ߛߣߍ߬ߜ߭ߊߟߌ߫ ߖߡߊ߬ߣߊ ߞߊ߲߬߸ ߓߊߞߍߟ ߡߊ߬ߙߊ ߞߣߐ߫߸ ߡߊ߬ߣߊ߲߬ߕߊߟߌ߫ ߓߊߝߌ߲ ߞߊ߲ߠߊߓߌ߬ߟߊ ߓߘߊ߫ ߞߍ߫ ߕߎ߬ߙߎ߫ ߘߌ߫ ߞߊ߬ ߖߐ߬ߘߐ ߟߊߛߋ߫ ߘߎ߰ ߟߏ߯ߟߎ߫ ߟߋ߬ ߡߊ߬߸ ߊ߬ ߣߌ߫ ߞߊ߬ ߞߐߙߍ߫ ߁߇߈ ߟߐ߬ ߊ߬ߟߎ߫ ߘߌ߲߬ߞߌߙߊ ߓߌ߬ߟߊ߬ ߟߊ߫߸ ߓߊߟߎ߫ ߘߎ߱ ߦߋ߫ ߏ߬ ߟߎ߬ ߘߐ߫߸ ߖߌ ߓߘߊ߫ ߓߎ߰ߘߊ߫ ߛߌߦߊߡߊ߲߫ ߠߋ߬ ߝߣߊ߫ ߡߌ߬ߣߊ߬߸ ߊ߬ ߣߌ߫ ߞߊ߬ ߘߎ߰ ߛߌߦߊߡߊ߲߫ ߓߌ߬ߟߊ߬ ߖߐ߬ߘߐ ߘߐ߫߸ ߞߊ߬ߛߙߊ߬ߕߐ߫ ߦߙߌߞߊ߫ ߟߋ߬ ߞߵߊ߬ߟߎ߬ ߟߊ߫ ߘߎ߱ ߓߌ߬ߟߊ߬ ߞߊ߬ ߕߊ߯ ߛߌ߰ ߦߋ߲߬ ߘߊ߲ߘߊߛߏ ߣߴߊ߬ ߞߊ߬ߙߊ߲߬ߕߊ ߟߎ߬ ߟߊ߫.
ߖߐ߲߰ߛߊ߫ ߕߊ߯ߣߌ߲ߞߊߛߋߦߌ߲ ߘߌ߫ ߣߐ߰ߦߴߊ߬ߟߎ߫ ߡߊ߬߸ ߓߊߟߎ߫ ߘߎ߰ߘߋ߲ ߠߎ߬ ߦߋ߫ ߞߎߟߎ߲ ߠߋ߬ ߕߊ߬ ߟߊ߫ ߟߋ߬ ߕߋ߲߬ ߘߌߦߊߜߏߦߊ ߓߟߏߡߊ߬߸ ߓߊߟߎ߫ ߘߎ߰ߘߋ߲ ߘߏ߫ ߟߊ߫ ߛߙߋߦߊ߫ ߘߐ߫ ߣߴߊ߬ ߦߋ߫ ߎߛߑߡߊ߯ߣ ߖߊߥߙߊ߫ ߘߌ߫߸ <<ߝߘߏ߬ ߛߌߦߊߡߊ߲߫ ߠߋ߬ ߕߌߢߍ߫ ߘߊ߫ ߞߵߊ߬ ߛߊߓߎ ߞߍ߫ ߖߌ ߘߌ߫߸ ߕߌߢߍߟߌ߫ ߛߌߦߊߡߊ߲߫ ߠߋ߬ ߞߍ߫ ߘߊ߫ ߓߊߞߐߣߐ߲ߘߊ߫، ߊ߬ ߣߌ߫ ߞߊ߬ ߘߎ߰ ߛߌߦߊߡߊ߲߫ ߝߣߊ߫ ߕߌߢߍ߫߸ ߒߠߋ ߖߍ߬ߘߍ ߝߣߊ߫ ߓߐߣߍ߲߫ ߠߋ߬ ߕߋ߲߬ ߞߊ߬ ߕߊ߯ ߘߊ߲ߘߊߛߏ ߟߊ߫.
ߣߴߌ ߘߏ߲߬ ߦߴߊ߬ ߝߍ߬ ߞߊ߬ ߘߊ߲ߘߊߛߏ߫ ߣߌ߲߬ ߝߣߊ߫ ߡߊߛߐ߬ߘߐ߲߬߸ ߝߏ߫ ߌ ߦߋ߫ ߞߎߟߎ߲ ߠߋ߬ ߕߊ߬>> ߖߌ ߝߊ߲߬ߞߊ ߓߏ߲߬ߧߊ ߞߏߛߐ߲߬߸ ߊ߬ߟߎ߫ ߞߊ߬ ߖߌ߫ ߓߏߙߌ߫ ߛߌߟߊ ߟߎ߬ ߟߋ߬ ߟߊߞߊ߬߸ ߖߐ߲߰ߛߊ߫ ߖߌ ߘߴߊ߬ߟߎ߬ ߟߊ߫ ߓߏ߲߫ ߞߣߐߟߊ ߟߎ߬ ߡߊߕߊ߲߬ߞߊ߫.
