߂߀߂߅ ߣߍߣߍߓߊ ߕߋ߬ߟߋ߫ ߂߃ ߟߊ߫߸ ߞߊ߲ߕߌ߯ߦߊ߫ ߢߌߣߌ߲ ߓߊ߯ߙߊ ߟߎ߬ ߦߋ߫ ߛߋ߲߬ߠߊ߫، ߡߊ߬ߡߌ߬ߘߊ߬ߟߌ߬ߟߊ ߁߂߸ ߡߍ߲ ߦߋ߫ ߢߌߣߌ߲߫ ߠߊ߫ ߞߊ߲ߕߌ߯ߦߊ ߡߊ߬، ߛߌߜ߭ߊ߫ ߓߊߛߑߕߌߛߑߕߊ߫ ߡߍ߲ ߕߘߍ߬ ߦߋ߫ ߓߌ߬ߛߊ߬ߥߏ߫ ߞߐ߰ߖߌ߬ ߞߏ ߣߌ߫ ߞߎߟߎ߲߫ ߓߊ߯ߙߊ ߞߎߓߋ ߢߍߡߐ߮ ߘߌ߫߸ ߊ߬ ߕߊ߯ ߘߊ߫ ߕߘߍ߬ ߦߋ߫ ߓߐߒߡߊߟߌߟߊ ߊ߬ ߟߊ߫ ߓߊ߯ߙߘߊ߫ ߞߘߐ ߣߌ߲߬ ߠߊ߫ ߟߋ߬߸ ߞߊ߬ ߥߊ߫ ߟߊߤߘߌ߫ ߕߊ߬ ߦߋ߲߬ ߓߊ߯ߙߟߊ ߟߎ߬ ߦߋ߫، ߡߊ߬ߡߌ߬ߘߊ߬ߟߌ߬ߟߊ ߣߌ߲߬ ߠߊ߫ ߖߡߊ߬ߣߊ߬ ߡߙߊ߬ ߝߙߍ ߟߎ߬ ߞߣߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߓߊ߯ߙߘߊ߫ ߞߎߘߊ ߟߎ߫ ߛߌ߱ ߦߋ߫ ߟߐ߬ߙߦߐ߬ߓߊ ߟߋ߬ ߘߌ߫.
ߓߊ߬ߙߌ߫߸ ߏ߬ ߕߴߛߋ߫ ߓߍ߲߬ ߠߊ߫ ߞߊ߬ ߖߡߊ߬ߣߊ߬ߘߋ߲ ߠߎ߬ ߝߘߊߝߘߊߣߍ߲ ߕߏ߫߸ ߡߊ߬ߡߌ߬ߘߊ߬ߟߌ߬ߟߊ ߣߌ߲߬ ߠߊ߫ ߞߎߡߊ ߟߎ߫ ߓߏ߬ߙߌ߬ ߘߊ߫ ߏ߬ ߟߎ߫ ߟߋ߬ ߞߊ߲߬<<ߒ ߓߍߣߊ߬ ߞߍ߫ ߖߌߣߍߞߊ ߓߍ߯ ߟߊ߫ ߞߊ߲ߕߌ߮ ߟߋ߬ ߘߌ߫߸ ߒ ߕߴߊ߬ ߝߍ߬ ߞߊ߬ ߞߍ߫ ߘߌ߯ߣߊ ߘߏ߫ ߟߊ߫ ߞߊ߲ߕߌ߯ ߘߌ߫ ߥߟߊ߫ ߛߌ߯ߦߊ ߘߏ߫ ߟߊ߫ ߖߡߊ߬ߣߊ ߞߊ߲ߕߌ߮ ߘߌ߫، ߒ ߞߏ߬ߣߌ߲ ߓߍߣߊ߬ ߝߍ߬ߙߍ ߛߎ߮ ߓߍ߯ ߞߍ߫ ߞߊ߬ ߖߌ߰ߡߊ߬ߝߊ ߓߊ߲ߓߊ߲߫ ߞߎ߲߬ߠߊ߬ߛߌ߰ߟߌ߬ ߞߙߎ ߕߍ߫߸ ߖߐ߲߰ߛߊ߫ ߞߎߟߎ߲ ߜߙߋ߫ ߞߎߘߊ ߟߎ߬ ߦߋ߫ ߛߋ߫ ߞߊ߬ ߟߐ߬߸ ߒ ߘߏ߲߬ ߓߍߣߊ߬ ߓߊ߯ߙߊ ߟߋ߬ ߞߍ߫ ߞߎ߲߬ߠߊ߬ߛߌ߰ ߞߙߎ ߦߋ߫.
ߊ߬ ߣߌ߫ ߊ߲ ߓߊ߯ߙߊߢߐ߲߮ ߠߎ߬ ߝߣߊ߫ ߦߋ߫߸ ߖߐ߲߰ߛߊ߫ ߜߍߓߏ߲ ߘߏ߫ ߦߋ߫ ߛߌ߰߸ ߡߍ߲ ߘߌ߫ ߛߋ߫ ߞߊ߬ ߖߎ߬ߟߎ߫ ߘߏ߲߬ ߡߛߏ߬ ߓߟߏߡߊߦߟߍߡߊ߲ߓߊ߮ ߟߎ߬ ߟߊ߫>> ߖߌ߬ߣߍ߫ ߓߌ߬ߛߊ߬ߥߏ߫ ߜߟߍ߬ߦߊ ߟߎ߬ ߦߊ߫ ߛߌߦߊ߫߸ ߓߊ߯ߙߊ߫ ߟߊߘߎ߲ ߠߎ߬ ߝߘߏ߬ߓߊ߬ ߓߊ߯ߙߊ߫ ߘߌ߲ߞߌߙߊ ߟߎ߬ ߘߐ߫߸ ߏ߬ ߘߏ߲߬ ߕߍ߫ ߞߏ ߟߎ߬ ߘߐߣߐ߰ߦߊ߬ ߟߊ߫ ߢߊ߫ ߛߌ߫ ߟߋ߬ ߡߊ߬، ߓߌ߬ߛߊߥߏ߫ ߘߏ߲߬ ߞߎߟߎ߲ ߜߙߋ ߓߊ߯ߙߟߊ ߝߊ߲߬ߓߊ ߦߋ߫ ߡߏ߬ߛߏ ߟߎ߬ ߟߋ߬ ߘߌ߫߸ ߡߍ߲ ߠߎ߬ ߟߊ߫ ߓߊ߯ߙߊ ߦߋ߫ ߖߍ߯ ߝߙߋ ߘߌ߫ ߞߊ߬ߣߌ߲߫، ߜߟߍ߬ߦߊ߬ ߛߌߦߊߡߊ߲߫ ߠߋ߬ ߦߋ߫ ߊ߬ߟߎ߫ ߞߊ߲߬.
ߊ߬ߟߎ߬ ߟߊ߫ ߞߙߎ ߢߍߡߐ߮ ߙߏߖ߭ߊ߲ߣߊ߬ ߜ߭ߏ߬ߡߌߛ ߟߊ߫ ߞߎߡߊ߫ ߘߐ߫<<ߊ߲ ߡߊ߬ߞߏ ߦߋ߫ ߤߙߍ ߣߌ߫ ߟߊ߬ߝߙߍ ߟߋ߬ ߟߊ߫ ߓߎ߬ߕߎ߲߬߸ ߓߊߏ߬߸ ߊ߲ ߠߊ߫ ߘߋ߲ߡߌߛߍ߲ ߠߎ߬ ߦߋ߫ ߖߐ߬ߘߐ ߟߋ߬ ߘߐ߫ ߕߋ߲߬߸ ߘߊ߲ߘߊߛߏ߫ ߕߍ߫ ߦߋ߲߬ ߊ߬ߟߎ߬ ߘߌ߫ ߝߌߘߊߞߍ߫ ߡߍ߲ ߠߴߊ߬ ߢߊ ߡߊ߬߸ ߞߊ߬ߙߊ߲߬ߕߊ߬ ߞߏ ߝߣߊ߫ ߦߋ߫ ߕߋ߲߬߸ ߦߙߐ ߓߍ߯ ߟߋ߬ ߓߊ߯ߙߊ ߟߊߘߎ߲ߣߍ߲߫، ߊ߲ ߞߏ߬ߣߌ߲ ߦߋ߫ ߡߊ߰ߙߌ ߕߙߊ߫ ߟߊ߫ ߟߋ߬߸ ߊ߲ ߧߋ߫ ߓߍ߲߬ ߡߐ߰ ߡߊ߬߸ ߡߍ߲ ߘߌߣߊ߬ ߜߟߍ߬ߦߊ ߡߍ߲߬ ߠߎ߬ ߛߌߟߊߛߊ߬>>
