ߤߖߌ ߣߌ߫ ߎߡߎߙߊ ߞߏߕߌ߯ߘߊ ߡߍ߲ ߦߋ߫ ߛߎ߰ߘߎ߬ߟߊ߫߸ ߏ߬ ߓߘߴߊ߬ ߦߌ߬ߘߊ߬ ߞߏ߫ ߘߌ߬ߢߍ߬ߡߊ߬ߛߓߍ ߦߋ߫ ߡߍ߲ ߠߎ߬ ߓߟߏ߫߸ ߊ߬ ߞߍ߫ ߘߊ߫ ߘߌ߬ߢߍ߬ߡߊ߬ߛߓߍ ߛߎ߯ߦߊ߫ ߛߌ߫ ߘߌ߫߸ ߌ ߘߌ߫ ߛߋ߫ ߎߡߎߙߊ ߞߍ߫ ߟߊ߫ ߊߙߊߓߌ߫ ߛߊߥߎߘߌߕ ߞߣߐ߫߸ ߣߊߟߌ߬ߡߎ߲߫ ߤߖߌ ߘߐ߰ߡߊ߲߬ߣߍ߲ ߘߌ߫.
ߞߏߕߌ߯ߘߊ ߞߵߊ߬ ߔߘߋߔߘߋߟߊߕߍ߰ ߝߣߊ߫߸ ߞߏ߫ ߊ߬ߟߎ߬ ߞߊ߲߫ ߘߌ߬ߢߍ߬ߡߊ߬ߛߓߍ ߡߍ߲ ߠߎ߬ ߡߊ߬߸ ߞߐߙߍ ߟߎ߬ ߟߊ߫ ߓߐߒߡߊߟߌ ߕߊ ߓߊ߬߸ ߘߎ߲߬ߘߎ߬ߡߊ߬ߕߊ ߓߊ߬߸ ߞߎ߲ߝߊߓߐߟߌ ߘߌ߬ߢߍ߬ߡߊ߬ߛߓߍ߬ ߢߎߡߍߙߋ߲ߡߊ ߓߊ߬߸ ߡߊ߬ߘߏ߬ߣߌ߲߬ߠߌ߲߬ ߘߌߢߍߡߊߛߓߍ ߓߊ߬߸ ߊ߬ ߣߌ߫ ߓߊ߯ߙߊ ߕߊ ߟߎ߬ ߣߌ߫ ߛߎ߯ߦߊ ߕߐ߬ߡߊ ߓߍ߯߸ ߌ ߘߌ߫ ߛߋ߫ ߤߖߌ ߘߐ߰ߡߊ߲߬ߣߍ߲ ߞߍ߫ ߟߴߊ߬ ߟߊ߫، ߊ߬ ߞߵߊ߬ ߝߐ߫ ߝߣߊ߫ ߞߏ߫ ߡߊ߲߬ߛߊ߬ߟߊ ߣߵߏ߬ ߟߊߥߟߌ߬ ߟߊ߫ ߛߌ߬ߟߊ߬ߡߊ ߟߎ߬ ߟߊ߫ ߘߏ߲߬ߠߌ߲ ߠߊߣߐ߰ߦߊ ߟߋ߬ ߡߊ߬߸ ߌ ߓߐ߫ ߘߊ߫ ߘߎߢߊ߫ ߝߊ߲߬ ߛߌ߫ ߘߐ߫ ߞߊ߬ ߣߊ߬ ߎߡߎߙߊ ߞߍ߫ ߞߊ߲ߡߊ߬߸ ߛߴߌ ߘߌ߫ ߛߴߊ߬ ߞߍ߫ ߟߊ߫ ߣߐ߰ߦߊ ߘߐ߫߸ ߣߌ߫ ߖߛߎ߬ߡߊ߬ߞߛߊ߫ ߕߍ߫.
ߞߊ߬ߕߎ߲߯߸ ߞߏߕߌ߯ߘߊ ߦߴߊ߬ ߝߍ߬ ߟߋ߬ ߝߣߊ߫߸ ߤߖߌߟߊ ߟߎ߬ ߝߣߊ߫ ߕߊ߫ ߞߏ ߟߎ߬ ߦߋ߫ ߟߊߣߐ߰ߦߊ߫ ߕߋ߲߬߸ ߖߐ߲߰ߛߊ߫ ߦߊ߬ߣߌ߫ ߂߀߃߀ ߕߍ߫߸ ߤߖߌߟߊ ߟߎ߬ ߦߋ߫ ߛߋ߫ ߛߌߦߊߦߊ߫ ߟߊ߫ ߓߘߍߞߍ߭߸ ߞߊ߬ ߤߖߌ ߣߌ߫ ߎߡߎߙߊ ߓߊ߯ߙߊߞߍߟߊ ߟߎ߬ ߝߣߊ߫ ߟߊ߫ ߓߊ߯ߙߊ ߞߣߐ ߟߊߥߙߊ߬.
ߞߏߕߌ߯ߘߊ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߊ߬ߟߎ߬ ߓߘߊ߫ ߦߙߐ ߘߏ߫ ߟߊߘߊ߲߫ ߓߟߐߟߐ ߞߊ߲߬߸ ߡߍ߲ ߕߐ߯ ߞߏ߫ ߣߛߎߞ ߎߡߑߙߊ߸ ߏ߬ ߟߊߘߊ߲ߣߍ߲߫ ߡߐ߰ ߟߎ߫ ߟߋ߬ ߦߋ߫߸ ߡߍ߲ ߠߎ߬ ߦߴߊ߬ ߝߍ߬ ߞߊ߬ ߎߡߎߙߊ ߞߍ߫ ߒߕߟߋߡߊ߬، ߊ߬ߟߎ߬ ߟߊ߫ ߢߍߥߟߊ ߏ߬ ߞߣߐ߫ ߘߏ߲ߠߌ߲ ߘߏ߲߬ ߣߐ߰ߡߊ߲߫ ߠߋ߬ ߓߊ߬ߕߏ߬ߞߍ߬ߟߊ ߟߎ߫ ߡߊ߬ ߝߛߊߦߌ߫߸ ߊ߬ߟߎ߬ ߘߌ߫ ߛߴߊ߬ߟߎ߬ ߟߊ߫ ߎߡߎߙߊ ߘߌ߬ߢߍ߬ߛߓߍ߬ ߢߎߡߍߙߋ߲ߡߊ ߡߊߛߐ߬ߘߐ߲߬ ߠߊ߫ ߦߋ߲߬ ߌߞߘߐ߫، ߏ߬ ߞߎ߲߭ ߠߵߊ߬ߟߎ߬ ߓߟߏ߫߸ ߛߊ߫ ߎߡߎߙߊ ߞߍ߫ ߟߐ߮ ߦߋ߫ ߡߍ߲ ߠߎ߬ ߟߊ߫߸ ߏ߬ ߟߎ߬ ߦߋ߫ ߛߴߊ߬ߟߎ߬ ߟߊ߫ ߢߍߥߟߊ ߓߍ߯ ߕߊ߬ ߟߴߊ߬ߟߎ߫ ߖߘߍ߬ ߦߋ߫ ߣߐ߰ߦߊ ߘߝߊߣߍ߲ ߘߐ߫.
ߞߏߕߌ߯ߘߊ ߞߵߊ߬ ߟߊߛߋ߫ ߟߊ߬ߛߋ߬ߟߌ ߘߏ߫ ߘߐ߫ ߞߏ߫: <<ߞߎ߲߬ߠߊ߬ߛߌ߮ ߦߴߊ߬ ߝߍ߬ ߟߋ߬߸ ߡߊ߲߬ߛߊ߫ ߛߊ߬ߟߑߡߊߣ ߓߊ߬߸ ߊ߬ ߣߌ߫ ߡߊ߲߬ߛߊ߬ߘߋ߲ ߡߍ߲ ߦߋ߫ ߞߏߕߌ߯ ߝߟߐ ߘߌ߫߸ ߡߎ߬ߤߊ߲ߡߊߘ ߓߎ߬ߣ ߛߊߟߑߡߊߣ߸ ߏ߬ ߟߎ߬ ߦߴߊ߬ ߝߍ߬ ߟߋ߬ ߡߍ߲ ߠߎ߬ ߦߋ߫ ߣߊ߬ ߟߊ߫ ߡߌ߬ߛߙߌ߬ ߛߊߣߌ߲ߡߊ߲߫ ߝߌ߬ߟߊ ߞߎ߲ߝߊ߲ߓߐ߫ ߞߊ߲ߡߊ߬߸ ߘߍ߲߬ߞߣߍ߬ߦߊ߬ߓߊ߮ ߓߍ߯ ߦߋ߫ ߛߋ߫ ߡߌ߬ߛߙߌ ߏ߬ ߟߎ߬ ߟߊߛߐ߬ߘߐ߲߬ ߠߊ߫ ߞߵߊ߬ߟߎ߬ ߟߊ߫ ߓߊ߬ߕߏ ߞߍ߫ ߣߐ߰ߦߊ ߘߝߊߣߍ߲ ߘߐ߫، ߓߊߏ߬߸ ߊ߬ ߓߍ߯ ߟߊߘߍ߬ߣߍ߲ ߦߋ߫ ߊߟߊ߫ ߟߊ߫ ߡߐ߰ ߡߊߞߟߌߣߍ߲ ߠߎ߬ ߟߋ߬ ߘߌ߫߸ ߛߴߊ߬ߟߎ߬ ߟߊ߫ ߓߊ߬ߕߏ ߓߊ߯ߙߊ ߟߎ߬ ߘߌ߫ ߣߐ߰ߦߴߊ߬ߟߎ߫ ߡߊ߬.>> ߞߏߕߌ߯ߘߊ ߞߵߏ߬ ߟߋ ߝߐ߫ ߟߊ߬ߛߋ߬ߟߌ߬ ߛߓߍ ߣߌ߲߬ ߞߣߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
