ߛߊ߲߭ ߺ ߊ ߺ ߛߊ߲߬߸ ߣߍߣߍߓߊ ߕߋ߬ߟߋ߫ ߂߃ ߦߋ߫ ߒߞߏ ߛߓߍߟߌ ߟߊߓߊ߯ߙߟߊ ߟߎ߬ ߦߟߌߓߌ߬ߟߊ߬ ߟߊ߫ ߞߏ ߘߏ߫ ߟߋ߬ ߘߐ߫߸ ߏ߬ ߟߋ ߟߐ߲ߞߏߕߌ߯ ߛߟߏ߬ߡߣߊ߬ ߞߊ߲ߕߍ߫ ߟߊ߫ ߛߊ߬ߦߊ ߘߌ߫، ߓߊߏ߬߸ ߏ߬ ߝߊߕߏ߫ ߘߊ߫ ߁߉߈߇ ߣߍߣߍߓߊ ߕߋ߬ߟߋ߫ ߂߃ ߟߋ߬ ߡߊ߬ ߓߏ߲ߝߌ߲߫ ߞߌ߲߬ߘߊ ߟߊ߫߸ ߞߐߣߊߞߙߌ߫.
ߓߌ߬ ߞߍ߲ߘߍߟߏ߲ ߣߌ߲߬ ߞߎ߲߬ߢߐ߲߮ ߡߊ߬߸ ߣߍߣߍߓߊ ߕߋ߬ߟߋ߫ ߂߂ ߡߍ߲ ߣߊ߬ߕߐ ߣߌ߲߬߸ ߖߊ߲߬ߖߏ߲߬ߓߊ߫ ߛߌ߰ߕߐ߫ ߛߋ߲߬ߠߊ߫ ߞߐߣߊߞߙߌ߫ ߞߣߐ߫߸ ߟ.ߞ.ߝ ߘߍ߬ߞߙߎ ߓߟߏ߫ (ߟߊ߬ߛߓߍ߬ߛߎ߲߬ߧߊ߬ߟߌ ߞߊ߬ ߞߎ߲߬ߝߌ߲߬ߧߊ ߞߍ߬ߟߍ߫ ߝߘߊ߬ߝߌ߲߬ߠߊ߫)، ߏ߬ ߦߋ߫ ߘߋ߲ߡߌߛߍ߲߫ ߘߍߞߙߎ߫ ߟߋ߬ ߘߌ߫߸ ߡߍ߲ ߠߊߘߊ߲ߣߍ߲߫ ߛߓߍߟߐ߲ߓߊߟߌߦߊ ߞߟߍ߬ ߞߊ߲ߡߊ߬ ߝߘߊ߬ߝߌ߲߬ߠߊ߬ ߞߣߐ߫ ߒߞߏ ߛߓߍߟߌ ߟߊ߫، ߏ߬ ߟߋ ߘߐ߫߸ ߊ߬ߟߎ߬ ߦߋ߫ ߓߊ߯ߙߊ߫ ߟߊ߫ ߟߐ߲ߞߏߕߌ߯ ߢߐ߲߰ߦߋ߬ߓߊߟߌ ߡߍ߲ ߠߊ߫ ߛߓߍߛߎ߲߫ ߛߌ߲ߘߌߣߍ߲ ߠߊ߫ ߕߋ߲߬߸ ߣߴߊ߬ ߦߋ߫ ߝߘߊ߬ߝߌ߲߬ߠߊ߬ ߓߍ߯ ߞߎ߲߬ߠߊ߬ߦߋߙߋ߲ ߘߌ߫ ߓߌ߬ ߞߏ߫ ߒߞߏ߸ ߊ߬ߟߎ߬ ߦߴߊ߬ ߝߍ߬ ߞߊ߬ ߗߍ߬ߓߊ߬ ߞߋߟߋ߲ ߏ߬ ߟߊ߫ ߛߊ߬ߦߊ ߛߌ߲߬ߓߏ߲߬ߛߌ ߃߈߲ ߠߋ߬ ߞߍ߫ ߞߐߣߊߞߙߌ߫ ߓߏ߲ߝߌ߲߫ ߞߊ߬ߙߊ߲߬ߘߊ߬ߓߊ ߟߊ߫ (ߟߌ߬ߛߋ ߓߏ߲ߝߌ߲߫)، ߞߊ߬ߕߎ߲߯߸ ߊ߬ߟߎ߬ ߟߊ߫ ߟߊ߬ߛߋ߬ߟߌ ߞߵߊ߬ ߦߌ߬ߘߊ߬ ߞߏ߫:
ߝߘߊ߬ߝߌ߲߬ߠߊ߫ ߟߐ߲ߞߏߕߌ߮ ߝߏߘߋ߫ ߛߟߏ߬ߡߣߊ߬ ߞߊ߲ߕߍ߫ ߟߊ߫ ߛߌ߲߬ߓߏ߲߬ߛߌ ߞߊߙߏ ߓߘߊ߫ ߓߐ߫ ، ߓߊߏ߬ ߊ߬ ߟߊ߫ ߛߏߛߊߦߌ ߓߘߊ߫ ߛߊ߲߬ ߃߈ ߓߐ߫ ، ߟߞߝ ߘߋ߲ߡߌߛߍ߲ ߠߎ߬ ߝߣߊ߫ ߓߘߴߊ߬ߟߎ߬ ߞߊ߲ߠߊߓߐ߫ ، ߞߏ߫ ߒߞߏ ߘߏ߲߬ߞߏ ߟߎ߬ ߣߌ߫ ߒߞߏߟߊ߲ߘߌ ߟߎ߬ ߓߍ߯ ߦߋ߫ ߓߐ߫ ، ߞߊ߬ ߟߌ߬ߛߋ ߛߟߏ߬ߡߣߊ߬ ߞߊ߲ߕߍ߫ ߟߝߊ߫ ߸ ߣߍߣߍߓߊ ߕߋ߬ߟߋ߫ ߂߂ ߣߊ߬ߕߐ ߞߍ߲ߘߍߟߏ߲ (ߛߊߡߋߘߌ߫) ߡߊ߬ ߉ߙߋ߲ ߖߋߞߎ ߟߊ߫ ߞߊ߬ ߘߎߢߊ߫ ߟߊߛߙߋߦߊ߫ ߟߐ߲ߞߏߕߌ߮ ߛߟߏ߬ߡߣߊ߬ ߞߊ߲ߕߍ߫ ߟߊ߫ ߢߣߊߡߦߊ ߣߴߊ߬ ߝߏ߲߬ߝߏ߲ ߠߎ߫ ߡߊ߬ ، ߖߊ߲߬ߖߏ߲ ߝߊ߬ ߓߘߍ: ߛߟߊߕߌ߮ ߟߊ߬ߡߌߣ ߥߙߊߓߊ ߛߊ߬ߞߐ߫ ߏ߬ ߦߋ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߟߊߓߊ߯ߙߟߊ ߟߋ߬ ߘߌ߫ ، ߖߊ߲߬ߖߏ߲ ߣߊ߫ ߓߘߍ :ߓߐ߬ߟߐ߲߬ߞߊ߬ ߤߊߖߊ߬ ߛߊߙߊ߲߫ ߘߙߊ߬ߓߊ߫ ߞߓߊ߬ ߖߌ߬ߣߍ߬ ߞߏߕߌ߯ ߞߘߐ
ߖߊ߲߬ߖߏ߲ ߞߎ߲߬ߠߊ߬ߦߋ߬ߙߋ߲߬ ߝߊ: ߞߏ߲߬ߓߏ ߎߛߑߡߊߣ ߞߓߊ߬ ߔߊߘߍߛ ߞߙߎߞߊ ߞߊ߲ߕߌ߮
ߖߊ߲߬ߖߏ߲ ߞߎ߲߬ߠߊ߬ߦߋ߬ߙߋ߲߬ ߣߊ: ߞߏߕߌ߮ ߓߐ߬ߟߐ߲߬ߞߊ߫ ߖߊ߬ߞߊ߫ ߛߘߌ߬ߓߋ߫
ߖߊ߲߬ߖߏ߲ ߞߟߌߣߍ߲ ߞߙߍߞߙߍߣߍ߲ ߠߎ߬ :
ߝߘߊ߬ߝߌ߲߬ߠߊ߫ ߟߐ߲ߞߏߕߌ߮ ߟߊ߫ ߞߐߙߍ ߘߏ߲߬ߞߏ ߟߎ߬ ߸ ߞߵߊ߬ ߓߍ߯ ߕߊ߬ ߞߵߊ߬ ߟߴߊ߬ ߝߘߎߡߊ߫ ߝߌ߬ߟߊ ߞߊ߲߬ ߣߊߟߌ߬ߡߎ߲߬ ߝߊ߲ߕߊ߬ ߛߌ߬ߛߋ ߣߴߊ߬ ߘߐ߯ߡߛߏ߫ ߝߊ߲ߕߊ߬ ߓߙߋߕߋ߫ ߘߌ߫.
ߞߊߕߙߍ߬ߕߍ߫ ߟߋ߬ ߛߟߊߕߌ߮ ߊߟߛߊߣ ߓߙߋߕߋ߫ ߘߌ߫߸ ߟߌ߬ߛߋ ߛߟߏ߬ߡߣߊ߬ ߞߊ߲ߕߍ߫ ߗߋߕߌ߮ ߊ߬ ߣߌ߫ ߛߟߊߕߌ߮ ߞߟߍ߬ߝߊ߫ ߓߊ߲߬ߖߎ߯ ߓߊ߬ߦߐ߮ ߟߞߝ ߘߋ߲ߡߌߛߍ߲ ߠߎ߫ ߝߊ߬ ،
ߊ߬ߟߎ߫ ߞߵߊ߬ ߦߌ߬ߘߊ߬ ߞߎߡߊ߫ ߟߊߓߊ߲߫ ߘߐ߫߸ ߞߏ߫ : <<ߊ߲ ߧߋ߫ ߢߌߣߌ߲߫ ߠߴߊߟߎ߫ ߡߊ߬ ߓߐߟߌ ߞߏߟߌߞߏߟߌ ߘߐ߫ ߸ߞߊ߬ ߣߊ߬ ߝߘߊ߬ߝߌ߲߬ߠߊ߬ ߟߐ߲ߞߏߕߌ߮ ߛߟߐߡߌ߲ ߞߎ߲ߠߊ߬ߦߋ߬ߙߋ߲߬ ߣߍߣߍߓߊ ߕߋ߬ߟߋ߫ ߂߂ ߛߐ߰ߡߊ߬ߘߊ ߟߊ߫>>
ߏ߬ ߘߐ߫߸ ߞߊߙߏ ߣߌ߲߬ ߦߋ߫ ߒߞߏ ߘߏ߲߬ߞߏ ߟߎ߬ ߟߊ߫ ߞߊߙߏ ߘߏ߫ ߟߋ߬ ߘߌ߫ ߥߍ.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
