ߞߏߢߊ ߘߏ߫ ߟߎ߫ ߟߋ߬ ߝߌߙߌ߲ߝߌߙߌ߲߫ ߠߊ߫ ߘߍ߬ߞߙߏ ߟߎ߬ ߞߊ߲߬ ߕߋ߲߬ ߡߍ߲ ߦߋ߫ ߕߏ߲ߕߊߟߊ߲ߕߌ߮ ߘߏ߫ ߡߊߝߌ߲߬ ߞߏ ߝߐ߫ ߟߊ߫.
ߘߌ߲߬ߞߌߙߊ ߏ߬ ߓߐߛߎ߲߫ ߛߘߍߡߊ߲߫ ߠߋ߬ ߓߘߴߊ߬ ߦߌ߬ߘߊ߬ ߕߋ߲߬ ߸ߞߏ߫ ߕߋߟߌߡߋߟߋ߬ ߡߙߊ߬ߓߊ߮߸ ߝߊߙߌ߲߫ ߡߊߡߊߘߎ߫ ߟߊߡߊߙߊߣߊ߫ ߛߋ߲߭ ߓߌ߬ߟߊ߬ߣߍ߲߫ ߠߊ߬ߞߍ ߞߏߢߊ ߘߏ߫ ߟߎ߫ ߟߋ߬ ߘߐ߫ ߡߍ߲ ߓߘߊ߫ ߝߊ߲߬ߞߊ߫ ߛߐ߬ߘߐ߲߬ ߘߍ߬ߞߙߏ ߟߎ߬ ߞߊ߲߬ ߝߊ߲߬ ߓߍ߯ ߟߊߘߍ߬ߣߍ߲ ߘߐ߫.
ߊ߬ ߓߛߌ߬ߞߌ߬ߣߍ߲߫ ߞߏ߫ ߊ߬ߟߋ ߟߋ߬ ߞߍߣߍ߲߫ ߕߋߟߌ߫ ߎߙߌ߫ ߖߊ߲ߟߏ߫ ߟߊ߫ ߡߌ߬ߘߊ߬ߟߌ ߞߎ߲߭ ߘߌ߫ ߸ ߞߵߊ߬ ߞߎ߲߭ ߞߍ߫ ߞߏ ߘߏ߫ ߘߌ߫ ߸ ߡߍ߲ ߞߍ߫ ߘߴߊ߬ߟߋ ߣߌ߫ ߘߋ߲ߡߛߏ ߘߏ߫ ߟߊ߫ ߢߐ߲߯ߦߋ ߞߐߝߍ߫ ߟߊ߫ ߘߌ߫ ߖߌ߰ߦߊ߬ߓߏ߲ ߘߏ߫ ߞߣߐ߫ ߞߊ߬ߣߌ߲߬.
ߞߎ߲߬ߠߊ߬ߝߎߟߋ߲ ߡߍ߲ ߛߐ߬ߘߐ߲߬ߣߍ߲߫ ߸ߏ߬ ߦߴߊ߬ ߟߊߛߙߋߦߊ߫ ߟߊ߫ ߞߏ߫ ߡߙߊ߬ߓߊ߮ ߣߐ߬ ߘߌ߫ ߞߍ߫ ߟߊ߬ߤߘߌ߫ ߟߋ߬ ߕߊ߬ ߟߊ߫ ߘߋ߲ߡߛߏ ߢߍ߫ ߞߏ߫ ߊ߬ ߘߌ߫ ߊߦߑߝߏߣ (߁߇) ߛߊ߲߬ ߊ߬ ߦߋ߫߸ ߓߊ߬ߙߌ߫߸ ߥߊߦߌߞߊ߫ ߟߊ߬ߤߘߌ ߏ߬ ߡߊ߫ ߛߋ߫ ߓߐ߫ ߟߴߊ߬ ߛߌߟߊ ߝߍ߬߸ ߘߋ߲ߡߛߏ ߡߌ߬ߘߊ߬ߣߍ߲ ߖߊ߲߬ߖߏ߲ ߏ߬ ߟߋ߬ ߞߐߝߍ߬ ߛߊ߫ ߞߏ߫ ߊ߬ ߓߘߊ߫ ߘߏߟߊߙ ߁߅ ߀߀߀ ߢߐ߲߰ ߛߏ߲߬ߧߊ߬.
ߞߏߢߊ ߣߌ߲߬ ߓߘߊ߫ ߘߎ߰ߘߋ߲߬ ߛߘߍߡߊ߲߫ ߓߌ߬ߟߊ߬ ߊ߬ߟߎ߫ ߖߘߍ߬ ߡߊߢߌ߬ߣߌ߲߬ߞߊ߬ ߟߊ߫ ߞߏ߫: ߖߡߊ߬ߣߊ ߗߋߘߊߕߌ߯ ߞߌߣߊ ߡߍ߲ ߞߊ߫ ߞߊ߲߫ ߞߊ߬ ߖߡߊ߬ߣߊ ߟߊ߫ ߞߏߟߊߕߊ߯ߡߢߊ߫ ߟߊߒߡߊ ߦߌ߬ߘߊ߬߸ ߞߊ߬ ߞߍ߫ ߟߊߒߡߊ ߘߌ߫ ߖߊ߬ߡߊ ߢߍ߫ ߓߍ߬ߘߍ ߛߌߟߊ ߝߍ߬߸ ߏ߬ ߘߌ߫ ߛߋ߫ ߕߘߍ߬ ߟߊ߫ ߓߊ߯ߙߊ ߛߎ߯ ߢߌ߲߬ ߠߎ߬ ߘߐ߫ ߘߌ߬؟
ߏ߬ ߖߍ߬ߘߍ ߕߍ߰ߣߍ߲߫ ߞߊ߬ ߓߐ߫ ߊ߬ ߟߊ߫ ߸ ߘߏ߫ ߟߎ߫ ߦߋ߫ ߢߌ߬ߣߌ߲߬ߞߊ߬ߟߌ ߞߍ߫ ߟߊ߫ ߌߞߐ߫ ߞߏ߫ ߣߊ߲߬ߝߟߏ߬ ߦߙߌߞߊ ߣߌ߲߬ ߓߐߛߎ߲ ߡߊߛߐ߬ߘߐ߲߬ߣߍ߲߫ ߘߌ߫߸ ߏ߬ ߡߍ߲ ߕߊ߬ߣߍ߲ ߡߙߊ߬ߓߊ߮ ߓߟߏ߫ ؟
ߊ߲ ߧߋ߫ ߥߊ߯ߕߌߣߍ߲ ߡߍ߲ ߠߎ߬ ߘߐ߫ ߕߋ߲߬߸ ߞߎ߲߬ߠߊ߬ߛߌ߮ ߡߊ߫ ߟߊ߬ߥߊ߲߬ߞߊ߲߬ߠߌ߲߬ ߛߌ߫ ߞߍ߫ ߝߟߐ߫ ߞߵߊ߬ ߓߍ߲߬ ߕߋߟߌߡߋߟߋ߫ ߡߙߊ߬ߓߊ߮ ߡߊߡߊߘߎ߫ ߟߊߡߊߙߊߣߊ߫ ߟߊ߫ ߞߏߢߊ ߡߊ߬߸ ߏ߬ ߡߍ߲ ߓߘߊ߫ ߝߟߐ߫ ߝߊ߲߬ߞߊ ߛߐ߬ߘߐ߲߬ ߠߊ߫ ߕߋߟߌߡߋߟߋ߫ ߣߌ߫ ߘߌ߲߬ߞߌ߬ߙߊ߬ ߜߘߍ߫ ߟߎ߫ ߘߐ߫ ߘߊߘߐߖߊߥߏ ߓߟߏߡߊ߬.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎߓߊ߫ ߓߟߏ߫ ߞߌ߲ߘߌߦߊ߫.
