ߞߏߕߌ߯ ߞߘߐ ߎߛߎߡߊ߯ߣߌ߲߫ ߛߏ߲ߞߏ߫ ߟߊ߫ ߟߊ߬ߘߍ߬ߓߊ ߣߌ߲߬ ߛߋ߲߭ߝߍ߬ ߞߎߣߎ߲߬ ߞߍ߲ߘߍߟߏ߲ ߡߊ߬߸ ߊ߬ ߞߵߊ߬ ߦߌ߬ߘߊ߬ ߞߏ߫ ߞߕߌ ߓߍߣߊ߬ ߛߌ߰ ߛߋ߲߬ߠߊ߫ ߂߀߂߁ ߣߌ߫ ߂߀߂߄ ߛߍ߬ߘߏ߲ ߡߌ߬ߣߊ߬ߓߊ߰ߕߐ ߟߎ߫ ߞߊ߲߬߸ ߔߊߛߑߕߍߝ ߓߘߍ߬ߓߘߍ߬ߟߌ߬ ߞߙߎ ߢߍߡߐ߮ ߣߌ߲߬ ߠߊ߫ ߝߐߟߌ߫ ߘߐ߫߸ ߡߐ߰ ߘߊ߲ߘߐ߫ ߦߴߊ߬ ߟߊ߫ ߞߎ߲߬ߠߊ߬ߛߌ߰ ߞߙߎ ߞߣߐ߫߸ ߛߌߞߊ߫ ߞߍߣߍ߲߫ ߡߍ߲ ߠߎ߬ ߡߊ߬ ߦߙߎ߬ߞߎ߬ߦߙߎ߬ߞߏ ߘߐ߫، ߞߴߏ߬ ߟߎ߬ ߓߍߣߊ߬ ߜߍ߲߫ ߠߋ߬߸ ߊ߬ ߓߊ߲߫ ߘߊ߫ ߝߣߊ߫ ߟߋ߬ ߞߊ߬ ߔߊߛߑߕߍߝ ߞߏߕߌ߮ ߟߎ߬ ߡߊߓߊ߰ߓߊ߰ ߞߏ߫ ߣߌ߫ ߡߐ߰ ߛߌ߫ ߕߐ߯ ߦߋ߫ ߘߊ߫ ߦߙߎ߬ߞߎ߬ߦߙߎ߬ߞߎ߬ߞߏ ߘߐ߫.
ߌ ߕߌ߰ߟߊ߬ߡߐ߮ ߘߌ߫ ߘߏ߲߬ ߥߛߎ ߟߊ߫، ߊ߬ ߟߊ߫ ߞߎߡߊ߫ ߘߐ߫<<ߡߐ߱ ߡߍ߲ ߠߎ߬ ߦߴߊ߬ ߞߊ߲߬ ߞߏ߫ ߊ߲ ߧߋ߫ ߊ߬ ߞߊ߲߬ ߞߊ߬ ߕߊߖߟߎߛߙߊ ߟߋ߬ ߞߍ߫߸ ߞߊ߬ ߘߌ߬ߢߍ ߟߊߢߌߣߌ߲߫ ߊ߲ ߝߍ߬߸ ߊ߲ ߧߋ߫ ߘߌ߬ߢߍ߬ ߟߊ߫ ߡߎ߲߬ ߠߋ߬ ߞߏߛߐ߲߬߸ ߡߍ߲ ߠߎ߬ ߦߴߊ߬ ߞߊ߲߬ ߞߊ߬ ߞߎߡߊ߫ ߏ߬ ߝߐ߫߸ ߏ߬ ߟߎ߫ ߟߋ߬ ߕߘߍ߬ ߦߴߊ߲ ߞߟߍ߬ ߟߊ߫ ߞߎߣߎ߲߬، ߓߊ߬ߙߌ߫߸ ߛߌߛߍ߲߬ ߝߊ߲߬ߞߊ ߛߐ߬ߘߐ߲ ߞߐ ߊ߲ ߓߟߏ߫߸ ߊ߲ ߓߘߊ߫ ߏ߬ ߟߎ߫ ߓߌ߬ߟߴߊ߲ ߞߍ߬ߙߍߝߍ߬، ߏ߬ ߟߎ߫ ߟߋ߬ ߦߴߊ߬ ߞߊ߲߬ ߞߊ߬ ߞߊ߲ߕߌ߮ ߓߊ߬ߛߌߙߎ߬ ߖߏ߬ߡߊߦߌ߫ ߝߊߦߌ߬ ߣߍ߲߯ ߞߏ߫ ߊ߬ ߞߊ߫ ߎߛߎߡߊ߯ߣߌ߲߫ ߛߏ߲ߞߏ߫ ߞߐߡߊߓߌ߲ߓߌ߲߫ ߘߋ߬.
ߊ߬ ߦߋ߫ ߕߊߖߟߎߛߙߊ ߟߋ߬ ߟߊ߫ >> ߡߐ߰ ߝߌߟߊ߫ ߟߋ߬ ߦߋ߫ ߔߊߛߑߕߍߝ ߞߙߎ ߘߐ߫߸ ߛߌߞߊ߫ ߞߍߣߍ߲߫ ߡߍ߲ ߠߎ߫ ߡߊ߬߸ ߝߴߏ߬ ߓߘߊ߫ ߞߍ߫ ߕߎ߬ߙߎ߫ ߘߌ߫߸ ߊ߬ ߓߘߊ߫ ߛߓߍ ߟߊߕߊ߯ ߞߊ߲ߕߌ߯ ߡߊ߬ ߞߏ߫ ߡߐ߰ ߕߋߟߋ߲ߓߊߟߌ ߕߴߛߋ߫ ߕߏ߫ ߟߴߊ߬ߟߎ߬ ߕߍߡߊ߬߸ ߡߐ߰ ߜߍ߲ߕߊ ߝߟߐߡߊ ߜߍ߲߫ ߞߎ߲ ߠߋ߬ ߣߊ߲߬ߝߟߏ߬ ߞߎ߲߬ߡߙߎ߬ ߞߏ ߘߌ߫߸ <<ߊ߲ ߕߴߛߋ߫ ߡߐ߰ ߡߌ߬ߣߊ߬ ߟߊ߫ ߞߵߊ߬ ߟߊߘߏ߲߬ ߥߛߎ ߟߊ߫ ߞߏ߫ ߊ߬ ߓߘߊ߫ ߣߊ߲߬ߝߟߏ߬ ߞߎ߲߬ߡߙߎ ߞߍ߫߸ ߏ߬ ߟߋ߬ ߘߐ߫߸ ߒ ߞߊ߬ ߛߓߍ ߟߊߕߊ߯ ߒ ߞߏ߫ ߞߵߊ߬ߟߎ߬ ߜߍ߲߫>>
ߡߐ߰ ߜߍ߲ߕߊ ߝߌߟߊߣߊ߲ ߝߣߊ߫ ߕߘߍ߬ ߦߋ߫ ߓߊ߯ߙߊ߫ ߟߊ߫ ߞߏߕߌ߯ߘߊ ߘߏ߫ ߟߋ߬ ߟߊ߫߸ ߓߊ߬ߙߌ߫߸ ߟߊ߬ߞߙߐ߬ߛߌ߬ߟߌ ߟߎ߫ ߣߴߊ߬ ߘߴߊ߬ ߦߋ߫ ߞߏ߫ ߊ߬ߟߋ ߕߴߛߋ߫ ߕߏ߫ ߟߊ߫ ߦߋ߲߬߸ ߓߊߏ߬߸ ߊ߬ ߕߘߍ߬ ߦߋ߫ ߓߊ߯ߙߊ߫ ߟߎ߫ ߟߋ߬ ߞߍ߫ ߟߊ߫߸ ߡߍ߲ ߠߎ߬ ߕߍ߫ ߞߍ߫ ߟߊ߫ ߡߐ߱ ߟߎ߬ ߣߌ߫ ߞߊ߲߫ ߞߏ߫ ߘߌ߫<<ߊ߬ߟߋ ߓߐ ߞߎ߲ߧߊ ߟߋ߬ ߦߋ߲߬ ߘߌ߫ ߊ߲ ߓߟߏ߫ ߞߵߊ߬ ߟߊߕߊ߯ ߞߏߕߌ߯ߘߊ߫ ߜߘߍ߫ ߟߊ߫߸ ߦߊ߬ߣߌ߲߫ ߢߊ߫ ߖߐ߲ߖߐ߲߫ ߦߋ߫ ߛߐ߬ߘߐ߲߫ ߊ߬ ߟߊ߫ ߞߏ ߟߎ߫ ߡߊ߬ ߛߍ߯ߛߍ߯ߟߌ ߕߊ߫ ߓߟߏߡߊ߬>> ߞߏߕߌ߯ ߞߘߐ ߞߵߊ߬ ߦߌ߬ߘߴߊ߬ ߟߊ߫ ߞߎߡߊ߫ ߘߐ߫.
ߞߏ߫ ߊ߬ߟߎ߬ ߣߌ߫ ߡߐ߰ ߕߍ߫ ߛߋ߫ ߓߊ߯ߙߊ߫ ߟߊ߫߸ ߡߍ߲ ߠߎ߬ ߟߊ߫ ߞߏ ߟߎ߬ ߕߍ߫ ߥߊ߫ ߟߊ߫ ߕߋߟߋ߲ ߛߌߟߊ߫ ߞߊ߲߬، ߊ߬ ߘߏ߲߬ ߞߊ߬ ߞߊ߬ߛߙߋ߬ߡߊ߬ߟߊ߫ ߜߍߟߍ߲߫ ߠߋ߬ ߞߍ߫ ߔߊߛߑߕߍߝ ߛߌ߲߬ߝߏ߲ ߠߎ߬ ߦߋ߫߸ ߞߏ߫ ߊ߬ ߓߊ߯ ߛߌߞߊ߫ ߡߐ߰ ߛߌ߫ ߟߋ߬ ߡߊ߬ ߦߙߎ߬ߞߎ߬ߦߙߎ߬ߞߎ߬ߞߏ ߛߌߟߊ ߝߍ߬߸ ߏ߬ ߘߌ߫ ߘߏ߲߬ ߥߛߎ ߟߴߊ߬ ߓߟߏ߫.
