ߞߵߊ߬ ߟߊߥߌ߬ߟߌ߫ ߡߊ߲߬ߘߋ߲߬ ߞߊ߲ ߠߎ߬ ߛߋߞߏߦߊ ߟߊߓߐ ߡߊ߬߸ ߊ߬ ߣߌ߫ ߢߊߦߋߟߌ ߞߣߐ ߘߐߘߎ߲߬ߧߊ ߡߊ߬߸ ߓߊ߬ߟߊ ߛߍߥߊߣߍ߲ ߕߙߊߥߟߋ߫ ߣߴߊ߬ ߘߍ߬ߒ߬ߞߏ߬ߡߊ߬ߢߐ߲߮ ߠߎ߫ ߞߊ߬ ߡߊ߲߬ߘߋ߲߬ ߓߟߏߦߊߛߏ ߟߊߘߊ߲߫ ߞߊ߲ߞߊ߲߫ ߓߐ߬ߙߑߘߏ߫ ߞߌ߲߬ߘߊ ߟߊ߫߸ ߡߍ߲ ߠߎ߬ ߓߘߊ߫ ߛߋ߫ ߖߌ߬ߦߊ߬ߖߟߎ߫ ߗߍ߬ߡߍ߫ ߛߓߊ߬ ߣߌ߫ ߝߊ߲ߘߊ߫ ߘߟߊߡߌ߬ߣߊ߬ ߟߊ߫ ߒߞߏ ߘߐ߫.
ߓߊ߬ߟߊ ߛߍߥߊߣߍ߲ ߕߙߊߥߟߋ߫ ߦߋ߫ ߣߕߊ߬ߘߐ߬ߛߌ߰ߓߊ߬ߕߌ߯ ߟߋ߬ ߘߌ߫߸ ߡߍ߲ ߢߌߣߌ߲ߞߏ ߦߋ߫ ߡߊ߲߬ߘߋ߲߬ ߞߊ߲ ߠߎ߬ ߛߊ߲ߞߘߐߕߊ߭ ߘߌ߫ ߘߊߞߎ߲ ߓߍ߯ ߘߏ߫ ߘߐ߫، ߓߊߏ߬߸ ߊ߬ߟߋ ߟߊ߫ ߝߐߟߌ߫ ߘߐ߫߸ ߞߏ߫ <<ߖߌ߬ߦߊ߬ߖߟߎ ߘߌߦߊ ߦߋ߫ ߛߐ߬ߘߐ߲߬ ߠߊ߫ ߞߊ߲ ߠߋ߬ ߝߍ߬.>> ߏ߬ ߟߋ ߘߐ߫߸ ߊ߬ߟߎ߫ ߞߊ߬ ߡߊ߲߬ߘߋ߲߬ ߓߟߏߦߊߛߏ ߛߌ߰ ߛߋ߲߬ߠߊ߫߸ <<ߡߊ߲߬ߘߋ߲߬ ߣߊߡߎ߲ ߠߎ߬ ߣߴߊ߬ ߟߊ߬ߘߊ߲ ߟߎ߬ ߣߴߊ߲ ߠߊ߫ ߘߝߐ߬ ߕߎߣߎ߲ߣߍ߲ ߠߎ߬ ߣߴߊ߲ ߠߊ߫ ߞߎߡߊߘߋ߲߫ ߕߎߣߎ߲ߣߍ߲ ߠߎ߬>> ߡߐ߬ߟߐ߲߬ߡߦߊ߬ ߞߊ߲ߡߊ߬، ߊ߬ߟߎ ߞߊ߬ <<ߓߙߊߘߐߦߊ>> ߟߋ߬ ߦߋ߫ ߟߊ߬ߡߊ߲߬ߘߟߌ߬ ߛߌߟߊ ߏ߬ ߘߌ߫߸ ߖߐ߲߰ߛߊ߫ ߘߝߐ߬ ߢߣߊߡߊ ߘߏ߫ ߟߎ߫ ߓߙߊߘߐߦߊ ߘߌ߫ ߛߋ߫ ߞߍ߫ ߟߊ߫߸ ߦߏ߫ <<ߡߊ߲߬ߘߋ߲߫ ߘߐ߬ߝߐ ߣߌ߫ ߛߊ߭ߡߏ߬ߙߌ߫ ߕߎ߬ߙߋ߬ ߣߌ߫…>>
ߞߵߊ߬ ߕߊ߬ ߡߊ߲߬ߘߋ߲߬ ߓߟߏߦߊߛߏ ߟߊߘߊ߲ ߡߊ߬ ߞߵߊ߬ ߛߌ߰ ߓߌ߬ ߟߊ߫߸ ߊ߬ߟߎ߬ ߓߘߊ߫ ߛߋ߫ <<ߖߌ߬ߦߊ߬ߖߟߎ߫ ߃߁߈ >> ߘߟߊߡߌ߬ߣߊ߬ ߟߊ߫߸ <<ߗߍ߭ ߣߴߊ߬ ߟߊ߫ ߘߋ߲ߓߦߊ ߓߍ߯ ߟߊߘߍ߬ߣߍ߲ ߘߌ߫ ߛߴߊ߬ߟߎ߫ ߛߌ߰ ߟߊ߫ ߞߊ߬ ߡߍ߲ ߠߎ߬ ߘߐߜߍ߫߸ ߞߵߊ߬ ߛߐ߬ߘߐ߲߬ ߡߊ߬ߟߏ߬ߦߊ߬ ߕߴߊ߬ ߘߐ߫، ߏ߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߊ߲ ߠߊ߫ ߟߐ߲ߠߌ߲ߦߊ ߓߍ߯ ߡߊߓߏ߲߬ߧߊ߬ߣߴߊ߬ ߞߣߐ߫.>> ߓߊ߬ߟߊ ߛߍߥߊߣߍ߲ ߠߋ߬ ߞߊ߲߫ ߕߋ߲߬.
ߊ߬ߟߎ߬ ߟߊ߫ ߖߌ߬ߦߊ߬ߖߟߎ ߟߎ߬ ߞߍߣߴߊ߬ߟߎ߬ ߓߟߏ߫ ߞߎߘߎ߲߫ ߛߌߦߊߡߊ߲߫ ߠߋ߬ ߘߌ߫߸ ߡߐ߰ߓߊ ߟߎ߬ ߕߊ ߣߌ߫ ߘߋ߲ߣߍ߲ ߠߎ߬ ߕߊ߸ ߊ߬ ߣߌ߫ ߡߏ߬ߛߏ ߟߎ߬ ߘߌߦߊߣߊ߲ߕߊ ߟߎ߬.
ߊ߬ ߞߎߡߊ߫ ߘߊ߫ ߖߌ߬ߦߊ߬ߖߟߎ߬ ߛߘߊߡߊ ߟߎ߫ ߞߊ߲߬߸ ߦߏ߫ ߛߏ߲߬ߛߊ߲߬ ߣߌ߫ ߓߊ߲߬ߞߊ߬ߟߌ߬ߓߊ ߣߌ߫ ߊߞߌߡ߸ ߞߵߏ߬ ߟߊ߫ ߛߌߦߊߡߊ߲߫ ߜߘߍ߫ ߟߎ߫ ߞߊ߲߬، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߖߌ߬ߦߊ߬ߖߟߎ ߏ߬ ߟߎ߬ ߟߊ߫ ߛߊ߲ߞߊ߫ ߛߐߘߐ߲ ߞߘߐ ߕߍ߫ ߘߏ߫ ߜߘߍ߫߸ <<ߞߊ߲ ߦߋ߫ ߞߏߓߊ߫ ߟߋ߬ ߘߌ߫߸ ߞߊ߲ ߠߋ߬ ߡߐ߱ ߓߟߏߕߍ߰ ߟߊ߫ ߦߟߍߡߊߞߏ ߡߊ߬߸ ߓߴߊ߬ ߕߍ߫ ߞߊ߲ ߡߍ߲߫ ߠߊ߫، ߦߟߍߡߊߞߏ ߘߌ߫ ߟߊߓߐ߫ ߞߊ߲߫ ߜߘߍ ߘߐ߫߸ ߞߏ߬ߣߌ߲߬ ߣߴߌ ߕߴߊ߬ ߡߍ߲߫ ߠߊ߫߸ ߌߟߋ ߕߴߛߋ߫ ߦߟߍ߫ ߟߊ߫.>> ߞߵߊ߬ ߓߍ߲߬ ߖߌ߬ߦߊ߬ߖߟߎ ߟߎ߬ ߘߟߊߡߌߣߊ ߕߐ߬ߣߐ ߥߊ߬ߙߊ ߡߊ߬߸ ߊ߬ ߞߵߊ߬ ߦߌ߬ߘߊ߬ ߞߏ߫ <<ߖߌ߬ߦߊ߬ߖߟߎ ߘߌߦߊ ߕߴߛߋ߫ ߟߐ߲߫ ߠߊ߫߸ ߣߴߌ ߝߊ߬ߛߏ߬ ߞߊ߲ ߕߍ߫.>>
ߌߞߏߡߌ߲߬ ߊ߲ ߢߴߊ߬ ߦߋ߫ ߟߊ߫߸ ߊ߬ߟߎ߬ ߦߋ߫ ߖߌ߬ߦߊ߬ߖߟߎ߬ ߞߘߐ ߟߎ߫ ߟߋ߬ ߞߍ߫ ߟߊ߫ ߛߐ߲߬ ߞߊ߬ ߛߌߦߊߦߊ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ <<ߖߌ߬ߦߊ߬ߖߟߎ߬ ߘߟߊߡߌߣߊ ߛߊ߬ߙߌ߬ߦߊ ߘߐ߫߸ ߣߴߌ ߞߍ߫ ߘߊ߫ ߖߌ߬ߦߊ߬ߖߟߎ ߘߟߊߡߌ߬ߣߊ߬ ߟߊ߫߸ ߝߏ߫ ߡߍ߲ ߓߐ ߓߊ߯ ߛߊ߲߬ ߕߊ߲ ߓߐ߫.>> ߏ߬ ߟߋ ߞߏߛߐ߲߬߸ ߊ߬ߟߎ߬ ߟߊ߫ ߖߌ߬ߦߊ߬ߖߟߎ߬ ߞߍߣߍ߲ ߓߍ߯ ߦߋ߫ ߞߘߐ߬ߡߊ߲ ߠߎ߫ ߟߋ߬ ߘߌ߫.
ߏ߬ ߟߎ߬ ߟߊ߫ ߞߘߐ߬ߦߊ ߏ߬ ߣߴߊ߬ ߕߊ߫߸ ߊ߬ ߓߍ߯ ߦߋ߫ ߛߘߊ ߛߐ߬ߘߐ߲߬ ߠߊ߫ ߟߋ߬߸ ߞߊ߬ ߞߍ߫ ߛߘߊߞߘߎ߬ߛߘߊ ߘߌ߫، ߞߵߏ߬ ߞߎ߲߭ ߞߍ߫ ߞߎߡߊߘߋ߲߫ ߠߊߓߊ߯ߙߊ ߘߴߊ߬ߟߎ߬ ߘߐ߫߸ ߡߍ߲ ߠߎ߬ ߞߎ߲ߝߊ߲ ߣߴߊ߬ߟߎ߬ ߛߐߢߐ߲ ߦߋ߫ ߞߍ߫ ߟߊ߫ ߡߐ߰ ߛߌߦߊߡߊ߲߫ ߠߊ߫ ߛߐ߲߬.
ߊ߬ߟߎ߬ ߞߎߡߊ߫ ߘߴߊ߬ߟߎ߬ ߟߊ߫ ߛߍ߱ ߟߎ߫ ߞߊ߲߬߸ ߞߵߊ߬ ߓߍ߲߬ ߖߌ߬ߦߊ߬ߖߟߎ߬ ߞߍߣߍ߲ ߠߎ߬ ߝߙߋ߬ ߢߊ߬ ߞߏ ߡߊ߬، ߓߊߏ߬߸ ߝߜߍ߬ߟߋ߲߬ ߞߏ ߕߋ߬ߟߋ ߝߋ߬ߙߋ ߣߐ߰ߡߊ߲߫ ߕߘߍ߬ ߢߊ ߡߍ߲߸ ߕߟߋ߬ߓߊ߰ߢߌ߲߬ ߞߏ ߓߘߊ߫ ߣߊ߬ ߝߙߋߞߋ ߘߌ߫߸ ߞߵߏ߬ ߞߎ߲߭ ߞߍ߫ ߕߟߋ߬ߓߊ߰ߕߌ߰ ߜߊߣߊ߲ ߠߎ߬ ߟߊ߫ ߛߌߦߊߦߊ ߘߌ߫߸ ߡߍ߲ ߠߎ߬ ߦߴߊ߬ߟߎ߬ ߟߊ߫ ߖߌ߬ߦߊ߬ߖߟߎ ߟߎ߬ ߟߊߘߏ߲߬ ߠߊ߫ ߡߐ߱ ߟߎ߫ ߞߎ߲߬߸ ߞߵߊ߬ ߛߐ߬ߘߐ߲߬ ߊ߬ߟߎ߬ ߤߊߞߍ߫ ߛߌ߫ ߡߊ߫ ߡߊߓߏ߲߬ߧߊ߬.
ߏ߬ ߟߊ߬ߓߋ߬ߟߌ ߟߋ߬ ߖߍ߬ߘߍ ߢߍߛߌߟߊ߲ߢߍ ߡߊ߬߸ ߊ߬ߟߎ߫ ߞߊ߬ ߘߏߝߙߊߟߊ߲߫ ߞߏ ߛߌ߰ ߛߋ߲߬ߠߊ߫߸ ߞߵߊ߬ߟߎ߬ ߟߊ߫ ߖߌ߬ߦߊ߬ߖߟߎ߫ ߃߁߈ ߓߍ߯ ߓߌ߬ߟߊ߫ ߏ߬ ߞߊ߲߬ ߞߐߘߍ߫، ߟߎߕߌ߮ ߘߌ߫ ߛߋ߫ ߡߍ߲ ߛߊ߲߬ ߠߊ߫ ߞߵߊ߬ ߓߌ߬ߟߴߊ߬ ߟߊ߫ ߟߎ ߞߣߐ߫߸ ߖߌ߬ߦߊ߬ߖߟߎ ߛߎ߮ ߓߍ߯ ߘߏ߫ ߦߋ߫ ߡߍ߲ ߞߊ߲߬ ߡߊ߲߬ߘߋ߲߫ ߝߘߏ߬ߓߊ߬ ߞߊ߲ ߘߐ߫، ߌ ߞߍ߫ ߘߊ߫ ߝߊ߲߬ ߛߌ߫ ߝߣߊ߫ ߘߐ߫߸ ߌ ߘߌ߫ ߛߴߊ߬ߟߎ߬ ߟߊ߫ ߘߏߝߙߊߟߊ߲ ߣߌ߲߬ ߛߊ߲߬ ߠߊ߫.
ߏ߬ ߟߋ ߞߍ߫ ߘߴߊ߲ ߠߊ߫ ߓߊ߬ߘߏ߬ߢߐ߲߰ߦߊ ߞߎߘߎ߲߫ ߝߟߐ ߣߌ߲߬ ߞߎ߲߬ߝߊ߮ ߘߌ߫߸ ߊ߬ ߕߐ߬ߟߊ߬ߕߎ߲߮ ߓߍߣߊ߬ ߞߎߡߊ߫ ߖߊ߬ߕߋ߬ߘߐ߬ߛߌ߰ ߞߟߊߒߞߋ ߟߎ߫ ߟߋ߬ ߞߊ߲߬ ߡߊ߲߬ߘߋ߲߬ ߓߟߏߦߊߛߏ ߓߟߏ߫߸ ߊ߬ߟߎ߬ ߦߴߊ߬ ߝߍ߬ ߞߊ߬ ߖߊ߲߬ߖߏ߲ ߠߎ߬ ߣߌ߫ ߘߐ߬ߝߐ ߡߍ߲ ߠߎ߬ ߞߍ߫ ߓߙߊߘߐߦߊ ߘߌ߫߸ ߊ߬ ߣߌ߫ ߡߊ߲߬ߕߙߐ ߡߍ߲ ߦߴߊ߬ߟߎ߫ ߞߊ߲߬߸ ߊ߬ ߣߴߊ߬ߟߎ߬ ߦߋ߫ ߥߊߘߌ ߛߐ߬ߘߐ߲߬ ߠߊ߫ ߖߌ߬ߦߊ߬ߖߟߎ ߢߌ߲߬ ߠߎ߬ ߘߐ߫ ߢߊ ߡߍ߲، ߖߐ߲߰ߛߴߊ߬ߟߎ߬ ߟߊ߫ ߓߊ߯ߙߊ ߘߌ߫ ߛߋ߫ ߡߐ߬ߟߐ߲߫ ߛߐ߬ߘߐ߲߬ ߠߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
