ߞߊ߬ߡߋߙߎ߲߬ߣߌ߲߬ ߖߡߊ߬ߣߊ ߞߊ߲߬߸ ߓߌ߬ ߞߏ߲ߓߌߕߌ߮ ߕߟߋ߬ ߁߂ ߣߌ߲߬ ߠߋ߬ ߦߋ߫ ߞߊ߲ߕߌ߯ ߢߣߊߕߊߟߌ ߘߌ߫߸ ߛߎߥߊ߲ߘߟߌߟߊ߫ ߞߋ߲߬ߥߟߎ߬ ߛߋ߬ߦߌ߲߫ ߠߋ߬ ߡߊߞߐ߬ߣߐ߲߬ߣߍ߲߫ ߢߣߊߕߊߟߌ߫ ߓߏ߲߫ ߃߁ ߞߣߐ߫߸ ߞߊ߬ߦߌ߯ ߈ ߕߎߡߊ ߟߊ߫ ߞߊߡߋߙߎ߲ߣߌ߲߬߸ ߏ߬ ߡߍ߲ ߦߋ߫ ߇ ߕߎߡߊ ߘߌ߫ ߊ߲ߠߎ߬ ߝߍ߬ ߦߊ߲߬߸ ߢߣߊߕߊߟߌ߫ ߓߏ߲ ߠߎ߬ ߞߏ߬ߣߌ߲ ߘߊߟߞߊ߬ߣߍ߲߫ ߠߋ߬ ߛߎߥߊ߲ߘߟߌߟߊ ߟߎ߬ ߦߋ߫؛ ߞߊ߬ߦߌ߯ ߛߐ߰ߡߊ߬ ߖߏߣߊ ߟߊ߫߸ ߣߊ߲߬ߕߌ߮ ߟߎ߬ ߞߏ߬ߣߌ߲ ߦߋ߫ ߓߐߟߐ߲ ߝߊ߲߭ ߓߍ߬ ߢߊߝߍ߬.
ߓߊߛߑߕߐߛ ߢߣߊߕߊߟߌ ߓߏ߲ ߝߊ߲߬ߝߍ߬ߟߊ ߟߎ߬ ߘߐ߫߸ ߦߊߥߎ߲ߘߋ߫، ߓߊߏ߬߸ ߞߊ߲ߕߌ߯ ߔߏߟ ߓߌߦߊ ߞߍߕߐ߫ ߊ߬ ߟߊ߫ ߛߎߥߊ߲ߘߟߌ ߞߍ߫ ߟߊ߫ ߦߋ߲߬ ߠߋ߬߸ ߦߊߥߎ߲ߘߋ߫ ߟߋ߬ ߟߐ߬ߦߙߐ ߞߊ߫ ߓߏ߲߬ ߞߟߊ߬ߕߊ ߣߌ߲߬ ߘߐ߫ ߓߊߞߍ߭߸ ߓߊߏ߬߸ ߞߟߊ߬ߕߊ߬ߟߊ ߝߊ߲߬ߓߊ ߦߋ߫ ߦߋ߲߬ ߠߋ߬߸ ߡߊ߬ߡߌ߬ߘߊ߬ߟߌ߬ߟߊ ߔߏߟ ߓߌߦߊ߫ ߣߌ߫ ߞߊߓߙߍߟ ߟߌߓߌ߫ ߊ߬ ߣߌ߫ ߌߛߊ߫ ߗߌߙߏߡߊ߬، ߝߊ߲߬ߞߊ ߦߋ߫ ߏ߬ ߟߎ߫ ߟߋ߬ ߟߊ߫ ߕߋ߲߬ ߘߎ߱ ߣߌ߲߬ ߞߣߐ߫߸ ߊ߬ ߘߏ߲߬ ߞߟߊ߬ߕߊ ߞߍ߫ ߘߊ߫ ߟߋ߬ ߖߡߊ߬ߣߊ߫ ߣߌ߲߬ ߞߐ߬ߘߎ߮ ߘߐ߫ ߜ߭ߊߙߑߥߊ߫ ߘߎ߱ ߟߊ߫.
ߞߙߌߛߑߡߕߊߙߌ߫ ߣߌ߫ ߛߊ߲ߜ߭ߊߙߋ߫ ߝߘߏ߬ߓߊ߬ ߞߊߙߊ߲ߕߊ ߟߊ߫߸ ߞߊ߬ߦߌ߯ ߛߐ߰ߡߊ߬ ߖߏߣߊ ߟߊ߫߸ ߢߣߊߕߊߟߌߟߊ߫ ߛߌߦߊߡߊ߲߫ ߠߋ߬ ߕߘߍ߬ ߦߋ߫ ߢߐ߲߮ ߞߐ߫߸ ߦߋ߲߬ ߘߊߞߘߐ߫، ߢߣߊߕߊߟߌߟߊ߫ ߝߊ߲߬ߓߊ ߘߏ߲߬ ߦߋ߫ ߘߎ߰ߘߋ߲ ߠߎ߬ ߟߋ߬ ߘߌ߫߸ ߕߐ߲ߓߟߏߡߊ ߟߎ߬ ߝߣߊ߫ ߣߌ߫ ߣߊ߲߬ߕߌ߮ ߟߎ߬ ߦߋ߫ ߟߊ߬ߞߙߐ߬ߛߌ߬ߟߌ ߟߎ߫ ߞߊ߲߬ ߝߊ߲߬ ߜߘߍ߫ ߟߎ߫ ߘߐ߫߸ ߢߣߊߕߊߟߌ߫ ߓߏ߲ ߞߣߐߟߊ ߟߎ߬ ߣߌ߫ ߛߌߟߊ߫ ߞߙߍ ߟߎ߫ ߝߍ߬؛ ߏ߬ ߖߍ߬ߘߍ ߓߘߊ߫ ߞߍ߫ ߛߊߓߎ߫ ߘߌ߫.
ߞߊ߬ ߓߏ߬ߙߌ߬ߝߋ߲ ߠߎ߬ ߟߊ߫ ߓߏ߬ߙߌ ߡߊߘߐ߯ߦߊ߫߸ ߊ߬ ߣߌ߫ ߞߊ߬ ߝߎ߲ߞߎ߲ ߘߏ߫ ߟߎ߫ ߘߊ ߕߎ߲߫، ߞߊߡߋߙߎ߲ߣߌ߲߬ ߞߏ߬ߣߌ߲ ߘߎ߰ߘߋ߲߫ ߞߋ߲߬ߥߟߎ߬ ߈ ߠߋ߬ ߡߊߞߐ߬ߣߐ߲ ߦߴߌߘߐ߫߸ ߊ߬ߟߎ߬ ߦߋ߫ ߢߣߊߕߊߟߌ ߞߍ߫߸ ߞߵߊ߬ߟߎ߬ ߟߊ߫ ߞߊ߲ߕߌ߮ ߛߎߥߊ߲ߘߌ߫.
