ߡߛߌߙߊ߲ߞߊ ߟߎ߬ ߦߋ߫ ߖߌ ߞߏ߬ߙߏ߲߬ߞߏ߬ߙߏ߲߬ߠߊ߫ ߗߌߙߏ߲ ߠߋ߬ ߘߌ߫ ߕߋ߲߬߸ ߖߌ ߓߘߴߊ߬ߟߎ߬ ߜߍ߲߫ ߊ߬ߟߎ߫ ߛߌ߰ ߘߌ߲ߞߌߙߊ ߟߎ߬ ߘߐ߫߸ ߓߏ߲߫ ߞߣߐߟߊ ߟߎ߬ ߓߊ߬ ߕߓߌߟߌ߫ ߦߙߐ ߟߎ߬ ߓߊ߬ ߢߍ߲߮ ߠߎ߬ ߓߍ߯ ߟߊߛߐ߬ߘߐ߲߬ߠߌ߲ ߜߍ߬ߟߍ߲߬ߡߊ߲߫ ߠߋ߬ ߊ߬ߟߎ߬ ߓߟߏ߫ ߕߋ߲߬.
ߥߊ߫ ߦߙߐ߫ ߕߴߊ߬ߟߎ߬ ߟߊ߫߸ ߖߍ߬ߣߍ ߞߐ߲ߘߍ߫ ߛߋ߫ ߘߊ߫ ߘߏ߫ ߝߐ߫ ߟߊ߫ ߖߌߓߐ ߣߌ߲߬ ߞߊ߲߬<<ߖߌ ߓߘߊ߫ ߞߍ߫ ߛߊߓߎ߫ ߘߌ߫ ߞߵߊ߲ ߠߊ߫ ߛߌߟߊ ߟߎ߬ ߕߍ߰߸ ߤߊߟߌ߬ ߊ߲ ߕߍ߫ ߛߋ߫ ߊ߲ ߛߌ߬ߓߏ߲ ߠߊߛߐ߬ߘߐ߲߬ ߠߊ߫ ߤߙߍ ߓߟߏߡߊ߬߸ ߕߟߋ߬ߡߊ ߓߊ߯ ߛߋ߫.
ߊ߲ ߘߌ߫ ߖߌ ߛߊ߯ ߘߊ߫߸ ߣߌ߫ ߛߊ߬ߡߊ ߘߏ߲߬ ߘߊ߫ ߖߌ ߘߌߣߊ߬ ߞߵߊ߲ ߜߍ߲߫ ߊ߲ ߛߌ߰ ߦߙߐ ߟߎ߬ ߓߍ߯ ߘߐ߫߸ ߛߍ߱ ߡߍ߲ ߦߴߊ߲ ߞߊ߲߬ ߦߊ߲߬ ߕߋ߲߬ ߏ߬ ߟߋ߬ ߦߋ߫ ߖߌߓߐ ߣߌ߲߬ ߘߌ߫߸ ߊ߲ ߦߴߊ߬ ߢߌߣߌ߲߫ ߠߊ߫ ߞߎ߲߬ߠߊ߬ߛߌ߮ ߟߎ߫ ߝߍ߬߸ ߊ߬ߟߎ߬ ߦߴߊ߲ ߘߍ߬ߡߍ߲߬ ߖߌߓߐ ߣߌ߲߬ ߠߊ߫ ߞߊ߬ ߝߙߍ߬ߞߍ߫ ߞߵߊ߲ ߠߊ߫ ߝߏߟߏ߲ ߠߎ߬ ߘߐߓߐ߫߸ ߖߐ߲߰ߛߊ߫ ߊ߲ ߠߊ߫ ߖߌ߫ ߥߦߏ߫ ߛߌߟߊ ߟߎ߬ ߘߌ߫ ߟߊߞߊ߬>>.
ߡߌߛߌ߬ߙߊ߲߬ ߝߊ߬ߙߊ ߞߣߐ߫߸ ߖߌߓߐ߫ ߣߌ߲߬ ߓߘߊ߫ ߡߊ߲߬ߕߙߐ߬ ߛߌߦߊߡߊ߲߫ ߠߋ߬ ߟߊߛߋ߫ ߊ߬ߟߎ߫ ߡߊ߬߸ ߊ߬ߟߎ߬ ߟߊ߫ ߛߌ߬ߛߍ߬ ߕߍ߫ ߕߏ߫ ߖߌ ߓߟߏ߫߸ ߛߊ߰ ߕߍ߫ ߕߏ߫߸ ߘߐ߬ߞߎ߬ ߕߍ߫ ߕߏ߫߸ ߖߌ ߓߘߊ߫ ߘߏ߲߬ ߡߊ߬ߟߏ߫ ߛߣߍ߬ߣߍ߲ ߠߎ߬ ߝߣߊ߫ ߞߘߐ߫߸ ߊߡߌߣߊߕߊ߬ ߕߙߊߥߟߋ߫ ߝߣߊ߫ ߞߊ߬ ߘߏ߫ ߝߐ߫ ߖߌߓߐ߫ ߣߌ߲߬ ߞߊ߲߬.
<<ߣߴߊ߲ ߞߵߊ߬ ߝߐ߫ ߞߏ߫ ߊ߲ ߕߙߐߣߍ߲߫ ߕߍ߫ ߕߋ߲߬߸ ߊ߲ ߓߘߊ߫ ߥߎߦߊ ߝߐ߫߸ ߣߌ߫ ߕߙߐ ߕߍ߫ ߝߌ߬ߟߊ߬ ߘߌ߫ ߘߏ߫ ߓߘߊ߫ ߞߍ߫߸ ߓߌ߬ ߖߌߓߐ ߣߌ߲߬ ߓߘߊ߫ ߞߍ߫ ߛߊߓߎ߫ ߘߌ߫ ߞߵߊ߲ ߠߊ߫ ߓߌ߬ߟߊ߬ߝߋ߲ ߡߎ߰ߡߍ ߟߎ߬ ߕߊ߬ ߞߊ߬ ߥߴߊ߬ߟߎ߬ ߘߌ߫߸ ߛߌ߬ߛߍ ߓߊ߬߸ ߓߊ߭ ߓߊ߬߸ ߘߐ߬ߞߎ ߓߊ߬߸ ߣߌ߲߬ ߛߌ߫ ߟߋ߬ ߡߊ߫ ߕߏ߫ ߦߋ߲߬ ߓߌ߬ ߖߌߓߐ߫ ߣߌ߲߬ ߛߊߓߎ߫ ߟߊ߫.
ߊ߲ ߠߊ߫ ߓߊߟߏ߫ ߘߊߥߎ߲ߕߊߣߍ߲߫ ߡߍ߲ ߠߎ߬ ߝߣߊ߫ ߦߋ߫ ߓߏ߲ ߞߣߐ߫߸ ߖߌ ߓߘߊ߫ ߥߊ߫ ߛߌ߰ ߏ߬ ߟߎ߫ ߝߣߊ߫ ߞߘߐ߫߸ ߝߊ߲߬ߕߊ߲߫ ߛߊ߲ߖߌ ߘߌ߫ ߣߊ߬߸ ߊ߲ ߧߋ߫ ߖߌ߫ ߛߏߙߌ ߟߋ߬ ߟߊ߫ ߞߵߊ߬ ߟߊߓߐ߫ ߓߏ߲ ߠߎ߬ ߞߣߐ߫߸ ߏ߬ ߓߟߏߡߊ߬߸ ߊ߲ ߧߋ߫ ߡߍ߲ ߢߌߣߌ߲߫ ߠߊ߫ ߞߎ߲߬ߠߊ߬ߛߌ߮ ߟߎ߫ ߝߍ߬.
ߊ߬ߟߎ߬ ߦߴߊ߬ߟߎ߫ ߢߊߟߐ߬ ߊ߲ ߘߐ߫߸ ߞߊ߬ ߘߍ߬ߡߍ߲߬ߞߍ߫ ߊ߲ ߞߊ߲߬߸ ߞߵߊ߲ ߠߊ߫ ߝߏߟߏ߲ ߠߎ߬ ߘߐߓߐ߫߸ ߣߴߏ߬ ߕߍ߫ ߊ߲ ߓߘߊ߫ ߛߍ߱߸ ߣߌ߫ ߕߟߋ߬ߡߊ ߓߐ߫ ߘߊ߫߸ ߊ߲ߠߎ߬ ߟߋ߬ ߦߋ߫ ߖߌ߫ ߞߏ߫ ߛߐ߲߬ߖߊ ߘߐ߫߸ ߓߊ߬ߙߌ߫߸ ߣߌ߫ ߛߊ߬ߡߊ ߘߏ߲߬ ߘߊ߫߸ ߊ߲ߠߎ߬ ߦߋ߫ ߛߍ߰ ߟߊ߫ ߖߌ ߓߟߏ߫، ߏ߬ ߘߐ߫߸ ߞߊ߬ ߘߍ߬ߡߍ߲߬ߞߍ߫ ߊ߲ ߞߊ߲߬߸ ߞߵߊ߲ ߠߊ߫ ߖߌ߫ ߞߏߖߊ ߘߊ߲ߘߊ߫߸ ߊ߬ ߣߌ߫ ߞߵߊ߲ ߠߊ߫ ߖߌߓߐ߫ ߣߌ߲߬ ߝߣߊ߫ ߓߊߛߌ߫>>.
