ߡߊ߬ߟߌ ߞߣߐ߫߸ ߛߛߞ ߓߊ߰ߓߊ߰ߟߌ߬ ߞߙߎ ߟߎ߬ ߓߘߊ߫ ߓߋ߬ߒ߬ߞߊ߲߬ߠߌ߲߬ ߛߌߦߊߡߊ߲߫ ߠߋ߬ ߞߍ߫ ߞߵߊ߬ ߢߍߛߌ߲߫ ߡߊ߬ߟߌ ߣߊ߲߬ߕߌ߮ ߟߎ߫ ߡߊ߬߸ ߊ߬ߟߎ߬ ߟߊ߫ ߓߌ߬ ߞߐ߬ߓߊ߬ߟߏ߲ ߓߋ߬ߒ߬ߞߊ߲߬ߠߌ߲ ߠߎ߬ ߞߍ߫ ߘߊ߫ ߛߋߜ߭ߎ߫ ߡߊ߬ߙߊ ߟߋ߬ ߞߣߐ߫߸ ߛߌ߬ߞߊߛߏ߬ ߥߟߊ߫ ߕߏߡߑߓߎߞߑߕߎ߫߸ ߘߎ߰ߘߋ߲߬ ߛߌߦߊߡߊ߲߫ ߠߋ߬ ߘߌߦߊߜߏߦߊ߫ ߡߌ߬ߣߊ߫ ߘߊ߫ ߞߎ߲߬ߢߐ߲߮ ߕߊ߬ߡߌ߲߬ߣߍ߲ ߢߌ߲߬ ߠߎ߫ ߡߊ߬߸ ߞߊ߬ ߖߋ߬ߣߌ߲߬ߕߊ߬ ߡߊߘߏ߲ߠߌ߲߫ ߞߐ߲ߛߏ߫ ߛߌߦߊߡߊ߲߫ ߖߋ߬ߣߌ߲߬߸ ߛߋߜ߭ߎ߫ ߣߌ߫ ߛߌߞߊߛߏ߬ ߕߍߟߊ ߘߐ߫߸ ߓߋ߬ߒ߬ߞߊ߲߬ߠߌ߲ ߛߌߦߊߦߊ ߞߏߛߐ߲߬.
ߏ߬ ߓߟߏߡߊ߬߸ ߣߊ߲߬ߕߌ߮ ߟߎ߬ ߟߋ߬ ߝߣߊ߫ ߞߊ߬ ߟߊ߬ߞߊ߲߬ߘߊ߬ߟߌ ߓߊ߯ߙߊ ߛߌߟߊ ߘߏ߫ ߟߎ߫ ߛߌ߰ ߛߋ߲߬ ߠߊ߫߸ ߏ߬ ߟߎ߬ ߟߊ߫ ߟߊ߬ߞߊ߲߬ߘߊ߬ߟߌ ߏ߬ ߛߌߟߊ ߟߋ߬ ߝߍ߬߸ ߣߊ߲߬ߒ߬ߕߊ߲߬ ߃߀ ߢߐ߲߰ ߓߐ߬ߣߐ߫ ߘߴߊ߬ ߣߌ ߘߐ߫ ߞߊߡߌߣߊ߫-ߔߐ߲ߕ ߘߎ߱ ߟߊ߫߸ ߛߙߋ ߘߏ߫ ߞߵߊ߬ ߦߌ߬ߘߊߞߵߊ߲ ߠߊ߫ ߞߏ߫ ߣߊ߲߬ߕߌ߯ ߘߏ߲ߛߏ ߟߎ߬ ߣߊ߬ ߘߊ߫ ߞߊߡߌߣߊ߫ ߘߎ߱ ߟߊ߫ ߓߌߟߏ߲ ߕߊ߬ߡߌ߲߬ߣߍ߲ ߛߐ߰ߡߊ߬ߘߊ ߟߋ߬ ߟߊ߫߸ ߊ߬ߟߎ߬ ߛߋ ߞߐ ߦߋ߲߬߸ ߘߎ߰ߘߋ߲ ߘߏ߫ ߟߎ߫ ߞߵߊ߬ߟߎ߫ ߓߏ߬ߙߌ߫ ߟߋ߬߸ ߒ߬ߓߊ߬߸ ߡߍ߲ ߠߎ߬ ߡߊ߫ ߛߴߊ߬ߟߎ߫ ߖߘߍ߬ ߢߌߣߌ߲߫ ߠߊ߫ ߏ߬ߘߌ߫ ߗߐ߫.
ߊ߬ߟߎ߬ ߛߋ߫ ߘߊ߫ ߞߊ߬ ߏ߬ ߟߎ߫ ߟߋ߬ ߝߊ߰ ߊ߬ߟߎ߬ ߟߊ߫ ߟߊ߬ߞߊ߲߬ߘߊ߬ߟߌ ߛߋ߲߭ߝߍ߬߸ ߏ߬ ߞߐ߫ ߞߵߊ߬ߟߎ߬ ߞߐߞߘߎ߬߸ ߊ߬ߟߎ߬ ߕߊ߯ߣߍ߲ ߞߐ ߘߐ߫߸ ߣߊ߲߬ߒ߬ߕߊ߲ ߘߏ߫ ߟߊ߫ ߝߐߟߌ߫ ߘߐ߫߸ ߊ߬ߟߎ߬ ߛߋ߫ ߘߊ߫ ߞߊ߬ ߛߎ߭ ߂߈ ߠߋ߬ ߛߕߎ߬ߙߊ߬ ߛߌ߬ߣߌ߲߬ߟߏ߲ ߡߊ߬߸ ߝߊ߰ߟߌ ߘߎ߰ߛߊ߬ߜߍ ߟߊ߫، ߞߍ߲ߘߍߟߏ߲ ߕߊ߬ߡߌ߲߬ߣߍ߲ ߝߣߊ߫ ߡߊ߬߸ ߡߐ߰ ߆ ߟߋ߬ ߝߊ߰ ߘߊ߫ ߘߏߞߊߓߎߜ߭ߎ߫ ߛߌߟߊ ߞߊ߲߬߸ ߘߎ߰ߘߋ߲ ߠߎ߬ ߘߏ߲߬ ߞߊ߬ ߣߊ߲߬ߕߌ߮ ߟߎ߬ ߟߋ߬ ߡߊߝߌ߲߬ ߞߏߢߊ߫ ߏ߬ ߝߣߊ߫ ߘߐ߫߸ ߝߊ߰ߓߊ߰ߕߐ߫ ߏ߬ ߟߎ߫ ߞߏ߬ߣߌ߲ ߖߊ߬ߕߋ߬ߦߊ߬ ߟߐ߲ߣߍ߲߫ ߕߍ߫ ߝߟߐ߫.
ߛߙߋ ߘߏ߫ ߞߏ߬ߣߌ߲ ߟߊ߫ ߝߐߟߌ߫ ߘߐ߫߸ ߡߐ߰ ߃߀ ߣߌ߫ ߞߐ߫ ߟߋ߬ ߦߋ߫ ߖߊ߬ߕߋ߬ ߟߊ߫߸ ߡߊ߬ߟߌ ߞߟߍ߬ߓߟߏ ߡߍ߲ ߠߎ߬ ߡߊߝߌ߲߬ߣߍ߲߫ ߞߏߢߊ߫ ߢߌ߲߬ ߠߎ߬ ߘߐ߫߸ ߊ߬ߟߎ ߞߏ߬ߣߌ߲ ߡߊ߫ ߝߋ߲߫ ߝߐ߫ ߊ߬ ߞߊ߲߬ ߝߟߐ߫߸ ߣߊ߲߬ߕߌ߮ ߟߎ߬ ߟߊ߫ ߞߏߢߊ ߣߌ߲߬ ߞߍ߫ ߘߊ߫ ߓߋ߬ߒ߬ߞߊ߲߬ߠߌ߲ ߛߌߦߊߦߊ ߟߋ߬ ߞߐߝߍ߬.
