ߓߊ߲ߖߎߡ ߞߟߍ߬ߡߐ߰ߘߊ ߣߐ߬ ߞߏߢߊߢߌߣߌ߲ ߘߏ߫ ߟߋ߬ ߛߌ߰ ߟߊ߫ ߛߋ߲߬ߠߊ߫߸ ߝߏ߫ ߡߐ߰ ߞߏߙߏ߲ ߘߏ߫ ߟߎ߫ ߥߊ߫ ߘߊ߫ ߓߋ߬ ߊ߬ߟߎ߬ ߟߊ߫ ߖߐ߭ ߘߐ߫߸ ߡߍ߲ ߠߎ߬ ߗߋ ߦߋ߫ ߡߐ߰ ߞߟߏ߬ ߝߙߋ ߘߌ߫، ߊ߬ߟߎ ߓߊ߬߸ ߊ߬ ߣߴߊ߬ߟߎ߫ ߛߋ߲߬ߘߏ߲߬ߢߐ߲߮ ߘߏ߫ ߟߎ߫߸ ߕߍ߮ ߞߍ߫ ߘߴߊ߬ߟߎ߬ ߓߍ߯ ߟߋ߬ ߘߐ߫.
ߣߌ߲߬ ߞߍ߫ ߘߊ߫ ߂߀߂߅ ߕߎߟߊߝߌ߲ ߕߋ߬ߟߋ߫ ߂߉ ߟߋ߬ ߡߊ߬߸ ߊ߬ ߦߌ߬ߘߊ߬ ߘߊ߫ ߕߐ߲ߓߟߏߡߊ ߟߎ߬ ߟߊ߫ ߞߏ߫ ߔߏߔߏ߫ ߛߏ߲ߧߊ ߘߏ߫ ߓߘߊ߫ ߞߍ߫ ߡߣߐ߬ߓߏ߲ ߘߏ߫ ߞߣߐ߫ ߒߓߎߥߏ߫ ߞߌ߲߬ߘߊ ߟߊ߫߸ ߞߊߡߋߙߎߣ ߘߎ߱ ߘߏ߫ ߞߣߐ߫߸ ߞߏ߫ ߓߊ߲ߖߎߡ، ߒ߬ߓߊ߬߸ ߞߟߍ߬ߡߐ߮ ߟߎ߫ ߖߌ߱ ߡߍ߲ ߞߍ߫ ߘߊ߫ ߦߋ߲߬߸ ߊ߬ߟߎ߬ ߥߊ߫ ߘߊ߫ ߛߏ߲߬ ߞߋߟߋ߲߫ ߡߌ߬ߘߊ߫ ߦߋ߲߬، ߏ߬ ߟߊ߫ ߞߎߡߊ ߞߵߊ߬ ߦߌ߬ߘߊ߬ ߞߏ߫ ߊ߬ ߥߊߣߍ߲߫ ߕߍ߬ߘߍ߫ ߛߏ߲߬ߧߊ߬ߟߌ߬ ߞߊ߲ ߠߋ߬ ߘߐߙߐ߲߫ ߡߊ߬.
ߓߊ߬ߙߌ߬߸ ߟߌ߬ߤߟߊ ߘߏ߫ ߟߎ߫ ߞߵߊ߬ ߦߌ߬ߘߊ߬ ߞߏ߫ ߛߏ߲߭ ߏ߬ ߣߌ߫ ߡߐ߰ ߜߘߍ߫ ߟߎ߫ ߟߋ߬ ߞߏ߫ ߡߊ߬߸ ߡߍ߲ ߠߎ߬ ߕߐ߮ ߦߋ߫ ߓߍ߯ ߘߊ߫ ߝߊ߲߬ߞߣߐ ߏ߬ ߟߎ߬ ߘߐ߫ ߦߋ߲߬߸ ߊ߬ߟߎ߬ ߢߌߣߌ߲ ߘߏ߲߬ ߦߴߌߘߐ߫ ߞߘߐ߬ߡߊ߲߫߸ ߞߵߏ߬ ߞߎ߲߭ ߞߍ߫ ߕߌߢߍߟߌ߫ ߞߍߣߍ߲ ߘߏ߫ ߟߎ߫ ߘߌ߫߸ ߛߏ߲߬ߧߊ߬ߟߌ ߣߌ߫ ߓߋ߬ߒ߬ߞߊ߲߬ߠߌ߲߬ ߞߏ ߟߎ߬ ߘߐ߫߸ ߊ߬ ߣߌ߫ ߡߐ߰ ߞߟߏ߬ ߝߙߋ߬ ߞߏ ߝߣߊ߫ ߦߴߊ߬ߟߎ߫ ߣߐ߬ ߘߊ߫، ߏ߬ ߟߋ ߞߏߛߐ߲߬߸ ߊ߬ߟߎ߫ ߞߊ߬ ߔߏߔߏ߫ ߛߏ߲ ߣߌ߲߬ ߕߊ߬ ߞߊ߬ ߥߴߊ߬ ߘߌ߫ ߓߊ߲ߖߎ߲߫ ߞߟߍ߬ߡߐ߰ߘߊ ߟߊ߫ ߕߎߟߊߝߌ߲ ߕߋ߬ߟߋ߫ ߂߂ ߡߊ߬߸ ߊ߬ ߞߵߊ߬ ߟߊߛߙߋߦߊ߫ ߦߋ߲߬ ߝߛߍ߬ߝߛߍ߬ߟߌ ߟߎ߬ ߞߐ ߘߐ߫ ߞߏ߫ ߡߐ߰ ߞߟߏ ߘߏ߫ ߟߎ߫ ߦߴߊ߬ ߛߋ߲߬ߘߏ߲߬ߢߐ߲߮ ߏ߬ ߟߎ߬ ߓߟߏ߫ ߊ߬ߟߎ߫ ߝߙߋ߬ ߞߊ߲ߡߊ߬ ߡߎߣߎ߲߬ ߝߋߎ߫.
ߛߎ߫ ߞߋߟߋ߲ ߏ߬ ߟߋ ߘߐ߫߸ ߡߐ߰ ߞߏߙߏ߲ ߢߌ߲߬ ߠߎ߫ ߡߌ߬ߘߊ߬ ߞߏ ߛߌ߰ ߘߊ߫ ߛߋ߲߬ߠߊ߫ ߓߊ߲ߖߎߡ ߘߎ߱ ߞߣߐ߫߸ ߕߍ߮ ߞߍ߫ ߘߊ߫ ߡߐ߰ ߛߓߊ߬ ߘߐ߫ ߦߋ߲߬߸ ߓߐ߬ߘߐ ߘߏ߫ ߦߴߊ߬ߟߎ߬ ߓߟߏ߫߸ ߡߐ߰ ߞߟߏ߫ ߝߌ߬ߟߊ߬ ߦߋ߫ ߡߍ߲ ߞߣߐ߫: ߞߋߟߋ߲߸ ߏ߬ ߦߋ߫ ߞߟߏ߫ ߘߝߊߣߍ߲ ߠߋ߬ ߘߌ߫߸ ߊ߬ ߕߐ߬ ߞߋߟߋ߲ ߡߊ߫ ߘߝߊ߫، ߕߍ߮ ߞߍ߫ ߘߊ߫ ߡߐ߰ ߛߊ߬ߓߊ ߡߍ߲ ߠߎ߬ ߘߐ߫ ߏ߬ ߘߌ߫߸ ߏ߬ ߟߎ߬ ߡߊߟߐ߲ߣߍ߲߫ ߠߋ߬ ߕߐ߲ߓߟߏߡߊ ߟߎ߬ ߓߟߏ߫ ߞߘߐ߬ߡߊ߲߬߸ ߞߵߏ߬ ߞߎ߲߭ ߞߍ߫ ߊ߬ߟߎ߬ ߟߊ߫ ߞߏߙߏ߲ߧߊ߫ ߞߏ ߟߎ߬ ߘߌ߫߸ ߊ߬ߟߎ߬ ߣߌ߫ ߞߟߍ߬ߡߐ߮ ߟߎ߬ ߓߘߊ߫ ߕߊ߬ߡߌ߲߫ ߜߏ߬ߙߏ߲߬ߜߊ߬ߙߊ߲߬ ߛߌߦߊߡߊ߲߫ ߘߐ߫ ߞߘߐ߬ߡߊ߲߬.
ߊ߬ߟߎ߬ ߥߊ߫ ߘߊ߫ ߡߌ߬ߘߴߊ߬ߟߎ߬ ߟߊ߫ ߟߎ ߟߋ߬ ߞߣߐ߫߸ ߡߙߊ߬ߒ߬ߡߊ߬ߝߋ߲߬ ߡߌߛߍ߲ ߘߏ߫ ߟߎ߫ ߦߋ߫ ߘߴߊ߬ߟߎ߬ ߓߟߏ߫ ߦߋ߲߬߸ ߊ߬ߟߎ߬ ߦߋ߫ ߡߍ߲ ߠߎ߬ ߟߊߓߊ߯ߙߊ߫ ߟߊ߫ ߕߌߢߍߟߌ߫ ߥߊ߯ߕߌ ߟߎ߬ ߟߊ߫ ߛߐ߲߬.
ߒߜ߭ߛߏ ߒߝ߭ߜ߭ߏ ߜ߭ߊߦߍߟ ߡߍ߲ ߦߋ߫ ߓߙߌ߬ߝߐߝߐ ߞߎ߲߬ߕߌ߮߮ ߘߌ߫߸ ߊ߬ ߣߌ߫ ߓߊ߲ߖߎߡ ߞߟߍ߬ߡߐ߰ߘߊ ߡߙߊ߬ߓߊ߮߸ ߏ߬ ߞߵߊ߬ ߦߌ߬ߘߊ߬ ߞߏ߫ ߞߊ߬ߦߌ߯ ߕߍ߮ ߞߍ߫ ߘߴߊ߬ߟߎ߬ ߘߐ߫߸ ߞߏ ߟߎ߬ ߓߘߊ߫ ߛߌ߰ ߞߟߊ߬ ߞߋߟߋ߲߫ ߠߊ߫ ߓߊ߲ߖߎߡ ߞߣߐ߫߸ ߡߐ߱ ߟߎ߬ ߓߘߊ߫ ߞߎ߲߬ߠߊ߬ߝߎߟߋ߲߫، ߊ߬ ߞߊߙߏ߫ ߘߊ߲ߘߐ ߟߋ߬ ߝߣߊ߫ ߦߋ߫ ߕߋ߲߬߸ ߊ߬ߟߎ߬ ߕߌߢߍߟߌߟߊ ߢߌ߲߬ ߠߎ߫ ߡߐ߰ ߝߌ߬ߟߊ߬ ߟߊ߫ ߞߎߡߊ ߟߊߕߊ߯ ߘߊ߫ ߓߊߝߎߛߊߡ ߣߊ߲߬ߕߌ߰ ߞߕߌߘߊ ߟߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ
