ߝߊ߬ߙߊ߲߬ߛߌ߬ ߞߊ߲ߕߌ߯ ߞߘߐ ߣߌߞߏߟߊ ߛߊߙߑߞߏߖ߭ߌ߫ ߓߘߊ߫ ߖߊ߲߬ߞߌ߫ ߓߌ߬ ߓߌߟߏ߲ ߣߌ߲߬ ߡߊ߬ ߂߀߂߅ ߕߎߟߊߝߌ߲ ߕߋ߬ߟߋ߫ ߂߅߸ ߞߊ߬ ߛߊ߲߬ ߟߏ߯ߟߎ߫ ߥߛߎ ߟߴߊ߬ ߞߎ߲߬߸ ߡߍ߲ ߘߏ߫ ߟߎ߫ ߞߍߕߐ߫ ߥߛߎߖߌ߲߫ ߘߊߕߎ߲߯ߣߍ߲ ߞߣߐ߫ ߞߊ߬ߣߌ߲߬߸ ߞߵߏ߬ ߞߎ߲߭ ߞߍ߫ ߣߊ߲߬ߝߟߏ߬ ߞߏ ߘߏ߫ ߟߎ߫ ߘߌ߫ ߊ߬ ߟߊ߫ ߂߀߀߇ ߞߊ߲ߕߌ߯ߦߊ߫ ߢߌߣߌ߲ ߓߙߊߡߊߖߊ߲ߓߊ߲ ߣߊ߲߬ߝߟߏ߬ߦߊ߬ߟߌ ߘߐ߫.
ߣߌߞߏߟߊ߫ ߛߊߙߑߞߏߖ߭ߌ߫ ߛߊ߲߬ ߇߀ ߟߋ߬ ߕߋ߲߬߸ ߏ߬ ߟߋ ߣߐ߬ ߊ߬ ߖߘߍ߬ ߦߋ߫ ߔߊ߬ߙߌ߬ ߖߏ߯ߘߏ߲ ߞߕߌߘߊ ߟߊ߫ ߓߌ߬: ߊ߬ ߓߘߊ߫ ߦߋ߫ ߞߏ߫ ߊ߬ ߛߐ߲߭ ߦߋ߫ ߡߐ߰ߖߎ߰ ߘߍ ߘߏ߫ ߘߐ߫߸ ߊ߬ߟߎ߫ ߞߊ߬ ߛߊ߲߬ ߟߏ߯ߟߎ߫ ߥߛߎ ߟߴߊ߬ ߞߎ߲߬ ߏ߬ ߡߍ߲ ߞߏߛߐ߲߬߸ ߊ߬ ߕߍ߫ ߟߊߕߊ߯ ߟߊ߫ ߥߛߎ ߟߊ߫ ߌߞߘߐߞߘߐߣߌ߲߬ ߘߋ߬߸ ߞߊߙߏ߫ ߞߋߟߋ߲߫ ߠߋ߬ ߘߌߣߴߊ߬ ߡߊ߬ ߡߎߣߎ߲߬߸ ߞߕߌߓߋߟߋ߲ ߘߴߊ߬ ߞߊ߲ߠߊߓߐ߫ ߊ߬ ߡߊ߬ ߏ߬ ߞߐ ߘߐ߫ ߞߵߊ߬ ߟߊ߫ ߥߛߎ߫ ߟߊߘߏ߲ ߕߎ߬ߡߊ߬ߘߊ ߝߐ߫ ߊ߬ ߦߋ߫، ߤߊߟߌ߬ ߣߴߊ߬ ߞߊ߬ ߞߕߌ ߡߊߛߊ߬ߦߌ߲߬ ߞߏ ߟߊߢߌߣߌ߲߫ ߠߋ߬ ߣߌ߲߬ ߞߏ ߘߐ߫߸ ߏ߬ ߕߍߣߊ߬ ߡߙߌߦߊ߫ ߝߟߐ ߣߌ߲߬ ߠߊߕߊ߯ߡߊ߫ ߞߏ ߓߐ߫ ߟߴߊ߬ ߡߊ߬.
ߊ߬ ߞߏ߬ߣߌ߲߸ ߘߏ߬ߣߌ߲ ߘߏ߫ ߟߎ߫ ߓߘߊ߫ ߓߐ߫ ߞߊ߲ߕߌ߯ ߞߘߐ ߞߎ߲߬ ߕߋ߲߬߸ ߦߙߎ߬ߞߎ߬ߦߙߎ߬ߞߎ߬ ߞߏ ߡߍ߲ ߕߎ߲߬ ߦߴߊ߬ ߞߎ߲߬ ߝߘߏ߬ߓߊ߬ ߣߊ߲ߝߟߏ ߞߎ߲߬ߡߙߎ߬ ߞߏ ߘߐ߫߸ ߊ߬ ߣߌ߫ ߢߣߊߕߊߟߌ ߓߙߊߡߊߖߊ߲ߓߊ߲ ߣߊ߲߬ߝߟߏ߬ߦߊ ߛߊ߬ߙߌ߬ߦߊ߬ ߛߐߛߐ ߞߊ߲߬߸ ߏ߬ ߟߎ߬ ߘߏ߬ߣߌ߲ ߓߘߊ߫ ߓߐ߫ ߊ߬ ߞߎ߲߬، ߞߕߌߘߊ ߞߊ߲ߕߌ߯ ߡߛߏ ߞߵߊ߬ ߦߌ߬ߘߊ߫ ߟߋ߬ ߞߏ߫ ߣߌߞߏߟߊ ߛߊߙߑߞߏߖ߭ߌ߫ ߞߊ߬ <<ߊ߬ ߡߊ߬ߡߐ߮ ߟߎ߫ ߟߋ߬ ߕߏ߫ ߊ߬ߟߎ߫ ߛߊ߬ߥߏ߬ ߘߐ߫߸ ߏ߬ ߟߎ߬ ߦߋ߫ ߥߊ߫ ߥߊߘߌ ߡߌ߬ߣߊ߬ ߟߓߌ߫ ߞߎ߲߬ߠߊ߬ߛߌ߮ ߟߊ߫߸ ߛߴߊ߬ߟߎ߬ ߘߌ߫ ߓߙߊߡߊߖߊ߲ߓߊ߲ ߞߍ߫ ߊ߬ߟߎ߬ ߘߌߦߊ߫ ߘߐ߫.>> ߓߊ߬ߙߌ߬ ߞߏ߫ ߛߊߙߑߞߏߖ߭ߌ߫ ߡߊ߫ ߛߐ߬ߘߐ߲߬ ߊ߬ ߞߏ ߘߐ߫ ߝߊ߲ߞߊߢߊ߲߫ ߘߋ߬.
ߊ߬ ߟߊ߫ ߞߏߕߌ߯ ߞߘߐ ߏ߬ ߟߎ߬ ߝߣߊ߫ ߖߊ߲߬ߞߌ߬ߣߍ߲߫ ߠߋ߬ ߝߋߝߋ߫
ߞߑߟߏߘ ߜ߭ߎߦߊ߫ ߡߍ߲ ߕߘߍ߬ ߛߊߙߑߞߏߖ߭ߌ߫ ߟߊ߫ ߞߣߐߟߊ ߞߏߕߌ߮ ߘߌ߫߸ ߏ߬ ߓߍߣߊ߬ ߛߊ߲߬ ߥߐ߯ߙߐ߫ ߘߝߊߣߍ߲ ߠߋ߬ ߞߍ߫ ߥߛߎ ߟߊ߫ ߦߙߎ߬ߞߎ߬ߦߙߎߞߎ߫ ߘߊ߲߬ߠߊߕߊ߬ߡߌ߲߬ߣߍ߲ ߣߌ߫ ߥߎߦߊ ߞߏߛߐ߲߬، ߓߙߌߛ ߤߐߙߑߕߋߝߋ߳߸ ߏ߬ ߝߣߊ߫ ߦߋ߫ ߞߏߕߌ߯ ߞߘߐ ߘߏ߫ ߟߋ߬ ߘߌ߫߸ ߊ߬ ߣߌ߫ ߛߊߙߑߞߏߖ߭ߌ߫ ߡߊߛߎ߬ߘߎ߲߬ߧߊ߬ ߡߐ߮ ߘߏ߫߸ ߏ߬ ߝߣߊ߫ ߓߌ߬ߟߊ߬ߣߍ߲߫ ߛߊ߲߭ ߝߌ߬ߟߊ߬ ߥߛߎ ߟߋ߬ ߟߊ߫߸ ߡߐ߰ ߞߏ߬ߙߏ߲߬ ߘߍ ߞߏߛߐ߲߬ ߊ߬ ߓߟߏ߫، ߏ߬ ߟߊ߫ ߥߛߎ ߘߊߡߌ߬ߣߊ߬ߣߍ߲߫ ߓߐߒߣߘߐߓߊߟߌߦߊ ߣߌ߫ ߜߊߙߊ߲ߜߊߙߊ߲߫ ߢߎߡߍߙߋ߲ߡߊ ߟߋ߬ ߡߊ߬ ߌߞߘߐ߫، ߞߕߌߘߊ ߞߏ߬ߣߌ߲ ߡߊ߫ ߝߋ߲߫ ߝߐ߫ ߞߵߊ߬ ߓߍ߲߬ ߞߑߟߏߘ ߜ߭ߎߦߊ߲߫ ߓߌ߬ߟߊ߬ ߞߏ ߡߊ߬ ߥߛߎ ߟߊ߫ ߡߎߣߎ߲߬߸ ߏ߬ ߡߍ߲ ߛߊ߲߬ ߈߀ ߦߋ߫ ߕߋ߲߬ ߞߊߊ߬ߣߌ߲߬߸ ߞߵߏ߬ ߞߎ߲߭ ߞߍ߫ ߊ߬ ߟߊ߫ ߞߍ߲ߘߍߦߊ ߝߛߏߝߛߊ ߘߌ߫.
ߋ߬ߙߌߞ ߥߏߥߍߙߕ ߡߍ߲ ߕߘߍ߬ ߛߊߙߑߞߏߖ߭ߌ߫ ߟߊ߫ ߓߙߊߡߊߖߊ߲ߓߊ߲ ߞߏ߲߬ߘߏ߬ߕߌ߮ ߘߌ߫߸ ߞߕߌߘߊ ߞߵߊ߬ ߦߋ߫ ߞߏ߫ ߊ߬ߟߋ ߛߐ߲߬ ߕߍ߫ ߣߌ߲߬ ߞߏ ߘߐ߫߸ ߘߊ߬ߟߎ߬ ߖߐ߲ߖߐ߲߫ ߝߏߦߌ߬ ߕߴߊ߬ ߟߊ߫߸ ߓߟߏߓߐ߫ ߘߴߊ߬ ߘߐ߫.
ߖ߭ߌ߬ߦߊߘ ߕߊߞߋߘߌߣ ߡߍ߲ ߦߋ߫ ߣߌ߲߬ ߞߏ ߓߍ߯ ߞߊ߬ߟߊߡߊ߬߸ ߏ߬ ߟߋ ߞߵߊ߬ ߝߐ߫ ߞߏ߫ ߊ߬ߟߋ ߟߋ߬ ߞߊ߬ ߥߊߘߌ ߞߊ߲߬ߞߌߙߊ ߕߊ߬ ߟߓߌ߫ ߂߀߀߇ ߟߊ߫ ߞߊ߬ ߥߴߊ߬ ߘߌ߫ ߝߊ߬ߙߊ߲߬ߛߌ߬߸ ߞߕߌ߫ ߕߴߏ߬ ߞߐ߫ ߏ߬ ߞߐ߫، ߓߊߏ߬߸ ߊ߬ߟߋ ߛߊ߬ ߛߊ߲ ߠߋ߬ ߟߌߓߊ߲߫ ߞߐ ߢߌ߲߬ ߠߊ߫ ߕߋ߲߬߸ ߏ߬ ߟߋ ߣߐ߬ ߞߕߌ߫ ߞߏ ߓߐ߫ ߟߴߊ߬ߟߋ ߞߐ߫.
ߣߌ߲߬ ߦߋ߫ ߞߕߌ߫ ߘߝߐ߬ߡߊ߬ߓߊ߫ ߟߋ߬ ߘߌ߫߸ ߓߊ߬ߙߵߊ߬ ߢߊ߱ ߞߊ߫ ߛߌߦߊ߫
ߞߕߌ ߡߍ߲ ߕߍ߰ߣߍ߲߫ ߣߌ߲߬߸ ߊ߬ ߞߏ ߓߌ߬ߟߊ ߛߋ߲߬ߠߊ߫߸ ߊ߬ ߘߌ߫ ߛߊ߲߬ ߕߊ߲߫ ߣߌ߫ ߞߐ߫ ߓߐ߫، ߣߊ߲߬ߝߟߏ߬ ߞߏ ߞߕߌߓߋߟߋ߲߫ ߝߊ߬ߛߏ߬ߟߊ߬ߞߊ ߕߎ߲߬ ߞߊ߬ ߛߊ߲߬ ߥߐߙߐ߲ߝߌ߬ߟߊ߫ ߟߋ߬ ߛߓߍ߫ ߣߌߞߏߟߊ߫ ߛߊߙߑߞߏߖ߭ߌ߫ ߞߎ߲߬߸ ߊ߬ ߣߌ߫ ߋߙߏ ߃߀߀ ߀߀߀ ߛߊ߬ߙߊ ߢߊ߬ߦߌ߲߬ߘߐ߬ߓߍ߲ ߘߌ߫߸ ߞߊ߬ ߓߊ߲߫ ߝߣߊ߫߸ ߞߏ߫ ߊ߬ ߘߌ߫ ߛߎߥߊ߲ߘߌߓߊߟߌ ߘߌ߫ ߛߊ߲߬ ߟߏ߯ߟߎ߫ ߞߘߐ߫، ߓߊߏ߬߸ ߏ߬ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߣߌߞߏߟߊ ߛߊߙߑߞߏߖ߭ߌ߫ ߞߊ߬ <<ߦߙߎ߬ߞߎ߬ߦߙߎߞߎ ߘߍ߱ ߟߋ߬ ߡߌ߲߬>> ߊ߬ ߣߌ߫ ߞߘߊߝߌ߫ ߟߊ߫ ߡߙߊ߬ߞߊ߲ ߕߍ߫.
ߡߊ߬ߝߌ߲߬ߞߊ߲߬ߠߊ ߟߎ߬ ߘߐ߫߸ ߛߊߙߑߞߏߖ߭ߌ߫ ߟߋ߬ ߞߊ߬ ߟߓߌ߫ ߟߊߘߏ߲߬ ߘߎߢߊ߫ ߕߍߓߊ߯ߦߊ߫ ߞߏ ߟߎ߬ ߘߐ߫߸ ߣߴߏ߬ ߕߍ߫ ߓߍ߯ ߓߊ߲߬ߣߍ߲߫ ߠߋ߬ ߕߘߍ߬ ߟߓߌ߫ ߘߐ߫ ߥߊ߯ߕߌ ߏ߬ ߟߊ߫߸ ߞߵߊ߬ ߖߊ߲߬ߞߌ߬، ߛߊߙߑߞߏߖ߭ߌ߫ ߓߊ߲߫ ߘߊ߫ ߝߣߊ߫ ߞߊ߬ ߞߘߊߝߌ߫ ߣߌ߬ߡߐ߰ߞߍ߫ ߊߓߑߘߟߊ߬ ߛߋߣߎߛߌ߫ ߓߌ߬ߟߊ߬ ߞߏ ߢߊߢߌߣߌ߲߫߸ ߏ߬ ߡߍ߲ ߛߋ߲߬ ߕߎ߲߬ ߦߋ߫ ߝߊ߬ߙߊ߲߬ߛߌ߫ ߛߊ߲ߡߊ߫ ߡߊߘߏߣߌ߲ߣߌ߲ ߘߍ߭ ߟߊ߫ ߛߊ߲ߡߊߞߎߟߎ߲߫ ߘߋߑߛߋ. ߁߀ ߡߙߊ߬ߒ߬ߡߊ߬ߟߌ ߘߐ߫ ߁߉߈߉ ߟߊ߫߸ ߣߌ߫ ߡߐ߰ ߁߇߀ ߓߣߐ߬ ߘߴߊ߬ ߣߌ ߘߐ߫ ߦߋ߲߬، ߞߘߊߝߌ߫ ߣߌ߬ߡߐ߰ߞߍ߫ ߛߋ߲߬ ߕߍ߬ߘߍ߫ ߏ߬ ߟߋ ߘߐ߫߸ ߝߏ߫ ߊ߬ߟߎ߫ ߞߵߊ߬ ߓߌ߬ߟߊ߬ ߥߛߎ߫ ߘߎߡߊߣߍ߲ ߠߊ߫ ߝߊ߬ߙߊ߲߬ߛߌ߬ ߞߣߐ߫، ߒ߬ߓߊ߬߸ ߛߊߙߑߞߏߖ߭ߌ߫ ߣߌ ߟߊ߫ ߞߏߖߎ߮ ߡߊ߬ ߟߓߌ߫ ߥߊߘߌ߫ ߞߏ ߣߌ߲߬ ߞߊ߲߬߸ ߊ߬ ߞߵߏ߬ ߓߌ߬ߟߊ߬ ߞߏ ߢߊߢߌߣߌ߲߫، ߛߋߣߎߛߌ߫ ߏ߬ ߟߋ ߕߘߍ߬ ߟߓߌ߫ ߟߊ߬ߛߏ߬ߓߌ߬ߟߌ ߞߎ߲߬ߕߌ߮ ߘߌ߫ ߞߘߊߝߌ߫ ߕߋ߬ߟߋ ߘߐ߫.
ߓߊ߬ߙߌ߬ ߤߊߟߌ߬ ߛߌߣߌ߲߫߸ ߝߊ߬ߙߊ߲߬ߛߌ߬ ߞߊ߲ߕߌ߯ ߞߘߐ ߞߊ߲߫ ߠߋ߬ ߞߏ߫ ߊ߬ߟߋ ߦߋ߫ ߛߐ߲߬ߒ߬ߕߊ߲ ߠߋ߬ ߘߌ߫߸ ߞߏ߫ <<ߓߍ߲߬ߓߍ߲߬ߓߍ߲>> ߠߋ߬ ߕߐ߲߬ߕߍ߬ߣߴߊ߬ ߞߊ߲ߡߊ߬ ߘߐߙߐ߲߫߸ ߡߐ߰ ߛߌ߫ ߘߏ߲߬ ߡߴߏ߬ ߞߍ߫ ߞߏ߫ ߝߏ߫ ߞߘߊߝߌ߫ ߟߊ߫ ߡߐ߱ ߟߎ߬߸ ߛߴߊ߬ߟߎ߬ ߘߴߊ߬ߟߎ߬ ߕߊߛߊ߬ߙߴߊ߬ ߟߊ߫، ߞߏ߫ ߕߊߛߙߊߟߌ ߏ߬ ߞߎ߲߭ ߠߋ߬߸ ߞߏ߫ ߊ߬ߟߎ߬ ߞߊ߲߫ ߠߋ߬ ߞߏ߫ ߊ߬ߟߋ ߟߋ߬ ߞߊ߬ ߖߊߟߌߞߦߊ ߏ߬ ߟߊߥߟߏ߫ ߟߓߌ߫ ߞߎ߲߬ߠߊ߫ ߂߀߁߁ ߠߊ߫، ߊ߬ ߞߵߊ߬ ߝߐ߫ ߏ߬ ߟߋ ߘߐ߫ ߞߏ߫: <<ߘߊ߬ߟߎ߬ ߛߌ߫ ߕߴߦߋ߲߬߸ ߟߓߌߞߊ ߟߎ߬ ߟߊ߫ ߞߐ߬ߓߙߐ ߕߍ߫ ߒߠߋ ߓߟߏ߫.>> ߛߊߙߑߞߏߖ߭ߌ߫ ߟߋ߬ ߞߊ߲߫ ߕߋ߲߬.
<<ߣߌ߲߬ ߞߏ߫ ߛߎ߮ ߘߏ߲߬ ߕߍ߫ ߡߊ߲߬ߞߕߎ߬ ߢߌߡߊ߫ ߘߌ߫ ߛߊ߬ߙߌ߬ߦߊ߬ ߖߡߊߣߊ ߡߊ߬>>
ߣߌߞߏߟߊ߫ ߛߊߙߑߞߏߖ߭ߌ߫ ߓߕߐߟߊ ߞߕߌߘߊ ߟߊ߫߸ ߊ߬ ߞߎߡߊ߫ ߘߊ߫ ߥߢߊߞߌߦߊ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߖߊ߲߬ߞߌ ߕߍ߫ <<ߡߊ߲߬ߞߕߎ߬ ߢߌߡߊ߫ ߘߊ߫ ߛߊ߬ߙߌ߬ߦߊ߬ ߖߡߊߣߊ ߡߊ߬ ߡߎ߰ߡߍ߫.>> ߞߊ߲ߕߌ߯ ߞߘߐ ߡߍ߲ ߦߋ߫ ߕߋ߲߬߸ ߊ߬ ߖߊ߲߬ߞߌ߬ ߘߊ߫ ߟߋ߬ ߂߀߂߁ ߠߊ߫߸ <<ߟߊ߬ߡߍ߲߬ߠߌ߲߬ ߞߏ>> ߘߏ߫ ߟߎ߫ ߞߏߛߐ߲߬، ߂߀߂߃ ߟߊ߫ ߝߣߊ߫߸ ߓߌ߬ߟߊ߬ ߞߍ߫ ߘߴߊ߬ ߞߐ߫ <<ߓߌߜ߭ߑߡߊߟߌߦߐ߲߫>> ߞߏ ߘߐ߫، ߓߊߏ߬߸ ߝߊ߬ߙߊ߲߬ߛߌ߫ ߖߡߊ߬ߣߊ ߞߊ߲߬߸ ߓߙߊߡߊߖߊ߲ߓߊ߲߫ ߥߊߘߌ ߕߎ߲߬ ߕߍ߫ ߕߊ߬ߡߌ߲߬ ߠߊ߫ ߋߙߏ ߞߋ߲߬ߥߟߎ߫ ߂߂،߅ ߟߊ߫߸ ߛߊߙߑߞߏߖ߭ߌ߫ ߕߊ߬ߡߌ߲߬ ߘߴߏ߬ ߟߊ߫ ߟߋ߬ ߂߀߁߂ ߓߙߊߡߊߖߊ߲ߓߊ߲ ߝߍ߬߸ ߊ߬ ߞߊ߬ ߓߌ߬ߟߊ߬ߢߐ߲߰ߡߊ ߞߏߟߊߘߍ߫ ߜߘߍ߫ ߛߌ߰ ߛߋ߲߬ߠߊ߫ ߏ߬ ߟߋ ߞߏ ߢߡߊߘߏ߲߰ ߞߊ߲ߡߊ߬߸ ߞߍ߫ ߦߴߊ߬ ߞߐ߫ ߏ߬ ߞߏ ߝߣߊ߫ ߘߐ߫، ߏ߬ ߘߐ߫߸ ߡߐ߰ ߘߴߊ߬ ߝߐ߫ ߞߏ߫ ߊ߬ ߟߊ߫ ߢߍߥߟߊ ߖߛߐߣߍ߲߫ ߞߕߌ߫ ߞߏ߫ ߛߌߦߊߡߊ߲߫ ߠߋ߬ ߟߊ߫، ߊ߬߬ ߟߊ߫ ߞߕߌ ߦߋ߫ ߛߋ߲߬ߠߊ߫ ߋߙߐߔߎ߬ ߡߐ߰ߦߊ ߤߊߞߍ߫ ߞߏ ߟߎ߬ ߞߕߌߘߊ ߟߊ߫߸ ߊ߬ ߣߌ߫ ߞߕߌ߫ ߥߦߊߘߊ ߝߣߊ߫ ߞߊ߫ ߞߊ߲߫ ߞߊ߬ ߘߏ߫ ߝߐ߫ ߊ߬ ߟߊ߫ ߞߏ ߞߊ߲߬ ߞߏ߲ߓߌߕߌ߯ ߣߊ߬ߕߐ ߣߌ߲߬ ߡߊ߬ ߓߌߜ߭ߑߡߊߟߌߦߐ߲߫ ߞߏ ߘߐ߫.
ߊ߬ߟߋ ߕߊ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߝߊ߬ߙߊ߲߬ߛߌ߫ ߓߘߍ߬ߓߘߍ߬ߟߌ ߣߌ߫ ߞߕߌߘߊ ߟߋ߬ ߝߣߊ߫ ߦߋ߫ ߢߐ߲߯ ߠߊ߫ ߣߌ߲߬ ߝߊߦߌߘߊ߫߸ ߓߊߏ߬ ߞߊ߲ߕߌ߯ ߞߘߐ ߡߊ߫ ߓߌ߬ߟߊ߬ ߥߛߎߖߌ߲߫ ߓߊߟߊ߲ߣߍ߲ ߠߊ߫ ߦߋ߲߬ ߡߎߣߎ߲߬ ߘߐ߬ߝߐ ߟߊ߫ ߝߐߟߌ߫ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
