸ ߏ߬ ߦߴߊ߬ ߝߍ߬ ߞߊ߬ ߂߀߂߅ ߣߍߣߍߓߊ ߕߋ߬ߟߋ߫ ߂߃ ߟߋ߬ ߕߣߐ߬ߓߐ߫ ߞߊ߬ ߖߊ߲߬ߖߏ߲߬ߓߊ߫ ߝߌ߬ߟߊ߫ ߛߌ߰ ߛߋ߲߬ߠߊ߫߸ ߞߊ߬ ߁߉߄߉ ߗߍ߬ߓߊ߬ ߞߋߟߋ߲ ߡߐ߬ߟߐ߲ ߦߌ߬ߘߊ߬ ߘߎߢߊ߫ ߟߊ߫.
ߟߏ߲ߓߊ ߘߊߡߌ߬ߣߊ߬ߕߐ߫ ߀߉ߙߋ߲ ߠߋ߬ ߡߊ߬ ߛߋ߰ߘߎ߬ߝߎߙߋ ߟߎ߬ ߟߊ߫ ߜߍߞߣߍ ߘߐ߫ ߛߌ߯ߙߌ߲߫ ߛߊ߲ߕߙߌߘߊ ߟߊ߫߸ ߞߊ߬ ߞߊ߬ߙߊ߲߬ߘߋ߲߫ ߡߐ߰ ߅߀ ߟߊ߫ ߖߐ߲ߓߐ߲ ߘߴߊ߬ߟߎ߫ ߡߊ߬߸ ߡߍ߲ ߠߎ߬ ߓߘߊ߫ ߒߞߏ ߞߊ߬ߙߊ߲߬، ߞߊ߬ ߓߊ߲߫߸ ߞߊ߬ ߥߛߊ߬ߛߙߋ ߘߏ߫ ߟߎ߫ ߟߊߕߊ߬ߡߌ߲߬ ߡߐ߰ߓߊ ߘߏ߫ ߟߎ߫ ߡߊ߬߸ ߦߏ߫ ߛߌ߯ߙߌ߲߫ ߛߏߕߌ߮.
ߛߎ ߝߍ߬ ߂߀ߙߋ߲ ߡߊ߬߸ ߛߌ߲߬ߓߏ߲߬ߛߌ ߓߍߣߊ߬ ߘߊߡߌ߬ߣߊ߬ ߟߐ߲ߞߏߕߌ߯ ߛߟߏ߬ߡߣߊ߬ ߞߊ߲ߕߍ߫ ߜߋ߬ߙߋ ߢߊߝߐ ߟߊ߫߸ ߏ߬ ߞߍߕߐ߫ ߥߎ߬ߦߊ߲߬ߞߌ߬ߟߌ ߟߍߙߘߊ ߟߋ߬ ߟߊ߫، ߏ߬ ߘߏ߲߬ ߞߘߐߛߌ߰ߕߐ߫ ߛߓߏ߬ ߖߋߣߌ߲߫ ߓߟߋ߬ߓߟߋ ߟߋ߬ ߟߊ߫.
ߡߐ߰ߓߊ߬ ߞߟߊߒߞߊ߫ ߝߌ߬ߟߊ߫ ߟߋ߬ ߞߙߍߞߙߍߣߍ߲߫߸ ߡߍ߲ ߠߎ߬ ߞߍߕߐ߫ ߛߌ߲߬ߓߏ߲߬ߛߌ ߣߌ߲߬ ߞߍ߫ ߟߊ߫߸ ߛߏ߬ߙߌ߫ ߡߊ߲߬ߘߋ߲߬ߞߊ ߞߓߊ߬ (ߥߎ߬ߦߊ߲߬ߞߌ߬ߟߌ ߝߊ߬)߸ ߊ߬ ߣߌ߫ ߓߊߛߓߊ߬ߕߌ߫ ߛߘߌ߬ߓߋ߬ ()، ߞߎ߲߬ߕߐ߰ ߓߟߋߓߟߋ߫ ߟߋ߬ ߘߐߕߋ߬ߕߐ߫ ߊ߬ߟߎ߬ ߓߟߏ߫ <<ߒߞߏ ߟߊ߫ ߛߋ߲߬ߕߊ߬ ߞߍߣߍ߲ ߠߎ߬ ߞߊ߲ߕߍ߫ ߛߟߏ߬ߡߣߊ߬ ߟߊ߫ ߛߊ߬ߦߊ ߞߐ߫>>߸ ߏ߬ ߡߍ߲ ߦߋ߫ ߞߎߡߊ߫ ߟߊ߫ ߒߞߏ ߕߊ߬ߡߌ߲߬ߣߍ߲ ߠߎ߬ ߣߴߊ߬ ߟߊ߫ ߣߊ߬ߕߐ ߟߎ߫ ߞߊ߲߬.
ߟߞߝ ߞߊ߲߫ ߞߏ߫ ߓߍ߯ ߟߊߘߍ߬ߣߍ߲ ߠߋ߬ ߡߊߞߟߌߣߍ߲߫ ߣߌ߲߬ ߞߏ ߘߐ߫߸ ߒߞߏ ߘߍߞߙߎ ߟߎ߬ ߣߌ߫ ߝߊ߬ߛߏ߬ߞߊ߲ ߞߐߡߊߓߌ߲ߓߌ߲ߠߊ ߟߎ߬ ߓߍ߯ ߟߊߘߍ߬ߣߍ߲ ߞߐߘߍ߫߸ ߞߊ߬ ߣߊ߬ ߛߐ߬ߘߐ߲߫ ߛߌ߲߬ߓߏ߲߬ߛߌ߬ߓߊ ߣߌ߲߬ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
