߂߀߂߅ ߘߓߊ߬ߓߌߟߊ ߕߋ߬ߟߋ߫ ߂߅ ߟߊ߫߸ ߖߡߊ߬ߣߊ ߞߊ߲ߕߌ߯ߦߊ ߞߟߊ߬ߕߊ ߡߊ߬ߡߌ߬ߘߊ߬ߟߌ߬ߟߊ ߖ߭ߊ߲߫ ߟߎߥߌߛ ߓߌߟߐ߲߫ ߞߵߊ߬ ߟߊ߫ ߓߙߊߡߊߖߊ߲ߓߊ߲ ߘߊߡߌ߬ߣߊ߬ ߞߏ߲ߓߌߕߌ߮ ߕߟߋ߬ ߁߀ ߠߋ߬ ߡߊ߬ ߞߎߡߊߛߌ߫߸ ߊ߬ ߞߐߡߊߓߌ߲ߓߌ߲ߓߊ߮ ߛߌߦߊߡߊ߲߫ ߠߋ߬ ߣߊ߬ ߘߴߊ߬ ߣߐ߭ߝߍ߬߸ ߡߊߙߑߞߏߙ ߞߌ߲߬ߘߊ ߟߊ߫، ߞߣߵߊ߬ ߟߊߓߊ߲߫ ߓߎ߬ߥߊ߬ߞߍ߫ ߞߏ߲ߓߌߕߌ߮ ߕߋ߬ߟߋ߫ ߂߃ ߡߊ߬߸ ߣߊ߬ߓߊ߮ ߏ߬ ߘߏ߫ ߞߊ߬ ߞߎߡߊ ߕߊ߬߸ ߣߴߊ߬ ߕߐ߯ ߦߋ߫ ߌߛߑߡߊߦߍߟ ߘߌ߫؛ ߊ߬ߟߋ ߓߊ߲ߣߍ߲߫ ߠߋ߬ ߊ߬ ߟߊ߫ ߞߊ߬ߙߊ߲ ߠߊ߫߸ ߓߊ߬ߙߌ߫߸ ߊ߬ ߡߊ߫ ߓߊ߯ߙߊ ߛߐ߬ߘߐ߲߬.
ߊ߬ ߝߣߊ߫ ߞߵߊ߬ ߖߌ߱ ߟߊ߫ ߡߐ߱ ߡߍ߲ ߞߊ߲߬߸ ߏ߬ ߟߋ߬ ߞߍ߫ ߘߊ߫ ߖ߭ߊ߲߫ ߟߎߥߌߛ ߓߌߟߐ߲߫ ߘߌ߫߸ <<ߒߠߋ ߞߏ߬ߣߌ߲ ߟߊߣߍ߲߫ ߊ߬ ߟߊ߫ ߒ ߞߏ߫ ߖ߭ߊ߲߫ ߟߎߥߌߛ ߓߌߟߐ߲߫ ߓߍߣߊ߬ ߘߏ߫ ߓߐ߫ ߟߋ߬ ߖߐ߲ߓߐ߲ߕߌ߮ ߟߎ߬ ߟߊ߫ ߓߊ߯ߙߊߓߊߟߌߦߊ ߟߊ߫߸ ߊ߬ ߘߌ߫ ߛߋ߫ ߞߊ߬ ߓߊ߯ߙߊ ߘߏ߫ ߟߎ߫ ߛߌ߰ ߛߋ߲߬ ߠߊ߫߸ ߓߊߏ߬߸ ߊ߬ߟߋ ߦߴߊ߲ ߠߊ߫ ߜߟߍ߬ߦߊ ߟߎ߫ ߞߊ߬ߟߊߡߊ߬>> ߓߌߟߐ߲߫ ߝߍ߬߸ ߖߡߊ߬ߣߊ ߕߍ߫ ߝߏߛߌ߬ ߟߋ߬ ߟߊߢߌߣߌ߲߫ ߓߘߍ߬ߓߘߍ߬ߟߌ߬ ߞߙߎ ߟߎ߫ ߝߍ߬ ߓߎ߬ߕߎ߲߬߸ ߖߡߊ߬ߣߊ ߡߊ߬ߞߏ ߦߋ߫ ߡߐ߰ ߟߎ߫ ߟߋ߬ ߟߊ߫.
ߡߍ߲ ߠߎ߬ ߦߋ߫ ߖߡߊ߬ߣߊ ߞߊ߲ߕߌ߮ ߖߘߐ߬ߣߊ߲߬ߞߏ ߞߎ߬ߘߎ ߛߌ߰ ߟߴߊ߬ߟߎ߬ ߞߊ߲ߠߊ߫߸ ߝߣߊ߫ ߞߏ߫ « ߓߘߍ߬ߓߘߍ߬ߟߌ߬ ߞߙߎ ߡߍ߲ ߡߏߦߌ߫ ߘߊ߫ ߞߊ߬ ߞߐ߲߰ ߘߍ߲ߒߖߘߍߟߦߊ ߢߍ߫ » ߏ߬ ߞߊ߫ ߞߊ߲߫ ߞߊ߬ ߛߌߟߊ߫ ߟߋ߬ ߘߌ߫ ߞߎߘߊ ߟߎ߫ ߡߊ߬، ߞߊ߬ߦߌ߯ ߓߊ߲߬ ߞߍ߫ ߘߊ߫ ߗߋߕߌ߯ߓߊ ߢߍߡߐ߮ ߕߌߗߊߡ ߕߌߗߑߡߎ ߟߊ߫ ߡߊ߬ߡߌ߬ߘߊ߬ߟߌ ߡߵߊ߬ ߞߊ߬ߣߎ߲߬ߓߊ߮ ߟߎ߬ ߢߣߊ߫߸ ߖ߭ߊ߲ ߟߎߥߌߛ ߓߌߟߐ߲߫ ߞߵߊ߬ ߟߊߢߌߣߌ߲߫ ߌߞߘߐ߫ ߞߊ߬ ߦߟߍ߬ߡߊ߲ ߠߊߘߏ߲߬ ߞߏ ߟߎ߬ ߘߐ߫߸ ߊ߬ ߓߊ߲߫ ߘߊ߫ ߟߋ߬ ߞߊ߬ ߟߊߤߘߌ ߕߊ߬߸ ߞߏ߫ ߜߋ߲ߞߐ߰ߖߌ߬ߘߊ ߓߍߣߊ߬ ߞߍ߫ ߖߡߊ߬ߣߊ ߟߋ߬ ߘߌ߫.
ߡߍ߲ ߦߋ߫ ߖߐ ߣߌ߫ ߥߙߎߞߌ ߖߡߊ߬ߣߊ ߘߌ߫߸ ߊ߬ ߖߌ߱ ߦߴߊ߬ ߞߊ߲߬ ߠߋ߬ ߝߣߊ߫߸ ߞߏ߫ ߊ߬ ߓߍߣߊ߬ ߛߎߘߊ߲߫ ߠߋ߬ ߢߣߊߕߊߟߌ ߞߎ߲߬ߝߟߐ ߘߐ߫.
