ߊ߬ ߛߎߥߊ߲ߘߌ߫ ߘߊ߫ ߡ.ߟ.ߛ.ߟ.ߟ.ߟ (ߎ߳ߣߍߛߑߞߏ) ߟߥߊ߬ߟߌ߬ߟߌ߬ ߛߓߍߘߊ ߟߋ߬ ߓߟߏ߫ ߞߎߣߎ߲߬ ߞߐ߬ߓߊ߬ߟߏ߲ ߡߊ߬߸ ߂߀߂߅ ߞߏ߲ߓߌߕߌ߮ ߕߟߋ߬ ߆ ߞߵߊ߬ ߞߍ߫ ߝߘߏ߬ߓߊ߬ ߗߋߕߌ߮ ߘߌ߫، ߊ߬ߟߋ ߟߋ߬ ߞߍߕߐ߫ ߛߌ߲߬ߝߏ߲߬ߘߊ ߡߊߡߙߊ߬ ߟߊ߫ ߛߊ߲߬ ߣߊ߯ߣߌ߲߫ ߣߊ߬ߕߐ ߣߌ߲߬ ߞߣߐ߫߸ ߊ߬ ߣߌ߫ ߞߏ߲ߞߏ߫ ߘߎ߰ߘߋ߲ ߝߌߙߑߡߌ߲߫ ߋߘߎߥߊߙߘ ߡߊߕߏߞߏ߫ ߟߋ߬ ߕߘߍ߬ ߦߋ߫ ߛߊ߲ߞߊߢߐ߲߯ߦߊ ߟߊ߫ ߟߐ߬ߘߎ߮ ߣߌ߲߬ ߝߍ߬.
ߓߊ߬ߙߌ߫߸ ߞߊߟߍߘ ߍ߬ߟߑߣߊ߬ߣߌ ߟߋ߬ ߞߊ߬ ߟߐ߬ߘߎ߮ ߣߌ߲߬ ߕߊ߬߸ ߟߐ߬ߘߎ߮ ߡߊߛߐ߬ߘߐ߲ ߞߐ ߊ߬ ߓߟߏ߫߸ ߊ߬ ߞߊ߬ ߞߎߡߊ߫ ߡߍ߲ ߝߐ߫ ߏ߬ ߟߋ߬ ߕߋ߲߬<<ߒ ߓߍߣߊ߬ ߞߎߡߊߢߐ߲߯ߦߊ ߘߏ߫ ߞߍ߫ ߎ߳ߣߍߛߑߞߏ߫ ߟߊ߬ߛߌ߰ߘߋ߲ ߠߎ߬ ߦߋ߫߸ ߞߊ߬ ߝߊ߲߬ߝߘߊ ߘߏ߫ ߟߎ߫ ߛߌ߰ ߛߋ߲߬ ߠߊ߫߸ ߏ߬ ߘߏ߫ ߟߋ߬ ߦߋ߫ ߝߍ߬ߙߍ ߛߐ߬ߘߐ߲ ߘߌ߫ ߎ߳ߣߍߛߑߞߏ߫ ߟߊ߫ ߣߊ߲߬ߝߟߏ ߘߐ߯ߦߊߟߌ ߟߊ߫߸ ߊ߬ ߣߌ߫ ߎ߳ߣߍߛߑߞߏ߫ ߦߋ߫ ߛߋ߫ ߓߊ߯ߙߊ߫ ߟߊ߫ ߞߣߍ ߞߊ߲߬߸ ߓߊߏ߬߸ ߊ߬ ߦߋ߫ ߝߐ߫ ߟߊ߫ ߟߋ߬ ߕߎ߬ߡߊ߬ ߛߌߦߊߡߊ߲߫ ߞߏ߫ ߕߐ߲ ߣߌ߲߬ ߠߊ߫ ߓߊ߯ߙߊ ߦߋ߫ ߘߊ߲߬ ߠߴߊ߬ ߟߊ߫ ߛߌ߲߬ߝߏ߲߬ߘߊ ߟߋ߬ ߘߐߙߐ߲߫ ߡߊ߬.
ߞߴߏ߬ ߘߏ߲߬ ߦߋ߫ ߓߘߍ߬ߓߘߍ߬ߟߌ ߟߋ߬ ߘߌ߫>> ߊ߬ ߟߊ߫ ߢߍߡߐ߯ߦߊ ߢߌߣߌ߲߫ ߕߎߡߊ ߟߊ߫߸ ߊ߬ ߞߊ߬ ߘߍ߬ߡߍ߲߫ ߘߏ߫ ߛߐ߬ߘߐ߲߬ ߖߡߊ߬ߣߊ ߘߏ߫ ߟߎ߫ ߝߍ߬߸ ߓߙߋߖ߭ߌߟ߸ ߊߙߊߓߎ߫ ߖߡߊߣߊ ߘߏ߫ ߟߎ߫…. ߡߊ߲߬ߕߏ߲߬ ߠߊߘߍ߬ߣߍ߲ ߢߍߡߐ߮ ߞߎߘߊ ߞߊߟߍߘ ߍ߬ߟߑߣߊ߬ߣߌ ߦߋ߫ ߋߗ߭ߎߕߑߔ ߖߡߊ߬ߣߊ߬ߘߋ߲ ߠߋ߬ ߘߌ߫߸ ߊ߬ ߞߊ߬ ߓߊ߯ߙߊ߫ ߛߌߦߊߡߊ߲߫ ߠߋ߬ ߞߍ߫ ߊ߬ ߟߊ߫ ߖߡߊ߬ߣߊ ߦߋ߫ ߛߋߞߏߦߊ ߣߌ߫ ߥߙߎߞߌ ߛߌߟߊ ߝߍ߬߸ ߊ߬ߟߋ ߟߋ߬ ߞߏ߬ߣߌ߲ ߓߍߣߊ߬ ߞߍ߫ ߝߘߊ߬ߝߌ߲߬ߠߊ߫ ߖߡߊ߬ߣߊ߬ߘߋ߲߬ ߝߌߟߊߣߊ߲ ߘߌ߫.
ߡߍ߲ ߞߊ߬ ߕߐ߲ ߣߌ߲߬ ߞߊ߲ߕߌ߯ߦߊ ߛߐ߬ߘߐ߲߬߸ ߛߣߍߜ߭ߊߟߌ߬ ߖߡߊ߬ߣߊ߬ߘߋ߲ ߊߡߊߕߎ߫ ߡߊߕߊ߯ߙ ߕߊ߯ߣߍ߲ ߞߐߝߍ߬ ߞߊ߬ߣߌ߲߬߸ ߊ߬ߟߋ ߡߍ߲ ߞߊ߬ ߞߊ߲ߕߌ߯ߦߊ ߞߍ߫ ߁߉߇߄ ߠߊ߫߸ ߞߵߊ߬ ߛߌ߰ ߁߉߈߇ ߝߊ߲߭ߝߍ߬߸ ߎ߳ߣߍߛߑߞߏ ߞߘߐ ߟߋ߬ ߞߏ߫: (ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߛߌ߲߬ߝߏ߲߬ߧߊ߬ߟߌ ߟߊ߬ߞߟߏ߬ߞߟߏ߬ߟߌ ߣߌ߫ ߟߐ߲ߞߏ ߣߌ߫ ߟߊ߬ߞߎ߬ߣߎ߲߬ߠߌ߲ ߞߊ߲ߡߊ߬).
