ߊߟߌߞߊߦߌߘߊ߫ ߓߏߟߏ߲ߝߘߊ ߡߍ߲ ߕߐ߯ ߞߏ߫ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߊ߬ߦߊ ߘߍ߬ߡߍ߲߬ ߕߐ߲߸ ߏ߬ ߟߎ߬ ߟߊ߫ ߜߛߐߟߊߛߌ߯ ߞߊߙߏ߫ ߝߌ߬ߟߊ߫ ߢߐ߲߰ ߠߋ߬ ߕߋ߲߬ ߡߊ߬ߟߌ ߘߌ߲߬ߞߌߙߊ ߘߏ߫ ߟߎ߫ ߘߐ߫ ߞߊ߬ߦߋ߫ ߣߌ߫ ߢߐ߯ߙߐ߫، ߞߐߝߟߌ߫ ߕߊ߲߫ ߞߏ߬ߣߌ߲ ߡߊ߫ ߞߍ߫ ߣߌ߲߬ ߞߏ ߘߐ߫߸ ߓߊߏ߬߸ ߛߊߤߍߟ ߘߎ߰ߘߋ߲ ߠߎ߬ ߓߘߊ߫ ߓߐ߫ ߞߵߊ߬ߟߎ߬ ߟߊ߫ ߡߊ߲߬ߕߙߐ ߦߌ߬ߘߊߞߵߊ߬ ߞߏ ߘߊߘߐ߫߸ ߛߌߟߊ߲ ߣߌ߫ ߞߣߐ߬ߘߐ߬ߝߟߌ ߟߋ߬ ߦߴߊ߬ߟߎ߫ ߞߊ߲߬، ߝߎ߬ߙߎ߲߬ߞߎ߬ߟߌ߬ߟߊ ߟߎ߬ ߞߎߡߊߞߊ߲ ߠߎ߬ ߛߋ߫ ߘߊ߫ ߟߋ߬ ߓߊ߰ߓߊ߰ߟߌ߬ߟߊ߫ ߡߍ߲߬ ߠߎ߫ ߡߊ߬.
ߞߏ߫ ߊ߬ߟߎ߬ ߦߋ߫ ߝߙߍ߬ߞߍ߫ ߞߵߊ߬ߟߎ߬ ߟߊ߫ ߡߐ߰ ߘߌߦߊߜߏߦߊߣߍ߲߫ ߡߌ߬ߣߊ߬ߣߍ߲ ߠߎ߬ ߟߊߓߌ߬ߟߊ߫߸ ߊ߬ ߣߌ߫ ߞߊ߬ ߡߊ߬ߞߟߌ߬ߟߌ߬ߞߊ߲߬ߠߊ ߟߊߛߋ߫ ߞߎ߲߬ߠߊ߬ߛߌ߮ ߟߎ߬ ߝߣߊ߫ ߡߊ߬߸ ߊ߬ߟߎ߬ ߦߴߊ߬ߟߎ߬ ߞߐߝߣߍ߫ ߛߊߤߍߟ ߡߊ߬ߙߊ ߟߎ߫ ߡߊ߬؛ ߝߎ߬ߙߎ߲߬ߞߎ߬ߟߌ߬ߟߊ ߡߍ߲߬ ߠߎ߬ ߓߐ߫ ߘߊ߫ ߞߎߣߎ߲߬ ߛߌ߬ߣߌ߲߬ߟߏ߲ ߂߀߂߅ ߞߏ߲ߓߌߕߌ߮ ߕߋ߬ߟߋ߫ ߂߄ ߠߋ߬ ߡߊ߬، ߞߵߊ߬ߟߎ߬ ߟߊ߫ ߛߎ߬ߣߎ߲ ߦߌߘߊߞߊ߬߸ ߊ߬ߟߎ߬ ߟߊ߫ ߟߊ߬ߢߌߣߌ߲ ߦߋ߫ ߞߏ߫ ߝߌ߬ߟߊ߫ ߟߋ߬ ߘߌ߫«ߞߵߊ߬ߟߎ߬ ߟߊ߫ ߡߐ߰ ߡߌ߬ߣߊ߬ߣߍ߲ ߠߎ߬ ߟߊߓߌ߬ߟߊ߬߸ ߊ߬ ߣߌ߫ ߞߊ߬ ߜߛߐ ߟߊߥߌ߬ߟߌ߫ ߞߵߊ߬ ߓߐ߫ ߊ߬ߟߎ߫ ߞߊ߲߬»
ߛߊߤߍߟ ߘߏ߲߬ ߦߋ߫ ߡߊ߬ߟߌ߫ ߕߟߋ߬ߓߋ߬ ߘߎ߮ ߘߏ߫ ߟߋ߬ ߘߌ߫߸ ߛߛߞ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߓߋ߬ߒ߬ߞߊ߲߬ߠߌ߲ ߞߊ߫ ߛߌߦߊ߫ ߦߙߐ ߡߍ߲ ߞߏߛߓߍ߫، ߊ߬ߟߎ߬ ߟߊ߫ ߓߋߟߋ߲ߕߌ߮ ߟߊ߫ ߟߊ߬ߛߋ߬ߟߌ߬ ߘߐ߫<<ߊ߬ ߞߊߙߏ߫ ߝߌ߬ߟߊ߫ ߟߋ߬ ߦߋ߫ ߕߋ߲߬߸ ߊ߲ ߠߊ߫ ߕߊ߯ߣߌ߲ߞߊߛߋߦߌ߲ ߦߋ߫ ߖߐ߬ߘߐ ߘߐ߫߸ ߤߊߟߌ߬ ߘߊߥߎ߲ߠߌ߲߫ ߞߏ ߓߍ߯ ߦߴߊ߬ ߕߊ߫ ߡߊ߲߬ߕߙߐ߬ ߘߌ߫߸ ߓߊߏ߬߸ ߟߎߕߌ߮ ߟߎ߬ ߦߋ߫ ߓߟߏ߫ ߘߐ߫߸ ߓߊߟߏ ߕߍ߫ ߛߐ߬ߘߐ߲߬ ߠߊ߫، ߞߵߊ߬ ߛߐ߬ߘߐ߲߫ ߘߏ߲߬߸ ߛߊߤߍߟߑߞߊ ߟߎ߬ ߓߊߟߏ߫ ߞߏ ߘߍ߲ߣߍ߲߫ ߝߋ߬ߙߋ ߟߋ߬ ߟߊ߫.
ߕߊ߯ߣߌ߲ߞߊߛߋߦߌ߲ ߏ߬ ߘߏ߲߬ ߓߘߊ߫ ߛߋ߲߬ߠߊߛߘߌ߬؛ ߊ߬ ߘߏ߲߬߸ ߣߌ߫ ߛߊߤߍߟ ߕߐ߮ ߦߋ߫ ߘߊ߫ ߛߍ߬ߓߍ߫ ߡߍ߲ ߞߊ߲߬ ߌߞߘߐ߫߸ ߊ߬ߟߎ߬ ߘߴߏ߬ ߕߌ߱ ߡߌ߬ߘߊ߬ ߣߌ߫ ߘߊ߬ߟߎ߬ ߕߍ߫>>ߊ߬ߟߎ߫ ߘߏ߲߬ ߠߊ߫ ߜߛߐߟߊߛߌ߮ ߣߌ߲߬ ߕߍ߫ ߛߊߤߍߟ ߘߐߙߐ߲߫ ߞߊ߲߬ ߘߋ߬߸ ߣߌ߲߬ ߦߴߊ߬ߟߎ߬ ߓߟߏ߫ ߡߊ߬ߟߌ߫ ߝߊ߲߬ ߛߌߦߊߡߊ߲߫ ߠߋ߬ ߘߐ߫، ߏ߬ ߡߍ߲ ߘߏ߫ ߦߋ߫ ߖߋ߬ߣߌ߲߬ߕߊ߬ ߞߏ ߘߌ߫߸ ߓߊߏ߬߸ ߖߋ߬ߣߌ߲߬ߕߊ ߛߐ߬ߘߐ߲ ߦߋ߫ ߓߊ߲߬ߓߊ߬ ߓߏ߬ ߟߊ߬ߦߟߍ ߘߌ߫ ߕߋ߲߬ ߡߊ߬ߟߌ ߞߣߐ߫߸ ߞߵߏ߬ ߕߎ߬ߙߎ ߞߍ߫ ߛߛߞ ߓߏߟߏ߲ߝߘߊ ߟߊ߫ ߡߊ߲߬ߕߙߐ ߟߎ߫ ߘߌ߫ ߡߊ߬ߟߌ ߞߣߐ߫.
