ߌߛߌ߬ߙߊ߬ߌߟߊ߫ ߞߏߕߌ߯ ߝߟߐ ߓߍ߲ߖ߭ߊߡߍ߲߫ ߣߋߕߊߣߌߦߊߤߎ߫ ߓߘߴߊ߬ ߟߊ߫ ߘߍ߬ߡߍ߲߬ߠߌ߲ ߓߍ߲߬ߛߋ߲߬ߡߊ ߘߌ߫ ߕߐߙߐ߲ߔ ߡߊ߬߸ ߖߐ ߟߊߘߏ߲߬ ߞߏ ߘߐ߫ ߜ߭ߊ߯ߖ߭ߊ߫߸ ߏ߬ ߦߴߊߙߊߓߎ߫ ߖߡߊߣߊ߫ ߛߋߦߌ߲߫ ߣߌ߫ ߛߌ߬ߟߡߊ߬ ߖߡߊߣߊ ߟߎ߫ ߟߋ߬ ߘߌ߫، ߔߊߛߑߕߌߣ ߞߎ߲߬ߠߊ߬ߛߌ߮ ߓߘߊ߫ ߝߏ߬ߟߌ ߟߊߛߋ߫ ߊߡߋߙߌߞߌ߬ ߞߊ߲ߕߌ߮ ߡߊ߬߸ ߊ߬ ߟߊ߫ ߘߐ߬ߖߊ ߞߏߛߐ߲߬، ߞߵߊ߬ ߕߘߍ߬ ߤߡߊߛߌ߬ ߡߊ߫ ߖߋ߬ߓߌ߬ߟߌ߫ ߞߍ߫ ߡߎߣߎ߲߬.
ߘߏߣߊߟ ߕߐߙߐ߲ߔ ߞߊ߬ ߘߍ߬ߡߍ߲߬ߠߌ߲ ߓߍ߲߬ߛߋ߲߬ߡߊ ߛߐ߬ߘߐ߲߬ ߞߐ߬ߓߊ߬ߟߏ߲ ߕߎߟߊߝߌ߲ ߕߋ߬ߟߋ߫ ߂߉ ߡߊ߬߸ ߞߊ߬ ߝߘߊ߫ ߓߍ߲ߖ߭ߊߡߍ߲߫ ߣߋߕߊߣߌߦߊߤߎ߫ ߟߊ߫ ߖߐ ߟߊߘߏ߲߬ ߞߏ ߘߐ߫ ߜ߭ߊ߯ߖ߭ߊ߫، ߌߛߌ߬ߙߊ߬ߌߟߊ߫ ߞߏߕߌ߯ ߝߟߐ ߞߏ߬ߣߌ߲ ߞߵߊ߬ ߦߟߌߛߌ߰ ߊ߬ ߟߊ߫ ߞߍ߬ߟߍ ߓߊ߯ߙߊ ߞߎ߲߬ߘߏ߲ ߠߊ߫ ߣߌ߫ ߤߡߊߛߌ߬ ߞߵߊ߬ ߓߊ߲߬ ߞߎ߲߬ߦߌ߬ߘߊ߬ߟߌ ߟߎ߫ ߡߊ߬ ߥߟߊ߫ ߊ߬ ߦߋ߫ ߛߊ߬ߙߌ߬ߦߊ ߞߊ߲ߞߊߘߌ߫.
ߊߡߋߙߌߞߌ߬ ߞߊ߲ߕߌ߮ ߞߎߡߊ߫ ߫ ߘߊ߫ ߟߋ߬ ߞߎߣߎ߲߬ ߞߐ߬ߓߊ߬ߟߏ߲ ߡߊ߬߸ ߦߏ߫ ߏ߬ ߟߋ ߦߋ߫ ߛߏߡߐ߯ߦߊ ߟߏ߲ ߠߎ߬ ߘߐ߫ ߢߌ߬ߡߊ ߘߌ߫، ߊ߬ ߞߵߊ߬ ߝߐ߫ ߊ߬ ߟߊ߫ ߞߎߡߊ ߘߐ߫ ߞߏ߫ ߊ߬ ߦߟߌ߫߫ ߦߋ߫ ߤߡߊߛߌ߬ ߟߊ߫ ߖߋ߬ߓߟߌ߬ ߞߍ߲ߘߍߞߍ߲ߘߍ ߡߊ߬، ߏ߬ ߝߐ߫ ߘߊ߫ ߟߊ߬ߥߊ߲߬ߞߊ߲߬ߠߌ߲߫ ߠߋ߬ ߘߐ߫ ߊ߬ ߓߟߏ߫߸ ߡߍ߲ ߞߍ߫ ߘߊ߫ ߓߍ߲ߖ߭ߊߡߍ߲߫ ߣߋߕߊߣߌߦߊߤߎ߫ ߘߊߝߍ߬.
ߏ߬ ߟߋ ߞߐߝߍ߬ ߛߊ߫߫߸ ߞߊߕߊ߯ߙ ߣߌ߫ ߋߖ߭ߌߔߕ ߕߍߝߐߟߊ ߟߎ߬ ߞߵߊ߬ ߟߊߛߋ߫߸ ߞߏ߫ ߊ߬ߟߎ߬ ߓߘߊ߫ ߊߡߋߙߌߞߌ߬ ߟߊ߫ ߟߥߊ߬ߟߌ߬ߟߌ߬ ߛߓߍߣߍ߲ ߘߐ߬ߛߙߋ ߡߊߛߐ߬ߘߐ߲߬ ߤߡߊߛߌ߬ ߞߎߡߊߞߍߟߊ ߟߎ߬ ߦߋ߫، ߞߵߊ߬ ߕߘߍ߬ ߊߙߊߓߎ߫ ߖߡߊߣߊ߫ ߛߋߦߌ߲ ߠߋ߬ ߓߍ߫߸ ߣߴߊ߬ ߦߋ߫ ߛߌ߬ߟߡߊ߬ ߖߡߊߣߊ ߟߎ߬ ߘߌ߫، ߏ߬ ߘߏ߫ ߟߎ߫ ߦߋ߫ ߝߏ߬ߟߌ ߟߊߛߋ ߟߊ߫ ߕߐߙߐ߲ߔ ߡߊ߬߸ ߊ߬ ߟߊ߫ ߘߐ߬ߖߊ ߞߏߛߐ߲߬ ߞߣߐߜߍߦߊ ߟߊ߫ ߞߍ߬ߟߍ ߘߊߓߌ߬ߟߊ߬ ߞߏ ߘߐ߫، ߋߖ߭ߌߔߕ ߦߴߏ߬ ߘߐ߫߸ ߊߙߊߓߎߟߊ߫ ߛߎ߰ߘߎ߬ߟߊ߫ ߦߴߏ߬ ߘߐ߫߸ ߕߙߎߞߌ߫ ߣߌ߫߫߫ ߔߊߞߌߛߑߕߊ߲߫ ߝߣߊ߫ ߦߴߏ߬ ߘߐ߫.
ߊߡߋߙߌߞߌ߬ ߞߊ߲ߕߌ߮ ߣߌ߫ ߌߛߌ߬ߙߊ߬ߌߟߊ߫ ߡߙߊ߬ߓߊ߮ ߡߊ߫ ߝߐ߰ߓߍ߬ ߜߙߊ ߖߋ߬ߓߌ߬ ߦߏ߫ ߊ߬ ߞߊ߫ ߞߊ߲߫ ߢߊ ߡߍ߲، ߞߊ߬ߕߎ߲߯ ߕߐߙߐ߲ߔ ߞߵߊ߬ ߝߐ߫ ߟߋ߬ ߞߏ߫ ߊ߲ ߕߴߛߋ߫ ߢߌ߬ߣߌ߲߬ߞߊ߬ߟߌ ߓߍ߯ ߖߋ߬ߓߌ߬ ߟߊ߫ ߕߋ߲߬ ߡߎߣߎ߲߬߸ ߓߊߏ߬ ߸ ߊ߲ ߧߋ߫ ߖߡߊ߬ߣߊ߬ ߛߌߦߊߡߊ߲߫ ߠߋ߬ ߟߊ߫ ߞߟߊ߬ߣߐ ߡߊߞߐ߬ߣߐ߲ ߛߌ߱ ߘߐ߫߸ ߊ߬ ߣߴߊ߬ߟߎ߬ ߟߊ߫ ߕߊ߫ ߓߊ߯ߡߊ.
ߊ߬ ߓߍ߫ ߥߊ߯ߕߌߣߍ߲߫ ߓߐ߫߸ ߓߏ߲ߜߍ ߞߊ߬ ߟߊ߬ߢߌߣߌ߲߫ ߂߀ ߟߊߖߍ߲ߛߍ߲߫߸ ߡߍ߲ ߘߌ߫ ߞߍ߫ ߛߓߊߓߎ߫ ߘߌ߫ ߞߊ߬ ߘߊ߲߬ߛߌ߰ ߌߛߌ߬ߙߊ߬ߌ߯ߟߊ߫ ߣߌ߫ ߔߊߟߍߛߑߕߌߣ ߕߍ߫ ߞߟߍ ߟߊ߫، ߞߍ߬ߟߍ ߏ߬ ߡߍ߲ ߓߘߊ߫ ߕߏ߲ߓߏ߲ߠߌ߲߫ ߛߌߦߊߡߊ߲߫ ߞߍ߫ ߔߊߛߑߕߌߣ ߘߎ߰ߞߟߏ ߞߊ߲߬، ߏ߬ ߡߍ߲ ߘߊߡߌ߬ߣߊ߫ ߘߊ߫ ߤߡߊߛߌ߬ ߟߊ߫ ߓߋ߲߬ߒߞߊ߲߬ߠߌ߲ ߠߊ߫ ߞߏ߲ߓߌߕߌ߱ ߕߟߋ߬ ߇/ ߂߀߂߃ ߟߊ߫.
ߓߍ߲ߖ߭ߊߡߍ߲߫ ߣߋߕߊߣߌߦߊߤߎ߫ ߞߵߊ߬ ߝߐ߫ ߞߏ߫ ߒ ߛߐ߲߬ߣߍ߲߫ ߌ ߟߊ߫ ߝߊ߲߬ߝߘߊ ߡߊ߬ ߞߍ߬ߟߍ ߟߊߟߐ߬ ߞߏ ߘߐ߫ ߜ߭ߊ߯ߖ߭ߊ߫ ߞߊ߲ߡߊ߬، ߏ߬ ߡߍ߲ ߘߴߊ߬ ߞߍ߫ ߊ߲ ߘߌ߫ ߛߋ߫ ߞߍ߬ߟߍ ߣߌ߲߬ ߞߎ߲߬ߘߏ߲ ߡߊ߬ ߛߍߣߍ߲߬، ߣߌ߫ ߤߡߊߛߌ߬ ߞߏ߬ߣߌ߲߬ ߞߵߊ߬ ߓߊ߲߬ ߊߟߎ߫ ߟߊ߫ ߝߊ߲߬ߝߘߊ ߡߊ߬ ߛߟߊߕߌ߮ ߞߊ߲ߕߌ߮߸ ߥߟߴߊ߬ ߦߴߊ߬ ߟߊߡߌ߬ߣߊ߬ ߞߊ߬ ߓߊ߲߫ ߞߵߊ߬ ߞߎ߲߬ߡߊ߲߬ߘߌ߫، ߌߛߌ߬ߙߊ߬ߌߟߊ߫ ߘߴߊ߬ ߟߊ߫ ߓߊ߯ߙߊ ߟߊߓߊ߲߫ ߏ߬ ߘߐ߫ ߘߋ߬߸ ߞߊ߬ ߞߍ߬ߟߍ ߘߊߓߊ߲߫ ߞߊ߬ߣߌ߲߫، ߌߛߌ߬ߙߊ߬ߌߟߊ߫ ߞߏߕߌ߯ ߝߟߐ ߞߊ߬ ߞߎߡߊ ߏ߬ ߟߋ ߝߐ߫ ߞߵߊ߬ ߟߴߊ߬ ߟߊ߫ ߞߎߡߊ ߞߊ߲߬.
ߊߡߋߙߌߞߌ߬ ߞߊ߲ߕߌ߮ ߞߵߊ߬ ߝߐ߫ ߞߵߊ߬ ߟߊߕߍ߰ ߓߍ߲ߖ߭ߊߡߍ߲߫ ߣߋߕߊߣߌߦߊߤߎ߫ ߦߋ߫߸ ߞߏ߫ ߣߌ߫ ߤߡߊߛߌ߬ ߞߵߊ߬ ߓߊ߲߬ ߞߍ߬ߟߍ ߟߊߟߐ߬ ߝߊ߲ߝߘߊ ߣߌ߲߬ ߡߊ߬߸ ߞߏ߫ ߊ߬ ߘߍ߬ߡߍ߲߬ߠߌ߲ ߡߎ߰ߡߍ ߞߍ߫ ߊ߬ ߦߋ߫ ߜ߭ߊ߯ߖ߭ߊ߫ ߞߊ߲ߡߊ߬.
ߜ߭ߊ߯ߖ߭ߊ߫ ߦߙߐ߫ ߕߌߢߍߣߍ߲ ߘߐ߫߸ ߘߎ߰ߘߋ߲ ߠߎ߬ ߕߎ߲߬ ߦߋ߫ ߛߌߞߊ߫ ߟߊ߫. ߌߓߎ߬ߙߊ߬ߤߌߡ ߖߏߘߋ߫߸ ߕߟߋ߬ߓߊ߰ ߗߋ߬ߥߎ߬ߣߍ߲߬ߗߋߥߎ߫ ߛߊ߲߬ ߃߉߸ ߏ߬ ߞߵߊ߬ ߝߐ߫ ߞߏ߫ ߊ߬ ߘߐߞߣߍߣߍ߲߫ ߞߏ߫ ߝߊ߲߬ߝߘߊ ߣߌ߲߬ ߕߍ߫ ߕߎ߬ߢߊ߬ ߘߌ߫߸ ߊ߬ ߟߊߘߊ߲߫ ߘߊ߫ ߗߏ߯ߦߊ ߘߏ߫ ߟߋ߬ ߟߊ߫߸ ߊߡߋߙߌߞߌ߬ ߣߌ߫ ߌߛߌ߬ߙߊ߬ߌߟߊ߫ ߞߵߊ߬ ߟߐ߲߫ ߞߴߏ߬ ߕߍ߫ ߓߍ߲߬ ߤߊߡߊߛ ߓߟߏ߫.
ߞߙߊ߬ߞߐ߬ߞߊ߫ ߞߊ߬ߟߐ ߓߟߏ߫
