ߓߌ߬ ߓߌߟߏ߲ ߣߌ߲߬ ߡߊ߬ ߂߀߂߅ ߣߍߣߍߓߊ ߕߟߋ߬ ߆߸ ߞߊ߲ߞߊ߲߫ ߞߊ߬ ߖߊ߬ߡߊ߫ ߞߐ߲߬ߜߍ ߟߋ߬ ߟߊߓߐ߫߸ ߟߊ߬ߞߊ߲߬ߘߊ߬ߟߌ߬ߟߊ ߟߎ߬ ߣߌ߫ ߘߋ߲ߡߌߛߍ߲ ߠߎ߬ ߊ߬ ߣߌ߫ ߡߏ߬ߛߏ ߟߎ߬߸ ߞߊ߬ ߓߐ߫ ߞߊ߬ ߘߎ߲߬ߓߎߦߊ߬ ߞߎߟߎ߲ߖߋ߫ ߊ߬ߟߎ߬ ߟߊ߫ ߞߟߌߟߌߞߊ߲ߠߊ ߟߊߡߌ߬ߘߊ ߘߐ߫߸ ߞߏ߲ߓߌߕߌ߮ ߕߋ߬ߟߋ߫ ߂߆ ߕߊ߬ߡߌ߲߬ߣߍ߲ ߠߋ߬ ߡߊ߬߸ ߞߊ߲ߞߊ߲߫ ߘߋ߲ߡߌߛߍ߲ ߠߎ߬ ߓߐ߫ ߘߊ߫ ߟߋ߬ ߞߊ߬ ߘߎ߲߬ߓߎߦߊ߬ ߡߊߞߟߌ߫ ߡߊ߬ߡߌ߬ߘߊ߬ߟߌ߬ ߞߏ ߡߊ߬߸ ߊ߬ ߣߌ߫ ߖߌ߬ߣߍ߬ ߕߊߡߊ߲߫ ߥߟߎ߬ߡߊ߬ ߞߋߟߋ߲߫ ߠߊ߫ ߞߵߏ߬ ߞߍ߫ ߘߎ߲߬ߓߎߦߊ߬ ߡߊߜߍ߲ ߘߌ߫߸ ߏ߬ ߡߍ߲ ߠߊߕߊ߬ߡߌ߲߬ ߘߊ߫ ߞߊ߬ߝߏ߬ߙߋ߲߬ߕߌ߮ ߡߊ߬߸ ߊ߬ߙߊ߬ߝߊ߲߬ ߡߎߛߊ߫ ߞߎ߬ߟߌߓߊ߬ߟߌ߬.

ߞߏ߫ ߝߏ߫ ߘߎ߲߬ߓߎߦߊ߬ ߦߋ߫ ߞߍ߫ ߡߊ߬ߡߌ߬ߘߊ߬ߟߌ߬ߟߊ ߟߋ߬ ߘߌ߫، ߒ߬ߓߊ߬߸ ߞߟߌߟߌߞߊ߲ߠߊ ߏ߬ ߟߊߡߌ߬ߘߊ ߞߏߛߐ߲߬ ߘߐ߬ߕߊߡߌ߲ ߞߊ߲ߕߌ߮ ߓߟߏ߫߸ ߞߵߊ߬ ߞߎ߲߬ߠߊ߬ߓߐ߫ ߞߊ߲ߕߌ߯ߦߊ߫ ߢߌߣߌ߲ ߘߐ߫߸ ߏ߬ ߡߍ߲ ߟߐ߯ߟߊߣߍ߲߫ ߞߵߊ߬ ߕߏ߫ ߞߏߟߌ߲ߞߏߟߌ߲ ߕߋ߬ߟߋ߫ ߂߈ ߠߊ߫߸ ߏ߬ ߛߍߥߊ ߟߋ߬ ߞߊ߬ ߞߊ߲ߞߊ߲߫ ߟߐ߬ ߓߐ߫ ߟߊ߫ ߞߵߊ߬ ߞߎߟߎ߲ߖߋ߫ ߟߊ߬ߡߌ߬ߘߊ߬ߟߌ ߏ߬ ߞߏߛߐ߲߬؛ ߞߊ߲ߕߌ߮ ߓߊ߲߫ ߞߐ ߞߍ߫ ߟߊ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫ ߊ߬ߟߎ߬ ߟߊ߫ ߞߎߡߊ ߛߊߓߎ߫ ߟߊ߫߸ ߓߊ߯ߙߊ߫ ߕߐ߭ ߦߋ߫ ߊ߬ߟߎ ߟߋ߬ ߡߊ߬ ߛߌߣߍ߲߸ ߞߊ߬ߝߏ߬ߙߋ߲߬ߕߌ߮ ߟߊ߫ ߞߎߡߊ߫ ߘߐ߫.

<<ߊ߲ ߓߊ߲߫ ߞߐ ߘߐ߬ߕߊ߬ߡߌ߲ ߞߊ߲ߕߌ߮ ߘߌߦߊߜߏߦߊ߫ ߟߊ߫ ߞߏ߫ ߊ߬ ߦߋ߫ ߞߍ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫߸ ߣߴߊ߬ ߡߊߢߊ߬ ߞߏ߫ ߊ߬ ߓߘߊ߫ ߛߐ߲߬ ߊ߲ ߠߊ߫ ߞߟߌߟߌߞߊ߲ߠߊ ߏ߬ ߡߊ߬߸ ߘߌߦߊߜߏߦߊ ߝߏ߫ ߊ߲ ߝߣߊ߫ ߦߋ߫ ߓߐ߫ ߟߋ߬ ߞߊ߲ߕߌ߯ߦߊ߫ ߢߌߣߌ߲ ߕߎ߬ߡߊ ߟߊ߫ ߞߵߊ߬ ߛߎߥߊ߲ߘߌ߫߸ ߊ߬ ߦߋ߫ ߞߍ߫ ߊ߲ ߠߊ߫ ߞߊ߲ߕߌ߮ ߘߌ߫߸ ߦߏ߫ ߊ߲ ߞߊ߬ ߡߍ߲ ߞߍ߫ ߢߣߊߕߊߟߌ ߕߎ߬ߡߊ ߟߊ߫>> ߊ߬ߙߊ߬ߝߊ߲߬ ߡߎߛߊ߫ ߞߎ߬ߟߌߓߊ߬ߟߌ߬ ߛߍߥߊ߫ ߘߊ߫ ߞߊ߬ ߢߊ߯ߟߋ߲߫ ߘߎ߲߬ߓߎߦߊ߬ ߞߍ ߘߐ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߘߎ߲߬ߓߎߦߊ߬ ߡߊ߫ ߝߏߦߌ߬ ߟߋ߬ ߝߐ߫ ߊ߬ ߟߊ߫ ߡߊ߬ߡߌ߬ߘߊ߬ߟߌ߬ ߞߏ ߞߊ߲߬.

ߊ߬ ߘߌ߫ ߞߍ߫ ߡߊ߬ߡߌ߬ߘߊ߬ߟߌ߬ߟߊ ߟߋ߬ ߘߌ߫ ߓߊ߬ ߥߟߊ߫ ߏ߬ ߛߌ߬ߣߊ߸ ߓߊ߬ߙߌ߫߸ ߞߊ߲ߞߊ߲ߞߊ ߟߎ߬ ߟߋ߬ ߞߏ߫ ߦߋ߫߸ ߞߏ߫ ߝߏ߫ ߊ߬ ߦߋ߫ ߞߍ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫߸ <<ߘߎ߲߬ߓߎߦߊ߬ ߡߴߊ߬ ߝߐ߫ ߘߋ߬ ߞߏ߫ ߊ߬ ߘߌ߫ ߞߍ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫߸ ߊ߲ߠߎ߬ ߟߋ߬ ߞߵߊ߬ ߘߌߦߊߜߏߦߊ߫ ߞߏ߫ ߊ߬ ߦߋ߫ ߞߍ߫ ߊ߬ ߘߌ߫߸ ߓߊߏ߬߸ ߊ߲ ߡߊ߫ ߗߍ߬ ߟߐ߲߫߸ ߊ߲ ߡߊ߫ ߡߛߏ߬ ߟߐ߲߫߸ ߡߍ߲ ߘߌ߫ ߞߍ߫ ߊ߲ ߠߊ߫ ߡߊ߲߬ߛߊ ߘߌ߫ ߡߊ߲߬ߛߟߊ߬ߛߌ߮ ߕߎ߬ߡߊ ߟߊ߫ ߣߴߊ߬ߟߋ ߕߍ߫߸ ߊ߬ ߘߏ߲ ߓߊ߲߫ ߞߐ ߞߍ߫ ߟߊ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫߸ ߊ߬ ߞߍߕߐ߫߫ ߕߊ߬ߞߏ߬ ߞߋߟߋ߲߫ ߠߋ߬ ߘߌ߫ ߊ߲ ߓߟߏ߫߸ ߦߴߏ߬ ߞߍ߫ ߘߊ߫ ߢߊ߫ ߡߍ߲ ߊ߲ ߓߟߏ߫ ߢߣߊߕߊߟߌ߫ ߕߊ߬ߡߌ߲߬ߣߍ߲ ߘߐ߫>>

ߖߊ߲߬ߖߏ߲߬ ߞߋߟߋ߲ ߣߌ߲߬ ߘߐ߫߸ ߟߊ߬ߡߊ߰ ߛߌߦߊߡߊ߲߫ ߠߋ߬ ߕߘߍ߬ ߦߋ߫ ߞߣߍ ߞߊ߲߬߸ ߢߊ߰ߘߐ߬ߘߌ߬ߦߊ߬ߟߊ ߟߎ߫ ߝߣߊ߫ ߕߘߍ߬ ߦߴߊ߬ ߞߊ߲߬ ߞߊ߬ ߖߊ߲߬ߖߏ߲ ߛߊ߲ߞߘߐߕߊ߬ ߖߋ߲߬ߓߋ߬ ߞߊ߲ ߠߎ߬ ߣߌ߫ ߘߐ߲߭ ߠߊ߫، ߕߊ߬ߞߎ߬ߙߊ߬ߞߊ ߟߎ߬ ߝߣߊ߫ ߣߴߊ߬ߟߎ߬ ߟߊ߫ ߕߏߟߏ߲ߠߊ ߟߎ߫ ߕߘߍ߬ ߦߋ߫ ߞߣߍ ߞߊ߲߬؛ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߘߐ߯ߡߛߏ߫ ߊߦߌߛ߭ߊ߬ ߘߎ߲ߓߎߦߊ߫߸ ߏ߬ ߖߍ߬ߘߍ ߝߣߊ߫ ߕߘߍ߬ ߞߣߍ ߞߊ߲߬ ߖߊ߬ߡߊ ߣߌ߲߬ ߕߍߡߊ߬ ߗߐ߫߹ ߖߋ߬ߓߌ߬ߦߊ߬ߟߊ ߘߏ߫ ߟߊ߫ ߞߎߡߊ߫ ߘߐ߫ ߊ߲ ߧߋ߫<<ߊ߲ ߛߍߥߊߣߍ߲߫ ߠߋ߬ ߓߌ߬ ߢߐ߲߰ ߟߏ߲߫߸ ߊ߲ ߢߌߣߌ߲ߞߏ ߓߐ ߘߌ߫ ߢߟߊ߸ ߓߊߏ߬.

ߘߎ߲߬ߓߎߦߊ߬ ߓߘߊ߫ ߞߍ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫، ߊ߲ ߘߏ߲߬ ߕߘߍ߬ ߦߋ߫ ߏ߬ ߟߋ߬ ߝߍ߬، ߊ߲ ߕߍ߫ ߛߋ߫ ߕߏ߫ ߟߊ߫ ߛߌ߰ ߘߐ߫߸ ߝߏ߫ ߒ߬ ߧߋ߫ ߓߐ߫ ߟߋ߬ ߞߵߏ߬ ߦߌߘߊߞߊ߬ ߖߡߊ߬ߣߊ߬ߘߋ߲ ߠߎ߬ ߟߊ߫>> ߡߐ߱ ߡߍ߲߬ ߠߎ߬ ߡߙߌߘߐ߫߸ ߞߏ߫ ߓߊ߯ߙߊ ߡߍ߲ ߠߎ߬ ߘߊߡߌ߬ߣߊ߬ߣߍ߲߫ ߘߎ߲߬ߓߎߦߊ߬ ߓߟߏ߫߸ ߡߐ߰ ߜߘߍ߬ ߛߌ߫ ߟߋ߬ ߕߍ߫ ߛߋ߫ ߞߊ߬ ߏ߬ ߟߎ߬ ߘߊߓߊ߲߫߸ ߣߌ߫ ߘߎ߲߬ߓߎߦߊ߬ ߖߍ߬ߘߍ ߕߍ߫، ߏ߬ ߞߣߐߡߊ߫߸ ߞߏ߫ ߓߍ߯ ߟߋ߬ ߞߊ߫ ߞߊ߲߫ ߞߊ߬ ߢߣߊߕߊߟߌ ߞߍ߫ ߊ߬ ߦߋ߫<<ߓߊ߯ߚߊ߫ ߡߍ߲ ߠߎ߬ ߞߊ߫ ߞߊ߲߫ ߞߊ߬ ߞߍ߫ ߖߌ߬ߣߍ߫ ߞߣߐ߫߸ ߡߐ߰ ߛߌ߫ ߟߋ߬ ߕߍ߫ ߛߋ߫ ߏ߬ ߟߎ߬ ߞߍ߫ ߟߊ߫ ߣߌ߫ ߡߊ߬ߓߏ߲߬ߧߊ߬ߕߊ ߘߎ߲߬ߓߎߦߊ߬ ߕߍ߫.

ߊ߬ߟߋ ߟߋ߬ ߞߋߟߋ߲߫ ߘߌ߫ ߛߋ߫ ߖߌ߬ߣߍ߬ ߓߊ߯ߙߊ߫ ߟߊ߫، ߏ߬ ߘߐ߫߸ ߝߏ߫ ߊ߲ ߧߋ߫ ߓߐ߫ ߟߋ߬ ߞߊ߲ߕߌ߯ߦߊ߫ ߢߌߣߌ߲ ߕߎ߬ߡߊ ߟߊ߫ ߞߵߊ߬ ߛߎߥߊ߲ߘߌ߫، ߞߊ߲ߕߌ߯ ߛߋߞߎ߬ ߕߎ߬ߙߋ߫ ߞߵߊ߬ ߕߐ߭ ߡߍ߲ ߕߏ߫߸ ߊ߬ߟߋ ߟߋ߬ ߞߍ߫ ߘߊ߫ ߏ߬ ߘߌ߫>>

ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.